المشاركة الأصلية كتبت بواسطة se7en_mo
أقولك يا صاحبي أنا فكرت فيها إزاى
أنا دخلت لما شوفت البين بار الأولى و كان لسه الـ " موفنج 21 لو " بيتحرش بـ " موفنج هاى 100 " و التداخل ماكنش صريح و جت البين بار التانيه أكدت على البين بار الأولى و قولت بس هيحصل الإنفجار صاعد .. حصل فعلا و طلعت 10 نقط بس لكن الشمعه خلصت بن بار هبوط و قولت لنفسي أطلع من الصفقه ساعتها و ماكنتش خسرت حاجه خالص بس رجعت فكرت تانى و قولت السعر بقاله 3 ساعات بيتحرك فى نفس المكان لا صاعد ولا هابط فقولت أستنى تأكيد
أما بالنسبه للأستوب فأنا كنت فى الأول حاطط 60+ ستوب بس بعد البين بار التانيه او التالته مش فاكر بالظبط الصراحه قولت أقرب الستوب تحت البين بار الاولى و أشوف لو السعر صعد يبقى تمام لكن لو نزل و كسر الشمعه البين بار الاولى يبقى كده تأكيد هبوط ... بس يا سيدى و توته توته خلصت الحدوته
بس أنا مبسوط اتعلمت درس محترم فى الصفقه ديه : لو هدخل عكس الاتجاه او اثناء وجود تداخل موفنجات يبقى لازم يكون السعر بعيد عن الموفنجات و الشموع المفتاح تكون بذيل كبير نسبيا و جسم كبير نسبيا يدعم اتجاه صفقتى
