للمبتدئين : قراءة فى فلسفة الإسكالبينج

[nnn500]

بسم الله ماشاء الله عليك أنت اكيد م اللي بيلعبو في WWF‏ بتاع الفوركس ‏اللي Mr.‎ FX‏ ‏بيقول عليهم.. أنا عندي سؤال ليك بعد اذنك هي ايه عيوب الماكد وعاوز تشتغل من غير مؤشرات ليه مدام هو شغال معاك كويس؟ نرجو ان حضرتك تفيدنا بخبرتك برضو يا باشا..
تحياتي

الحمد لله جدا علي النتائج للماكد ولكن عيوب المؤشرات انها تابعه للسعر فعندما تعطي الإشاره تكون قد فوتت الكثير من النقاط لذلك أبحث عن غيرها ولكن الحمد لله قوي علي كده
وانا مش بلعب في wwf أنا بلعب في fxxxxx
دي صوره لنتائج الماكد اليوم وأمس وانت جيت علي غفله سهل جدا تجيب منه 10-15-25 نقطه

[عبد الله عمر]

الحمد لله جدا علي النتائج للماكد ولكن عيوب المؤشرات انها تابعه للسعر فعندما تعطي الإشاره تكون قد فوتت الكثير من النقاط لذلك أبحث عن غيرها ولكن الحمد لله قوي علي كده
وانا مش بلعب في wwf أنا بلعب في fxxxxx
دي صوره لنتائج الماكد اليوم وأمس وانت جيت علي غفله سهل جدا تجيب منه 10-15-25 نقطه

صباحك اخضر انشاء الله ياباشا انا ليا طلب عند حضرتك يا ريت لو حضرتك تقولنا ازاي بتعتمد على الماكد يعني ايه هي الطريقع بالظبط لان الماكد بيستخدم في طرق كتير اوي ولك جزيل الشكر

[nnn500]

صباحك اخضر انشاء الله ياباشا انا ليا طلب عند حضرتك يا ريت لو حضرتك تقولنا ازاي بتعتمد على الماكد يعني ايه هي الطريقع بالظبط لان الماكد بيستخدم في طرق كتير اوي ولك جزيل الشكر

شوف الماكد له خط تذبذب للسعر وهو الصفر
إما فوق الصفر أو تحت الصفر
لو فوق الصفر يبقي نستعد للشراء وتبدأ إشارات الشراء بإختراق الهيستو جرام لخط الماكد
يبقي نشتري من أي هبوط ةالعكس تماما في البيع الشارت به إشارات الشراء واعكسها في البيع

[Mr.Fx]

nnn500
هناك طرق عديدة للإسكالبينج :
1 - الاعتماد الكلى على أحد المؤشرات الفنية القوية او مجموعة من المؤشرات معا للتأكيد ولكن يعيبها كما أشرت أشارات الدخول المتأخرة وبالتالى تضييع عليك نقاط كثيرة والنقطة فى الاسكالبينج بالذات تساوى حسابا باكملة وقد تساوى نقطة إسكالبينج شوف نقطة واحدة تخسرها مرتب موظف حكومى عندنا فى مصر يكفيه هو واسرتة شهر
2 - خطف النقاط بأوامر معلقة من أسفل لفوق ومن فوق لاسفل وده ملوش علاقة بالمؤشرات كل ما هنالك انه بيعطى للمنصة أوردر بالسعر اللى يظن انه مناسب ويحقق من عنده العائد كأن يقول : أيتها المنصة إذا هبط السعر للمنطقة الفلانية - بعد 3 نقط من أفتتاح الساعة مثلا - إشترى بتارجت 10 وبالعكس اذا ارتفع بيع ونفذى أمر وقف الخسارة على بعد كذا نقطة - بتحددها انت حسب اللى انت شايفه من السوق - بس عيبها انه يشوبها بعض العشوائية وكأنك بترمى شبكة فى المية وياصابت ياخابت .. لو السعر خد المنحنى اللى انت عايزة هايروح ويجيب التارجت بتاعك بس ياترى كام مرة فى اليوم ؟!

3 - هناك بعض الاساليب المبتكرة والبدع التى تظهر وانا فى طور تجريب حفنة منهم ولكن قد يستغرق هذا مابين 20 - 60 يوم بسبب الضغط الواقع عليا وعشان كده قلت اللى مجرب طريقة يحطها ونناقشها بالمعايير العلمية محدش اهتم .. على كل اللى عنده طريقة هاقوله يعرف جدواها ازاى :
1 - متوسط النقاط التى تحققها منها كم ؟
2 - عدد الصفقات التى تنجح والتى تفشل كام وبالتالى احسب نسبتهم لتحدد مدى نجاح دخولك على الاتجاه السليم ومدى نجاح قوة التارجت فى حماية حسالبك ؟
3 - الطريقة التى تتبعها للدخول هل هى أمنه تماما وما هى ؟
4 - كم حققت اضافة للرصيد الاساسى فى حسابك ؟
5 - هل عملت عليها عدد ساعات وأشهر كافية ام انك تزعم نجاحها وانت عملت عليها بضعة أيام فقط صادفت النجاح فيها ؟ المهم النجاح فيها تحت أى ظرف من ظروف السوق
6 - هل ترهقك الطريقة التى تتبعها جسمانيا وعصبيا ؟ ان كان كذلك فلا جدوى منها !!
بالطبع الكلام ليس موجها لك اخى الكريم بطريقة مباشرة وانما دى المعايير لاى حد شغال اسكالبينح او فاكر نفسه شغال اسكالبنج وبالتالى يقدر يراجع نفسه .. وتقبل تحياتى

[Mr.Fx]

subzero

لا انا مش متعصب ولا حاجة ولانا اساسا محتاج شئ لنفسى اللهم الا ثواب نشر العلم .. ده كل ما فى الامر واحتاج الرد على سؤالك انه يكون حلقة منفصلة لانه سؤال مهم وكنت هاعمل عنه حلقة لانى متوقع - زى مامهنتنا دى علمتنا التوقع - متوقع كل اللى بيدور فى أذهانكم عن اللى انكتب .. وبالتالى كان لازم اوضح نقطة اللونج تيرم دى بشكل أعمق وان شاء رب السما وطابت الرياح هاوضح كل النقط المبهمة واحدة واحدة على حسب الوقت والاخبار الجديدة اللى بتطلع من نتائج المعمل !

وانا الحمد لله مش محتاج من المنتدى كله اى شئ .. انا بس اللى غايظنى وفاقع مرارتى الغرب وحرية نشر وتداول المعلومات اللى عندهم ومش عندنا . طب هنتقدم ازاى وكل واحد عايشلى فى دور راهب المعرفة ؟ حبيت أقوم بدورى وانشر اللى أعرفه فى هذا المجال وكل المجالات الاخرى اللى ليا صلة او باع فيها لكن للأسف ..
للأمة رب يحميها وما أنا الا رسول .. أفيقوا يرحمكم الله قبل أن تطلب الاذن من جهات أجنبية للدخول على النت !

[نواف العدواني]

السلام عليكم و رحمه الله وبركاته
في البدايه اشكر الاخ Mr.Fx
على الموضوع الرائع

انا فكرت في طريقه
و هي فتح صفقه بيع لنقل على المجنون مثلا و فتح صفقه اخى عاكسه لها
طبعا مبدئيا ماراح نستفيد حاجه ابدا

لان الخساره = المكسب تقريبا
انا راح احاول اجد طرق اكثر للأستفاده منها

طبعا طرحت الطريقه لعل احدا لديه خبره في هذه الطريقه

[subzero]

الحمد لله جدا علي النتائج للماكد ولكن عيوب المؤشرات انها تابعه للسعر فعندما تعطي الإشاره تكون قد فوتت الكثير من النقاط لذلك أبحث عن غيرها ولكن الحمد لله قوي علي كده
وانا مش بلعب في wwf أنا بلعب في fxxxxx
دي صوره لنتائج الماكد اليوم وأمس وانت جيت علي غفله سهل جدا تجيب منه 10-15-25 نقطه

تمام فعلا عيوب المؤشرات انها بتفوت عليك كتير لكن ماشاء الله هو فعلا كده حلو اوي و الحمد لله ربنا يوفقك وبالتوفيق دائما..
تحياتي

[subzero]

subzero

لا انا مش متعصب ولا حاجة ولانا اساسا محتاج شئ لنفسى اللهم الا ثواب نشر العلم .. ده كل ما فى الامر واحتاج الرد على سؤالك انه يكون حلقة منفصلة لانه سؤال مهم وكنت هاعمل عنه حلقة لانى متوقع - زى مامهنتنا دى علمتنا التوقع - متوقع كل اللى بيدور فى أذهانكم عن اللى انكتب .. وبالتالى كان لازم اوضح نقطة اللونج تيرم دى بشكل أعمق وان شاء رب السما وطابت الرياح هاوضح كل النقط المبهمة واحدة واحدة على حسب الوقت والاخبار الجديدة اللى بتطلع من نتائج المعمل !

وانا الحمد لله مش محتاج من المنتدى كله اى شئ .. انا بس اللى غايظنى وفاقع مرارتى الغرب وحرية نشر وتداول المعلومات اللى عندهم ومش عندنا . طب هنتقدم ازاى وكل واحد عايشلى فى دور راهب المعرفة ؟ حبيت أقوم بدورى وانشر اللى أعرفه فى هذا المجال وكل المجالات الاخرى اللى ليا صلة او باع فيها لكن للأسف ..
للأمة رب يحميها وما أنا الا رسول .. أفيقوا يرحمكم الله قبل أن تطلب الاذن من جهات أجنبية للدخول على النت !

اه والله معاك حق بس تقول لمييييييين بقى وكل واحد فعلا يتحمل مسئولية عمله بقى قدام ربنا.. رلنا يوفقنا جميعا لما فيه الخير وفي انتظار كل جديد منك ياغالي..
تحياتي

[Mr.Fx]

نواف العدواني

شكرا اخى العزيز جزاك الله خيرا . بالنسبة لفكرتك فهى مايسمى فى الفوركس بالهيدج وليست اسكالب لان الاسكالب لازم يكون اتجاه واحد ياشورت يالونج .. ياتارجت يا أستوب يا الزمن .. وممكن تتابع موضوع انا عملته عن الهيدج فى المنتدى هنا اسمه الهيدج للمبتدئين ابحث بالاسم عنه هتلاقى فيه الشرح الشامل للفكرة اللى انت طرحتها وازاى تتعامل مع الاسلوب ده فى التجارة بشكل مختصر ومبسط . تقبل تحياتى

[Mr.Fx]

تشكر يا صب زيرو باشا على متابعتك المستمرة للموضوع ولحماستك معى وتشجيعك الدؤوب وان شاء الله الموضوع لم ينتهى بعد بل لازال هناك أهم جزء واخطره فى الموضوع ككل .. وبدل ماتزرعها لونج تتطلع شورت لازم تدخل على أساس ودراسة .. لى عودة قريبة بعد شهر او اثنين او ربما ثلاثة باهم واخطر حلقة وتتمة اجزاء الاسكالبينج فى سلسلة من سلاسل كشف اسرار الفوركس وحلقة : The Secret Revealed
فابقوا معنا دائما تخضر منصاتكم

[forex_pro1]

متابعه معك يااخى
ماشاء الله موضوع مميز وبستفيد منك
ربنا يوفقك
لكن لدي سؤال التعزيز هو سكالبنج قصير ؟ اما ماذا ؟
وايه علاقته بالسكالبنج
ومتابع ان شاء الله معك وواصل

[subzero]

تشكر يا صب زيرو باشا على متابعتك المستمرة للموضوع ولحماستك معى وتشجيعك الدؤوب وان شاء الله الموضوع لم ينتهى بعد بل لازال هناك أهم جزء واخطره فى الموضوع ككل .. وبدل ماتزرعها لونج تتطلع شورت لازم تدخل على أساس ودراسة .. لى عودة قريبة بعد شهر او اثنين او ربما ثلاثة باهم واخطر حلقة وتتمة اجزاء الاسكالبينج فى سلسلة من سلاسل كشف اسرار الفوركس وحلقة : The Secret Revealed
فابقوا معنا دائما تخضر منصاتكم

يا باشا انت اللي مليون شكرا على مجهودك معانا بس ايه ده يعني مفيش حلقات تانية لحد حلقة كشف السر اللي كمان كام شهر دي؟ ولا في حلقات قبلها ولا ايه؟

[Mr.Fx]

Forex_Pro1

التعزيز هو مبدأ يستعمل فى الهيدج وليس الاسكالب ، لان الاسكالب لا ينفع ان تعزز فيه يا اما تارجت يا اما أستوب يا اما الوقت بينهم يحسم فى بعض الحالات .. التعزيز يأتى عندما تفتح هيدج وياتى خبر على الدولار سلبى مثلا فيضعف الدولار وتكون انت اساسا شارى وبايع الكيبل مثلا وكانت صفقة الشرا فيهم مسلبة وصفقة البيع موجبة طبعا بعد بيانات الدولار الوضع هيتقلب الباوند هيعلى والدولار هينخفض فبتقفل الشورت وتسيب اللونج تخفف من خسايرها وتفتح صفقة تعزيز مع الخبر بنفس قيمة العقد لتعظيم الربح يبقى عندك واحدة كانت ربحانة وقفلتها قبل ما تتحول لخسارة من الخبر وواحدة خسرانة سيبتها تخفف من خسايرها مع الخبر والتالتة التعزيز للتعظيم وقد يكون التعزيز للتبريد فى حال لو اضطررت ان تغلق الصفقة الخاسرة كان ياتى الخبر على الدولار فى المثال السابق ايجابى وبالتالى تستمر صفقة البيع فى تحقيق الربح فتتركها وتغلق صفقة الشرا على خسارتها حتى لاتتفاقم وتعزز للتبريد او تعويض الخسارة الواقعة .. اتمنى تكون وصلتك الفكرة ، تقبل تحياتى .

[Mr.Fx]

Subzero

لا ممكن يكون فى حلقة هنا او هناك لتوضيح امور او تفسير نقط ان شاء الله وانا معاكوا لاى استفسار لايخص الحلقة المهمة اللى هتوضح لك خطوات عملية للاسكالب من وحى فلسفة القشاش V.1 والفترة دى عشان كنت عايز اشارككم بموضوعات اخرى وعشان اختبر بعض النتائج الهامة .. ولنا عودة باذن الله تعالى

[subzero]

Subzero

لا ممكن يكون فى حلقة هنا او هناك لتوضيح امور او تفسير نقط ان شاء الله وانا معاكوا لاى استفسار لايخص الحلقة المهمة اللى هتوضح لك خطوات عملية للاسكالب من وحى فلسفة القشاش V.1 والفترة دى عشان كنت عايز اشارككم بموضوعات اخرى وعشان اختبر بعض النتائج الهامة .. ولنا عودة باذن الله تعالى

بالتوفيق ان شاء الله وفي انتظار الاصدار الأول من فلسفه القشاش وباقي الموضوعات المميزة المهم متغبش علينا..
تحياتي