... خبرتى ...

[zelenko]

ممكن لو سمحتو تبصوا علي قنوات الكندي علي مختلف التايم فريم و تقولولي رأيكم

[zelenko]

انا امبارح بليل قلت ان اليوم احتمال يكون يوم ترند و فعلا القنوات ديه حاولوا تشوفوا لما بتتكون ايه بيحصل للسعر

بس امبارح ما كانش يوم ترند عارفين ليه :: اولا السعر ما كسرش بليل ده ارتد ثانيا و ده الاهم ان امبارح ما كانش فيه سيولة بسبب سحب امريكا 600 بليون بتوع التسهيل الكمي و كمان نهاية اسبوع و بداية شهر الجديد

اذن السبب الاهم هو عدم وجود سيولة و اديكم شوقتوا ان اليوم كان مرجيحة في ايد تجار التجزئة اللي بيقعدوا يمرجحوا السوق في رنج قليل حوالي 100 نقطة مثلا و ذلك لغياب السيولة الكبيرة و اصحابها البيج بلايرز

[Alsager00]

ممكن لو سمحتو تبصوا علي قنوات الكندي علي مختلف التايم فريم و تقولولي رأيكم

السلام عليكم ورحمة الله وبركاته
ويعطيكم الف عافية اخواني الاعزاء على هذه الطريقة الجميلة في المتاجرة
وشكر خاص للدكتور ممدوح والذي اشرك الجميع في افكاره
مع الدعاء لكم بالتوفيق والارباح الخضراء


همسة : الاخ زيلينكو حاول ان تتخذ قرارك بنفسك لتتحمل نتيجته ايضا لوحدك ( وجهة نظر )
لا الغي رأي الاخوان او اهمشه - لا سمح الله - ولكن لسبب بسيط جدا ،،
سيأتي يوم وستجد نفسك تتاجر لوحدك ، اذن تمرن واعتمد على نفسك من الان .

بعيدا عن القنوات ....
عني انا ،،،، نازل مع الكندي من 9860 وارى ان للهبوط بقية ( استنادا الى توقيعي )


تحية ود للجميع مع الاعتذار ان شطحت في التعبير ،،

[wadzaman]

جزاكي الله كل خير اختي الكريمة علي حرصك و اهتمامك

و اوضح لكي ان هذه الصفقة واحدة من اكثر الصفقات ثقة منذ تعاملي بأستراتيجيات دكتور جمال

اولا بعد باك تست محترم يتضح ان الكندي واحد من اكثر الازواج احتراما لأستراتيجية الرينج بل قد يتفوق علي الكيبل

لأنه رينجه المعتمد صغير و هو 90-100 و لو اقل من ذلك لا اعتمده و ان كان ايضا السعر يحترمه لو كان اقل من ذلك

كما ان تصحيحه بعد الوصول للرينج غالبا ما يكون نصف الرينج او الرينج كله


و ممكن كلكوا تعملوا باك تست و تشوفو الكندي عامل ايه و اللي مش مقتنع بيه اوعي يخش عليه بناءا علي كلامي لما تدخل علي حاجة خش لما تكون مقتنع بها انت شخصيا


نيجي للمهم انا دخلت ليه

اول حاجة انه يوم الاتنين ارتد من مقومة قوية 9900
يوم الاربعاء 29 الكندي جاب الرينج و كمان وصل للفيبو الازرق انا اخدته شراء من الفيبو الازرق و كان ساعتها كسر القناتين علي الاربع ساعات انا قلت هيعمل اعادة اختبار و اكسب انا بتاع حوالي 40 نقطة

ما عملش و كمل نزول

طبعا خلال الباك تست توصلت ان نظام التعزيز للكندي يكون كل 35-40 نقطة فعززت من 9639
لانها نقطة مقاومة من 6 اسابيع

و كان كل المحللين في موقع ديلي اف اكس بيقولوا انه لو وصل 9600 غصب عنه هيرتد جامد لان مؤشر الاس الاس اي يشير الي بناء تسع عمليات شراء مقبل كل عملية بيع من عند 9600

فقولت ان التعزيز التاني هيكون من 9600 بعد كدة السنس الداخلي قاللي اني اصب و ان السعر هيكسر النقطة دي بعشرة خمستاشر نقطة زي عوايده قبل ما يرتد و فعلا دخلت التعزيز التاني قبل السوق ما يقفل ب 3 دقايق من 9585

و زي ما قلت لو عايز تبقي واثق من نفسك و من الاستراتيجية اعمل باك تست

و ياريت لو تعملوا باك تست و تجيبولي مرة الكندي مشي فيه 325 نقطة في اسبوع بدون تصحيح و ياريت لو لقينا الحالة دي ياريت نبص الاسبوع اللي بعده ارتد كام نقطة

يعني انا لما كنت بعرض عليكم الدخول كان علي اسس مش مجرد تهور و ان شاء الله كانت فرصتكم هتكون احسن مني لأن ده بالنسبة لي التعزيز التاني لكن انتو كان هيبقي بالنسبة لكم الدخول الاول
و السلام عليكم و رحمة الله و بركاته

تحياتي يا دكتور زيلينكو

شوف اخي العزيز انا لا حاجيبلك باك تيست ولاشئ ده تجربة شخصية لي انا شخصيا مع الكندي وعلى الحقيقي كمان مش ديمو . ( سابحث لاحقا عن كشف الحساب وارفقه لك) .وهنالك تجربة لاخ عزيز لي صفر فيها حساب ب28 الف دولار !!!!!!!! مع انه العقد الاولي له كان عقد صغير ابو النقطة ب2.5 دولار

تجربتي انا التي اقصدها مع الكندي في الفترة من 13 يوليو 2009 وحتى 5 اغسطس 2009 وكان الدخول شراء من 11516 ونفس الشئ كان هنالك كلام للمحللين الاساسين والفنيين انه سيبدأ صعود لانه هبط سابقا قرابة 2700 نقطة ووصل في التصحيح حتى فايبو 76 وارتد منه وعلى الاسبوعي اعطي نموذج شرائي وعلى الشهري مش عارف ايه وووووو لاب لاب لاب لاب ...........

المهم انا بعد خسارة 500 نقطة تقريبا هدجت الشراء وصبرت بعد ذلك شهر تقريبا وانا اراقبه يوم بيوم لاجد فرصة جيدة لفك الهيدج تعرف ماذا حدث ؟؟؟ فكيت الهيدج مشى في صالحي تقريبا اقل من 100 نقطة بشوية واخونا ما صدق عادي كمل 700 نقطة اخرى لتحت وطبعا اتمرجن ابو الحساب السابق واخد معاه شوية فلوس كنت عززت بيها الحساب .

هههههههههههه

وايضا اذا كان هنالك عزاء ما فهو انه الكندي معروف عنه وعادي جدا بالنسبة له انه يمرجن حسابات ناس او يخسرهم خسائر كبيرة مش نحن بس بل ناس محترفة ومشهورة جدا ومؤسسات كمان واقرأ على سبيل المثال في كتاب ماركت ويزردس قصة المتاجر المحترف المشهور والمعروف بالتزامه الصارم جدا بالادارة المالية والذي وجد نفسه في خلال يومين تقريبا وقد خسر حوالى 8 مليون دولار من الكندي وكان خطأؤه هو ان الكندي في العادة لا يتحرك اكثر من 60 نقطة في اليوم كرينج يومي فكيف يصدق انه في ساعات ممكن ان يعكس عليه 140 نقطة ؟؟؟

ليس قصدي والله تخويفك او شيئ يا دكتور زيلينكو ولكن كل ما اقصده هو الحذر ثم الحذر في هذا السوق ليس مع الكندي فقط ولكن مع أي عمله اخرى .

المهم يمكن ان ترجع للفترة التي ذكرتها لك واعمل باك تيست على القنوات وشوف ربما قد تكون النتيجة مختلفة باستخدام الرينج ..

تحياتي اخي الكريم ...

[wadzaman]

انا امبارح بليل قلت ان اليوم احتمال يكون يوم ترند و فعلا القنوات ديه حاولوا تشوفوا لما بتتكون ايه بيحصل للسعر

بس امبارح ما كانش يوم ترند عارفين ليه :: اولا السعر ما كسرش بليل ده ارتد ثانيا و ده الاهم ان امبارح ما كانش فيه سيولة بسبب سحب امريكا 600 بليون بتوع التسهيل الكمي و كمان نهاية اسبوع و بداية شهر الجديد

اذن السبب الاهم هو عدم وجود سيولة و اديكم شوقتوا ان اليوم كان مرجيحة في ايد تجار التجزئة اللي بيقعدوا يمرجحوا السوق في رنج قليل حوالي 100 نقطة مثلا و ذلك لغياب السيولة الكبيرة و اصحابها البيج بلايرز

بالنسبة لتوقع يوم الترند فانا كنت اخذت ما حدث لليورو يوم 5 مايو كنموذج ليوم الترند فوجدت انه من ناحية تحليل فني بحت ومنطقي ايضا ان يكون شكل القنوات على الاربع ساعات من النوع الذي ذكره دكتور جمال متطابقتين ومتجهتين للاعلى او الاسفل مع بعض ويكون تم كسر واعادة اختبار على الاربع ساعات حينها يمكننا ان نتوقع بنسبة كبيرة ان يكون يوم الترند على الساعة هو اليوم الذي تكون فيه القنوات على الساعة على الشكل الذي ذكرته انت وصراحة لم اعمل باك تيست لارى نماذج اخرى لكن شرط ان يكون السعر على الاربع ساعات قد كسر سابقا يبدو لي اقوى شرط لكي نتوقع احتمال ان يحدث ترند على قنوات اليوم وبالطبع هذا بغض النظر عما فعله او سيفعله البيق بليرز فالشارت يخبرنا بكل شئ

[wadzaman]

بالنسبة لتوقع يوم الترند فانا كنت اخذت ما حدث لليورو يوم 5 مايو كنموذج ليوم الترند فوجدت انه من ناحية تحليل فني بحت ومنطقي ايضا ان يكون شكل القنوات على الاربع ساعات من النوع الذي ذكره دكتور جمال متطابقتين ومتجهتين للاعلى او الاسفل مع بعض ويكون تم كسر واعادة اختبار على الاربع ساعات حينها يمكننا ان نتوقع بنسبة كبيرة ان يكون يوم الترند على الساعة هو اليوم الذي تكون فيه القنوات على الساعة على الشكل الذي ذكرته انت وصراحة لم اعمل باك تيست لارى نماذج اخرى لكن شرط ان يكون السعر على الاربع ساعات قد كسر سابقا يبدو لي اقوى شرط لكي نتوقع احتمال ان يحدث ترند على قنوات اليوم وبالطبع هذا بغض النظر عما فعله او سيفعله البيق بليرز فالشارت يخبرنا بكل شئ

واضيف ايضا ان حديثي هذا مبني بشكل اساسي على فكرة التروس التي بنيت على اساسها الاستراتيجية كلها وكما وضحها دكتور جمال في بداية هذا الموضوع فهو قد قال ان الترس الاكبر يحدد ملامح الترس الاصغر والترس الاكبر يتم تكونه من خلال الترس الاصغر وهكذا وآمل الا نكون قد نسينا هذا الاساس الاهم .

[wadzaman]

نيجى بقى للمهم
بجد انت عامل شغل كبير اوى اوى يا مصطفى
وانا مش عارف ارد على ايه ولا ايه من كمية التساؤلات دى كلها
بس هو الموضوع ابسط من كل ده
وفيه حاجات كتير مش مظبوط
عشان كده احد الاخوان قالك بلاش تشتيت (على اساس انه فاهم غير اللى انت بتقوله)
ولكن اللى وراه على طول قال انه فاهم كده بالظبط
يبقى الخلاصة ان الموضوع محتاج (مش شرح) ولكن اعادة تثبيت بعض النقاط منعا للتشتيت او تضارب المفاهيم
بس برافو عليك انك فجّرت الموضوع ده بدل ما كنا نكمل ومش كل الناس على مفهوم واحد

شوف
هو يمكن اللى انا قلته هو اللى خلاك تفهم كده بس مش ده كان قصدى خالص
هانحط يا جماعة شوية نقط نمشى عليها بالظبط بعد كده عشان من غير تفكير طالما انا دخلت التريدة يبقى اكييييييد باقى الناس تكون دخلتها (المقصود يكون التفمير واحد ومافيش تضارب فى المفهوم)

فانا هاقولك على طريقتى يا مصطفى زى مانت طلبت وانت طبعا لك مطلق الحرية فى العمل بيه او التعديل عليه فى شغلك انت الخاص

أولا
الشغل على فريم الساعة فقط
امال ال 4 ساعات ده ايه؟
ده مجرد يفهمك الاتجاه العام وللتأكيد على الاستمرار فى الصفقة (على الساعة) أو الخروج منها (على الساعة برضة)
وبيورينا التخيل العام للاسبوع (ممكن) يبقى شكله ايه (مش بالضرورة)
انما اللى بيحدد الشكل الفعلى هو فريم الساعة وتغير سلوك السعر خلاله

امال اليومى بقى؟
ده عشان نتخيل برضه شكل الشهر (احتما يبقى ازاى)
وتأكيده يكون من ال 4 ساعات
وتأكيد ال 4 ساعات من خلال الساعة

يعنى هاديلكم مثل
احنا هانبتدى شهر جديد
عملنا نظامنا على فريم اليومى عشان نتخيل الشهر
فلقينا (حاجة من الاتنين بس اللى اتشرحوا ماعندناش غيرهم الوقتى) ان الأحمر والأزرق متطابقين على بعض ونازلين لتحت
فى الحالة دى يبقى عندنا سيناريو من اتنين خلال الشهر ده

يا اما هايمشى فى ترند هابط يلمس القناة من فوق وينزل يلمسها من تحت
او هايكسرها من فوق ويطلع بهبل

طيب نعرف ازى؟
ندخل على ال 4 ساعات ونعمل نظامنا عادى
نلاقى الشكل فى الغالب هايكون شبه اليومى (عشان بقاله فترة نازل)
فيكون السيناريو هو هو احدى الحلّين

نقوم ندخل على الساعة ونعمل نفس النظام
ودى تكون محطة المراقبة بتاعتنا
ممكن نلاقى الساعة نفس الشكل (الأحمر والأزرق متطابقين برضة) فيكون نفس السيناريو
او يكون السعر مشى بالعرض شوية (بحيث تأثيره ظهر على الساعة ولكن لسه على ال 4 ساعات مش مؤثر اوى)
فيكون الشكل على الساعة ان الأزرق ماشى بالعرض شوية والأحمر باصص لتحت

الطبيعى عندنا اننا بنشتغل على الساعة مع وضع الحال العام فى الاعتبار
فلما يكسر الأحمر على الساعة لفوق يبقى هاندخل شرا (ده العادى) ولكن الاتجاه العام على اليومى وعلى ال 4 ساعات هبوط فيكون الدخول اما بلوت صغير عشان تقدر تعزز او بتارجت صغير (مش لازم يلمس الحد العلوى للأزرق)

ملحوظة هااااامة
ماتخافش ان الترند يعكس اتجاهه من بيع الى شرا وانت كنت شارى وقفلت بدرى
لا
هايرجع وينزل لك تانى لمنطقة الشراء الأصلية أو أفضل منها كمان قبل ما يبتدى رحلة الصعود
يعنى هاتركب الموجة هاتركب الموجة باذن الله تعالى
فبلاش تستعجل او تطمع وما تقفلش الصفقة عشان هايعكس الترند ويطلع
مافيش ترند بيتعكس خبط لزق، لازم فترة انتقالية الأول
والاستراتيجية بتاعتنا دى بتبين كل الفترات، الترند والانتقالى
بس انت
أدخل صحححححح

المهم
زى ما قلنا اشترينا على الساعة مع كسر الأحمر (على استحياء)
وبعدين تانى يوم مثلا هايتغير الشكل بتاعنا (عشان امبارح طلع السعر شوية)
فهايكون الأزرق ماشى بالعرض وتقريبا الأحمر ماشى باعرض برضة بس باصص لفوق

نركز هنا بقى
فيه 2 سيناريو

السيناريو الاول
لو الترند العام هايكمل هبوطه

هايبقى السعر على ال 4 ساعات مثلا لامس الحد العلوى للقناة
وعلى الساعة حبيبتنا
هايكسر الأحمر لتحت، فهاندخل بيع وبقوة (لوت عالى) ليه؟
اليومى هابط وماتكسرش
ال 4 ساعات لمس الحد العلوى وارتد وترند هابط
الساعة كسر الأحمر لتحت
عاوز ايه تانى؟

السينايو التانى
يكون الترند هايبتدى ينعكس
فالسعر على الساعة هايكسر الأحمر لفوق (لتانى يوم)
فهاندخل شرا (لسه على استحياء بس مش استحياء اوى زى امبارح ههههه)
هايطلع بينا شوية (يمكن يكون بقوة)
فى الحتة دى هايكون كسر الحدين العلويين للقناتين المتطابقتين على ال 4 ساعات
يبقى ساعتها يا فرج الله الاسبوع ده هايكون طلوع بغباوة وفيه ناس كتير هاتصفّر حساباتها (المتمسكين بالبيع) نحاول احنا نكسب بقى

ساعتها السعر هايعمل زى ما قلنا من شوية
هاينزل تانى ويمكن لسعر أفضل من اللى اشترينا على أول ما كسر
وده عشان يعمل اختبار على ال 4 ساعات قبل ما ينطلق
ويمكن على الساعة نلاقيه دخل تانى جوة الأحمر اللى لسه كاسره
(من هنا ييجى دور ال 4 ساعات فى تحديد الاتجاه وليس فى المتجرة)

طبعا احنا مش هانشترى من تحت اوى (بلاش افترا ههههه) وبلاش تخييييل (تاجر ما ترى وليس ما تظن)
الشرا وبمنتهى القوة يكون لما السعر يرجع ويطلع تانى من الأحمر على الساعة
ويكون تم التأكيد على اختبار فى ال 4 ساعات (والحاجتين دول متزامنين يعنى بيحصلوا سوا)

يعنى لما يرجع يكسر على الساعة بيكون فى الغالب عمل شمعة هامر او بولش انجلف على ال 4 ساعات مع لمس القناة المكسورة والارتداد منها

يبقى اشترى ولا حرج
والا سبوع ده هايطيييييير لفوق

هايكون عندنا الشكل كالتالى
على ال 4 ساعات القناتين باصين لتحت ومتطابقتين والسعر خرج منهما وطار (الفريم ده كده مالناش دعوة بيه تانى لآخر الاسبوع عشان الشكل ده مش هايتغير)
اما على الساعة فأول يوم لما السعر كسرهم وطار هايبقى الشكل شبه ال 4 ساعات
اما تانى يوم فهايكون الأحمر باصص لفوق ورفيع ومخترق الأزرق من شدة طلوع السعر (أكيد يعنى) والأزرق عريض وبيبتدى يبص لفوق
فلو السعر هايكمل بنفس القوة (وده فى الغالب)
ممكن يلمس الأحمر من تحت ويطلع بقوة
وممكن يكسر الأحمر لتحت (ده شكل جديد غير اللى فاتوا) خلى بالك
هايكسر الأحمر لتحت (ادينى باعيدها تانى) ويلمس طرف الأزرق من فوق ويطييييير يطير زى العصافيييير

طيب ليه لما هايكسر لتحت مش هانبيييييع؟؟
اولا احنا مش مكنة (اجهزة يعنى بس بالمصرى)
ثانيا احنا قايلين انه على ال 4 ساعات اخد فى وشه ومسافر لدرجة اننا مش هانبص عليه تانى باقى الاسبوع
يعنى كل نزول شرا
وعلى فكرة
غير موضوع ال 4 ساعات انه طالع
الشكل نفسه بتاع الساعة ما بيبقاش هو هو
يعنى الأحمر بيكون رفيع عن العادى وخارج عن الأزرق اوى (لقوة الشموع الصاعدة المرسوم عليها)

عموما
الشرح النظرى شىء
ولما تجرب عملى وبإيدك والخبرة شىء تانى خالص، وده اللى احنا عاوزين نوصل له
وما تفتكروش انى قلت الكلمتين اللى عندى ومش هاتابع الموضوع زى ما ساعات الناس بتعمل
احنا باذن الله مع بعض وهانتابع سوا ونتعلم سوا لحد ما تنتقل لكم الخبرة باذن الله

وعلى فكرة
ممكن قدام شوية بعد ماتكتسبوا الخبرة
من أول ما ترسموا النظام بتاعنا من بالليل ومن شكل الأحمر مع الأزرق
تقول انا بكرة أجازة وتستمتع بحياتك
ولما ترجع بالليل تلاقى اللى انت كنت عارفه
انه مشى بالعرض فى رينج ضيق (نبقى بعدنا عن التذبذب)
او انه غير محدد الملامح (على الساعة طالع وعلى ال 4 نازل واليومى بالعرض) فلما تيجى بالليل تلاقى ناس فى المنتدى بتعيط انه ليه عمل كده او ان فيه مؤامرة ضد أموال العرب
فتحمد ربنا (تانى ماتنسهاش دى)

معلش ان الشرح من غير صور
بس محتاج شوية تخيّل
فيارب تكون الصورة الكاملة وضحت

انا كده خلَّصت، وخِلِصْت

د/ جمال ممدوح

اعتقد هذا اهم واوضح شرح لموضوع القنوات والتروس نخلي بالنا منه

[karim yahia]

السلام عليكم ورحمة الله وبركاته

صباح الخير عليكم جميعا

ياريت يا جماعة اعرف يعنى ايه باك تيست وازاى أقدر أعمله على استراتيجية

حبيبنا دكتور جمال

وشكرا

[حيدر علي]

اليوم وانا اقلب الملفات وجدت عندي ملف عن الشموع اليابانيه كان قد طرحه احد الاخوه في بدايات موضوع
( خبرتي ) وقد احتفظت به لاهميته الكبيره .... وانا اطرحه لكم لتزداد معرفتنا بهذا العالم عالم الشموع اليابانيه وما يحتويه من اسرار مخبئه بين هذه الشموع وكم ستكون المتاجره سهله ان نحن عرفنا لغة الشموع .

[Mo3Ty]

اليوم وانا اقلب الملفات وجدت عندي ملف عن الشموع اليابانيه كان قد طرحه احد الاخوه في بدايات موضوع
( خبرتي ) وقد احتفظت به لاهميته الكبيره .... وانا اطرحه لكم لتزداد معرفتنا بهذا العالم عالم الشموع اليابانيه وما يحتويه من اسرار مخبئه بين هذه الشموع وكم ستكون المتاجره سهله ان نحن عرفنا لغة الشموع .

فعلا اخي حيدر الشموع اليابانية تعتبر استراتيجية لوحدها واستراتيجية ناجحة جدااااااااااااا
ده احنا شغالين على نوع شمعة واحدة كيلر زى سيلر وفولنج وعاملين معانا احلى شغل
انا نزلت الملف وحقراه النهاردة لانه مهم وحيفدينا
تقبل تحياتي

[Mo3Ty]

السلام عليكم ورحمة الله وبركاته

صباح الخير عليكم جميعا

ياريت يا جماعة اعرف يعنى ايه باك تيست وازاى أقدر أعمله على استراتيجية

حبيبنا دكتور جمال

وشكرا

بك تيست يعني بتختبر نجاح او ضعف الاستراتيجية فى الايام والشهور السابقة

اماازاى على طريقتنا

انك ترسم قناتين لكل يوم وتشوف ايه نظامها لما كسرت حصل ايه وسلوك الاستيك فعال ولا لا وشكل الشموع فرقت

[AbuJmel]

اليوم وانا اقلب الملفات وجدت عندي ملف عن الشموع اليابانيه كان قد طرحه احد الاخوه في بدايات موضوع
( خبرتي ) وقد احتفظت به لاهميته الكبيره .... وانا اطرحه لكم لتزداد معرفتنا بهذا العالم عالم الشموع اليابانيه وما يحتويه من اسرار مخبئه بين هذه الشموع وكم ستكون المتاجره سهله ان نحن عرفنا لغة الشموع .

سلمت يمينك يااخي الشموع اليابانية وما ادراك مالشموع اليابانية انا نزلت الملف والكتاب هذا كان عندي واصله كان ورشة في منتدانا الحبيب لوليد الحلو لكن سأقرأه مره اخرى مراجعة معلومات
بارك الله فيك

[karim yahia]

شكرا أخ mo3ty

[Mo3Ty]

ياشباب ياريت فى ايام الاجازة من كل اسبوع الى عنده حاجة مفيدة ينزلها او اى كلام للدكتور مهم

وانا حفكركم بكلام دكتورنا بالاستيك لاهميته القصوى لانه ساعات بيكسر غلط وبيبقا ده سلوك استيك وليس كسر فارجو الانتباه لهذه النقطة


السعر مشى لفوق مثلا (او لتحت) كتير
بيبقى زى الاستك مثلا لما بترمى بيه حاجة، راح لبعيد (بقى ممطوط) وبعدين انت (اللى ماسك الطرف التانى من الاستيك) روحت وراه
فبكده انت كسبت ارض وقربت من مكان الاستيك الحالى، فبكده الاستيك مش هايرتدلك كل اللى مشيه (يارب تكونوا قادرين تتخيلوا معايا)
ساعتها الاستيك هايعمل ايه؟؟
هايتذبذب حواليك حتى يصل تقريبا للسكون
ودى هى الشموع الصغيرة اللى على شكل مثلث (من التذبذب اللى بيقل)
طيب هل السعر هايموت ولا لازم يتحرك تانى؟
اكيد هايتحرك

نيجى بقى للمهم
لو انت عاوز تحدفه تانى لبعيد هاتعمل ايييه؟ (نرجع للتخيل تانى)
لو عاوز تحدفه لبعيد اكيد هايحصل نوع من (المرجحة) الاول عشان الاستيك يكتسب قوة وعزم يمشى بيه لبعيد
وده اللى بيحصل بالظبط بعد الهدوء
مابيمشيش فى الاتجاه مرة واحدة بسرعة ومنطلق
انما بينزل عشان يطلع، او بيطلع عشان ينزل زى اىىىىىى حاجة فى الطبيعة
عشان تحدف حاجة لقدام لازم ترجع ايدك لورا، وكل ماتكون الحدفة لقدام اقوى، معناها انك هاترجع ايدك اكتر وهكذا
يارب اكون عارف اوصل المعلومة

اشوفكم على خير

د/ جمال ممدوح

[Mo3Ty]

شكرا أخ mo3ty

العفو يا كريم