أسرار تجارة الفوركس

[portfolio stocks]

بكسر قاع الموجه 1 اللي اتكلمنا عليها قبل كده قفلت معانا c في التصحيح العرضي زي ما هو ظاهر على الشارت احنا دلوقت في قلب 3 من 3 الليي هي اصلا عباره عن c في الفلات غير المنتظم اللي ظاهر في الفريم الديلي في اول صفحة


يبقى احنا كده دخلنا شورت 155.44 والاستوب 157.80 هنشوف التارجت كمان شويه

[portfolio stocks]

دلوقت نقدر ننقل الاستوب مكان دخولنا مننساش اننا في قلب الموجه 3 نأمن وننقل الاستوب

[portfolio stocks]

Flats

Flats-expanded flats- running flats

موجات اليوت بتبدأ من اي قاع واضح نبدأ نعد على اساس انه impulse wave إلى أن يثبت السوق العكس بخصوص gbp/jpy من القاع الموجود عند 118.78 هنلاقي انه بدأ يتحرك في شكل امتداد واضح جدا وده منطقي على فكره لانه مش معقوله انه السوق يبدأ يتحرك لفوق بشكل واضح معلن للعالم كله انه انا خلاص خلصت نزول وهبدأ اتحرك لفوق فا ياللى نكسب كلنا ، اسواق المال مش بالبساطه ده لانه فعلا معندهاش قلب،،،

كمان

ارقام فيبوناتشي عامله تأكيدات قويه جدا على انه الترقيم صحيح هنلاحظ انه الموجه التالتة بالحروف الرومانيه باللون الاحمر انتهت فعلا وفي مقوله مهم جدا بتقول
When it's over it's over
فا من المنطلق ده على الرغم من انه في هاي جديد حصل لكن كانت الموجه التالته انتهت طيب احنا كل شغلنا هيكون في الموجه المرقمه بالحروف الروماني بالاحمر لو لاحظنا هنلاقي انه الموجه التانيه منها كانت sharp وطبقا لل guide line اللي بيقول انه غالبا هيكون في تبادل بين الموجه التانيه والرابعة بمعنى انه لو الموجه التانيه كانت حاده او sharp يبقى الموجه الرابعه هتكون من عائلة الموجات المسطحة سواء flat-expanded flat - running flat لو لاحظنا بداية التصحيح بتاع الموجه الرابعة كان قصير جدا اذا احنا في حاجه لاننا نعمل هاي جديد علشان نأكد على الفلات غير المنتظم وبما انه الهاي اتكسر يبقى الاحتمال انها مش فلات منتظم واحنا دلوقت في فلات غير منتظم ومعانا تأكيدات اكتر على منطقية العد .

يبقى احنا استفدنا من 3 نقط :ـ
1. انه الموجه التانيه حاده يبقى الرابعه عرضيه .
2. انه بداية التصحيح للموجه الرابعة كان قصير جدا.
3. الهاي الخاص بقمة التالته اتكسر يبقى دخلنا في الفلات غير المنتظم .

طب ده بخصوص الــ guide lines طب نطبق كده ونشوف ارقام فيبوناتشي هتدينى تأكيدات اكتر على الكلام ده ولا لأ.

المعروف انه تركيب الفلات عباره عن a-b-c تركيبهم الداخلي 3-3-5 والتركيب الداخلي هيكون واضح اكتر على الفريمات الأقل.
من فيبوناتشي حساباتنا كلها بتكون مبنيه على الموجه A :-
1. B=1.318 of A
2. C = 1.618 of A
3. C= 2.618 of A
4. C = 4.25 of A

طيب نحسب مع بعض ونشوف مستهدفاتنا

Length of A = 160.45-154.83 = 562 pip

Length of B = 562 * 1.318 =740 pip

Wave B target = low of A+ B target

154.83+740 = 162.23

لاحظ القمة كانت كام 162.53 يبقى سحر ولا لأ

نجيب مستهدف الموجه C : Wave C = 562*1.618=910
End of B - C target
162.53 - 910 = 153.43

wave C = 562* 2.618
162.53 - 1472 = 147.87


لاحظ المستهدف التاني بيتفق مع كام ،، المستهدف التاني بيتفق مع تصحيح 38 % فيبوناتشي من بداية الموجه التانيه حتى نهاية الموجه التالته علشان اقدر استنتج بيه مستهدف الموجه الرابعة اللي وصل بالظبط عند 147.87 وزي ما هو معروف انه عادة الموجه الرابعة بتساوي 38 % من طول الموجه التالتة وكمان بيكون في منطقة الموجه الرابعة من درجة اقل الموجودة بالدائرة الزرقاء وده تأكيد كمان على انه الموجه a مكنتش هي التصحيح .. سحر ولا مش سحر





يبقى التريدة بتاعتنا بيع من اي منطقه بهدف 147.87 وحد وقف الخسارة بتاعنا هو قمة الموجه B بالظبط عند 162.60 لانه وقتها هيبقى الترقيم في شيء خطأ ونعيد الترقيم من جديد
اللي عايز يظبط اكتر منطقة دخوله ينزل بالفريم شويه مثلا ساعة او اربع ساعات وانا هحاول اعمل كده لاني هبدأ ادخل بيع من تقريبا 159.5 والاستوب 162.6 يعني من اي مكان ندخل نحافظ على الاستوب وكل على حسب حسابه.
متهيأ لي يبقى في التريده ده غطينا فيها الموجه الفلات غير المنتظم بشكل واضح لو في حد عنده استفسارات اكتر ممكن نكلم عليها كمان لو في نقط تاني محتاجه تتغطى وحد عايز يضفها ياريت يتفضل

ده كانت بداية القراءة اننا عايزين الموجه c في الفلات غير المنتظم expanded flat الموجه c لازم تركيبها الداخلي يبقى خماسي لاحظ التقسيمات الداخليه من القمة ماشيه ازاي في الشارت الجاي احنا معاها لغاية ما الموجه 3 تتقفل

[portfolio stocks]

ده كانت بداية القراءة اننا عايزين الموجه c في الفلات غير المنتظم expanded flat الموجه c لازم تركيبها الداخلي يبقى خماسي لاحظ التقسيمات الداخليه من القمة ماشيه ازاي في الشارت الجاي احنا معاها لغاية ما الموجه 3 تتقفل

احنا كنا عملنا تأمين واضربت الاستوب من غير خساره ولا مكسب دلوقت هندخل شورت مره تانيه لازدياد احتمال اقفال الموجه الرابعه من هنا باللون الاصفر ولأستوب هتكون 158.55 ملاحظين احنا بنتاجر داخل الموجه التالته الكبيره اغلب عملياتنا هتكون شورت الفترة الجاييه لغاية ما نوصل لمستهدفنا بالقرب من 147

http://img102.herosh.com/2009/06/23/402222148.gif

[محمدالمصرى]

تحليل رائع
بارك الله فيك

[portfolio stocks]

تحليل رائع
بارك الله فيك

الف شكر على التشجيع يارب يكون في افادة

[محمدالمصرى]

الف شكر على التشجيع يارب يكون في افادة

الحمد لله
بصراحة التحليل هادئ و متزن
ربنا يوفقك دائما

[portfolio stocks]

تاني بنأكد على نقطتين في غاية الاهميه
النقطه الأولى : when it's over it's over لما تلاقي موجه خماسيه انتهت يبقى انتهت واوعى تحاول انك تدخل ترقيم معين في وسط العد لما الخمسه يخلصوا يبقى خلصت دخلها المتحف وشوف اللي بعده ..
النقطة التانيه : اوعى تخاف من انك تعد 1-2 ، 1-2 اوعى تخاف من ده زي ما قلنا قبل كده السوق مش بالبساطه اللي يعرف الناس كلها اتجاهه ايه لازم الناس متكنش مصدقه اللي بيحصل ابدأ .

لاحظ احنا بدأنا منين الهاي الموجود عند اقفال الموجه B من الديلي الموجود بأول صفحة احنا حسبنا مستهدفنا لتحت بعيد قد ايه . ومحتاجين نخلص موجه خماسيه لتحت بكل تقسيماتها لانه ده تركيب الموجه C خماسي على الرغم من التقسيمات الكتيره والتفريعات المتعدده لكن لازم تكمل معاها وكل ما موجه تقفل انقل الاستوب عند بدايتها انا برقم كل ده عشان اوريك انه اللي ملحقش من البدايه يقدر يركب القطار ( اسف الترند هههه) من اي مكان حتى وهو ماشي طالما الاستوب موجوده في مكانها ....

هتلاحظ اننا دخلنا تاني من منتصف المسافه طلع علينا ازاي بس مقربش من الاستوب ودلوقت بدأ يعمل مكسب معانا ، الاستوب في مكانها مش هننقلها دلوقت واحنا في طريقنا للمستهدف ...
هتلاحظ انه الترند لسه حدة الميل عاديه جدا ماخدش شكل قطري (نصف دائرة ) لانه نقطة الأدراك لسه مجتش الناس لسه مش عايزه تصدق انه نازل وقتها هتلاقي الدوران لتحت بقى كبير جدا في شكل نصف دائرة ..

بالتوفيق ...

احمد حسين

[محمدالمصرى]

تاني بنأكد على نقطتين في غاية الاهميه
النقطه الأولى : when it's over it's over لما تلاقي موجه خماسيه انتهت يبقى انتهت واوعى تحاول انك تدخل ترقيم معين في وسط العد لما الخمسه يخلصوا يبقى خلصت دخلها المتحف وشوف اللي بعده ..
النقطة التانيه : اوعى تخاف من انك تعد 1-2 ، 1-2 اوعى تخاف من ده زي ما قلنا قبل كده السوق مش بالبساطه اللي يعرف الناس كلها اتجاهه ايه لازم الناس متكنش مصدقه اللي بيحصل ابدأ .

لاحظ احنا بدأنا منين الهاي الموجود عند اقفال الموجه B من الديلي الموجود بأول صفحة احنا حسبنا مستهدفنا لتحت بعيد قد ايه . ومحتاجين نخلص موجه خماسيه لتحت بكل تقسيماتها لانه ده تركيب الموجه C خماسي على الرغم من التقسيمات الكتيره والتفريعات المتعدده لكن لازم تكمل معاها وكل ما موجه تقفل انقل الاستوب عند بدايتها انا برقم كل ده عشان اوريك انه اللي ملحقش من البدايه يقدر يركب القطار ( اسف الترند هههه) من اي مكان حتى وهو ماشي طالما الاستوب موجوده في مكانها ....

هتلاحظ اننا دخلنا تاني من منتصف المسافه طلع علينا ازاي بس مقربش من الاستوب ودلوقت بدأ يعمل مكسب معانا ، الاستوب في مكانها مش هننقلها دلوقت واحنا في طريقنا للمستهدف ...
هتلاحظ انه الترند لسه حدة الميل عاديه جدا ماخدش شكل قطري (نصف دائرة ) لانه نقطة الأدراك لسه مجتش الناس لسه مش عايزه تصدق انه نازل وقتها هتلاقي الدوران لتحت بقى كبير جدا في شكل نصف دائرة ..

بالتوفيق ...

احمد حسين

[M-elgendy]

تسجيل حضور ومتابعه .. حقيقى حضرتك استاذ انا بس لسه صاحى من النوم وفهمت الموضوع بيتكلم عن ايه لان لسه شايفه دلوقتى بالصدفه ..

هفوق كده لان الموضوع عايزله قاعده طويله

بالتوفيق يا باشا وان شاء الله هتابعك معاك

[portfolio stocks]

نحدث مع بعض البيانات ونشوف الوضع ايه ومتنسوش اننا فعليا داخل تريده ، يعني مش تهريج...
هتلاحظ اني غيرت العد من الشارت اللي قبله لان العنف اللي حصل مش مناسب لتقسيمات الداخليه طبقا لقانون التبادل بين الامواج رقم 2 ورقم 4 عشان كده غيرت النسب بالذات في الموجه الرابعة الأخيره لكنها لازات ضمن الاتجاه الأصلي .
اكدت على نقطه مهمه جدا وهي when it's over it's over لما هتلاقي التقسيمات الداخليه هتلاقي انه في حاجه اتقفلت وفي سر مهم من اسرار ارقام اليوت وهو الرقم 4 بمعنى انه اي موجه خماسيه عندك تضاف لها 4 + 5=9 لو عندك موجه زجزاج تركيبها 3+4= 7 ده هيكون تركيب الامتداد الداخلي لاي موجه عندك يعني في المثل الموجود معانا هنا ، هتلاقي من عند القمه عند الموجه 2 بين المربعات باللون الأصفر بدأ الموضوع يتشعب ويمتد احسب عدد الامتداد هتلاقيها 9 لو فكرت تفك تركيب اي موجه تانيه خماسيه هتلاقيها وصلت 13 عباره عن 5+4+4=13 ممكن تفضل كده لما لا نهايه . سواء كنت في زجزاج او موجه دافعة .

يبقى بعد ما الأقفال ده انتهى وبدأ يحصل ارتداد كبير احنا قفلنا موجه مهمه طب ياترى تركيب الموجه ده عباره عن 3 ولا 1 من 3 الأجابه هتكون 1 من 3 لانه طبقا لقوانين اليوت ما ينفعش يحصل تداخل بين 2 و 4 فاذا انا اخدتها 3 وهو ارتدد داخل 2 يبقى انا حاسب غلط الموضوع كده اتشعب تاني وانا شغال في 1 من 3 من 3 من 3 . عشان كده احنا هنحافظ على نفس العمليه بتاعتنا وهي بيع وهنرفع الاستوب بعض الشيء حتى مستوى 158.80 لانه بكسر المستوى ده لفوق السيناريو ده يبقى انتهى تماما واحنا من البداية في خطأ ما في الحسابات ،، اي حد هيحسبها هيقول انك داخل من عند 155.80 والاستوب 158.8 يعني بتضحي بــ 300 نقطه ايوه مفيش مشاكل ادخل بعقود صغيره لانه الهدف بتاعي قريب من 147 يعني حوالي 900 نقطه

[portfolio stocks]

تسجيل حضور ومتابعه .. حقيقى حضرتك استاذ انا بس لسه صاحى من النوم وفهمت الموضوع بيتكلم عن ايه لان لسه شايفه دلوقتى بالصدفه ..

هفوق كده لان الموضوع عايزله قاعده طويله

بالتوفيق يا باشا وان شاء الله هتابعك معاك

الموضوع متعب وغلس لكن لما الناس هتلاقينا داخلينا بتريده عاملين فيها قريب من 1000 نقطه مره واحده وقتها هيبدأوا يقتنعوا ركز وربنا يوفق

[هامان]

انا من الصبح بدور على الموضوع
داخل بالصدفة لقيته نط قدامى
بس هو مش كان اسمه اسرار الكون

[هامان]

انت اكتر واللهي انت فاكر من وقتها انا وقفت وقلت مع السلامه مؤقتا لغاية ما اشوف الموضوع ايه

ههههههههههههههههه
فاكر
ده المجنون عمل فينا عمايل يومها

[portfolio stocks]

انا من الصبح بدور على الموضوع
داخل بالصدفة لقيته نط قدامى
بس هو مش كان اسمه اسرار الكون

واللهي انا نفسي اسمه يبقى اسرار الكون انا شايف الموضوع كده بجد لكن انا بحترم رغبة ادارة المنتدى وانا تحت امرهم في اي حاجه