... خبرتى ...

المقابلة في مكان المرة االسابقة ان شاء الله؟؟؟

اقتباس:

---

المشاركة الأصلية كتبت بواسطة EGYPTIAN PROF

تمام يا دكتور طب لية حضرتك اخترت الكيبل هل راحة نفسية ولا اسباب فنية

---

اولا فنية
ثانيا كنت فى شركة اسبريد على الكيبل 1.3 :)
ثالثا باذن الله هايكون فيه لقاء مع كل الناس هنا فى المنتدى فى موضوع للأخت سالى
اسال فيه براحتك هههههه
الناس هاتعصرنى هناك :)

اقتباس:

---

المشاركة الأصلية كتبت بواسطة خالد امين

والله اسال الله لك كل الفضل يا غالي

على فكرة الباري وقف عندي وعمل نو كونكشن !!

---

وانا كمان
شكلهم ضربولنا البرنامج عشان مانعرفش نحلل ههههه

اقتباس:

---

المشاركة الأصلية كتبت بواسطة sawyhamdy

اللهم لك الحمد حققت 540 نقطة وجزى الله الدكتور جمال عنا خيرا

---

الف الف مبروك يا حبى
على فكرة عبد الرحمن اتصل بيا امبارح :)

اقتباس:

---

المشاركة الأصلية كتبت بواسطة sawyhamdy

اللهم لك الحمد حققت 540 نقطة وجزى الله الدكتور جمال عنا خيرا

---

و الله يا شيخ أنا شكلى حبطل فوركس و أديلك رأس مالى تتاجر فيه
بأمزح طبعا :0016:

اقتباس:

---

المشاركة الأصلية كتبت بواسطة EGYPTIAN PROF

طب فين وازاى

انا اول واحد ان شاء الله

---

انا اللى دايما باكون اول واحد ههههه

اقتباس:

---

المشاركة الأصلية كتبت بواسطة خالد امين

المقابلة في مكان المرة االسابقة ان شاء الله؟؟؟

---

باذن الله يا حبى
واللى ما يعرفش
المكان ماكدونالدز (ربنا ياخدهم ما بيدونيش اى نسبة) اللى فى شارع الاهرام قدام سينما نورماندى والحرية مول
عشان اللى فى وسط البلد هايكون جنب المشاكل واحنا عدد فممكن نتاخد اعتقال الفوركسيين

يا دكتور.... مش الاستراتيجيه بتقول ندخل مع الكسر !!
الشمعه اليموزين كسرت حد القناتان لفوق ... يبقا يكمل طلوع يا دكتور ... لو سمحت جاوب ... ليه التوقع بالهبوط بعد شمعه الليموزين ؟؟

الباري ضربت لبعض الوقت وعادت للوضع الطبيعي الان
غياب الاخت انصاف ... لعل المانع خير
ونكتفي اليوم بربح 180 نقطه بالتمام والكمال بارك الله بالدكتور ابو ياسر وبالاخت انصاف
ونلقاكم فيما بعد اذا كتب لنا عمرا
وتحياتي للجميع

السلام عليكم ورحمةالله وبركاته
تحية طيبة للجميع
اولا اهنيئ نفسي ولاخوتي رجوع ابوياسر من جديد ، ابو ياسر انت بتعرف كم بحبك وبحترمك ولي عندك حق عرب طيب انا اخر من يعلم انك رجعت لولا الاخ معطي بارك الله خبر الجميع كان ما عرفنا إلا بوقت متأخر ، على العموم بارك الله بك واهلك ومالك
ولاتنسانا.
همسة : اتصلت بيك من اسبوعين بس رد علي الرد الالي وتركت رسالة

اقتباس:

---

المشاركة الأصلية كتبت بواسطة Abu Yaser

السلام عليكم ورحمة الله وبركاته
عدنا للكتابة تانى :)
انا حبيت بس اوضح بعض النقاط عشان لقيت فيه اختلاف النهاردة

فيه حاجة اسمها كراود سايكولوجى
دى عبارة عن ايه؟؟
بيسموها اسم بالعربى مابيعجبنيش "نفسية القطيع" ده على اساس اننا بهايم؟؟ ههههه
دى عبارة عن تأثير الجماعة على الفرد
أكيد مش قصدهم الجماعة اللى فى البيت (مع ان بيكون ليها تأثير على الفرد أكبر) انما ده بيكون مثلا لما حصل عندنا فى مصر الثورة فى يناير
الناس جالها هلع وتروح تشترى باكو سكر حتى مافيش كله اشترى بالشوال
ومافيش حتى رغيف عيش الناس بتشترى وهى مش عارفة ليه، بس عشان كله بيشترى يبقى اكيد فيه مصيبة ويلا نلحق نفسنا
وحتى لو عملت حاجة مش مقتنع بيها هايكون ردك (ما الناس كلها بتعمل كده) وكإن عشان الناس بتعمل كده يبقى عادى انك تعمله
المهم
ده هايفيدنا فى ايه فى الفوركس
نفس القصة
لما ادخل المنتدى والاقى الناس كلها بتقول بيع بيع بيع واليورو الى كذا وانهيار الكيبل و و و
ما طبعا ده هايأثر فى نفسيتى ورؤيتى للشارت (ده لو هابص له اصلا بعد الكلام ده)
وتلاقى واحد منزل شارت (اسبوعى) وراسم ترند هابط وبيقول انه فى اسفل سافلين
وممكن يكون كلامه صح
بس امتى؟؟؟ ده شارت اسبوعى وعليك خير، يديلك طول العمر
ممكن يطلع قبل ما ينزل لهدفه ييجى الف نقطة وهايروح مسيره للهدف بس بعد ما نمرجن
ولما الناس كلها تكون بتقول بيع او شرا تفتكر انت هاتدخل عكس الاتجاه؟؟ وحتى لو انت رهيب ودخلت عكسه هاتدخل بعقد قليل اوى وترجع تقول ياريت

كل اللى فات ده ليه؟؟
عشان انا شايف انه ابتدى يتنقل عندنا هنا فى الموضوع
بمعنى ان الكل بيقول بيع بيع بيع والاتجاه نزوووووول واى صعود هو للبيع و و
مع انك لما تبص بنظرة عقلانية وبدون التأثير الخارجى و(بنظام استراتيجياتنا) اللى من اهم صفاته انه بيخليك تتاجر بما ترى وبدون تدخل النفسية اساسا
هاتلاقى ان زى معظم الاخوان ما قالوا (بس المهم فى التنفيذ)
ان على فريم اليومى عمل تارجته
فريم 4 ساعات عمل تارجته وكسر من فوق
والاهم اللى بنشتغل عليه فريم الساعة كسر فوق
يعنى بيبوس ايدك تشترى
ولكن
الكل خايف
ليه؟؟
عشان البيع بيع بيع
والزن على الودان أمرّ من السحر

انا امبارح (وعشان كده مش باحب اقول صفقات كتير) قلت انه كسر الترند الهابط
وده تارجته 60 تارجت اول و 100 تارجت اخير
ارتد 20 او 30 عن مكان الدخول اللى قلت عليه (ده بعد ما جاب التارجت الفورى اللى برضة قلت عليه 30 فى شمعتها)
النهاردة كمان كسر لفوق (يعنى تاكيد صفقة امبارح) واللى لسه ماجابتش تارجتها اللى قلناه
ومع ذلك فوووووووجئت (وبعد ما قلت النهاردة طارد ارباحك) ان الناس قفلت الشرا بدرى جددددددا
لا وكمان باعت (انا مش عارف على اى اساس؟؟؟) وبقت بتطارد خسارتها بالتعزيز

اللى خلانى اكتب النهاردة
ان انا قلت سابقا ان السوق لو انت (داخل صح) بيديلك فرصة للخروج على الصفر او على ربح قليل
انما لو انت داخل غلط هايفرمك (وكل ده عندكم فى المشاركات القديمة)
النهاردة الناس داخلة بيع على اى اساس؟؟؟ تقدر تقولى كده؟
ده كاسر كل القنوات لفوق، وكاسر ترند ما جابش تارجته و و و وكل اللى قلناه فوق ده
هل ممكن تقولى داخل بيع ليه؟؟؟ بس يكون من خلال شروط استراتيجياتنا، ممكن تكون اشارات بيع باستراتيجية تانية، انا باتكلم عننا هنا نبيع ليه؟؟
وكمان الناس بتعزز، يعنى بتضيف للغلط غلط تانى اكبر شوية
ايوة ممكن الناس تكسب (زى النهاردة كده) احمد ربنا عشان ده مش مقياس، لو سافر السعر هاتتظبط :)
بنقول الالتزام مهم، بس هل فيه تطبيق للكلام ده؟

رؤيتى للنهاردة هى كالتالى
شرا (سواء من امبارح لما قلنا او من كسر النهاردة لما قلنا برضة) والحفاظ على الشرا وملاحقة الارباح
تاخد كلللللل الموجة الصاعدة شرا (مش بيع من اولها)
ولما يخلص تارجت الشرا الاخير (اللى هو 100 زى ماقلنا ووصل له) كان ساعتها عند الرينج وكمان عمل سلوك سعرى (شمعتين فولنج) تقوم تاخده بيع بيع بيع اللى كان نفسك فيه
بس من فوق، ومن مكان البيع
ولو الناس شايفة ان لما السعر بيرتد عليها بتكسب اكتر من التعزيز، يا سيدى ابقى ادخل من فوووووق من الاول بكل عقود التعزيز وكانك بايع من تحت وعززت، بس ساعتها مش هايكون السعر ارتد عليك وخسران ونفسك بس يرجع لنقطة دخولك الاولى، وتبقى انت اللى تحت رحمة السوق

ده كان رأيى فى النهاردة، ومعلش انى باقوله بصراحة، بس عشان لقيت الموضوع كده هايفلت
اولا بنشتغل بحاجات برة الاستراتيجية (حتى ولو كانت بتكسب فى الاخر) وبنقول اننا ملتزمين وانا شايف ان الموضوع احساس مش اكتر، مش تاجر ما ترى، لان لو ما ترى مش هانبيع من الحتت دى خالص
ثانيا بنشجع بعض (كراود سايكولوجى) بيع بيع بيع او اشترى، مانت ليك دماغ وعينين، والكسر واضح مش محتاج حد يقولك اعمل كذا والا يبقى ماستفدناش حاجة من الموضوع ده وممكن تدخل توصيات تكسبك اكتر بكتير
ثالثا بنعزز الدخول الغلط عشان مش شايفينه غلط
رابعا الناس اللى جاية اليومين دول (واقصد بيها اللى دخل الفوركس من بعد منتصف 2009) ماشافش الوش الوحش للفوركس
يعنى يوم ما السوق يمشى النهاردة الرينج كله 150 نقطة وبكرة يكمل بدون تصحيح كمان رينج 150 نقطة ممكن يدخل فول مارجن عشان لااااااازم يصحح (ده مشى 300 نقطة بحالهم)
عاوز اقوله ان ال 300 نقطة دول كان بيمشيهم فى ربع ساعة
وممكن يمشى 550 نقطة فى يوم رينجه 300 (يعنى ضعف الرينج فى يوم) وتانى يوم مباشرة يمشى كمان 550 غيرهم بدون تصحيح يعنى 1100 نقطة ده غير انه بيكمل تالت يوم شوية كمان ههههه
الالتزااااااااااااام وبس

فكان من هنا لازم وقفة عشان نرجع نلتزم تانى

كل الموضوع انى عاوز قبل ما ننتقل (باذن الله) للمرحلة القادمة تكون المرحلة دى بتعملها زى اسمك كده بدون تفكير وسهلة ومش محتاج لرأى حد
بس كده

بالنسبة لبرنامج التحليل اللى هانمشى عليه
انا شخصيا باعمل ايه؟؟ عشان نبقى كلنا نفس الشارت
باحلل على برنامج البارى وبادخل على شركتى ايا كانت
طيب البارى بيفرق ساعة، وده بيفرق فى شكل ال 4 ساعات، ومش عارف بيعمل ايه كمان
هو ده اللى انا شخصيا باعمله
ومافيش شركة كاملة
ما سوليوشن بتفتح الساعة 17 ومختلفة فى التوقيت
وبتعمل جابات مش موجودة او مابتعملش جابات موجودة
وشركة كذا حلوة بس عيوبها كذا
فى الآخر كله معيوب هههههه
فنثبت على واحدة عشان لما نقول كسر يبقى كسر عند الكل (ده مجرد رأيى الخاص وكل واحد يشتغل على الشركة اللى تريحه)
عشان فيه فكرة نعمل رحلة للمليون (بس مليون بجد مش اى هجص) بس محتاجة شوية دراسة، فلازم نوحد البرنامج عندنا كلنا

معلش على الاطالة بس والله من باب النصيحة مش اكتر
ويارب دايما ارباح

اشوفكم على خير

د/ جمال ممدوح

ملحوظة
باذن الله نتقابل فى المعرض بتاع ترند
وكمان بعد المعرض ممكن نعمل مقابلة خاصة زى زمان عشان كذا واحد طلب منى ده على الخاص والموبايل

---

وعليكم السلام ورحمة الله وبركاته

اهلا بعودتك دكتور


وفعلا مثل ماذكرت الناس بتتأثر نفسيا بنائا على إختلاف الأهداف الزمني


كلام رائع بارك الله فيك وجعله في مواااااااااازين حسنااااااااااااااااااتك


نورت يادكتور

اقتباس:

---

المشاركة الأصلية كتبت بواسطة ForexTrader1

أنا أول واحد سأحضر إن شاء الله
حتى يتسنى لى الفرصه أن أقابل شخصيه عظيمه و نادره فى زماننا هذا

---

تنور يا حبى
فى انتظارك

اقتباس:

---

المشاركة الأصلية كتبت بواسطة ForexTrader1

و الله يا شيخ أنا شكلى حبطل فوركس و أديلك رأس مالى تتاجر فيه
بأمزح طبعا :0016:

---

وانا موافق
بامزح برضة ههههههه

السلام عليكم ورحمة الله وبركاته


كيف الحال يادكتور منور المنتدى اليوم


انصاف اليوم مختفية عسى المناع خير احد يطمنا عليها

ياجماااااااااااااااااااااااااااااااااااااااااااااا اااعه
طيب احنا الي بغير دول نعمل ايه عايزين نشوفك احنا كمان
والكلام الي حاينحكا كيف نقدر نعرفه والدروس والعبر
لالالالالا انا زعلت ..على سيرة الزعل...هههههههههههههههه
ربنا يهنيكم بس بجد كيف ممكن نعرف الكلام الي حايصير

لكن يادكتور الي من برع مصر يعني يعمل ايه انا مش من مصر اعمل ايها
:0010::0010::0010:

اقتباس:

---

المشاركة الأصلية كتبت بواسطة Abu Yaser

انا اللى دايما باكون اول واحد ههههه



باذن الله يا حبى
واللى ما يعرفش
المكان ماكدونالدز (ربنا ياخدهم ما بيدونيش اى نسبة) اللى فى شارع الاهرام قدام سينما نورماندى والحرية مول
عشان اللى فى وسط البلد هايكون جنب المشاكل واحنا عدد فممكن نتاخد اعتقال الفوركسيين

---

اقتباس:

---

المشاركة الأصلية كتبت بواسطة melbhrawe

يا دكتور.... مش الاستراتيجيه بتقول ندخل مع الكسر !!
الشمعه اليموزين كسرت حد القناتان لفوق ... يبقا يكمل طلوع يا دكتور ... لو سمحت جاوب ... ليه التوقع بالهبوط بعد شمعه الليموزين ؟؟

---

شرحنا ده سابقا
اولا كسر القناة بعد ما مشى 170 نقطة من اصل رينج 143
ثانيا شمعة الكسر كانت هى هى تحقيق شروط استراتيجية الرينج
فيبقى الدخول بيع من الهاى بتاعها
موضوع الكسر ده لما يكون لسة مامشيش كتير عشان يقدر السعر يكمل
ثالثا مشى من ال 170 حوالى 140 بدون اى ارتداد يعنى طالع صارووووخ يبقى لازم يصحح حتى لو عاوز يكمل لفوق عشان ياخد نفسه
رابعا واصل للرينج وزياااادة الساعة 1 الظهر وكل ما نوصل للرينج بدرى يكون اقوى
يارب تكون وصلت الفكرة

اقتباس:

---

المشاركة الأصلية كتبت بواسطة tulkaremillar

الباري ضربت لبعض الوقت وعادت للوضع الطبيعي الان
غياب الاخت انصاف ... لعل المانع خير
ونكتفي اليوم بربح 180 نقطه بالتمام والكمال بارك الله بالدكتور ابو ياسر وبالاخت انصاف
ونلقاكم فيما بعد اذا كتب لنا عمرا
وتحياتي للجميع

---

لسه البارى متوقفة
بعد كده الواحد مش هايقول شغال على ايه هههههههه

اقتباس:

---

المشاركة الأصلية كتبت بواسطة احمد الخالد

السلام عليكم ورحمةالله وبركاته
تحية طيبة للجميع
اولا اهنيئ نفسي ولاخوتي رجوع ابوياسر من جديد ، ابو ياسر انت بتعرف كم بحبك وبحترمك ولي عندك حق عرب طيب انا اخر من يعلم انك رجعت لولا الاخ معطي بارك الله خبر الجميع كان ما عرفنا إلا بوقت متأخر ، على العموم بارك الله بك واهلك ومالك
ولاتنسانا.
همسة : اتصلت بيك من اسبوعين بس رد علي الرد الالي وتركت رسالة

---

اهلا بيك يا حبى
انت اكيد بتتصل بحد تانى عشان انا ماعنديش رد آلى
الا لو انت بتقصد ب(رد آلى) اللى هم اخواتى وقرايبى بيردوا عليك هههههههه هم برضة مش بيمسكوا موبايلى
راجع النمرة تانى ومصر كلها اتغيرت نمرها خلى بالك
وماينفعش احط النمرة الجديدة هنا ممكن على الخاص
اشوفك على خير

اقتباس:

---

المشاركة الأصلية كتبت بواسطة حكيم طارق

ياجماااااااااااااااااااااااااااااااااااااااااااااا اااعه
طيب احنا الي بغير دول نعمل ايه عايزين نشوفك احنا كمان
والكلام الي حاينحكا كيف نقدر نعرفه والدروس والعبر
لالالالالا انا زعلت ..على سيرة الزعل...هههههههههههههههه
ربنا يهنيكم بس بجد كيف ممكن نعرف الكلام الي حايصير

---

اقتباس:

---

المشاركة الأصلية كتبت بواسطة قائد كتيبة

لكن يادكتور الي ممن برع مصر يعني يعمل ايه انا مش من مصر اعمل ايها
:0010::0010::0010:

---

عشان تعرفوا قيمة التواجد فى مصر هههههههههه
طبعا يا حبى اللى مش من مصر اكيد مش هانساهم
هاتكون فيه مقابلة بعدها على النت للجميع
وممكن تكون من خلال الويبينار بتاع المتداول هنا اذا سمحولنا
او من خلال اى برنامج شات زى الماسنجر او سكايب او غيره
سيتم التنسيق فى حينه
ماتقلقش :)

سلام عليكم ورحمة الله وبركاته
مساكم الله بالخير