للمبتدئين : قراءة فى فلسفة الإسكالبينج

[عبد الله عمر]

مسااء الجماال على اجدع رجاله ازيك يا استاذ mr.fx طولت علينا الغيبه انا بس كان ليا راي حبيت ان حضرتك تعرفو دلوقتي حضرتك قولت انك بتدرس مجموعه من نظم الاسكالبينج وهتقارن بينهم في الاخر انا حابب اقولك ان يد الله مع الجماعه يعني لو حضرتك حددت كذا نظام نقدر نقسم نفسنا مجموعات وكل مجموعه تتابع نظام واحد ونرفع النتائج ونتناقش في كل النظم وبيتهيقلي بالطريقه دي هنقدر نوصل اسرع واحسن لافض نظام نقدر نعتمد عليه والف شكر ليك على كل حاال

[Abo_Yousre]

متابعين معاك يا ريس
وتسجيل حضور بس متأخر شوية
أسلوبك راقي ومتميز
ربنا يبارك فيك

[New Student]

موضوع جميل وعرض شيق ومنتظرين الدرس القادم
بالتوفيق للجميع

[Mr.Fx]

Matadorii

انا أسف اخى الحبيب على التأخر فى الرد بس انت عارف المشكلة فى ايه ؟ مش فى اننا نقسم نفسنا مجموعات - ده اذا لقيت متطوعين أساسا فى حاجة فيها تعلم (مش ربح هههه) - المشكلة ان أغلب الفريمات والافكار المقترحة والنظريات وو.. الخ كل ده محتاج فعلا حوالى 8 أسابيع فوركسية (40 يوم تقريبا) لاختبار جودة كل عينة ومقارنتها واستنتاج الافضل يعنى إتقسمت على واحد او عشرة هى هى مش هيقلل ده الوقت لانك لازم تتأكد منها كويس جدا قبل متعرضها على الناس وانا كان ممكن أدى بعض الاسس والقواعد من الحلقة الاخيرة بس مش هاينفع دلوقت فعلا لاننا لازم نختبرها أطول فترة ممكنة ونشوف انسب وسايل الدخول وخلافه .. انتم دلوقت معاكم الاطار العام للإسكالبينج ممكن تجربوا الاستراتيجيات المنتشرة على الانترنت وتحاولوا تتدربوا خلالها على نفسية متاجر الاسكالبينج .. لحين وضع الاسس المخبرية لاستراتيجية القشاش ان شاء الله . تقبل ودى واحترامى

Abo_Yousre
شكرا اخى العزيز بارك الله فيك تابع معنا باقى الحلقات لتنعم بالمزيد من الارباح والنتائج باذن الله .

New Student

شكرا جزاك الله خيرا وانا أيضا فى أنتظار الدروس القادمة !

[remio]

مع أني لم أعد أتابع المسلسلات التلفزيونية مند زمن إلا أني سأتابع حتماُ ذلك الذي قد تؤلفه أخي Mr.Fx عن مستر إكس وأخته بالرضاعة ومغامرات آل بيته في بحور الفوركس.

رأيتك تؤكد في أكثر من مرة على الضغط النفسي الشديد في ممارسة السكالبينج بسبب الحجم الكبير للعقود.
هناك حل بسيط وقديم لهذا الضغط الكبير وهو تصغير حجم العقود بما يتناسب مع رأس المال وهكذا سيصبح هذا الضغط النفسي مساوياً لأي عملية سوينج أو مضاربة عادية مع الاحتفاظ بميزة السكالبينج في إمكانية الدخول والخروج السريعين.
وبذلك تكون المخاطرة ب5% من رأس المال في عملية سكالبينج واحدة مساوية مثلاً لمخاطرة الدخول في عملية يومية ب5% من رأس المال ونظراً لإمكانية الدخول عدة مرات في اليوم الواحد فيمكننا التعويض والربح في حالة الخسارة بعيداً عن الضغوطات المصيرية الناجمة عن الدخول بعقود كبيرة في كل صفقة.

أهم ما في الموضوع هو التمرس على استراتيجية مناسبة وإجادتها مع إدارة لائقة للمال حتى يبقى محتفطاً برأسه.

[amiro]

تسجيل حضور ومتابعه ان شاء الله
وبالتوفيق للجميع ان شاء الله

[Mr.Fx]

remio

ومع أنى لا أرى فى تخفيض حجم العقود مع تخفيض البيب لكل صفقة اى علاقة بالاسكالبنج لانك بالتالى أصبحت أقل حتى من المتاجرة العادية فى قيمة ما ستحصده من أرباح على مدار اليوم .. الا أنى سعيد بعودتك لمتابعة " مسلسلاتى التلفزيونية " ويبدو انها راقت لك اخى العزيز حتى انك قررت أخيرا تشريف الموضوع بتعليقك الكريم . وهذا الحل القدييم مثلى لايجهله الا انك هنا تحرم الاسكالبنج من أهم مزاياه وهى الربح الكبير بمخاطرة أعلى من الطريق الذى تود سلكه .. وهى 5 % ده اسمه أسكالبنج برده ؟ وبكام نقطة ؟ 3 - 5 - 7 - عشرة ؟ وكام عملية فى اليوم ؟ هتلاقى نفسك بتكسب أقل من اللى بيتاجر مع الاخبار وبجهد أكبر كمان . متجيش منك أنت دى يبدو انك متمرس وبقالك كتير فى السوق ولو مش عايز حرقة الاعصاب اللى أكدت انا عليها - ودى حقيقة لا ينكرها كل من عمل أسكالبينج لفترات طويلة - فلا داعى اطلاقا للعمل بهذا النظام وعندك البدائل متاحة : مؤشرات ولوهات وهايات ، أخبار ، هيدجات ، اوامر معلقة الخ .. وانا قلت قبل كده مرارا وتكرارا نفسية متاجر الفوركس تختلف عن نفسية اى تاجر أخر وان كانت تقترب من نفسية تاجر المخدروات فى كمية الاكشن اللى فيها هههه .. ونفسية الاسكالبر تختلف عن نفسية اى تاجر فوركس أخر من نفس المجال اهو لان دول النخبة .. صفوة الصفوة .. بيست اوف ذى بيست . وصحيح ماقلته أخى ان أدارة راس المال هى أهم جزء فى الفوركس ككل وهى مفتاح صيانة الحساب من الخسائر ولكن كيف تتخيل ادارة راس مال اسكالبر يعمل على توقيتات مختلفة ؟ بالتاكيد لها اختلافها وهذا ما سوف نناقشه فى الحلقات القادمة . وشاكر لك فى النهاية مرورك وتعليقك واتمنى ان تستمتع بباقى الحلقات الاخيرة من مسلسل عائلة أكس وال بيته . تقبل تحياتى

[remio]

أخي Mr.Fx

لم يكن قصدي أبداً استفزازياُ واعذرني إن أعطى لك هذا الانطباع فأنا فعلاً معجب بطريقة وأسلوب شرحك لما تطرح في هذا الموضوع.

أتفق معك أن السكالبنج من أهم مزاياه الربح الكبير ولكننا لسنا بحاجة لمخاطرة أعلى بكثير لتحقيق هذا الربح الكبير.
فحين يدخل المضارب اليومي ب3 % أو 5% من رأس المال مرة واحدة في اليوم ويا أما تصيب يا أما تخيب، نحن نستطيع الدخول أكثر من 10 مرات وكل مرة ب5% أو حتى أقل.
مثلاً الدخول 10 مرات وكل مرة ب5% يعني الدخول ب50% من رأس المال يومياً ولكن المخاطرة موزعة بحيث لا يصاب المضارب بجلطة قلبية في كل صفقة يضرب الوقف فيها.

إمكانية الدخول المتكررة هذه في السكالبنج ضمن استراتيجية مناسبة هي التي تجلب الربح الكبير على المدى القصير والطويل وذلك بدون خوف أو نرفزة أو ضغوطات دموية أوغيرها من العوامل النفسية التي تؤثر بشكل سلبي وحاسم على حصيلة هذا النوع من التجارة وعلى صحة ونفسية ممارسها.


ولك مودتي وأطيب تحياتي

[نورالكون]

رائع جدا جدا جدا بارك الله فيك انا عن نفسي جدا استفدت منك
دمت بود

[Mr.Fx]

remio

المعذرة أخى العزيز ان كان الرد قد شابه القليل من العصبية فانا اسف حقا ولكن كما تعلم دى اخلاق متاجرى الاسكالبينج فاعذرنا على العصبية اللى بتسببهالنا المتاجرة . بالنسبة للاسكالب فى ناس بتخش بخمسين وستين فى المية واكتر كمان ويقسمها على ازواج متعددة وبكده يكسر حدة المخاطرة بتنويعها واللى هو قانون :
لا تضع البيض كله فى سلة واحدة اللى بيترجم فى البورصة بتنويع المخاطر وسلة الاسهم فى المحفظة الخ وده كلام هابقى اشرحه بردك لادارة مخاطر الاسكالب بس المشكلة فى الاسكالب انه هو المخاطر بعينها واللى عايز يشتغل أسكالبينج لازم يسأل نفسه الاول السؤال الخطير ده :
هل أنا مضارب أم مستثمر ؟ طبعا فى فرق كبير بين الاتنين ، او ممكن تسأل نفسك هل انا جاى عشان اعمل دخل أضافى سواء ثابت او غير ثابت مع دخلى من العمل الذى اعلمه فى الواقع ؟ وده سهل ومش محتاج مخاطرة الاسكالب ولا ينصح لمثل هؤلاء الافراد بالتعامل مع هذه الطريقة بل هناك طرق أخرى تعطى دخول ثابتة - قليلة صحيح - لكنها ثابتة من الفوركس ، ام انك أتيت للفوركس لتحقيق ثروات طائلة وترغب فى أكل الكافيار وينزل أسمك فى فوربس بغض النظر عن امكانية أشهار أفلاسك اكتر من مرة بغية الوصول لهذا الهدف بالاسكالبينج ؟! انت من يحدد هدفه فى الفوركس
وفى مقولة حلوة قوى بتقول : بيع العالى واشترى الرخيص وامشى مع الترند .. تكسب طالع نازل وبالعرض !
والصحة والتفرغ هم أخطر ما يعيب الاسكالبينج بالفعل لذا انا نبهت اكتر من مرة على فكرة خطورتة عشان ابعد اصحاب القلوب الخفيفة . وفى النهاية تقبل تحياتى وخد الوردة دى منى

[Mr.Fx]

نور الكون

شكرا اختى العزيزة وان شاء الله تكونى عن جد وجدتى فى اللى قلته شئ يفيد ولو بقدر ضئيل حتى يحميك من الخسارة انتى وكل من تابعونا طوال الطريق . شكرا لكل اللى علقوا اخجلتونى والله ياجماعة وان شاء ربنا نكمل باقى الحلقات حين تمامها باذن الله تعالى

[houda]

مشكور اخوى و جزاك الله خي

[Abo_Yousre]

هل توقف الموضوع ام ماذا Mr.Fx

[Mr.Fx]

مكملين ان شاء الله بعد مراجعة واختبار الاساسات والاستراتيجيات الجديدة .. بس واحدة واحدة على الناس وكله هيجى فى وقته باذن الله .. انت عارف ضغوط الحياة والسوق ومراجعة الاستراتيجيات كل ده بياخد منى وقت بس ان شاء الله فى اقرب وقت ممكن وانا موجود فى المنتدى فى كل موضوع أهو

[Mr.Fx]

بالمناسبة في غيلان ووحوش اسكالبينج لم يدخلوا يدلوا بدلوهم هنا حتى الان .. كنت أنتظر تفاعل وتعاون وتبادل اراء ومعلومات .. لا ان يتخفى 4000 قارئ للموضوع فى انتظار ما سأقوله جاهزا مشفيا وخالى من العضم ! يعنى اللى مارس الاسكالب يحكى عن تجاربه ويعرف الناس باخطاره ومزاياه الرهييييييبة .. يقولهم ان الاسكالب هو فى منزلة بين المنزلتين : التجارة المباحة والقمار المحرم .. Everything Or Nothing هذا هو عنوان الاسكالبينج .. الاسكالب هو المضاربة فى أشد درجاتها جنونا وتعمل أيه عزيزى القارئ لو قلتلك ان بعض متاجرى الاسكالب يدخل صفقة ب 85 % من راسماله ؟! على 3 نقط بس ؟!!! ولو مجابهمش هيلزق فى الحيط زى عمنا أكس هيلزق فى الحيط لامحالة يعنى .. فى الصفقات العادية ممكن تضرب أستوب مرة واتنين وتلاتة لكنك مهما كان مستوى محدودية ذكاءك لن تظل خاسرا للأبد ودى يعوض ده واهو الحساب بيمشى .. لكن مع الاسكالب فى المثال السابق ممكن تخسر 15 % من حسابك فى ربع ساعة .. وممكن تكسب 120 % من راسمالك فى 12 ساعة او تخسر 72 % منهم فى نفس الوقت . ايه رأيكم بقى نكمل ؟