أسرار تجارة الفوركس

[portfolio stocks]

ياللليت اخوى انا ودى اتعلم اليوت وخاصه على زوج المجنون....بتابع معاك وان شاء الله افهماليوت...بس هل شرجك على المجنون فقط؟؟ولماذا؟؟ومدى نسبت نجاح موجات اليوت في تحليل حركت الازواج؟؟؟

واللهي نسبة الدقه مرتفعه والحمد لله ،، انا بشتغل على الــ Gbp/jpy لانه حركته سريعه ونقدر نقيم المواقف بشكل سريع والنتائج سواء كانت ايجابيه او سلبيه بتبقى اسرع بعض الشيء

[forex rising]

السلام عليكم
اقبلوني متابع صغييييييييير معاكم
من زمان وعاجبني اليوت لكن مو عارف كيف ابدي معه والحمد لله انت جبتها
منور يا باشا

[portfolio stocks]

يا جماعة ناخد بالنا من نقطه هامه جدا جدا جدا وهي انه الموجه الخماسيه اللي بالفعل انتهت لها اكتر من احتمال وهم:ـ
1- انها تكون 1 في حاجه اكبر 1و3و5 .
2- انها تكون الموجه A في زجزاج .
3- وده الاهم انها تكون عباره عن الموجه C في فلات غير منتظم.

وركزت اكتر على الاحتمال التالت لاننا بنتاجر في داخل اتجاه هابط من الفريم الاطول وهو الديلي اذا لو مقدرش يرتد من عند 61% فيبوناتشي وكسره لتحت احتمالات انها تكون C في موجه فلات غير منتظم بتزداد جدا وانه الاتجاه الهابط هيستمر اذا بناءاً على ده لو دخلنا شورت هنراقب شموع ارتداديه من مستوى 61% فيبوناتشي على اساسها هنقفل الشورت اللي فاتحنه ونفتح لونج لكن بخلاف ذلك هنفضل بعض الشيء مع الاحتمال الأخير ،،
وبعدين بداية الموجه الخماسيه ده لو اتكسرت لتحت لازم ندخل شورت بعنف لانه هيحصل سقطات قويه جدا لتحت .. نراقب ونشوف الاحتمال الساعات القليلة القادمه




تحياتي وبالتوفيق

كده نقدر ننقل الاستوب تحت سعر دخولنا معانا مكسب 80 نقطه في الشورت نأمن نفسنا وشويه نشوف هنقفلها ولا نستنى عليها .


هنلاحظ انه الموجة 1 اتقفلت احنا دخلنا شورت في الموجه 2 هنلاحظ انها ماشي في شكل زجزاج مركب triple وهي في اتجاهها لمستهدفنا دلوقت بس نراقب لان لو الزجزاج اكتمل عند 50 % هنقلب البيع شراء ونكمل مع بعض

[portfolio stocks]

نجهز نفسنا ياجماعة للموجه التانيه قربت تقفل بمجرد ما ينزل تحت 157.24 نقطه واحده هننتظر تصحيح 61 % اللي من عنده هنقفل الشورت بتاعنا واحنا الحمد لله امنا نفسنا ومرجعش ضربها بس نراقب كويس اوي 157.24 لانه ممكن يحصل انقطاع في الزجزاج الأخير للموجه التانيه

[portfolio stocks]

بكده تبقى تاني موجه اتقفلت خلاص شايفين شمعتين تويزير هايلين بالظبط عند الفيبو 61% اللي كنا حددناها واحنا لسه فوق ايه السر بقى انه عند المكان ده تحديداً شكل الزجاج الثلاثي triple zigzag يقفل هنا بالظبط ،، اللي عنده تفسير يقولي غير انه سر من اسرار الكون ...

بكده يبقى قفلنا الشورت بتاعنا من 158.65 عند بالظبط 156.85 يعني مكسب 180 نقطه ودخلت لونج من نفس المستوى بمستهدف هنحدده دلوقت مع بعض وبوقف خساره قاع الموجه 1 عند 154.65 ..


ده اليوت يا جماعة هنناقش بالتفصيل التوصيه ده جت ازاي وايه عملناه تحديدا ً باذن الله .. بالتوفيق يا جماعة وللأمام دائما ً

[portfolio stocks]

يا ريت مننساش نقطه مهمه جدا انه قاع الموجه الأولى دعم مهم جدا وده بسبب انه الموجه التانيه مسموح لها توصل حتى 99 % من الموجه الاولى عشان كده الاستوب تحته لانه لو اتكسر لتحت السيناريو هيكون انه الموجه الخماسيه اللي انتهت هي عباره عن الموجه C في موجه تصحيح غير نمطيه والاتجاه الهابط هيستمر مره تانيه لتحت عشان كده لو الاستوب بتاعتنا اضربت هندخل شورت لانه هيحصل انخفاضات قويه لتحت .. نتابع مع بعض

[muhannad22]

شرح ولا اروع اخوي
ورح اعيد القراءة حتى افهمه كويس
تحياتي لك على هذا الجهد

بس عندي سؤال

هل فيه مؤشر يحدد موجات اليوت ؟ والا لازم يدوي

[portfolio stocks]

شرح ولا اروع اخوي
ورح اعيد القراءة حتى افهمه كويس
تحياتي لك على هذا الجهد

بس عندي سؤال

هل فيه مؤشر يحدد موجات اليوت ؟ والا لازم يدوي

لا مش مؤشرات هو في برامج بتعملك سيناريوهات بس برده لو مش فاهم اليوت ولا لها لازمه وبعدين ايا كان حجم البرامج ده العقل البشري هيكون اقوى بكتير جدا من اي برنامج

[portfolio stocks]

يا ريت مننساش نقطه مهمه جدا انه قاع الموجه الأولى دعم مهم جدا وده بسبب انه الموجه التانيه مسموح لها توصل حتى 99 % من الموجه الاولى عشان كده الاستوب تحته لانه لو اتكسر لتحت السيناريو هيكون انه الموجه الخماسيه اللي انتهت هي عباره عن الموجه C في موجه تصحيح غير نمطيه والاتجاه الهابط هيستمر مره تانيه لتحت عشان كده لو الاستوب بتاعتنا اضربت هندخل شورت لانه هيحصل انخفاضات قويه لتحت .. نتابع مع بعض

في تحديث للبيانات ، من اول ما دخلنا التريده عند قمة الموجه الأولى كنا متوقعين 3 سيناريوهات انها تكون 1 او A او C ودلوقت بعد ما وصلت قريب جدا من قاع الموجه 1 يبقى الاحتمال التاني انها تكون B من زجزاج انتهى لانه من شروط الزجزاج انه B متوصلش قريب من قاع 1 بالشكل اللي حصل دلوقت يبقى احنا مع احتمالين الاحتمال الاول انه 1 في موجه خماسيه ، او انها C في تصحيح وانتهى ، علشان كده منحركش الاستوب من مكانها لانه تحت قاع 1 هيحصل سقطات عنيفيه لتحت

[ult@n$]

سيد أحمد ،، مشكور على الجهد الكبير المبذول من طرفك . . والله يكون بعونك . . هو سؤال محيرني من فترة . . أنا عندي كتب ودورات اليوت بس لسه ما قرأت أي شيء ... السؤال كالتالي : لنفترض إنو السيناريو المتوقع ما زبط يعني طلع بدل الموجة 4 طلعت 5 يعني المهم إنو انضرب الستوب والترقيم بحاجة لتغيير . . هل أنه بمجرد تغيير الترقييم وتغيير السناريو نتجنب الخطأ ؟؟ ولا كل مرة لازم ينضرب الستوب وتخسر عشان تعرف إنو ترقيمك مش مزبوط ؟؟ أرجو أن تكون فهمت قصدي ومشكور مقدماً . .

[شقرديه]

مشكووووور على الجهد بس بصرااااحه من كثر مااشوف اختلافات بنقاط اليوم من محلل لثانى الغي فكرت انى اتعلمه لانى كل مره اقرى (اذا مو الاولى من الخامسه يمكن تكون aمن الموجه ال2 واذا موهى يمكن تكون wاو 5 اسفه بس لانى ماشفت ولا انسان ناجح باليوت ولااحد كان توقعه صحيح نهااااااااااااااااااائي ولا شفت اتفاق بين اثنين لمحللين اليوم طبعا لكثرت النقاط وكثر الموجات وكثرت اللاراء.........طبعا موجات اليوم برئي الشخصي غير مفيده بالمره واسسسسسسسسفه فعلا وهذا انت قلت اغلاق عند 158 ودخول لونق وهو نزل؟؟؟؟التحليل الفنى والنماذج افيد حيث انى دخلت على نموذج علم على شارت الساعه على اليورو ين والمجنون وحصلت ولله الحمد تقريبا 250+250 نقطه والحمد لله واتمنى التوفيق للجميع

[portfolio stocks]

مشكووووور على الجهد بس بصرااااحه من كثر مااشوف اختلافات بنقاط اليوم من محلل لثانى الغي فكرت انى اتعلمه لانى كل مره اقرى (اذا مو الاولى من الخامسه يمكن تكون aمن الموجه ال2 واذا موهى يمكن تكون wاو 5 اسفه بس لانى ماشفت ولا انسان ناجح باليوت ولااحد كان توقعه صحيح نهااااااااااااااااااائي ولا شفت اتفاق بين اثنين لمحللين اليوم طبعا لكثرت النقاط وكثر الموجات وكثرت اللاراء.........طبعا موجات اليوم برئي الشخصي غير مفيده بالمره واسسسسسسسسفه فعلا وهذا انت قلت اغلاق عند 158 ودخول لونق وهو نزل؟؟؟؟التحليل الفنى والنماذج افيد حيث انى دخلت على نموذج علم على شارت الساعه على اليورو ين والمجنون وحصلت ولله الحمد تقريبا 250+250 نقطه والحمد لله واتمنى التوفيق للجميع

بالتوفيق ان شاء الله

[portfolio stocks]

سيد أحمد ،، مشكور على الجهد الكبير المبذول من طرفك . . والله يكون بعونك . . هو سؤال محيرني من فترة . . أنا عندي كتب ودورات اليوت بس لسه ما قرأت أي شيء ... السؤال كالتالي : لنفترض إنو السيناريو المتوقع ما زبط يعني طلع بدل الموجة 4 طلعت 5 يعني المهم إنو انضرب الستوب والترقيم بحاجة لتغيير . . هل أنه بمجرد تغيير الترقييم وتغيير السناريو نتجنب الخطأ ؟؟ ولا كل مرة لازم ينضرب الستوب وتخسر عشان تعرف إنو ترقيمك مش مزبوط ؟؟ أرجو أن تكون فهمت قصدي ومشكور مقدماً . .

بداية اذا كان في حد مش مستعد انه يخسر ومش مقتنع انه الخسائر جزء من اللعبة يبقى اسواق المال مش مكانه . ده نقطه وبعدين طالما طبقت الشروط والقواعد بشكل جيد يبقى هيجي منين الخطأ بس الفكره ان الواحد بيكره انه يخسر هديك مثل..

احنا اكلمنا على 3 عمليات واحده على الفريم التقيل على الديلي بتاعت العرضيه غير المنتظمه irreguler flat وادينا شايفين احنا ماشين فيها ،، واثنين على فريم الساعة كسبنا في اول واحده والاستوب اضربت في تاني واحده احسب بقى النتائج تبقى عامله ازاي ...

طيب لو انت محدد سيناريو مثلا زي ما كنت اتكلمت على انه 1 واحنا هنبيع في 2 طبقنا الشروط والقواعد في 1 ودخلنا عكسي في 2 ونجحت ،، وبعدين دخلنا في قلب 2 لاني كنت عايز اخد المخاطره ،، مش خطأ في القواعد الصح في الدخول هو الانتظار لارتداد جيد قبل قاع 1 او كسر قمة 1 ، لكن العيب مش في النظريه ،، انا اخدت المخاطره وده اللي انا حذرت منه قبلها يارب تكون وصلت ،،

[أحـمـد عـزام]

بالتوفيق اخوي العزيز,,,,
موضوع يسحق المتابعه
من عضو رووووووووعه,,,

متابعين معاك ان شاء الله
بس على المدرجات
لاني مش قد المحترم اليوت D:

[portfolio stocks]

في تحديث للبيانات ، من اول ما دخلنا التريده عند قمة الموجه الأولى كنا متوقعين 3 سيناريوهات انها تكون 1 او A او C ودلوقت بعد ما وصلت قريب جدا من قاع الموجه 1 يبقى الاحتمال التاني انها تكون B من زجزاج انتهى لانه من شروط الزجزاج انه B متوصلش قريب من قاع 1 بالشكل اللي حصل دلوقت يبقى احنا مع احتمالين الاحتمال الاول انه 1 في موجه خماسيه ، او انها C في تصحيح وانتهى ، علشان كده منحركش الاستوب من مكانها لانه تحت قاع 1 هيحصل سقطات عنيفيه لتحت

بكده يبقى اتأكدنا من السيناريوا الأخير انه الخمس امواج اللي حصلوا كانوا عباره عن الموجه C في تصحيح عرضي غير نمطي وهنرجع لموضوع الاساسي من سيناريو الهبوط لأننا في داخل الموجه C على الفريم الديلي زي ما هو موجود في اول مشاركه ، انا دخلت شورت هنظبط دلوقت الاستوب والتارجت بالتوفيق