... خبرتى ...

اقتباس:

---

المشاركة الأصلية كتبت بواسطة reem123

اخواني اشتريت الباوند من اعادة اختبار القناة الحمراء المكسورة
والله الموفق

---

وانا كمان اشتريت الوقتى :)

اقتباس:

---

المشاركة الأصلية كتبت بواسطة mohsun

السلام عليكم
ممكن تخليكى على حذر ولو كسر 5612 بنقطه اعكسى
ولك تحياتى

---

اهلابيك
تحليلاتك جميلة وانا متابع مشاركاتك
ما شاء الله

اقتباس:

---

المشاركة الأصلية كتبت بواسطة Abu Yaser

اهلابيك
تحليلاتك جميلة وانا متابع مشاركاتك
ما شاء الله

---

استاذى الرائع الجميل
شهاده استاذ لاحد تلاميذه وسام على صدرى

صباح الورد استاذنا ..
ما أجمل هالصباح الندي بوجودك معانا ..
لا وكمان شاري باوند مثلي !! يا فرحتي

لقد سعدنا بتواجدك معنا ياأباياسر ونرجو دوام التواجد معنا لللأخذ من خبرتك
أبو عبد الرحمن

اقتباس:

---

المشاركة الأصلية كتبت بواسطة الرمز

نورت موضوعك يادكتور

---

اقتباس:

---

المشاركة الأصلية كتبت بواسطة saly22

حمدالله على السلامه يا دكتور
نورت موضوعك

---

اقتباس:

---

المشاركة الأصلية كتبت بواسطة maasa

اهلا بيك يا دكتور
بجد كان نفسي اوي اتعلم من حضرتك فيس تو فيس و كنت دايما بحسد الناس اللي ربنا كرمهم و كانوا معاك من الاول و لحقوا الخير كله هههههه
بس الحمد لله ربنا اكرمنا بالاستاذة انصاف وربنا وحده اللي يشهد هيا عمرها ما قصرت مع اي مبتدئ او حتى خبير
ربنا يجزيها خير ان شاء الله و مش هسيبها الا لما اتعلم منها الاستراتيجيات الاولى

انا مش عارف احساسي ده صح ولا غلط بس اتوقع ان الدكتور باين من كلامه انه راجع بمفاجأة جديدة بالرغم من ان خبرتي تعتبر كنز بس اهنا طماعين فقولنا يا دكتور و لو على السريع كده عشان انا الفضول هيقتلني
و الف مليون مرحب برجوعك لينا
:AA::AA::AA:

---

اقتباس:

---

المشاركة الأصلية كتبت بواسطة أبو محمد نضال

حمدا لله على السلامة يا دكتــــور----وبإذن رب الكون كل الذنب مغفـور
قد عاد للتو للموضوع رونقـــــه----وهل غاب يوما عن "خبرتي" النور
كل المشاركين هنا أنوار لكنهمـو---دون المنارة الكبرى أنت يا محبـــور
لو تدري كم سر الجميع بصحتكم---حتى من الفرح قد رفرف اليــــــورو

---

اقتباس:

---

المشاركة الأصلية كتبت بواسطة ليلى علي

حمد لله على السلامه يا دكتور

---

اقتباس:

---

المشاركة الأصلية كتبت بواسطة نسيم

الحمد لله على سلامتك يادكتور جمال

---

اقتباس:

---

المشاركة الأصلية كتبت بواسطة nest_king

السلام عليكم
اول شئ انا مش عارف ابداء كلامى منين بس انا والله جويا كلام كتير وفرحان جدا انى لسه راجع من الشغل ولقيت الدكتور جمال موجود
انا بصراحه مش عضو قديم فى المنتدى ومكنش اعرف الدكتور بس من حبى ليه قريت تقريبا معظم مشاركاته
وفعلا حسيت ان جواه انسان بيحب الخير للناس
بتمنى يارب تنورنا ديما وتخلينا نشوف مشاركاتك وبتمنى تفضل بصحه وسلامه ديما
وشكرى للاخت انصاف الى بصراحه محسسانا انها اختنا جميعا وعمرها مبخلت علينا بشئ
واوقات كتير بستغرب هيا ازاى بتتحمل كل الضغط ده عليها ومشاء الله بترد على كل واحد
وبتتمنى تساعد كل الناس
وفى الاخير ربنا يخليكو لينا وبجد الله يسعدكو

---

اقتباس:

---

المشاركة الأصلية كتبت بواسطة sawyhamdy

حمد لله على سلامة د جمال ممدوح وربنا يجعله منارا لهذه الصفحة
وأيضا أسأل عن أخينا أحمد الديب عساه يكون طيب

---

اقتباس:

---

المشاركة الأصلية كتبت بواسطة noor elhoda

منور دكتور جمال انا على كدة محظوظة والله بوجودى وسط نخبة عظيمة فى هذ الجروب الرائع وخصوصا انى لسة فى بداية المشوار وربنا يعوضنى خير على ايديكم ان شاء الله

---

اقتباس:

---

المشاركة الأصلية كتبت بواسطة جن جنا

السلام عليكم ورحمة الله

الحمد لله على سلامتك يادكتور اجر وعافيه ان شاء الله

كيف حالك استاذه انصاف .,, الله يعطيكي العافيه على جهودك

موفقين خير ان شاء الله تعااااالى

---

اقتباس:

---

المشاركة الأصلية كتبت بواسطة sm772

ماشاء الله
شوفتوا عودة ابو ياسر لمدة ساعة ..
عاد معظم الاعضاء الذين تركوا الورشة
وايضا شارك بعض من الاعضاء الذين يتميزون بندرة المشاركات بالرغم من تسجيلهم بالمنتدى من سنين

حمدا لله أبو ياسر على سلامتك
وطهور إن شاء الله
وأبشر بأضعاف الدعوات التي سمعتها منذ قليل
حيث أن الصامتون جيوش
والذين يدعون لك بظهر الغيب كثيرووووووون
تمنياتي بدوام الصحة والعافية

---

اقتباس:

---

المشاركة الأصلية كتبت بواسطة ابو فيصل2002

الحمد لله على السلامة د جمال و نتمنى لك الصحة و العافية و جزاك الله عنا كل خير فبهذه الإستراتيجية إستطعنا ان نحدد مسار واضح لمتاجرتنا بالعملات بدلا من التخبط و كل يوم إستراتيجية نجد ان تطبيقها أصعب من دراستها فلك منا وافر الشكر و التقدير ... و لا ننسى فضل و مجهود الأخت إنصاف فلولا الله ثم أختنا الأستاذة إنصاف لما استمر هذا الموضوع و لضاعت هذه الدرر و العلم بين طيات صفحات و مواضيع المنتدى فلها منا جزيل الشكر و التقدير

---

اقتباس:

---

المشاركة الأصلية كتبت بواسطة احمد الجندى ابو جومانا

منور يا ابو ياسر
وفقكم الله الى ما يحبة ويرضاة
شكرا يا ديب على الاتصال مش تقلى يبنى انك ثورجى دحنا بيننا هنبقا اصدقاء جمدين ومتقلقشى التحرير كلة تمام
متابع معكم ومع الاستاذة انصاف

---

اهلا بيكم يا ناس يا محترمين
والف شكر على ترحابكم وذوقكم
معلش ماعرفتش ارد على واحد واحد اعذرونى
بس انا مش بافوت اى مشاركة من غير ماقراها
اهلا بيكم مرة تانية :)

اقتباس:

---

المشاركة الأصلية كتبت بواسطة mohsun

استاذى الرائع الجميل
شهاده استاذ لاحد تلاميذه وسام على صدرى

---

انت اللى استاذ يا حبى بلاش تواضع
على فكرة هى شكوت الى وكيع مش سالته :)

اقتباس:

---

المشاركة الأصلية كتبت بواسطة reem123

صباح الورد استاذنا ..
ما أجمل هالصباح الندي بوجودك معانا ..
لا وكمان شاري باوند مثلي !! يا فرحتي

---

الصباح جميل بوجودك يا ريم
كلك ذوق
انا بس باحاول اقلدك لقيتك اشتريتى فرحت شارى هههههه

اقتباس:

---

المشاركة الأصلية كتبت بواسطة sawyhamdy

لقد سعدنا بتواجدك معنا ياأباياسر ونرجو دوام التواجد معنا لللأخذ من خبرتك
أبو عبد الرحمن

---

ربنا يخليك
وسلم لى على عبد الرحمن كتير
هايجى امتى تانى؟

اقتباس:

---

المشاركة الأصلية كتبت بواسطة ahmed el deeb

سلام عليكم اخوانى واحبائى
انا اسف ماقدرت اشارك معاكم وكنت ناوى اشارك بس ما قدرتش اقعد فى بيتنا واتفرج لما شوفت امبارح صور كلاب الامن المركزى والشرطة العسكرية فى ميدان التحرير وهما بيرموا جثث الشهداء على اكوام الزبالة وبيسحلوا المتظاهرين بكل ما اوتوا من قوة غاشمة وبيجروا الفتيات على الارض من شعرهم وكأنهم مايعرفوش ان اللى بيضربوهم وبيقتلوهم هما مصريين زيهم وهما اللى بيدفعوا مرتباتهم من قوت يومهم ..
فيه تطورات عندنا كتيرة فى اسكندرية وفى القاهرة والسويس وكل المحافظات والموضوع بيتطور ليرقى لثورة تصحيح للحالة الهباب اللى البلد فيها
وفى الاخر المجلس العسكرى ومجلس الوزراء اخيرا اصدروا مرسوم بقانون الغدر والعزل السياسى ههههههههههه
يعنى عشان نطلعو منهم بقانون واحد لازم البلد تتحرق وتقوم بثورة ويستشهد لحد الان 33 واحد ويصاب اكتر من 1300 !!!!!!!!!!!!!!!!!!!!
واللى يغيظك ان البلد بتتحرق والمجلس العسكرى وعصام شرف يتحدوا الناس ويقولو الانتخابات ستجرى فى موعدها !!!!!!! بالظبط زى نظام مبارك زمان.. البلد تولع وتدمر وده فييييين على ماينطق ولما ينطق نلاقى ان سكوته كان احسن "تمخض الجبل فولد فأرا"
لا والادهى والامر ان الحكومة اتقدمت بإستقاتها من شوية والمجلس العسكرى رفض الاستقالة !!!!! طبعا لازم يرفض لانه مش هيلاقى سكرتارية تنفذ اوامرهم اكتر من عصام شرف وزمايله..
انا بطلب من كل اخوانى المصريين ارجوكم انزلوا لميدان التحرير وكل الميادين فى محافظاتكم ارجوكم شوفوا الفيديوهات عالقنوات واليوتيوب عن القمه والارهاب اللى بيحصل .. الشرطة بتضربنا بقنابل غاز مش مسيلة للدموع ..لا دى قنابل بتعمل شلل مؤقت وبتخدر الجسم كله وغاز غريب غير اللى كانوا بيستخدموه فى ثورة يناير ومنتهية الصلاحية واقسم لكم بالله فيه قنابل مكتوب عليها باللغة اللعبرية يعنى جايه من اسرائيل عشان يقمعونا بيها.. وبيستخدموا الرصاص المطاطى والخرطوش لاستهداف الرأس والعين بالتحديد وانا شوفت ناس قدام عينى بينضربوا برصاص مصاطى فى اعينهم.. واصبحنا بنشوف مشاهد فى مصر زى اللى فى سوريا بالضبط..
يا اخواننا دول عايزين يصيبوا الشباب بعاهات مستديمة عشان مايعرفوش يقاوموهم وبينتقموا مننا عشان عملنا ثورة .. لكن والله الذى لا اله الا هو لن نعود لبيوتنا الا بتحقيق مطالبنا..
انا حاليا مع المتظاهرين مابين القائد ابراهيم وقيادة المنطقة الشمالية العسكرية ومديرية الامن عشان الشرطة القذرة والمجلس العسكرى يعرف اننا مش هينضحك علينا تانى زى ماضحكوا علينا فى يناير واوهمونا انهم بيحموا الثورة وحاليا هما اللى بيضربونا ومبارك واعوانه لن يحاكموا محاكمة حقيقية وانما هي تمثيلية عشان فى الاخر يطلع براءة.. انتوا متخيلين ان طنطاوى وغيره من قيادات المجلس العسكرى اللى مبارك هوا اللى اختارهم وسلمهم السلطة انهم هيحاكموه !!!! طيب ليه ليه جلسة شهادة طنطاوى فى المحكمة كانت سرية ؟؟؟
وفى الاعلام المصرى القذر بيصورونا اننا مخربين واننا مثيرى للشغب وبلطجية.. والله العظيم انا ماشوفت شخص من المتظاهرين واتعرفت عليه إلا ويكون دكتور او مهندس او موظف محترم او طالب جامعى او رب اسرة ومعظم الناس المتظاهرين من الطبقة اللى بيسموها بين قوسين "الطبقة الراقية"
اسف انى قاطعتكم واتكلمت فى موضوع خارج السياق بس غصب عنى انا قولت افضفض معاكم شوية واطمنكم عليا ..انا هحاول كل ماالاقى فرصة انى اتواصل معكم بس امانة عليكم اللى يقدر يشارك فى الثورة ينزل ويشارك عشان البلد دى تنضف وتكون افضل وعشان اولادكم وعشان نفسكم وماتخافوش انا بشوف شباب وبنات سنهم لا يتعدى 20 سنة واقفين قدام الشرطة بكل قوة وجرأة لدرجة ان الواحد بيتكسف من نفسه ساعات " اصل انا اول مابشوف الامن المركزى داخل علينا بعمل نفسى نايم هههههه مانتوا عارفينى بقى .. وبقولكم ماتخافوش تانى لانه " قل لن يصيبنا الا ماكتب الله لنا "
والله العظيم انا عمرى ماكنت ثورى اوناشط سياسى حتى لكن اللى بيحصل ده لا يمكن لبنى ادم عاقل انه يشوفه ويمصمصلى شفايفه من التإثر ويقلب على قناة تانية " انا قصدى على قنوات التليفزيون مش قنوات خبرتى هههه"
انزلوا التحرير واللى يقدر على حاجة يعملها سواء انه يدافع عن المعتصمين ضد هجمات الشرطة او يساعد فى نقل او اسعاف الجرحى او يتبرع بمواد طبية للمستشفيات الميدانية او يجيب للمعتصمين اكل او مياه او بطاطين او او يشارك فى اللجان الشعبية او اى شئ ان شالله يساعد بالهتاف بس..
اخيرا بسلم على كل احبائى اللى وحشونى جدا واللى بحبهم جدا الريس طولكرم والكينج ابو احمد والشيخ حمدى ورمووزة بيه وحشيش باشا وابوجمانا "معلش يا ابوجمانا وعدتك انى اكون موجود بس دى مصر بقى لازم اصحى من النوم شوية هههه" واخواتنا المحترمات استاذتنا انصاف وام يوسف و"ماتزعليش على مصر ان شاء الله هترجع احسن من الاول" وريم ونور الهدى ونسيم ..
اسيبكم بقى عشان اخد دش سخن كدا واكلى لقمة بيتى لان بطنى ورمت من اكل الشارع هههه واغير هدومى وانزل بقى اقلب رزقى فى الزحمة هههه.. ونشوفكم فى الاخرة ان شاء الله هههه
استودعكم الله الذى لا تضيع ودائعه واراكم عن قريب ان شاء الله لو لينا عمر
بالتوفيق للجميع

---

صدق من قال أن من فى التحرير لا يمثلون الشعب المصرى. هذا لأنهم يمثلون أنبل ما فى الشعب المصرى. إن لم تكن معهم، فلا تكن عليهم تحية خاصة لأخونا الديب

اقتباس:

---

المشاركة الأصلية كتبت بواسطة Abu Yaser

وانا كمان اشتريت الوقتى :)

---

ليك وحشه:)

انا بقه مستنى شويه صغنين و اشترى الباوند :)

اقتباس:

---

المشاركة الأصلية كتبت بواسطة ensaf

تحية طيبة
أعزائى المشاركين
والمتابعين فى صمت الكرام
ان شاء الله تكونوا فى خير

رأيتم كيف ان من يتبع خطوات الاستراتيجة يفوز بالربح بإذن الله
ولكن أعزائى
يجب ان يكون لدينا تفهم اعمق لحركة السعر
والتفاعل بين الفريمات ومراعاة السلوك السعرى

اعزائى
استراتيجية ادارة رأس المال هى ركيزة اساسية من ركائز استراتيجيات خبرتى ان لم تكن الأهم على الإطلاق
راعوا دخولكم بما يتناسب مع حجم رأس المال
وبما يتناسب مع تصديكم للضربات المباغتة

اعزائى
مفتقدين وجود اعزائنا
جن جنا - ريحانة - محروسة
سيلر - زيلنكو - أبو جميل
احمد الديب - طول كرم - ss
قائد كتيبة - الرمز - ابو نضال
محمد شوقى وغيرهم
وعذراً على عدم تذكر بقية الأسماء الكريمة
لعل المانع خير

الأخ كينجوا انقطع منذ البدايات الأولى للموضوع
ولا يدخل الى المنتدى ولا يرد على رسائل ولا تليفون
نسأل الله ان يكون فى خير

---

متشكر على السؤال ربنا يباركلك ويحبب فيكى الناس كمان وكمان :icon26::icon26::icon26:
الواحد بس زعلان على البلد واللى بيحصل فيها ومبقاش عارف مين الصح ومين الغلط
الثوار اخوانا واهلنا والجيش برده اخوانا واهلنا......
ربنا يعدى الايام ده على خير

اقتباس:

---

المشاركة الأصلية كتبت بواسطة مصطفى خالد

ليك وحشه:)

انا بقه مستنى شويه صغنين و اشترى الباوند :)

---

ازيك يا حبى
اخبارك اية
ايه اللى مصحيك بدرى كده هههه
اشوفك قريب باذن الله

حمد لله على السلامه يا دكتور جمال

اقتباس:

---

المشاركة الأصلية كتبت بواسطة 1hashish

حمد لله على السلامه يا دكتور جمال

---

الله يسلمك الف شكر

اقتباس:

---

المشاركة الأصلية كتبت بواسطة Abu Yaser

ازيك يا حبى
اخبارك اية
ايه اللى مصحيك بدرى كده هههه
اشوفك قريب باذن الله

---

الشغل و ظروفه بقه
ملهوش معاد محدد
و بعدينا ان موجود فى كل مكان و كل وقت :))
ما انت عارف

دكتور جمال اهلا بيك نورت بيتك..والله انا كل لما بشوف اللمبة الى جوا الدماغ ده
بحس ان انا مبسوط ....ربنا يباركلك انت والاخت انصاف ويجعل هذا العمل فى ميزان حسناتكم
ان شاء الله