للمبتدئين : قراءة فى فلسفة الإسكالبينج

[forex_pro1]

جزاك الله كل خير
اخى albeshi
باين انها استرايجية رائعه مثلك
لكن انا توهت في فهمها هل ممكن مزيد من التوضيح وجزاك الله كل خير

[albeshi]

جزاك الله كل خير
اخى albeshi
باين انها استرايجية رائعه مثلك
لكن انا توهت في فهمها هل ممكن مزيد من التوضيح وجزاك الله كل خير

شكرا لك يامحترف الفوركس


انت أسأل وانا اقولك وش الحل

ولو تقرأ الموضوع الأساسي للطريقه

راح تفهم

[subzero]

انا ولله الحمد كنت كسبان منها خصوصا على الكيبل


لكن مثل ما قال
Mr.FX

الخساره تكون قاتله واصبت بالمارجن

لأني غيرت الزوج

ودخلت على الساحر (( الله يرجه))

بالنسبه للأهداف

الكيبل 15-20 نقطه مع السبريد
اليورو دولار 10-15 نقطه مع السبريد
الساحر 0 نقطه مع السبريد ههههههه


ولو يتم ملاحقه الأرباح راح يكون المكسب خيالي

لأن مره دخلت على اليورو دولار ولم احدد الهدف لأني كنت اريد اقفالها يدوي
وفصل النت 3 ساعات

اول ما فتحت المنصه
لقيت مكسب 50 نقطه

انا ارى انها افضل طريقه

هناك نظام اخر سأقوم بأذن الله بعرضه لاحقا

شكراااا جزيلا ياباشا على الرد وجاري بإذن الله قراءة الاستراتيجية وفي انتظار النظام الجديد..
تحياتي

[subzero]

أيضا في انتظار Mr.‎FX لاستكمال باقي حلقات السلسلة التعليمية اللي توقفت النهارده لعل المانع خير ان شاء الله

[Mr.Fx]

بسم الله الرحمن الرحيم

الحلقة الخامسة : عودة أخطر رجل فى العالم

فى الحلقات السابقة تعرفنا على مفهوم الاسكالبينج وتعرضنا لمزاياه الرهيبه التى قد تصل الى أن تضاعف حسابك كل ساعة فى اليوم الواحد كما ذكرت فى أخر مثال ولكن بمخاطرة عالية جدا جدا ، وشاهدنا أيضا كيف كانت نهاية أكس واخته فى الرضاعة من نفس العلبة - ولابد انهم رضعوا صابون سايل وليس لبنا كالبشر - بسبب الطمع والخوف والعناد مع الاسواق وفهمنا انه لابد من الالتزام بالشروط والضوابط المقيدة لهذ الاسلوب حتى لانخسر الحساب وبدل ما نكسب نكح تراب !!
ومع مرور الحلقات أكدنا على أهمية الكيبل كاساس فى اى استراتيجية سكالبينج ناجحة كما انضم اليورو / دولار مؤخرا للتشكيلة الاساسية خصوصا بعد العروض الرائعة والغير متوقعة التى بات يقدمها يوما بعد يوما حتى كاد أن يتغلب على الكروسات أحيانا فى مستوى جنون وغزارة سيولتة المنهارة علينا !!
وقسمنا الاسكالبينج كما هو متبع فى نظرية القشاش الى 3 أنماط من المتاجرين وهم :
الشورت تيرم إسكالبر : وهو المتاجر السريع على طريقة افلام الغرب الامريكى الشرس وطلقات المسدسات اللفافة !! لا تستمر صفقاته أكثر من 5 او 10 أو 15 دقيقة على الأكثر بربح من 3 - 8 نقاط بلوتات عالية ورافعة كبيرة ومخاطرة لاتحنمل ولكن مكاسب رهييييبة قد تنتج عن هذا الاسلوب السريع فى الخطف
الميديام تيرم إسكالبر : وقلنا ان ده بيخش بشكل أهدى على مساحة زمنية ما بين 30 - 60 دقيقة تمتد لتحقيق تارجت صفقاته وبتارجت مابين 10 - 20 نقطة بالكثير وحجم اللوت أخف والمخاطرة أقل بالتاكيد
لونج تيرم أسكالبر : ووضحنا انه الاسكالبر طويل الامد اللى بيطارد العملة كل أربع ساعات منين ماهى رايحة باعصاب أبرد واهدأ ولوت أقل وتارجت أكبر ما بين 30 - 50 نقطة بالاكثر وهو أفضلهم فى رأيى ويسمح لك بمطاردة أكثر من 6 - 7 أزواج فى نفس واحد !!
ووضحنا ان الاسكالبنج فى منه الشرطى باوامر معلقة عكسية ومتوافقة وفى منه ما يعتمد على المؤشرات الفنية القوية لتحديد نقط الدخول والاتجاهات ولكنها قد تفشل بسبب المغالاة فى المهور .. اقصد التارجت . وبالطبع هناك كوكتيل إسكالبينج من كل بستان زهرة وقلنا ان وقت الاخبار غير محبذ انك تسكلب فيه لان لو فيه ترند واضح امشى معاه ، اما لو مش عارف راسك من رجليك سكلب وعيش حياتك وانت نصيبك بقى .
الاسكالبينج بيعتمد على مبدأ رجة المنخل الا وهو : عارفين كلكم طبعا المناخل اللى بيترج فيها الدقيق .. كانت أمهاتنا بتستعمله زمان فى عمل الكحك والشطائر اللذيذة ..
اهو الاسكالبينج بيعتمد على فكرة رجه المنخل فى حركته الفيزيائية يعنى انا اذكر الست الوالدة امى الله يمسيها بالخير كانت تمسك المنخل وتهزه يمين وشمال ينزل الدقيق فى الطبق امامها والاسكالبنج كذلك كل مااتنخل الزوج اللى انت شغال عليه
يمين وشمال شورت لونج طيخ طاخ طوخ انت كسبان بدل الدقيق نقط انت بقى لازم تمشى مع كل هزة يمين تروح يمين .. شمال تروح شمال وتاخده شورت لونج <==> لونج شورت رايح جاى كده .
احيانا بسبب كثرة المؤثرات والبيانات والتحليلات وتعدد الاخبار وتاثر العملات بسلوكيات الافراد من تفاؤل وتشاؤم وحذر فان اغلب الاستراتيجيات قد لاتنجح على طول الطريق بل تنجح عندما يصادف تحليلك مجموع ما ستاثر به المؤثرات المختلفة على العملة
وتفشل عندما يكون تحليلك خارج حدود الصدفة الممكنة مع الكم الهائل والفادح من المؤثرات فى السوق والاسكالبينج قد يجنبك بعضا من هذا كله .
الوصايا العشر
1 - لابد من وجود أستوب لووز يناسب نوع تجارتك وانا ارى وان كنت لم أختبر هذا بعد انه من المناسب ان يكون 3 - 4 أضعاف التارجت ولو لم تحقق لا تارجت ولا لوز تغلق زمنيا
2 - لا أحبذ مبدا التبريد والتهديج ولكن ممكن تلجأ له وتفكه مع الاخبار بالتعزيز المناسب
3 - من عيوب الاسكالبنج المتعددة الملل والاجهاد من متابعة الشارت دقيقة بدقيقة كل يوم لمدة 5 ساعات كحد أقصى مثلا وبالتالى هو أمر مرهق قليلا ويستلزم تعود عليه
4 - الاسكالبينج لايعرف التوصيات وفكرة تحديد نقطة الدخول دى بتاعتك أنت والخطا والصواب فيها يعود اليك وحدك
5 - تذكر الخطايا السبعة عندما تتحول لاسكالبر محترف والعب فى دورى المظاليم الاول قبل ماتخش على الممتاز يعن بالبلدى كده الديمو ثم الديمو ثم الديمو ثم الحقيقى .
6 - الوصايا من 6 - 10 لا أذكرها الان ههههه .

ماجد شاب مثله مثل أى شاب فى مصر الان طموح وصاحب تطلعات تفوق أمكاناته الفعلية فقد كان يأمل أن يحصل على مجموع كبير فى الثانوية العامة يكفل له دخول أحدى كليات القمة " الاقتصاد والعلوم السياسية" لكنه لم يحصل على المجموع الكافى اللى يدخله ثانوى عام من إعدادى أساسا .. المهم انهى الدابلون وملاقاش شغل فابوه فتحله محل موبايلات فى العتبة يسترزق منه بمكافأة المعاش وكان شغال وبيطلع له منه حوالى الف جنيه صافى .. ولان الوقوف فى المحل ممل فكان بيسلى وقته على النت وهو قاعد مستنى الزباين وكان أغلب وقته بيقضيه على المنتديات يكتب هنا بالعشرين الف رد وهناك بالعشر تلاف وهكذا لحد ماصادف وعتر فى المتداول العربى واتفتحت عينيه البريئة على الفوريكس .. ولانه كان دابلون تشيجارة ففهم من الحوار انه فيه فلوس ومكسب وكدا يعنى وقرر يخش السوق ..

ماجد مقراش الموضوع بتاعى تفتكروا ليه ؟ .... لانى مكنتش لسه كتبته !! منطقى يعنى ! المهم لانه لايقرب لعائلة أكس وبالتالى فليس حاذق بالوراثة ولا ماهر بالفطرة ولاراضع على لبن حمير زيهم وعليه فقد قرر أن يبيع المحل ويقترض من الاقارب ويدخل جمعيات ويرهن بيت أبوه وبيع أمه دهبها ، ليه ؟ لانه فطن الى ان الحسابات الكبيرة فقط هى اللى ممكن تكسب ارباح خيالية أما أغلب الحسابات الصغيرة فانها لا تكسب على الاطلاق وكبيرها أسبوع فى السوق وتتصفر .. المهم ماجد جمع حوالى 250 الف جنيه بعد ماباع المحل ورهن البيت وخد فلوس من قرايبه وفهمهم انه هايعمل مشروع يكسبهم الشهد ويقبوا بقى على بق الزير ويبقوا مليارديشرات .. ماجد لا بيفهم فى الشموع اليابانية ولا لمبات الجاز المصرية ولا بيميز بين الاستوكاستيك والاطباق البلاستيك .. حاجتين بس يعرفهم أنه ياخد توصيات عميانى يروح ينفذها على المنصة ولا أجدعها صبى مبيض محارة فى دكان وانه يقعد يجرب صفقات بنفسه خسرانه على سبيل انه يمشى ايده وتهل بركاته على الحساب .. بعد كام شهر كده لاقى مفيش مكاسب اجمالى التوصيات اللى خدها خسرته على بعض مكسبتوش .. لكن لان حسابه كبير محسش بالخساير كان بيكسب يوم ويخسر خمسه ومش عايز يتعلم يتاجر بنفسه وكل ما يخش يسكلب بدراعة يخسر بالالف دولار فى الصفقة .. فكر فكر ولاقى واحد بيدير حسابات ومقدم إثباتات نجاح وخلافه فقرر انه يديله كل اللى معاه يشغلهوله ويكسب بقى وهو حاطط رجل على رجل ... ولان الراجل ده كلكم عارفينوه ولان ماجد طلع يقرب لمستر أكس من بعيد حصل اللى حصل ونصب الراجل وخد الفلوس وهرب .. وكانت أخطاء ماجد بالجملة : لا تقترض واعمل بالفائض من أموالك .
لا تعتمد على توصيات من أحد فما حك جلدك مثل ظفرك !
لا تطمح فوق حدود الممكن من قدراتك !
اوعى تسلم دقنك لغيرك وفلوسك فى جيبك تنام مطمن ...

مستر : واى زد أبو مستر أكس لازال يعض على شفتيه من أستشهاد ابنه مستر أكس وجنان بنته فى الرضاعة ميسز أتش من منصة تداول أحدى شركات الفوريكس فقرر الانتقام بأن يستأجر مستر رمبو الامريكانى ليدير له الحساب عله يحقق شيئا .. وراح يستقبله فى المطار فوجده رجل ضخم الجثة احمر الخدين عريض المنكبين يدخن سيجارتين يرتدى قبعة الكاوبوى على حلة فاخرة ويحمل فى يده اليمنى حقيبة سمسونايت وفى اليد اليسرى كتاب : الفوريكس للمبتدئين !! وقال له بالانجليزية بنص فم والسيجار فى النص الاخر : اكس فاميلى ويل نيفير اند نيها .. نيها .. نيهاهاهاهاهاهاهاها
اما ماجد فلم أره بعد ذلك فى السوق ابدا وقيل انه الان نزيل أحدى دور رعاية المعاقين بينما شاهده البعض وهو يعبر الطريق عار تماما كث اللحية أشعث الشعر يدخن أعقاب السجاير التى يلتقطها من الارض فى حين أكد البعض انه لم يستدل على عنوانه ومازال البحث جارى لتقديمه الى العدالة ..
وللحديث بقية باقية

[subzero]

هههههههههههه مساءك عسل لسه سائل عليك يا باشا كان عندي فكرة كنت عايز أخد رايك فيها بقى هل ينفع اني أعمل أمرين معلقين واحد بيع وواحد شرا فوق وتحت السعر بكام نقطة مثلا بحيث اصطاده سواء فكر يروح كده أو يروح كده؟ وبرضو ايه كانت فكرتك لما قلت ناخده شورت لونج رايح جاي ماهو احنا لو قدرنا نوصل لكده يبقى فعلا هنبقى مليونيرات في وقت قياسي بس الفكرة بقى ازاي نقدر نمشي ورا السعر كده هل في عندك طريقة معينة أو استراتيجية أو فكرة بتشتغل بيها؟ اسف ع الاطاله ولك مني كل التقدير والاحترام

[Mr.Fx]

bolbol911

وجزاك الله خيرا للمرور والرد


engm7mad

المبتدئ ممكن يبعد عنها الان فى حسابه الحقيقى بس ده لايمنع انه يتمرن عليها بعد كده


albeshi

شكرا اخى albeshi على عرضك لهذه الاستراتيجية وبما انك حققت بها نجاحا فلكى تتاكد من ذلك وانه ليس وليد يوم او اثنان فلابد ان تكون عملت عليها فترة لاتقل عن 20 يوم مثلا واوقات متباينة .. وفعلا الكيبل افضلهم حتى هذه اللحظة

subzero
انا هنا اخى صب زيرو المانع هو التواجد فى السوق بس ان شاء الله بتابع معاكم قدر الامكان لو فيه ردود بحاول ارد عليها اول باول وانزل حلقة كل يوم او يومين .. بس انت بتسألنى عن الدرس وانت محلتش الواجب ياراجل ؟!

[عبد الله عمر]

مسااء الجماال يا راايق والهي موضوعك من احلى الموضوعات وطرثقتك حلوه جداا في توصيل الفكره ويا ريت لو حضرتك عندك استرتجيه معينه بتشغل عليها او فكره معينه تدلنا عليها الله يباركلك وفي انتظار البقيه الباقيه .

[Mr.Fx]

subzero

مساءك زى الورد .. اه ممكن تعمل أوامر معلقة بس نجاحها معلق برده بحركة السعر ، وانا معاك لو قدرنا نوصل لكده كنا زماننا مليونيرات وده سر الطبخة ولو كنت عرفتوا كان زمانى بدخن سيجار كوبى ومبقتش من عامة الشعب وبكتب فى المنتديات ههههههههههههه

Matadorii
ياباشا انت اللى رايق ومساءك كله نقط خضرا وارباح ان شاء الله .. اشكرك والموضوع يادوب أحسن موضوع فى العالم بس بدون غرور ههههه .. الاستراتيجيات اللى عندى قيد التطوير لسد الثغرات ولما تكمل وتتجرب كويس هابقى أعرضها لانى من أنصار المقولة اللى قالها حكيم زمان اللى هو انا حيث قال :

شارك العالم بمعارفك ، فلن تخسر شئيا بل ستربح الكثير والكثير فى المقابل وبذا تتقدم أمتنا
اما ديدان الاستراتيجيات اللى نايمين ومدكنين على الاستراتيجيات الناجحة وفاكرين انهم لو طلعهوا هايخسروا او مكسب الاخرين شئ يدايقهم فدول لهم حساب كتم العلم
وبعدين انتوا زهقتوا ولا ايه واحدة واحدة هنوصل للاستراتيجيات الناجحة انا فاتح الموضوع ده وفاكر انه هيستمر ست سنين ولا حاجة كده هابتدى أفكر أقفله بكره ههههههه
مش عايزين بس غير دعوة صادقة بظهر الغيب كده لو لاقيته فى اللى كتبته ده فايدة

[subzero]

الدعاء ده من غير متقول والله وان شاء الله هعمل حساب تجريبي جديد عشان القديم وقف وان شاء الله ابدأ اتابع معاك وأعمل الواجب كل يوم بس المشكلة ان عندي الاسبوع ده كله امتحانات مدترم ولو ابويا شافني وأنا داخل دلوقتي ع النت هيبهدلني سلام بقى قبل مايجي ههههههههه

[subzero]

فينك يا أستاذنا؟ مستنيين ابداعاتك.. وأرجو من الاخوة اللي بيتابعو الموضوع انهم يتفاعلو معاه ويجربو ويكتبو النتائج اللي بيوصلو ليها أنا المشكلة ان عندي امتحانات ومش بقدر اتابع أي صفقات دلوقتي فياريت باقي الاخوة اللي عاوزين الموضوع يكمل يتفاعلو مع صاحب الموضوع شويه أستاذ Mr.‎FX‏ الراجل كتر خيره تعبان معانا..
تحياتي

[مصطفي عماشة]

هذا الي تفهمه

أحمد شبانة

waleedalgabr

ماشى ياعم وليد انت راجل محترف والتارجت بتاعك ماشى زى السكينة فى الخشب قللى بقى انت بتشتغل بانهى طريقة ؟

أين استراتيجيتك اخي وليد .. ولا تحب تحتفظ بالطريقة

5 - الاسكالبنيج هو قمة هرم مهارات الفوريكس وكما قال أحدهم على المنتدى هنا ان الاسكالبينج تاج على رؤوس المتاجرين لايشعر به الا راقصى السامبا

بارك الله فيك

[قلب الاسد]

قرأت الان الموضوع كاملا
وهو من اروع ماقرأت ماشاء الله عليك أخى
MR.FX
بارك الله فيك وفى انتظار البقية

تقبل ودى

[gomana]

كل حلقة اجمل من الى قبلها وبتعلم منها شىء جديد عن الاسكابلنج وبانتظار باقى الحلقات
ياريت متغبش علينا بيها

[Mr.Fx]

subzero
والله مشغول يا subzero الاسبوع اللى فات ده كان صعب شوية .. دلوقت انا بختبر استراتيجيات للاسكالبينج عايزة وقت بس عشان تتظبط وتسد الفجوات اللى فيها وتكون جاهزة للإستعمال الادمى !! وبعدين ولايهمك انت بس خلص امتحانات وميدتيرم وتعالى هنا هتلاقينى مستنى ! حتى نكون اختبرنا عدة افكار للتطبيق تناسب كافة الاذواق والمقاسات !! انت عارف ان مش كل الحسابات تنفع معاها نفس الاستراتيجيات يعنى لو حسابك صغير امشى تاتاتا ولو كبير واحدة واحدة ولو عملاق اجرى وسيبه وكده يعنى .. المهم بس تراجع مفاهيم الاسكالبينج اللى احنا عرضناها هنا وتقدر خطورة هذا العلم وبعدين نبقى نناقش بقى التطبيق العملى على مهل فى وقته المناسب . وتقبل خالص تحياتى

مصطفي عماشة

وبارك الله فيك ونفع بك ومستنين فعلا الاخ وليد يقولنا كشف الحساب ده عمله ازاى إسكالبنج ولا فوتشوب ؟


قلب الاسد
الله يبارك لك ويعزك وان شاء الله يكون الموضوع عجبك فعلا واستفدت منه بجد وتعجبك الحلقات الباقية باذن الله تعالى .. وبالمناسبة انا عاجبنى توقعيك جدا .. فعلا اهم ما فى هذا السوق هو طريقة اللعب والمكسب وليس العلم فى حد ذاته لانه الوسيلة التى توصل للارباح التى تشكل الغاية ولو شفتنى بقولك انى الدكتور مستر فوركس رئيس قسم أبحاث الاسكالبينج بجامعة المتداول العربى لعلوم الفوريكس المتقدمة .. فاوعى !! اوعى تصدقنى !!

Gomana
الله يخليك ياست جومانا وتكون الحلقات مفيدة وقدمت شئ جديد وحسب علمى ان مفهوم انماط المتاجرين ده مفهوم جديد فى الاسكالبينج لايعرفه كثير من المتاجرين . أمل أستكمال الحلقات فى القريب العاجل بعد اختبار بعض النتائج .