... خبرتى ...

[ahmed5]

شرح مميز
بارك الله فيك

[k-m]

ماشالله تبارك الله

انا رجعت اقراء المشاركات السابقة لليوم

وانبسطت كثيراً لما لقيته يوم اخضر للاغلبيه ربنا يديمه ان شالله تعالى

لم يكتب لنا متاجره معاكم اليوم والحمدلله القادم افضل واجمل

والشكر موصول للدكتور ابو ياسر بنا يحفظه

[اشرف عبد العزيز]

اشكرك ياغالى من كل قلبى على تلبيتك لطلبى وطلب الاعضاء وده العشم من المصريين الكرماء وادامك الله لاسرتك واخوانك وكل حبايبك

[forexdz]

بارك الله فيك يا دكتور واخيرا رجع الينا الامل في الربح من الفوركس

[zouhirtaha]

لقد اثرت اعجابي يا غالي
بعدما قرات بعض الصفحات في بداية الموضوع
اريد ان اشكرك على شرحك البسيط وعلى الاستراتيجية القوية
واتمنى ان يكون لي مكان خالي معكم
وجاري الاطلاع على باقي الصفحات

[Abu Yaser]

شرح مميز
بارك الله فيك

ماشالله تبارك الله

انا رجعت اقراء المشاركات السابقة لليوم

وانبسطت كثيراً لما لقيته يوم اخضر للاغلبيه ربنا يديمه ان شالله تعالى

لم يكتب لنا متاجره معاكم اليوم والحمدلله القادم افضل واجمل

والشكر موصول للدكتور ابو ياسر بنا يحفظه

اشكرك ياغالى من كل قلبى على تلبيتك لطلبى وطلب الاعضاء وده العشم من المصريين الكرماء وادامك الله لاسرتك واخوانك وكل حبايبك

بارك الله فيك يا دكتور واخيرا رجع الينا الامل في الربح من الفوركس

الحمد لله رب العالمين
انا كنت فاكر ان الشرح مش باين بس كويس ان الناس مبسوطة
وربنا ييسر يكون ده زيادة فى الارباح باذن الله تعالى
والف شكر ليكم على ذوقكم ودعواتكم
ربنا يديم المعروف

[Abu Yaser]

لقد اثرت اعجابي يا غالي
بعدما قرات بعض الصفحات
اريد ان اشكرك على شرحك البسيط وعلى الاستراتيجية القوية
واتمنى ان يكون لي مكان خالي معكم
وجاري الاطلاع على باقي الصفحات

اهلا بيك تنوّر، وفى انتظارك

[gashaweb]

بارك الله فيك د جمال شرح رائع
جعله الله في موازين حسناتك
و غفر الله لنا و لك
و اجزل لك المثوبة

[أبوخالد2010]

جزاك الله خيرا يا دكتور
وبارك الله فيك

[محمد الزيني]

اخواني هل الطريقة لها استوب؟؟؟؟

لاني ارى مشاركات ان السعر ممكن يرتد على الواحد 100 و200 نقطة وعادي جدا بيفضل في التريده مش بيقفلها...
وفي الشرح ما شوفتش استوب.... ولا انا مش مركز وفي استوب؟؟؟

[TSX]

اخواني هل الطريقة لها استوب؟؟؟؟

لاني ارى مشاركات ان السعر ممكن يرتد على الواحد 100 و200 نقطة وعادي جدا بيفضل في التريده مش بيقفلها...
وفي الشرح ما شوفتش استوب.... ولا انا مش مركز وفي استوب؟؟؟

طريقة الدكتور ليس لها وقف خسارة لكن لها ادارة مالية محكمة لمن اتبعها ونفذها حرفيا مهما ارتد عليك السعر فلن تخسر باذن الله وان خسر فستكون الخسارة معوضة في نفس الصفقة
نقاط قوة طريقة الدكتور هي
الدخول من منطقة قوية. ان اخطات في في الدخول سفينة النجاة هي ادارة راس المال.لقد شرحها الدكتور من قبل كيف تقسم العقود على حسب الفرصة ونسبة نجاحها كل ما عليك هو الالتزاااااام

[سامووو المملكة]

الدكتور جمال نسي يرفق المؤشر
تفضلو موجود بالمرفقات

[سامووو المملكة]

وأخيييييرا هاشرح الفايبو
ههههه
معلش والله على التاخير، بس الموضوع كان غصب عنى

المؤشر هاتلاقوه تانى فى المرفقات
وياريت تراجعوا المشاركة اللى شرحت فيها كيفية رسم الفايبو على الشارت يدوى الاول

الوقتى المؤشر ده عبارة عن ايه؟
هو كل اللى بيعمله حاجتين
أولا بيرسم اهم الخطوط على النهاردة بناء على الفايبو المرسوم اوتوماتيك على الرينج بتاع امبارح
يعنى كانك راسم فايبو من اللو بتاع امبارح الى الهاى بتاع امبارح
وهانبتدى نتاجر عليه النهاردة، عشان مبدأ عدم التغيير فى القيم تماما

المؤشر بيرسم خطين بلون برتقالى ودول الممثلين لنسب (61 و 38) ودول نسب استكمال الاتجاه لليوم اللى فات
وبيرسم خطين باللون الاخضر ودول ممثلين لنسبة (123) من فايبو امبارح
وخطين لونهم احمر (من أقوى الخطوط) وده عشان الارتداد وده ممثل لنسبة فايبو (161) من امبارح
وخطين لونهم ازرق فاتح (نادر الوصول اليهم) ودول ارتداد وممثل لنسبة (261) من فايبو امبارح

طيب نعمل بيهم ايه؟
نخلى بالنا من حاجة مهمة
دول مش زى الخطوط بتاعت المؤشر السابق بيتحركوا مع السعر عشان يحافظوا على فرق الرينج
دول ثابتين ومالهمش دعوة بسعر الافتتاح (اعتماد كلى على امبارح)
فممكن يكون الافتتاح قريب من خط اخضر مثلا او يكون قريب من خط برتقالى على حسب

المهم
فى المعتاد، ونركز انه (فى المعتاااد مش اساسى) ان لو كان امبارح مثلا صعود ولمس النهاردة الخطوط البرتقالى (وعمل سلوك سعرى) فبكده يبقى هايكمل صعود، طبعا لازم يكون فيه تاكيد من اى نظام من بتوعنا السابقين
عشان موضوع الفايبو هو موضوع ثانوى وتأكيدى فقط وانما اساسيات نظم المتاجرة تكون بالاستراتيجيتين الاولتين
اما لو السعر راح للخطوط الخضرا او الحمرا او الزرقا فهو للارتداد (نظام الاستراتيجية التانية) والاهمية فى الخطوط حسب نفس الترتيب
طيب ممكن السعر يلمس الاخضر وما يرتدش ويكمل؟
ممكن جدا جدا
طيب على اى اساس؟
بناء على كذا حاجة
يعنى لو كان الخط الاخضر ده قريب من افتتاح اليوم (يعنى السعر لسه مامشيش حاجة عشان يرتد)
او يكون الخط الاخضر داخل القناة مش على اطرافها
او يكون ما حصلش اى سلوك سعر ارتدادى عليه
وهكذا
انما ممكن حتى انه يرتد من الخط البرتقالى (مش لازم يمشى للأخضر حتى) بس امتى؟
لما يكون الخط قريب من الرينج اليومى (زى ما هانشوف فى الصور)

يبقى نفهم من كل ده
ان الخطوط دى بيحترمها السعرعلى حسب بعدها عن الرينج اللى اتحركه السعر خلال اليوم
وعلى حسب سلوك السعر بالقرب من الخطوط
وطبعا على حسب الاتجاه العام

نيجى نشوف الصور عشان نطبق

الصورة بتاعت النهاردة (حاجة طازة كده)
السعر خرج من القناتين سوا، اللى كانوا متوازيين وضيقين (يعنى حاجة زى ما الكتاب بيقول)
فليه الف حق انه ينزل كده
طيب هاينزل لحد فين؟؟
هانلاقى انه وصل للرينج اليومى بتاعه ولسه مكمل
طيب انا جيت النهاردة فى مشاركة بدرى شوية وقلت انا هاشترى من 225 تمام؟ جبتها منين؟
نشوف، اولا الرينج اليومى كان على 245
والشمعة اللى قفلت تحته (لازم نستنى الشمعة تقفل عشان ده اتجاه نزول زى مانتم عارفين) كان اللو بتاعها عند 230
ولكن هناك خط فى منتهى القوة اللى هو الخط الفايبو الاحمر وموجود كمان عند نهاية الرينج اليومى، وكان عند 225
فمن هنا تشترى وانت مغمض
ليه؟
اولا قرب اعادة الاختبار للقناة الزرقا على ال 4 ساعات
ثانيا قفلت الشمعة تحت الرينج اليومى والسعر عدا اللو بتاعها كمان
ثالثا فايبو احمر، يعنى السعر مشى بنسبة 61% من اللى مشيه امبارح وفى نفس الاتجاه، وده دليل على انه بدا يضعف اوى ومش هايقدر يكمل تانى
وبالفعل السعر ارتد فوق ال 45 نقطة

اما الصورة التانية
فانا جبت لكم يوم السعر كان ماشى صعود فى اليوم اللى قبله كتير
وبعدين فى اليوم ده صحح بالنزول شوية ، طبعا النزول ده احنا ماسيبناهوش دخلنا مع كسر القناة وعززنا مع الاختبار ونزلنا مع السعر واكلين
بس لحد فين؟؟
لحد لما وصلنا للخط البرتقالى بتاع انه هايكمل الصعود بتاع امبارح بعد ما عمل تصحيح بنسبة 61 من حركة امبارح
طيب عرفنا منين انه مش هايكمل للخط الاخضر مثلا او للأحمر زى النهاردة؟
اولا الاتجاه الاصلى صعود
ثانيا لما كسر القناة الحمرا لتحت يبقى هدفه حوالى 80% لحد الازرق، وهو وصل له خلاص
ثالثا كان مشى السعر خلال التصحيح حوالى 130 نقطة من اصل الرينج 135 يعنى تقريبا وصل للرينج على الخط فلازم يطلع
وزى ماتفقنا قبل كده، لو كان الاتجاه صعود مش هانستنى انه يقفل تحت الرينج ونشترى من اللو، لا هانشترى على طول
كل ده غير السلوك الارتدادى اللى الشموع عملته اول ما راحت عند الخط البرتقالى

يارب يكون الشرح سهل ومبسط
الموضوع مش صعب
ولكن محتاج تدريب كتير عشان الناس تتمكن منه
وياريت الناس الجديدة ماتطبقش كله مرة واحدة
انا عامل الموضوع حلقات عشان الناس تطبق حاجة حاجة، والا مانا كنت ممكن انزل مرة واحدة وخلاص
وتاااااانى
اهم من كل اللى فات ده هو ادارة راس المال باكررها كتير ولكن الطمع
لسه واحد اعرفه متصل بيا وبيقول انه خسر حسابه، بس اعترف انه ماكانش ملتزم خالص ودخل عقد لكل 300 وعزز كمان بسرعة
وكان كل ده من كتر ثقته فى الطريقة وشاف انها بتكسب
يا جماعة، انا نفسى مابادخلش كده والله العظيم
ومن ضمن اساسيات الطريقة ونجاحها هو الالتزام بادارة راس المال زى مانا قلت (النسب دى مش من فراغ دى عن تجربة سنين)
فماينفعش اخد جزء من الطريقة واسيب جزء
الموضوع على بعضه، يا اما يتاخد على بعضه، يا يتساب على بعضه
انما اللى هايضيف استوب واللى هايضيف مؤشرات (كل ده كويس) ولكن انا غير مسئول تماما الا عن اللى انا باكتبه
حتى لو واحد قال الدخول من كذا بناء على الاستراتيجية
فالاستراتيجية معاكم كلكم، والمفروض انكم عارفينها بالتفصيل، يعنى مش محتاجين توصية
فاللى بيقول فيه فرصة فهو كتر خيره بينبهنا ليها
انما هاندخل واحنا مش مقتنعين او مش فاهمين يبقى اتقلب الموضوع توصيات
ده انا نفسى لما بانزل مشاركة باقول انا هابيع او هاشترى لازم اقول ليه

الفكرة فى الاخر، انى عاوز كل وااااااحد يقدر يتاجر بنفسه تماما
واللى هايلاقى نفسه مش عارف او مش حابب او مش متمكن من جزء من الاجزاء يسيبه ويمشى بالباقى
يعنى اللى مش نافع معاه الفايبو مش مهم
او الناس بتحب تشتغل على الارتداد بالرينج وبلاش القنوات، او او
المهم تشوف ايه اللى انت متمكن منه وتشتغل عليه
وشوية شوية تبدا تضيف الباقى الى نظام متاجرتك
وبس عشان انا مش قادر هههههه

انا كده يعتبر خلصت، فاضل بس اشرح (بس مش الوقتى خالص ههههه) ازاى نحدد التارجت بالفايبو بدقة قبل الوصول اليه وابقى كده تميت الموضوع بتاعى تماما
ربنا ييسر الحال

اشوفكم على خير

واتمنى لكم متاجرة مربحة وآمنة
أخوكم

د/ جمال ممدوح

عفوا يادكتور بخصوص السطرين المعلمات بالأحمر
يا أنا نعست يا أنا في شي فاتني وما فهمته قبل

شو الفرق بين صاعد ونازل بالنسبة للاستراتيجية التانية بتاعة الارتداد ؟؟؟؟
وهل تقصد بالصعود أو الهبوط عن اليوم السابق ؟؟؟

[سفاح]

الكبيل شراء

[Abu Yaser]

الكبيل شراء

اعتقد لسه شوية