... خبرتى ...

[ahmed5]

الله يربحك اخي ان شاء الله خير

بارك الله فيك

[drom2010]

وانا عن نفسى كان اول دخول ليا من التعزيز (طيب عرفت منين؟؟) اكيد زى العادة انتم كمان هاتعرفوا بالتدريب

انا عرفت ليه
حضرتك دخلت من التعزيز علشان السعر عمل شموع صغيره في الاول ومثلث قبل الكسر فالمتوقع هنا انه احتمال كبير اوي يرتد علشان يعمل اعاده اختبار وندخل احنا من الاعاده دي وتكون اول دخول
لكن لو كان السعر ماشي عادي وكسر القناه على طول من غير مايكون اي شموع صغيره قبل الكسر او نموذج مثلث او مستطيل فده بيدل انه احتمال ضعيف اوي انه يعمل اعاده اختبار وان اول صفقه من اول مايكسر على طول
ونموذج المثلث او المستطيل من النماذج اللي دايما بتيجي لتأكيد الاتجاه الي ماشي بيه السعر وليس لعكس الاتجاه
يعني لو السعر كان نازل بشده وفي فتره قليله ووقف شويه يعمل الشموع دي سواء عمل مستطيل او مثلث فدي منطقه تمسى منطقه تقبل السعر يعني بيستنى الناس تفوق من الصدمه بسبب تحرك السعر بالشكل ده وفي وقت صغير اوي
وبعدين فهو لما يجي يكسر لازم يكسر بره المثلث في الجهه المعاكسه ويقفل بره وكل لما يكون مشي كتير في الجهه المعاكسه دي دليل على انه هيعمل حركه سريعه وجامده في الاتجاه الاصلي
ليه علشان هو بيروح ياخد العزم او الطاقه اللي هيقدر يكمل بيها اتجاهه وكل لما ياخد طاقه كبيره بيتحرك اضعافها في اتجاهه
بس هل ساعات بتحصل حالات شاذه والسعر بدل مايمشي في اتجاهه الاصلي لا يستمر في الجهه المعاكسه
ولو فيه حالات زي دي بتحصل امتى غير فتره انتهاء الرينج اليومي وكده هل ممكن تحصل في وقت عادي
ولا لا يمكن

[Abu Yaser]

وانا عن نفسى كان اول دخول ليا من التعزيز (طيب عرفت منين؟؟) اكيد زى العادة انتم كمان هاتعرفوا بالتدريب

انا عرفت ليه
حضرتك دخلت من التعزيز علشان السعر عمل شموع صغيره في الاول ومثلث قبل الكسر فالمتوقع هنا انه احتمال كبير اوي يرتد علشان يعمل اعاده اختبار وندخل احنا من الاعاده دي وتكون اول دخول
لكن لو كان السعر ماشي عادي وكسر القناه على طول من غير مايكون اي شموع صغيره قبل الكسر او نموذج مثلث او مستطيل فده بيدل انه احتمال ضعيف اوي انه يعمل اعاده اختبار وان اول صفقه من اول مايكسر على طول
ونموذج المثلث او المستطيل من النماذج اللي دايما بتيجي لتأكيد الاتجاه الي ماشي بيه السعر وليس لعكس الاتجاه
يعني لو السعر كان نازل بشده وفي فتره قليله ووقف شويه يعمل الشموع دي سواء عمل مستطيل او مثلث فدي منطقه تمسى منطقه تقبل السعر يعني بيستنى الناس تفوق من الصدمه بسبب تحرك السعر بالشكل ده وفي وقت صغير اوي
وبعدين فهو لما يجي يكسر لازم يكسر بره المثلث في الجهه المعاكسه ويقفل بره وكل لما يكون مشي كتير في الجهه المعاكسه دي دليل على انه هيعمل حركه سريعه وجامده في الاتجاه الاصلي
ليه علشان هو بيروح ياخد العزم او الطاقه اللي هيقدر يكمل بيها اتجاهه وكل لما ياخد طاقه كبيره بيتحرك اضعافها في اتجاهه
بس هل ساعات بتحصل حالات شاذه والسعر بدل مايمشي في اتجاهه الاصلي لا يستمر في الجهه المعاكسه
ولو فيه حالات زي دي بتحصل امتى غير فتره انتهاء الرينج اليومي وكده هل ممكن تحصل في وقت عادي
ولا لا يمكن

استاذة من زمان هههههه

ايوة ممكن يكمل ومايرتدش بس على مين؟ هههه
اولا بيكون فى نفس اتجاه الكسر، يعنى لو كسر القناة انطلق ممكن يقف شوية ياخد نفسه قبل ما يمكل انطلاق
ثانيا بيكون رايح عشان يجيب الهدف اللى احنا عارفينه اصلا برضة، يعنى مافيش حركات مفاجئة ههههه
ثالثا فى الغالب لو عمل ده مابيكونش الشكل مثلث بيكون (علم) ومش عاوزين نوجع دماغ الناس بحاجات كتير، كفاية كده لحد لما الكل يشتغل بالطريقة ببساطة والتزام

وللأسف انا هاتابع مع حضراتكم بس مش طول اليوم، ممكن لمدة ساعتين او تلاتة كل يوم باذن الله
عشان فعلا مشغول، والحمد لله انكم الوقتى تقدروا تشتغلوا بنفسكم

[brain2jene]

فرصة على الاسترالي الساعة اعادة اختبار للقناتين معا , بعد التدقيق ادخل.

[Abu Yaser]

فرصة على الاسترالي الساعة اعادة اختبار للقناتين معا , بعد التدقيق ادخل.

بصراحة....
كفاية اوى اوى على الفوركس كده مننا النهاردة هههههه
والساعة بقت 8 عشان كلها 3 ساعات ونرسم قنوات تانية
بلاش افترا الفوركس هايعيط

[drom2010]

استاذة من زمان هههههه

ايوة ممكن يكمل ومايرتدش بس على مين؟ هههه
اولا بيكون فى نفس اتجاه الكسر، يعنى لو كسر القناة انطلق ممكن يقف شوية ياخد نفسه قبل ما يمكل انطلاق
ثانيا بيكون رايح عشان يجيب الهدف اللى احنا عارفينه اصلا برضة، يعنى مافيش حركات مفاجئة ههههه
ثالثا فى الغالب لو عمل ده مابيكونش الشكل مثلث بيكون (علم) ومش عاوزين نوجع دماغ الناس بحاجات كتير، كفاية كده لحد لما الكل يشتغل بالطريقة ببساطة والتزام

وللأسف انا هاتابع مع حضراتكم بس مش طول اليوم، ممكن لمدة ساعتين او تلاتة كل يوم باذن الله
عشان فعلا مشغول، والحمد لله انكم الوقتى تقدروا تشتغلوا بنفسكم

ربنا يخليك يارب تلميذتك
وبعدين انا بحب وجع الدماغ لاني عايزه اتعلم كل حاجه بأذن الله
بس على فكره انا كنت اقصد
انه السعر مثلا كان نازل جامد (اتجاهه الاصلي ) وبعدين وقف شويه ياخد نفسه وعمل شموع المثلث او المستطيل
وبعدين طبعا لما يتحرك المفروض انه يكسر طلوع الاول بره المثلث بصرف النظر عن مقدار الطلوع ده
لكن احنا عارفيين انه طلوع كاذب علشان ياخد العزم والاستوبات معاه ههههههههه
وبعدين هينزل اكتر من اللي طلعه علشان اتجاهه الاصلي نزول

بس انا كان سؤالي امتى يشذ عن القاعده دي ومينزلش خالص ويفضل طالع يعني يتغير اتجاهه نهائي للطلوع
يعني يكون المثلث ده فيه اللو بتاع النزول ومش هينزل تاني عن كده
هل ممكن تحصل حالات زي كده
ولا دي نادره علشان ناخد بالنا برده والسوق ميقدرش ياخد نفسه مننا ههههههه

[اشرف عبد العزيز]

دكتورنا الغالى وعدتنى بشرح مستويات فايبوناتشى ونحن فى الانتظار واشكرك مقدمآ

[brain2jene]

بصراحة....
كفاية اوى اوى على الفوركس كده مننا النهاردة هههههه
والساعة بقت 8 عشان كلها 3 ساعات ونرسم قنوات تانية
بلاش افترا الفوركس هايعيط

فعلا يا دكتووور اكلناه اكل النهاردة, بس احب انوه على النيوزلندي في اخبار اليوم ممكن تحركه كتييير , خلينا نستفيد بخبرتك يا دكتور ممكن تكون حركته كبيرة. بما انه كاسر على 4 ساعات لفوق هل يدل على انفجار سعري للاعلى ؟مع الاخبار ام انه رح ينزل بقوة.

[AbuJmel]

الاسترالي ياجماعة اختبر القناه

[سفاح]

اقولكم الصراحه اني اركز علي اليورودولار و الكبيل واخد منهم هذا والحمد لله شيء رهيب
فكل الشكر والعرفان بالجميل للكبييييييييييييييييير اوي

دكتورنا الغالي ندعولك بكل ماهوا خير والله

[sam11225]

بسم الله الرحمن الرحيم

لقد إنقطعت عن المنتدى منذ فترة لأسباب شخصية ولكن مررت لألقي نظرة على أحوال الإخوان هنا فأسعدني أيما سعادة ما تكرم أخونا أبو ياسر بطرحة من خلاصه الخلاصه, فلم أستطع إلا المشاركة لأبارك لكم هذا الطرح الطيب وكلي أمل بأن يكون فيه الخير لكم جميعا ولا تنسوا أخونا أبو ياسر من الدعاء له ولأهل بيته لأنه فعلا جابها لكم من الآخر...

وأنا عن نفسي لي خبرة مشابهة من حيث عدد السنوات في السوق وأعتقد أن من أراد أن ينجح في الفوركس يجب أن يتعامل معه بمنتهى الجدية والحرص على الحساب, وليس الطمع بسرعة الأرباح, فهو سوق مستمر ودائم كل يوم فيه فرص كثيرة فلا داعي للإستعجال لإنو مش راح يطير, وتعاملوا معه كعمل رئيسي وليس كعمل جانبي حتى تعطوه حقه من التركيز ولا تكونوا مستهترين فيه

ومن خبرتي رأيت أن السوق هو فقط عبارة عن خطوط وقنوات الترند, وخاصة القنوات للفترة الحالية والقريبة السابقه كما ذكر أخي أبو ياسر لأن ما يهمنا هو حركة السعر الحالية وليس الطويلة المدى, وإنسوا الأخبار وإنسوا كل ما غير الخطوط, فهي السوق لأنها توضح بدقة عالية مناطق الكسر والإرتداد وهي ما نبحث عنه أصلا

وأقترح على من يحب إضافة البولينجر باند بإعداداته الإفتراضيه وإضافة الrsi بإعداداته الإفتراضيه أيضا وكذلك نوع خاص من الموفينج آفريج كنت قد طرحته سابقا لنصل إلى تصور عالي الدقه حول حركة السوق, وتأكيد أعلى جدا جدا عند الدخول ولتحديد مناطق جني الأرباح

فالباوند اليوم إنفجر للأسفل بقوة لأنه كسر القناتين على الساعة ولأنه أيضا كان البولينجر باند ضيق جدا على فريم الساعة, فكسر القنوات أعطانا الإتجاه وضيق البولينجر كان معناه أنه سيتحرك بقوة وينفجر في نفس الإتجاه فما كنا سنغلق على ارباح قليلة وكنا سنأخذ معظم الحركة

وإرتداده من اللو كان بسبب تشبع الrsi جدا جدا على الفريمات الصغيرة خاصة على فريم الساعة بالإضافة إلى وصول الرينج اليومي

وأقترح عمل حساب ديمو للأخ أبو ياسر وإعطاء الباسوورد للإخوان ليتابعوا الحساب بشكل مباشر لكل عملية تأخذ عليه بشكل لايف وسريع

كما أرى كوجهة نظر شخصية أن الإشارة التي تحدث على الفريمات الأكبر أقوى من التي تحدث على فريمات أصغر, فلو وصل السعر الحد العلوي لقناة أربع ساعات مدعومة بأسباب للبيع فأقوم ببيعه دون أن أكترث جدا لفريم الساعة

ووفقكم الله جميعا وجزا الله أخونا أبو ياسر خيرا في الدنيا والآخرة

[Abu Yaser]

وأخيييييرا هاشرح الفايبو
ههههه
معلش والله على التاخير، بس الموضوع كان غصب عنى

المؤشر هاتلاقوه تانى فى المرفقات
وياريت تراجعوا المشاركة اللى شرحت فيها كيفية رسم الفايبو على الشارت يدوى الاول

الوقتى المؤشر ده عبارة عن ايه؟
هو كل اللى بيعمله حاجتين
أولا بيرسم اهم الخطوط على النهاردة بناء على الفايبو المرسوم اوتوماتيك على الرينج بتاع امبارح
يعنى كانك راسم فايبو من اللو بتاع امبارح الى الهاى بتاع امبارح
وهانبتدى نتاجر عليه النهاردة، عشان مبدأ عدم التغيير فى القيم تماما

المؤشر بيرسم خطين بلون برتقالى ودول الممثلين لنسب (61 و 38) ودول نسب استكمال الاتجاه لليوم اللى فات
وبيرسم خطين باللون الاخضر ودول ممثلين لنسبة (123) من فايبو امبارح
وخطين لونهم احمر (من أقوى الخطوط) وده عشان الارتداد وده ممثل لنسبة فايبو (161) من امبارح
وخطين لونهم ازرق فاتح (نادر الوصول اليهم) ودول ارتداد وممثل لنسبة (261) من فايبو امبارح

طيب نعمل بيهم ايه؟
نخلى بالنا من حاجة مهمة
دول مش زى الخطوط بتاعت المؤشر السابق بيتحركوا مع السعر عشان يحافظوا على فرق الرينج
دول ثابتين ومالهمش دعوة بسعر الافتتاح (اعتماد كلى على امبارح)
فممكن يكون الافتتاح قريب من خط اخضر مثلا او يكون قريب من خط برتقالى على حسب

المهم
فى المعتاد، ونركز انه (فى المعتاااد مش اساسى) ان لو كان امبارح مثلا صعود ولمس النهاردة الخطوط البرتقالى (وعمل سلوك سعرى) فبكده يبقى هايكمل صعود، طبعا لازم يكون فيه تاكيد من اى نظام من بتوعنا السابقين
عشان موضوع الفايبو هو موضوع ثانوى وتأكيدى فقط وانما اساسيات نظم المتاجرة تكون بالاستراتيجيتين الاولتين
اما لو السعر راح للخطوط الخضرا او الحمرا او الزرقا فهو للارتداد (نظام الاستراتيجية التانية) والاهمية فى الخطوط حسب نفس الترتيب
طيب ممكن السعر يلمس الاخضر وما يرتدش ويكمل؟
ممكن جدا جدا
طيب على اى اساس؟
بناء على كذا حاجة
يعنى لو كان الخط الاخضر ده قريب من افتتاح اليوم (يعنى السعر لسه مامشيش حاجة عشان يرتد)
او يكون الخط الاخضر داخل القناة مش على اطرافها
او يكون ما حصلش اى سلوك سعر ارتدادى عليه
وهكذا
انما ممكن حتى انه يرتد من الخط البرتقالى (مش لازم يمشى للأخضر حتى) بس امتى؟
لما يكون الخط قريب من الرينج اليومى (زى ما هانشوف فى الصور)

يبقى نفهم من كل ده
ان الخطوط دى بيحترمها السعرعلى حسب بعدها عن الرينج اللى اتحركه السعر خلال اليوم
وعلى حسب سلوك السعر بالقرب من الخطوط
وطبعا على حسب الاتجاه العام

نيجى نشوف الصور عشان نطبق

الصورة بتاعت النهاردة (حاجة طازة كده)
السعر خرج من القناتين سوا، اللى كانوا متوازيين وضيقين (يعنى حاجة زى ما الكتاب بيقول)
فليه الف حق انه ينزل كده
طيب هاينزل لحد فين؟؟
هانلاقى انه وصل للرينج اليومى بتاعه ولسه مكمل
طيب انا جيت النهاردة فى مشاركة بدرى شوية وقلت انا هاشترى من 225 تمام؟ جبتها منين؟
نشوف، اولا الرينج اليومى كان على 245
والشمعة اللى قفلت تحته (لازم نستنى الشمعة تقفل عشان ده اتجاه نزول زى مانتم عارفين) كان اللو بتاعها عند 230
ولكن هناك خط فى منتهى القوة اللى هو الخط الفايبو الاحمر وموجود كمان عند نهاية الرينج اليومى، وكان عند 225
فمن هنا تشترى وانت مغمض
ليه؟
اولا قرب اعادة الاختبار للقناة الزرقا على ال 4 ساعات
ثانيا قفلت الشمعة تحت الرينج اليومى والسعر عدا اللو بتاعها كمان
ثالثا فايبو احمر، يعنى السعر مشى بنسبة 61% من اللى مشيه امبارح وفى نفس الاتجاه، وده دليل على انه بدا يضعف اوى ومش هايقدر يكمل تانى
وبالفعل السعر ارتد فوق ال 45 نقطة

اما الصورة التانية
فانا جبت لكم يوم السعر كان ماشى صعود فى اليوم اللى قبله كتير
وبعدين فى اليوم ده صحح بالنزول شوية ، طبعا النزول ده احنا ماسيبناهوش دخلنا مع كسر القناة وعززنا مع الاختبار ونزلنا مع السعر واكلين
بس لحد فين؟؟
لحد لما وصلنا للخط البرتقالى بتاع انه هايكمل الصعود بتاع امبارح بعد ما عمل تصحيح بنسبة 61 من حركة امبارح
طيب عرفنا منين انه مش هايكمل للخط الاخضر مثلا او للأحمر زى النهاردة؟
اولا الاتجاه الاصلى صعود
ثانيا لما كسر القناة الحمرا لتحت يبقى هدفه حوالى 80% لحد الازرق، وهو وصل له خلاص
ثالثا كان مشى السعر خلال التصحيح حوالى 130 نقطة من اصل الرينج 135 يعنى تقريبا وصل للرينج على الخط فلازم يطلع
وزى ماتفقنا قبل كده، لو كان الاتجاه صعود مش هانستنى انه يقفل تحت الرينج ونشترى من اللو، لا هانشترى على طول
كل ده غير السلوك الارتدادى اللى الشموع عملته اول ما راحت عند الخط البرتقالى

يارب يكون الشرح سهل ومبسط
الموضوع مش صعب
ولكن محتاج تدريب كتير عشان الناس تتمكن منه
وياريت الناس الجديدة ماتطبقش كله مرة واحدة
انا عامل الموضوع حلقات عشان الناس تطبق حاجة حاجة، والا مانا كنت ممكن انزل مرة واحدة وخلاص
وتاااااانى
اهم من كل اللى فات ده هو ادارة راس المال باكررها كتير ولكن الطمع
لسه واحد اعرفه متصل بيا وبيقول انه خسر حسابه، بس اعترف انه ماكانش ملتزم خالص ودخل عقد لكل 300 وعزز كمان بسرعة
وكان كل ده من كتر ثقته فى الطريقة وشاف انها بتكسب
يا جماعة، انا نفسى مابادخلش كده والله العظيم
ومن ضمن اساسيات الطريقة ونجاحها هو الالتزام بادارة راس المال زى مانا قلت (النسب دى مش من فراغ دى عن تجربة سنين)
فماينفعش اخد جزء من الطريقة واسيب جزء
الموضوع على بعضه، يا اما يتاخد على بعضه، يا يتساب على بعضه
انما اللى هايضيف استوب واللى هايضيف مؤشرات (كل ده كويس) ولكن انا غير مسئول تماما الا عن اللى انا باكتبه
حتى لو واحد قال الدخول من كذا بناء على الاستراتيجية
فالاستراتيجية معاكم كلكم، والمفروض انكم عارفينها بالتفصيل، يعنى مش محتاجين توصية
فاللى بيقول فيه فرصة فهو كتر خيره بينبهنا ليها
انما هاندخل واحنا مش مقتنعين او مش فاهمين يبقى اتقلب الموضوع توصيات
ده انا نفسى لما بانزل مشاركة باقول انا هابيع او هاشترى لازم اقول ليه

الفكرة فى الاخر، انى عاوز كل وااااااحد يقدر يتاجر بنفسه تماما
واللى هايلاقى نفسه مش عارف او مش حابب او مش متمكن من جزء من الاجزاء يسيبه ويمشى بالباقى
يعنى اللى مش نافع معاه الفايبو مش مهم
او الناس بتحب تشتغل على الارتداد بالرينج وبلاش القنوات، او او
المهم تشوف ايه اللى انت متمكن منه وتشتغل عليه
وشوية شوية تبدا تضيف الباقى الى نظام متاجرتك
وبس عشان انا مش قادر هههههه

انا كده يعتبر خلصت، فاضل بس اشرح (بس مش الوقتى خالص ههههه) ازاى نحدد التارجت بالفايبو بدقة قبل الوصول اليه وابقى كده تميت الموضوع بتاعى تماما
ربنا ييسر الحال

اشوفكم على خير

واتمنى لكم متاجرة مربحة وآمنة
أخوكم

د/ جمال ممدوح

[moneyboker]

شرح روعه بارك الله فيك

[Abu Yaser]

شرح روعه بارك الله فيك

انت لحقت تقرا؟ هههههههه
ده بس من كرم اخلاقك

[brain2jene]

رائع الشرح والله يعطيك الف عافية , بس وين المؤشر:]