... خبرتى ...

[max2007]

جزاك الله خيرا
ونحن بأنتظار تكملة باقي الشرح

[محمد عاشور]

ما شاء الله موضوع شيق
نحن فى الانتظار

[NFL]

السلام عليكم
والله صدقت أخي في ماقلت وخصوصا في هده الجملة

صدقنى لو 100$ وماظنش ان المبلغ ده مش موجود، واستراتيجيته حلوة هايعمل منه اى راس مال كان بيحلم بيه

بس الصبر

وأنا أؤكد كلامك من تجربة وليس من خيالي
اللي معاه 100 مثل اللي معاه 10000 فقط الصبر والإدارة المالية الأمنة
والتوفيق من الله
لا زلت من المتابعين معاك أستاد جمال

[wahaab]

بارك الله فيك علىالموضوع وحبك لمشاركة غيرك خبراتك
عندي طلب ضغنون لو تكرمت لو يكون شرحك بالعربي الفصيح حتى يستطيع الكل يفهم بسهولة وشكرا مرة اخرى

[Abu Yaser]

و الله دمك خفيف

ربنا يخليك يا استاذ مصطفى

أسلوب ممتع وشيق ومقنع .....وفقك الله....مقدرين جهدك ووقتك ....جزاك الله خير ...وغفر الله لك ولوالديك

ده بس من ذوقك
والله الدعوتين دول باللى انا كتبته كله
ولك مثله

تخيل؟

أنا من يوم ما دخلت الفوركس وعملت عضوية في المنتديات وأنا نفسي اسمع كلمة واحدة زي اللي حضرتك بتقوله ده

الله يباركلك الله يباركلك الله يباركلك

ملحوظة: بالنسبة أن حضرتك خايف لحسن نكون زهقنا من طول الكلام, بالعكس تماما, وأنا اقرا مشاركتك ببقى خايف لحسن الكلام يخلص وبرجع اقرا المشاركة من الاول تاني اكتر من مرة

الف مليون مليون مليون شكر

منتظرك بشغف واستمتاع كبير.....

والله ياخى انا بقيت اشوف مشاركتك اتبسط
ربنا يديم المعروف
ولك مثل كل هذه الدعوات الصادقة

يا اخى الناس مش متخيلة المجهود المبذول أولا فى التحضير وثانيا فى الرد على الاخوان
طب والله يا اخى انا الصبح فاتتنى صفقة وانا بارد على الاخوان فى المنتدى
والله كمان مرة
يعنى لما تيجى تحسبها نظريا تبقى واقفة عليا بخسارة
انما عمليا انا اللى مستفيد من دعوتين زى دول

عارف!!
انت لو جمعت اللى اتكتب من شرح وردود هاتلاقيه يعمل كتاب 20 صفحة بعد الهوامش والقصص دى، وده فى اقل من 24 ساعة الموضوع مفتوح
انا مش عارف الناس عاوزة ايه

سيبك انت منوّر الموضوع

[Abu Yaser]

اشوفكم بالليل ؟
باين الموضوع حيطول والشباب حتفقد الصبر

بالفعل أخى أزّوج الموضوع هايطول
وهاكمّله عشان الناس الكتير اللى بتقول استفادت ولله الحمد
فياريت الشباب اللى هايفقد الصبر يشوف مواضيع تانية لمدة شهرين ولا حاجة، وييجى يقرأ الموضوع مرة واحدة عشان ما يستنّاش كتير

[Abu Yaser]

لغاية دلوقتى الكلام زى الفل وفعلا فى ناس مبتدئة لأ وكمان خبرة عايزين يسمعوه احنا متابعين معاك ياغالى لعلنا نجد ضالتنا.

اخيك/ الاسكندرانى

بارك الله فيك كلام منطقي و جميل و نابع من القلب و اتمنى ان يصل الى قلوب و عقول كل الناس ...لك مني كل التحيه و الاحترام

جزاك الله خيرا
ونحن بأنتظار تكملة باقي الشرح

ما شاء الله موضوع شيق
نحن فى الانتظار

السلام عليكم
والله صدقت أخي في ماقلت وخصوصا في هده الجملة


وأنا أؤكد كلامك من تجربة وليس من خيالي
اللي معاه 100 مثل اللي معاه 10000 فقط الصبر والإدارة المالية الأمنة
والتوفيق من الله
لا زلت من المتابعين معاك أستاد جمال

بارك الله فيك علىالموضوع وحبك لمشاركة غيرك خبراتك
عندي طلب ضغنون لو تكرمت لو يكون شرحك بالعربي الفصيح حتى يستطيع الكل يفهم بسهولة وشكرا مرة اخرى

مشاركتكم شرف لى
والحمد لله ان فيه ناس استفادت
وهاحاول حاضر ان يكون الشرح بالفصحى قدر الامكان (بس اصل انا العربى عندى ضعيف ههههه)

[اخوكم في الله]

خذ كل وقتك اخي ابو ياسر
فالشرح محتاج تاني وتحضير بدون شك

[مصطفى البنان]

بارك الله فيك اخى جمال
وموفق دائما ان شاء الله

[بركته]

سر على بركة الله
تحياتى يا غالى
وجعله الله فى ميزان حسناتك

[Abu Yaser]

خذ كل وقتك اخي ابو ياسر
فالشرح محتاج تاني وتحضير بدون شك

بارك الله فيك اخى جمال
وموفق دائما ان شاء الله

سر على بركة الله
تحياتى يا غالى
وجعله الله فى ميزان حسناتك

الف الف شكر للمتابعة
وربنا ييسر ويكون الناس مستفيدة

[Abu Yaser]

ما هو سوق الفوركس؟

الحركة التى يسميها بعض الناس بال (عشوائية) انما هى فى منتهى الانتظام والتكامل المتناهى لمن يستطيع الإلمام بها

فأنا أشبهها مثل التروس المتشابكة والمختلفة الأقطار (أنا حاسس ان انا متكتّف فى اللغة الفصحى دى بس نحاول نكمّل )

فعندما ندير الترس الكبير لفّة واحدة يدور الترس الأصغر منه مثلا 4 لفّات حتى تكتمل الدورة الواحدة للترس الكبير

وبالتالى يدور الترس الثالث وهو الأصغر من الثانى والمتصل به حوالى 40 دورة كاملة خلال هذه الدورة الواحدة للترس الأكبر

ويارب اكون استطعت اوضح فكرتى

فعندما نقول مثلا أن زوج كذا سيصعد 500 نقطة على الشارت اليومى (الترس الكبير مثلا)

فمن الممكن أن يهبط أولاً السعر 50 نقطةعلى فريم ال 4 ساعات قبل ان يرتد صعودا 200 نقطة وثم يهبط 50 آخرين ثم يصعد وهكذا حتى يصل لل 500 نقطة وهى هدف الشارت اليومى

وخلال هذه الحركة على مستوى 4 ساعات والتى نلاحظ انها بدأت بالهبوط أولاً، نجد على شارت الساعة انه كان هناك هبوطاً سابقاً وكل الاشارات تدل على استكمال الهبوط (وكمان بالتأكيد مع الفريم الأكبر منه وهو ال 4 ساعات يدل على هبوط بسيط)

وبذلك نأتى للمحصلة

من يدخل على فريم الساعة متسدلاً على الاتجاه بفريم ال 4 ساعات يقول ان حاليا هبوط (وهو صحيح) واذا دخل بيع يكسب 50 نقطة (اللى قلنا عليهم سابقا)

والذى يدخل شراء على فريم ال 4 ساعات مستدلاً باليومى للإتجاه فهو محق، وسيكسب 200 نقطة ولكن بعد ارتداد 50 نقطة أولاً

وهكذا

فخلال ما يكون الترس الأكبر اتجاهه لأعلى يكون الاصغر منه اوقاتاً لأعلى وأوقاتاً لأسفل، والاصغر منه اعلى وأسفل بصورة أسرع وهكذا حتى تكتمل الدورة

ومن هنا يأتى التذبذب

وكل ما سبق هو اساس فكرة اليوت والموجات، وغيره من الناس اللى مجرد فسروا السوق فى كلام منمّق وليس اختراع، انما هى مجموعة ملاحظات من تصرّف السعر وصاغوها فى اسلوبهم فقط

ولذلك ينصح كل الخبراء بالسوق الابتعاد عن الفريمات الصغيرة لشدّة التذبذب ولعدم وضوح الاتجاه، وطبعا سمعنا ان كلما زدنا فى الفريم كلما تكون العملة اكثر طوعاً واحتراماً وأقل تأثراً بالمتغيرات كالأخبار وغيره

ولكن...

الفريم الكبير يكون هدفه كبير صحيح ولكن استوب كبير ايضا بالنسبة للأصغر منه

ففى المثل السابق

من يدخل على فريم الساعة يكون هدفه 50 نقطة واستوب 20 نقطة فقط

أما من يدخل على ال 4 ساعات فاذا وضع نفس الاستوب يكون وصل له مع الارتداد 50 نقطة، فلابد ان يرتفع الاستوب وليكن 100 نقطة وبذلك لابد ان يرتفع الهدف فيصبح 250 نقطة

وكذلك اليومى لمن سيحاول أخذ ال 500 نقطة كلهم، فلن يضع استوب 20 ولا 50 فيسجد نفسه يستخدم استوب كبير للوصول للهدف الكبير

طيب اى الفريمات افضل؟؟

انت الذى يحدد ذلك

حسب عدة أشياء منها

- تفرّغك للفوركس: من الممكن ان تكون متابع جيد ووظيفتك هى الفوركس فبذلك ليس لديك مشكلة فى هذه النقطة، ولكن من الممكن ان تكون لديك وظيفة أخرى وليس لديك متسع من الوقت الا ساعة يوميا مثلا فبالتالى لن يستقيم معك فريم الساعة ولا ال 4 ساعات، وهكذا

- العامل الثانى هو رأس المال: فليس من الممكن ان يتم العمل على فريم يومى براس مال 200$ مثلا، المقصود كلما كبُر راس المال زادت الصلاحية للفريمات الكبيرة (ولكن ليس بالضرورة العمل عليها) انما اصبح متاحاً العمل على الفريم الكبير

نعود ثانيةً الى السؤال ما هو الفوركس؟؟

السوق شىء من اثنين لا ثالث لهما

اما تذبذب (عرضى) أو اتجاه واضح (ترند)

وطبعا المقصود بالاتجاه سواء صاعد ام هابط المهم انه اتجاه واضح المعالم

وكل الذى ينفع مع اوقات التذبذب يفشل مع الترند والعكس صحيح

فعلى سبيل المثال لا الحصر

مؤشرات التشبع وهى مثل آر إس آى، واستوكاستيك، وسى سى آى، وغيرهم تصلح تماما مع التذبذب حيث تُظهر متى سيرتد السعر وهل هو فى مرحلة تشبع بيع ام تشبع شراء

ولكنها مدمّرة فى اوقات الترند حيث انها تتشبع تماما (شراء مثلا) فيبيع المتاجر، ثم يكمل السعر صعودا ضارباً بالمؤشر عرض الحائط، فيبدأ المؤشر بتعديل نفسه ويهبط خلال ما السعر يرتفع لكى يستعيد المؤشر عزيمته، ثم يرتفع المؤشر مرة أخرى حتى مراحل التشبع فيبيع المتاجر مرة اخرى ظاناً ان السعر اكتفى.... ولكن هيهات، فيظل السعر فى الاتجاه حتى يأتى على كامل الحساب

ومن هذه المؤشرات أيضاً البولنجر باندز فعند الاتجاه يلمس السعر الحد العلوى عدة مرات فى كل مرة يبيع المتاجر ويرتفع السعر ليلمس الحد العلوى مرة اخرى وهكذا

ومن هنا انبثقت استراتيجيات عديدة كلها للتحايل على هذا الوضع

فمنهم من قال البيع لا يكون الا باغلاق شمعة فوق الحد العلوى للبولنجر وليس ملامسته

او الذى اتجه الى الشراء عند تشبع المؤشرات بالشراء (أى العكس)، وبالفعل يكسب بهذه الاستراتيجية ويفتح لها الورشة بل ويتجه البعض انه اكتشف السر وكيف كان يتلاعب السوق بنا

ولكن كل ما هناك انه كان فى فترة الترند فكان عند تشبع المؤشر شراء يشترى ويصعد السعر (على عكس اخونا السابق من يستخدم المؤشر مظبوط) ولكن أول ما يهدأ السوق ويعود لطبيعته فيصبح المؤشر فعّالاً يجد المتاجر نفسه يشترى من اعلى نقطة ويبيع من اقل نقطة

أما النظام الآخر

فهو الترند

ونجد المؤشرات التى تتوافق معه على سيبل المثال لا الحصر أيضاً

الموفنج افريدج، الايشيموكو، المومينتوم وهكذا

فلنأخذ الموفنج كمثال

استراتيجية تقول البيع عند اغلاق شمعة تحت موفنج كذا والشراء عند الاغلاق فوقه

جميل جدا فى فترة الترند

فعند الاغلاق فوقه (أيا كان رقم الموفنج، ولو كان رقمك المفضّل او حتى رقم تليفونك) سيستمر السعر فى الصعود، ليس بسبب الموفنج والاغلاق فوقه، ولكن بسبب انه ترند صاعد، وستكون المكاسب كبيرة (هذا اذا صبر المتاجر على الأرباح)

ولكن نجد انه فى وقت التذبذب من الممكن ان تغلق شمعة فوق الموفنج فيشترى المتاجر والشمعة التى تليها تغلق تحته فيغلق الشراء على خسارة ويبيع، وبعد شمعتين بالعرض تغلق شمعة فوق الموفنج فيحتار المتاجر

ومن هنا ظهرت عدة اساليب للتحايل على هذا السيناريو أيضا

فمنهم المضاعفات (وما أدراك ما المضاعفات) فيقول فى كل مرة يتذبذب السعر ندخل بضعف عدد اللوت السابق فى الاتجاه المعاكس وهكذا الى ان يفرجها ربنا ويمشى السعر بعيدا عن الموفنج يعوّض كل الخسائر السابقة

ومنهم من قال ان موفنج واحد لا يكفى بل هو تقاطع 2 موفنج لتأكيد الدخول (ونفس النتيجة الحتميّة للأسف)

ومنهم من عمل توليفة من 3 او 4 موفنج

والله انا رأيت بعينى استراتيجية تعتمد على 16 موفنج مختلفين لدرجة ان السعر لما يعد يُرى بالعين المجردة (بس ألوانها عجبتنى)

كلللللللللل هذا ما أسمّيه بالتحايل

الموضوع وااااااضح

هناك وقت للتذبذب ومؤشرات لهذا الوقت لاتنفع مع غيره فلا تستعملها بالعافية

وهناك وقت للترند ومؤشرات تنفع معاه فلا تستعملها مع غيره

يبقى السرّ!!

وهو كيفية معرفة الوقت الحالى ترند ولا تذبذب حتى نعمل بالطريقة المثلى له

واذا عرفت... فكم ستطول هذه المدة حتى نغير الاستراتيجية؟؟

وهذا ليس سراً، انما فكرة التروس السابقة، مع فكرة الظلام السابقة أيضا

فحاول أن تجمّع كل ما سبق من خبرات سوياً حتى ترى الصورة أوضح

د/ جمال ممدوح

[drom2010]

فعندما ندير الترس الكبير لفّة واحدة يدور الترس الأصغر منه مثلا 4 لفّات حتى تكتمل الدورة الواحدة للترس الكبير

وبالتالى يدور الترس الثالث وهو الأصغر من الثانى والمتصل به حوالى 40 دورة كاملة خلال هذه الدورة الواحدة للترس الأكبر

ويارب اكون استطعت اوضح فكرتى


ليه حددت 4 لفات للفريم الاصغر و40 لفه للفريم الاصغر منه
وكيف نمسك اوله لفه في الفريم الكبير لنعمل عليها

هل ما ينطبق على لفه الدوره الكبيره ينطبق على لفه الدوره الصغيره بمعنى الدوره السنويه والدوره اليوميه نفس النظام

[Abu Yaser]

فعندما ندير الترس الكبير لفّة واحدة يدور الترس الأصغر منه مثلا 4 لفّات حتى تكتمل الدورة الواحدة للترس الكبير

وبالتالى يدور الترس الثالث وهو الأصغر من الثانى والمتصل به حوالى 40 دورة كاملة خلال هذه الدورة الواحدة للترس الأكبر

ويارب اكون استطعت اوضح فكرتى


ليه حددت 4 لفات للفريم الاصغر و40 لفه للفريم الاصغر منه
وكيف نمسك اوله لفه في الفريم الكبير لنعمل عليها

هل ما ينطبق على لفه الدوره الكبيره ينطبق على لفه الدوره الصغيره بمعنى الدوره السنويه والدوره اليوميه نفس النظام

اهلا بيك استاذ دروم
سؤالك معناه انك متابع ومشارك كمان

انا ماحددتش 4 لفات انا قلت مثلا، ولا 40
الفكرة هى عند ادارة الترس الأكبر يلف الترس الاصغر عدد لفات اكتر وده الطبيعى فى اى حاجة

اما موضوع تمسك اول اللفة فمش هاتتمسك
ليه؟
عشان لما نقول ان دى اول اللفة على ال 4 ساعات مثلا هاتلاقى ان دى ثلاثة أرباع اللفة على اليومى
ولو انتظرت تكملة اللفة على اليومى هاتكون فى منتصف اللفة الشهرية وهكذا
يارب تكون فكرتى وصلتك

امال ايه الحل؟
الحل انك تقدر تدخل مع اللفات، بمعنى تنصبغ بالحركة وتكون انت العملة حتى ترى ما الذى تنوى عمله وترى ما لا يراه الآخرون
بس ده محتاج ممارسة

ربما يوفقك

[stop]

المهم

وده بجد المهم

ويمكن أهم من الموضوع الأساسى

يا ريت يا إخوانى تاخدوا كلامى ده على محمل من الجديّة

إوعى تخلّى حد يدير لك حسابك مهماً كان

ولا حتى أنا

وادينى باقولها بالبنط العرييييييييض

ومش هاقبل اى حد ولا على الخاص ولا على العام

وبكل صراحة

اسأل نفسك أولا

اذا بالفعل اللى هايديرلك حسابك بيربح الأرباح اللى قالك عليها

هايدير حسابك لييييييييييييييييييييه؟؟؟؟؟؟؟؟؟؟؟؟؟

يعنى بقى بعد ما ربنا فتح عليه باسلوب بيعرف يتاجر بيه لنفسه لدرجة انه تفرّغ من عمله واشتغل فوركس (مش بيقلّب عيشه بحاجة جانبية) يرجع يخلّى حد يحاسبه تانى ويراجع وراه وفين ده وليه ده، ويرجع تااااانى زى الشغل القديم (ده اذا كان هايشتغل بما يرضى الله)؟؟؟؟

انما هو عامل حسابه انها فلوس زيادة، جابت أرباح هايقاسمك فيها، خسرت ربنا يعوض عليك بقى انا هاعمل لك ايه انت اللى نحس ههههههههه

وانا عارف انه هايطلع واحد يقولى ماهو ممكن يكون عارف طريقة حلوة بس مافيش راس مال، أو فيه بس قليل وهو مستعجل

صدقنى لو 100$ وماظنش ان المبلغ ده مش موجود، واستراتيجيته حلوة هايعمل منه اى راس مال كان بيحلم بيه

بس الصبر

السلام عليكم
على الرغم من قلة مشاركاتي مؤخرا الا انني اظطررت الى المشاركة لصدق ماقرأته منك(نحسبك كذالك).
شخصيا تعبت وانا احذر الناس من مديري الحسابات واقول لهم كماتقول تمااااما.
لكن للاسف ...الموال يتكرر بل هناك مواضيع مفرده لذالك ومحامين متخصصين في التبرير لمديري الحسابات واختلاق الف عذر وعذر لهم.
احييك جدا على كلامك في الاقتباس اعلاه .
اسال الله لنا ولك التوفيق.