للمبتدئين : قراءة فى فلسفة الإسكالبينج

[رانيا وجدي]

هل الإسكالبينج مسموح في منصة اف اكس سولوشن؟؟؟
كم الحد الادنى من النقاط اللي اقدر اغلق الصفقة عليها؟؟؟

مع الشكر مقدما للي راح يرد على السؤالين...طبعا حساب حقيقي مش ديمو...

تحياتي سعد اليتيم

افكسول تسمح لك بالتداول باى طريقة عمل تفضلها لا يوجد اى قيود وتسمح بالسكالبينج بدون حد ادني لوقت او لنقاط

[Gamal Awad]

السلام عليكم ورحمه الله وبركاته موضوع مهم جدا وطريقه عرض ممتاذه وشكرا لصاحب الموضوع,,,,,,,وان كنت اعرف مسبقا ان هذا الموضوع سوف يضع كثيرا من متاجري الاسكالبينج علي بدايه الطريق الصحيح لاستخدام هذه الطريقه في المتاجره ولذلك لن اعلق الا بعد انتهاء صاحب الموضوع من عرض موضوعه بصوره كامله بارك الله فيه

[Mr.Fx]

الحلقة الثالثة : ليلة مع الأشباح

فى الحلقة السابقة شاهدنا مقارنة بين أسلوب التجارة طويل الأمد وبين الأسلوب السريع للتجارة "الاسكالبينج" وتأكدنا من مساوئ هذا النظام طويل الامد للمتاجر الفرد ومدى ما يمكن أن يسببه لنا من خسائر وتعطيل للفرص الذهبية المتاحة أمامنا بالسوق من تغير الاسعار كل ثانية وما يمكن أن يعنيه هذا فى عالم الاسكالبينج الذى يعتمد فى المقام الاول والاخير على الاسواق المتذبذة والازواج سريعة الحركة لكى تحقق الربح المرجو ولنضرب على ذلك مثالا بين "الدولار/ين" و" الباوند/دولار" فكلاهما أزواج رئيسية لاخوف منهم على المتاجر المبتدئ طالما ألتزم بالشروط والضوابط المطلوبة للوصول بالاستراتيجية لافضل النتائج ، هذان الزوجان هما الاب والام الشرعيين للمجنون "باوند/ين" لكنه زوج جامح خرج عن طوع أهله ولم يستطع ابواه ترويضه .. الدولار / ين زوج عاااااقل لاقصى حد وكان التجار زمان بيسموه الممل من قلة النقاط اللى كان ممكن يديهالك فى اطار زمنى طويل نسبيا وبالتالى كان بيمثل حصن حصين لحسابك تحقق منه ربح ببطء ولاتحقق منه خسائر تذكر .. هذا الزوج لايصلح أبدا لاستراتيجيتنا الاسكالبينج لان سرعة حركته بطيئة وسقف سيولته غير مغر .. اما الباوند / دولار فهو أسطورة الاسكالبينج وهو الزوج المرشح لتطبيق مفاهيم الاسكالبينج عليه فهو جمع عدة مزايا تضعه فى هذا المقام : اولها سيولته العالية ، ثانيها انه يتسم بالعقلانية ولايشذ كثيرا عن قواعد التحليل الاخبارى او الفنى او ايا كان ما تتبعه وبالتالى فانت على الاقل تأمن شره بنسبة معقولة ، ثالثها وهو الاهم انه زوج متحرك يعنى ممكن تكسب منه فى أى إتجاه وللتدليل فالباوند / دولار حقق فى أخر يوم بالاسبوع الماضى 223 نقطة ارتفاع من أفتتاحات شارت الاربع ساعات طوال اليوم وحقق 108 نقطة من أفتتاحات نفس الشارت خلال نفس اليوم وبالتالى كان أجمالى السيولة الممكن أن تحقق منها مكاسب يصل ل 331 نقطة للكيبل فقط وفى اطار الاربع ساعات فقط فمابالك لو نزلنا بالاطار الزمنى للساعة او النصف او الربع ؟ وكل ماتنزل بالاطار تجد غزارة فى الحركة وهو المطلوب إثباته . فلنفترض مثلا أن الكيبل يتحرك كل 5 دقائق مابين 2 - 5 نقاط فى اوقات الهدوء فانت فى حاجة لعشر دقائق فقط او اكثر قليلا للوصول لتارجت 8 مثلا شريطة ان يكون إتجاهك سليم والوقت الذى تدخل فيه هادى نسبيا عشان تحقق أرباحك وتلحق تخلع بيها قبل المعمعة يعنى وقت السوق الاسيوى من 11 - 6 مثلا صباحا بتوقيت القاهرة مناسب او فى الفترة الامريكية بعد نهاية الفترة الاوروبية والانجليزية من 6 - 11 مساءا بحيث يكون خلاص الكل لم غلته وخلع ومفيش أخبار تخش انت تلم اللى فاضل من الشارت . وعلى قد لحافك أقطع رجليك !!

بعد ان إنتقلت روح عمنا مستر أكس الى الامجاد السماوية راضية مرضية بال 125 المتبقية اكتشف الورثة وصيته اللى بتقول انه يأمل ان يدفن بجوار مقابر شارت الين لانه كسب منه مرة نص دولار !! ولان عائلة إكس مش ممكن تنتهى أبدا ولان جينات الفوركس بتجرى فى دمهم واحد واحد ولان تحليل دمهم لايخلو من نقاط دم حمرا وخضرا فقد قررت أخته فى الرضاعة ميسز : إتش إستكمال المسيرة لعلها تحقق ما لم يحققه أخيها المأسوف على قدره من أرباح مليونية هائلة بضغطة زر وكأنها لعبة كمبيوتر وليست تجارة وبيزنس . مسيز أتش كانت مدرسة لاتفقه شئ فى الفوركس ولكنها تعلم بعض الاساسيات الضرورية البسيطة كفتح وغلق البرنامج وفتح الاوامر بدون تمييز فهى لاتفقه الشورت من كوز اللونج . ولاتفرق بين اليورو والباوند فجميعهم إخوة متساوون فى الحقوق والنقاط ! لكنها تابعت موضوعى بفهم وأستيعاب وقررت أن تنال شرف المحاولة .. وقد كان فقد جمعت ميسز أتش اخت مستر أكس فى الرضاعة - ولابد انهم رضعوا من علبة لبن بودرة واحدة - كل ماهو ضرورى للخسارة فى الفوركس فقد كانت تركيبة عجيبة من العادات والسلوكيات وتكرار الاخطاء بدون ندم او أسف كانها تتقاضى على ذلك أجرا لتكون صاحبة لقب الخاسر الاكبر .
تعلمت ميسز أتش الدرس وقررت الا تكرر نفس أخطاء أخيها بالاتطمع كثيرا والا تتعامل مع المجنون مرة أخرى .. لكنها أضافت وبتميز الى أخطاء أخيها خطيئة جديدة وقبل ان نعرفها تابع معى التحليل النفسى التالى :

اختبار نفسى

1 - هل تخيلت نفسك يوما ما تستمتع بالهواء العليل والرفقة المدهشة بين أحضان المقابر على أضواء القمر الكاشفة فى ليل أسود مفهوش نجوم ؟ نعم ام لا ؟
2 - قد يكون السؤال السابق صعب امام البعض منكم وحتى انا أيضا فمن يقبل بان يتجول فى المقابر على أضواء القمر الكاشفة او حتى الشمس المحرقة ، لذا فقد يكون من الانسب ان نخفف الاختبار قليلا وهو أختبار منزلى بحت .. بعد أن يهدأ البيت وينام الجميع تسلل من غرفتك على أطراف أصابعك واذهب الى غرفة الحمام بمنزلكم ولتكن الساعة فى تمام الثالثة مثلا فى ليلة مطلعلهاش قمر وادخل الحمام واقفل الباب واطفى النور ونام جوه قد عشر دقائق .. ان استطعت ان تفعل ذلك فانت متاجر بالفطرة موهوب بالوراثة تمتلك أعصاب فولاذية تمكنك من متابعة الشارت وتحليل الفوركس بدم بارد .. فالوركس كما هو معلوم والاسكالبينج بالخصوص يحتاج لاعصاب جراح ولايعرف التردد والخوف او العصبية .
الخوف نوعان : خوف من الخسارة يضيع عليك مكسب ويحولك لخاسر حقيقى لما تملكه والنوع الثانى الرهبة من المكسب .. اخطرهم الخوف من الخسارة لانه فى الحقيقة خسارة فعليه وليس معنى ذلك ان نتهور ولكن ان نتوكل على الله بعد ان نستوثق مما نفعله . ميسز أتش كان معها 125 دولار اللى تبقوا من حساب اخيها وعليه قررت دخول صفقة بيع الكيبل ولكنها ترددت من مزاعم تقول بان الكيبل سيرتفع فخافت ان يضيع حسابها لو دخلت بيع وارتفع فغيرت رأيها وقررت الدخول شراء للكيبل بعقد قيمته 25.000 وحدة من العملة بعد أن تأكدت من أن اختيارها للزوج سليم من قراءة موضوعى ولكنها لم تتاكد مما دخلت فيه من اتجاه .. وكما هو معلوم هبط الكيبل بعد فتحها للصفقة بثوانى 25 نقطة ورقصت واحدة ونص عل المارجين كول الجديد اللى جالها بعد أخوها بيومين وهى كانت محظوظة وسيئة الحظ . كانت هتبقى محظوظة لانها قررت الدخول بيع أولا دون ان تفقه شئ ولكن بالحظ قررت البيع . ولكن ساء حظها لان سمعت كلام المتاجرين ودخلت شرا بدون أدارة راس مال فخسرت نص حسابها من الانخفاض اللى كان المفروض يكون مكسب ليها وبعدها عاد السعر للارتفاع مجددا .. فياله من حظ !!

عارفين سفاح ميلودى اللى بيقتل اللى عنده خطئية من الخطايا السبعة ؟ اهو احنا كل واحد فينا عنده واحدة او اتنين منهم والسعيد اللى عنده كل الخطايا السبعة لانه هيصفر حسابه ويرتاح وهم : الخوف والطمع والتردد والجهل والعصبية والغضب وعدم الالتزام
أما ميسز أتش فلم أرها ثانية بسوق الفوركس وقيل انها الان تسرح بعربية بليلة قد الدنيا بينما أكد شهود عيان انها ماتزال تشق طريقها على فرشة فجل وكرات باحد الأسواق بينما قال بعضهم انها ذهبت لمستشفى الامراض العقلية طواعية .. وللحديث بقية

[MBR]

صباح الخير ياعم

الله يسعد ايامك على الطريقة الرائعة فى ايصال المعلومة

معاك للاخر

وفقك الله وسدد خطاك

[Mr.Fx]

Leonardo

شكرا لك مرورك وتعليقك ولاتحرمنا من ردودك

سعد اليتيم

الاسكالبينج حسب علمى مسموح بيه فى اف اكس سوليوشنز واف اكس سى ام وكل الشركات الكبرى لاتضع عليه اى قيود او ضوابط .. الا ان بعض الشركات الاخرى التى يقبل عليها المبتدين مثل ماركتيفا تضع شروط مثل الا تزيد عدد صفقاتك السريعة التى لاتستغرق اكثر من 5 دقائق لاغلاقها على 50 صفقة واقل تارجت 7 نقاط تقريبا او تغلقها يدويا على اقل من ذلك دون ان تتخطى الخمسين صفقة .. وبعض الشركات الاخرى تسبب مشاكل وتوقف حسابات بسبب هذا الامر فشركة انيستا قرأت انها منعت سحب أرباح وصلت ل 8000 دولار لصاحبها لانه حقق هذا المبلغ من أصل 100 دولار راس مال فى أسبوع برافعة 1 : 1000 والقضية على منتدى الاف بى أيه .. المهم الشركة .

[Mr.Fx]

Gomana
ربنا يخيليكى وان شاء الله تجدى الثالثة ومابعدها افضل وافضل دائما .. بالنسبة لمستر اكس ده حالة نادرة طب مخبيش عليكى انا مرة جالى ثلاثة مارجين كول فى يوم واحد ونزل حسابى من 1100 الى 300 تقريبا حاجة كده مش فاكر .. عملت أيه ؟ ولاحاجة فكرت اولع فى نفسى بس هههههه واكيد الخبرة العملية اهم واعظم من النظرى بس انا صفرت ثلاث حسابات قبل كده بسبب انى عايز اتمرن بحقيقى طب ما كان عندى الديمو ههههههه .. بالنسبة لشغل الاسكالبنج ان شاء الله تغيرى رايك وتعرفى مخاطرة وفوايده وبعدين تقررى اللى يناسبك

رانيا وجدى
الف شكر ليكى وان شاء تستمتعوا وتستفيدوا من قراءة ومتابعة الموضوع

[Mr.Fx]

Gamal Awad

وعليكم السلام ورحمة الله وبركاته .. الاسكالبينج طريقة جيدة انا نفسى حققت منها اول مابدات الفوركس مبلغ 25 دولار من أصل 50 فى يوم ونسيتها وميشت فى طرق تانية وادينا اهو بنحاول نرجعلها تانى ونتناقش مع بعض فيه .. مزاياه وعيوبه وافضل طرقه وهكذا . انا كمان عايز أشكر صاحب الموضوع هو فينه صحيح ؟

MBR
صباح النور وربنا يسعد أيامنا جميعا يارب وان شاء الله ترتسم البسمة على وجوهنا مصحوبة بالارباح السخية هههههه

[Tohamy]

ايه ياعمنا الخبرة الوافية وخفة الدم العسل دي والله انا مبطلتش ضحك متابع معاك ياباشا اسلوبك الرايق.

[الـوليد]

عزيزي من حقق ربح جيد للسكالبينج فقط لازواج متذبذبه وهي
eur chf
eur gbp
هنا السبريد المتوفر كم ... والشركات كم توفر سبريد
والسكالبينج المتداول حاليا للفتره الاسيويه .... لانه لايتوفر لدينا آل ترند
لاعرف لماذا قلت ان الباوند / دولار أسطورة الاسكالبينج

[Mr.Fx]

Tohamy

لا خبرة ولاحاجة ياتهامى باشا .. انا لازلت طالب فى مدرسة الفوركس أولى إبتدائى قسم إسكال من غير بنج ، مش عايزين ننام هههههههه . نورتنى ويارب نشوف مداخلاتك معانا دايما

Waleedalgabr
معلش انا اسف يا اخ وليد مش فاهم أنت قلت ايه بالظبط بس بالنسبة لموضوع أفضل الازواج لممارسة الاسكالبنج فالازواج اللى انت ذكرتها دى تنتمى تماما لنفس مستوى حركة الدولار / ين يعنى من فئة أزواج الملل بمعنى انك لو عايز تجيب عشر نقط فى ربع ساعة مثلا مع الباوند / دولار هاتيجب دولا مع الازواج اللى انت ذكرتها يمكن فى 3 ساعات وخد دليل على كلامى اليورو / فرنك فى يوم 6 - 4 - 2010 طلع 6 نقط فقط طوال اليوم وده اعلى سقف لسيولة وصلها ونزل 7 نقاط فقط طول اليوم ولك ان تتخيل كم الخنقة اللى هتحسها معاه وعندك الشارت اليومى اتاكد بنفسك وبالتالى فقدت هنا اهم ميزة للاسكالبنج وهى الربح السريع والقدرة على التعويض فى حالة الخسارة . قد تكون هذه الازواج بطئية بشدة فى أحيان كثيرة لكنها تمثل امان أكبر للمستثمر طويل المدى على الاقل لو هايخسر فلوسه يخسرها فى شهر احسن ما يخسرها فى يومين . وبعدين انت بتعمل عملية أقصاها ربع ساعة وعايز تكررها تانى وتالت مش هتقدر تعمل ده مع الازواج اللى انت ذكرتها وفى النهاية دى أراء ولو حد من المتابعين له رأى أخر ياريت يفدنا برأيه . اما الكيبل فلا يصلح كاسكالبينج فى كل الاوقات وممكن اليورو يؤدى دوره ايضا . تحياتى

[albeshi]

السلام عليكم ورحمه الله وبركاته\

جزاك الله كل خير اخي

Mr.Fx

موضوع جميل وعرض اجمل

جاء هذا الموضوع في وقته سأبدأ هذا الأسبوع بالسكالبيج وسأترك عرض الطريقه

حتى وقت مناسب

وبالتوفيق للجميع

[the_king1983]

موضوع جميل وعرض اجمل

[Mr.Fx]

بسم الله الرحمن الرحيم

الحلقة الرابعة : ملوك ام صعاليك

فى الحلقة السابقة تحدثنا عن أفضل الازواج للتدريب على الإسكالبينج من وجهة نظرى الشخصية وكان الاختيار قد وقع على الكيبل المدعو "باوند/دولار" لما يتميز به من خصائص الكروسات بالسيولة العالية والحركة المتذبذبة نوعا ما وعدم الشذوذ عن الاطار والخط الذى يرسم له غالبا بالاضافة لاهم ميزة فى الاسكالبينج الا وهى الاسبريد القليل . قلة الاسبريد نقطة فى غاية الاهمية فكلما قل الاسبريد على زوج من الازواج كلما زادت فرص دخولك عليه صفقات أكثر وأسرع وهكذا حتى تصل فى النهاية لاكبر عدد ممكن من النقاط يمكن تحصيلها فى اليوم الواحد .
من قوانين الاسكالبينج : الا تتاجر فيه على أكثر من زوجين فقط لاغير .. لاغير ولو زوج واحد يبقى أفضل بكثير .. ولو مفيش يبقى أحسن .. عشان التركيز وسرعة رد الفعل تكون أعلى مع كل طارئ يمر بك فى رحلاتك المكوكية عبر الفريمات الزمنية المختلفة .
الاسكالبينج له طرق متعددة وكثيرة مارسه قدماء المصريون على شارت الجنيه الخشب القديم بتاع الفراعنه أمام الين الأشورى ايام ماكان الجنيه تعمل بيه هرم !! المهم لازم تبقى عارف ان للاسكالبينج طرق عديدة وفريمات زمنية مختلفة كل فريم له قواعده واصوله وخد القاعدة دى : كل ماتنزل بالفريم قلل التارجت والاستوب وكتر الصفقات على قد ما تقدر .. والفريم من 1 دق وانت طالع لحد 15 عايز أعصاب بمب .. اما فريمات النص والساعة وحتى الاربع ساعات ممكن تعمل عليه اسكالبينج على كبير شوية دول بقى للرايقين واللى أعصابهم خفيفة ولكل أسكالبنج منهم حجم عقد مناسب بمعنى لو كنت شورت تيرم إسكالبر : يعنى لعبك كله على الدقيقة لحد 15 خش بعقود كبيرة نسبيا وبرافعة عالية وخلى بالك من الحوادث بقى وربنا يتولاك بقى ياولدى لو خبطت فى الحيط وسلبت فى صفقة بالحجم ده .. على العموم برده مفيش مشكل ممكن تعوضها اكيد فى الساعات القادمة . اما لو كنت ميديام تيرم إسكالبر من نص ساعة لساعة فزود التارجت والاستوب وقلل العقد وكرر القصة دى عدة مرات يعنى 6 - 7 ساعات فى اليوم لو عندك المقدرة على المتابعة ب 20 نقطة تارجت فقط مثلا .. اللونج تيرم إسكالبر ده غالبا شغال على فريم أربع ساعات ما بين 30 - 50 نقطة فقط .

تمرين 4 - 1

بعد كل كام حلقة كده هسأل أسئلة ونعمل ترانينج مع بعض .. بناءا على المعلومات الواردة فى الحلقات الاربع الحالية ، ما مدى فهمك لاستراتيجية الاسكالبنج ؟ وهل تقدر المخاطر التى تحملها الفكرة قبل المكاسب التى من الممكن ان تحققها ؟
بناءا على ماسبق حدد من أى فئة تنتمى للمضاربين باستراتيجية الاسكالبنج "فلسفة القشاش " اللى هاعرضها بعد كده ؟ بعد ما تحدد من أى فئة انت تود المضاربة فلنذهب الى التمرين الثانى

تمرين 4 - 2

عشان تتعلم لازم تمشى أيدك فى التمرين ومش لازم تنجح دلوقت .. النجاح مش سهل ومفيش حلاوة من غير نار ولا أيه ؟ دلوقت انت عرفت انت من اى فئة كل ماتنزل بالشارت النقط تزيد والمخاطرة تعلى والاعصاب تتحرق اكثر لو كانت ضعيفة وكل ما تعلى بيه النقط تقل وهكذا .. اذهب للفريم اللى حددته وادخل على زوج الباوند / دولار صفقة لونج او شورت دى انا مش هاحددهالك لانها صنعتك انت بقى لاكن انا بديك الطريقة او الفكرة ونحاول نعدلها مع بعض ونتمرن بيها على الاقل ان لم نعمل بها بالفعل بعد ذلك .. بعد ماتحدد أتجاهك ادخل وتوكل وحط تارجت 8 نقط - 10 فى الربع ساعة واستوب 20 وكرر الحكاية دى فى جميع الفترات اسيوى وامريكى واثناء المعمعة : التقاء الاسيوى مع الاوروبى مع الامريكى من 8 صباحا - 6 مساءا بتوقيت القاهرة وبكده نقارن فترات الهدوء مع فترات الزيطة وتعرف انهى وقت أفضل للتجارة ..
القانون الثانى للاسكالبنج : لايصلح الاسكالبنج وقت صدور الاخبار او فى حال وجود اتجاه صاعد او هابط واضح لانه ساعتها عليك ان تنسى الاسكالبنج وتخليك مع الترند اامن ليك وتذكر ان الترند ايز فريند .. وترايد ويز نيوز اند يو ويل نيفر لوز .
ممكن لعشاق الطرب الاصيل استبدال الباوند باليورو لو عايزيين .. جربوا وهاتوا النتايج نتابعها مع بعض عشان التفاعل يكون مثمر فى الحلقات القادمة ونستكمل الطريق نحو الالف نقطة فى الساعة !! عشان نعرف مين منكم ممكن يكونوا ملوك السوق ومين ممكن يبقى ..
وللحديث بقية
لاتنسوا التجريب على الديمو

[MBR]

حبيت اصبح عليكي اعم مستر فوركس وادعى ان الله يوفقك ويتور بصرك وبصيرتك

كل يوم تعطينا من العلم المليح الذى يفيدنا

جزاك الله خير

[Mr.Fx]

Albeshi
وعليكم السلام ورحمة الله وبركاته
شكرا جزاك الله خيرا على الإطراء .. وبما انك فى الطريق نحو غياهب عالم الاسكالبنج سيكون من المفيد ان تتطلع على هذا الموضوع وغيره من الموضوعات التى تتطرق لمثل هذا المبدأ فى التجارة وياحبذا لو أطلعتنا على الطريقة التى سوف تنتهجها حتى يتدرب عليها هنا المتابعون للموضوع مع التمارين اللى باقدمها لعلك تكون سببا فى خير لهم .

The_king1983
الف شكر أخى شكرا لمرورك وتعليقك

MBR
صباح النور عليك أخى الحبيب جزاك الله كل الخير على الدعوتين الحلوين دول .. وان شاء الله تستفيدوا من الموضوع وتجدوا فيه المتعة مع الارباح باذن الله