الهارمونيك طريقك للمليون بإذن الله

[abaade]

الرد في الاقتباس

تمام ياحلو .... تسلم على سرعة الرد وفي انتظار ردود اعضاء الفريق

[average]

مين اللي منزل برنامج all trade ( من اعضاء الفريق ) عشان حنعتمد الشغل علية .... واغلب الشباب بيعتمد علية في التحليل .... ارجوا الاجابة وكمان عشان محفظة الهارمونيك حتكون فية

موجود عندي التريد

[abaade]

السلام عليكم اخ عبادي
شكرا على ردك، بالنسبة للهارمونيك ،انا الحمد الله كويسة فيه و بارسم الباترن بايدي كويس و عندي مؤشرات الزوب كمان و الايام اللي فاتت نزلت كم من المؤشرات غير طبيعية فيها حاجات هايلة جدا و خصوصا المؤشرات اللي يتحدد دعوم و مقاومات لانها بتكون انديكتور مهم و و بديت ايضا ادرس نظرية الميوري ماث لانها برضه بتهتم بالدعوم و المقاومات فبتقوي نظرية الهارمونيك من حيث ان الارتداد يعني هيتكون ( النقطة سي ) و لا ده مجرد تصحيح و الشكل هيكون ( ايه بي = سي دي )عموما من الأصل الهارمونيك بيتفق مع التحليل الكلاسيكي بان الباترن اللي بيكون اسمه دبل توب او 3 دريف في حالة التربل توب فبالتالي الموضوع مش بعيد لكن نظرية الهارمونيك ساعدتني في استنتاج الشكل و بالتالي الاتجاه يعني بقيت باحاول اتوقع الشكل هيبقي باتر فلاي و لا يمكن ايه بي=سي دي و ده بيقي فرق مهم و العارف لا يعرف الفرق بينهم لانه الفرق بيقي خراب كبير لو خلف و بالذات لو كان الشارت يومي فالموضوع بيقي بايخخخخخخخخخخ قوي، و بالتالي ما تخافش على اختك هي مش ضعيفة قوي بس انا اول ما دخلت الفوركس اتخبطت جامد مع اني اشتغلت على الديمو فترة و كسبت كويس قوي و ده اللي شجعني على الحقيقي بس الواقع كان غير الديمو خالص و ده عملي نوع من عدم الثقة ما زال ملازمني و على فكرة انت يمكن تكون ما قريتش اسمي في مشاركات قريبة لكن انا على طول موجودة و باقرا كل المشاركات و باكون راي و كتير بيكون صح و الله بس انا الفترة اللي فاتت كنت مهتمة اني اقرا استراتيجيات مختلفة و افكار جديدة لاني مقتنعة ان ده بيفتح الأفق و بيعلى مستوي التفكير جدا،فبالتالي انا موجودة معاكم حتي لو ما كنتش باشارك بالكتابة معاكم ...
عموما انا قريت موضوع تنظيم الشغل و معجبة جدا بالفكرة و على اتم استعداد اشارك معاكم و بالذات اني زي ما قولت تقريبا متفرغة تماما للبورصة ...
فدلوقتي تقدر تحدد انا ايه المطلوب مني بالتحديد يعني تحدد لي انت عايز مني اعمل ايه بالظبط و بالتفاصيل ، يعني تديني وظيفة محددة و وقتها ايه ..يا ريت تكون فهمت قصدي ...
بس انا مش هاقدر اكون شديدة الالتزام الا بعد 10 ايام من دلوقتي لاني في مارينا الساحل الشمالي و هانزل القاهرة من بعد يوم 8 اغسطس فبالتالي هاكون ملتزمة تماما
لكن ده ما يمنعش اني اسخن معاكم و ابتدي الكام يوم دول برضه لحد ما نبتدي الشغل الجد قوي و ان شاء الله رمضان نحتفل فيه كلنا مع بعض بمرور سنة على ميلاد الورشة دي و نكون كلنا حققنا مكاسب كويسة علي قدوم شهر رمضان الكريم اعاده الله عليا و عليكم بكل الخير و البركات
و في انتظار اوامر الشغل يا فندم

الله يعطيكي العافية اختى ... اهم شيء انك تجاوبي على الاسئلة وتذكري بالتفصيل ... عشان اقدر اوزع الوظائف على كل عضو من اعضاء الفريق ومايكون في اي تأخير عشان يكون العمل نموذجي ... من كل الاعضاء ... على فكرة نقطة السي بكل بساطة هي اما نقطة دعم أو مقاومة بس اللي يلعب دور فيها الفريم الزمني وانتي عارفة كل ماكبر الفريم كل ماكان اصدق ... واقول شيء لكل الاخوان وانا اولكم ... كل ماتعاملت مع الفوركس ببساطة كل ما كان حظك من النجاح اقرب بإذن الله هذة المقولة يااخوان من واقع تجربة واسألوا اهل الخبرة كمان.... منتظر الردود بالتوفيق .. على فكرة كلنا اخوان في هذه الورشة ومافيش اي فرق بيننا ... بالتوفيق

[abaade]

موجود عندي التريد

والله انك شعلت نشاط ياافريج ماشاءالله عليك ون شاء الله مايخمل هذا النشاط في العمل ...

[average]

والله انك شعلت نشاط ياافريج ماشاءالله عليك ون شاء الله مايخمل هذا النشاط في العمل ...

[abaade]

على فكرة لسة العمل ماتوزع ,,, بس اشوف اجوبة الاعضاء وربك كريم ...
بس قلت اشوفك في اول مهمة وطلعت انت شعلة ماشاءالله عليك

[abaade]

بالله ياشباب لما تكتبوا الوقت حق التفرغ اتمنى انه يكون بتوقيت مكة المكرمة اللي هو توقيت السعودية ... عشان يسهل على اخوكم واعتقد انه الان نفس توقيت مصر

[abaade]

يدالله مع الجماعة
نسألة ان يكون العمل خالص لوجهة ..

[سامح الجندي]

مين اللي منزل برنامج all trade ( من اعضاء الفريق ) عشان حنعتمد الشغل علية .... واغلب الشباب بيعتمد علية في التحليل .... ارجوا الاجابة وكمان عشان محفظة الهارمونيك حتكون فية

طيب ما نعمل على برنامج fxsol افضل
على العموم الأتنين موجودين

وبالتوفيق

[Tato4all]

انا عندى سؤال ليه ما بنستخدمش شكل AB=CD ?

[muradkilany]

صباح الفل على كل الموجودين في الورشة...
اللي اعرفهم زي سامح و مراد و ابو عبد الله و اللي لسه مااعرفهمش زي عبادي و افريج
بجد و الله يا جماعة انا باحيي فيكم الروح الحلوة اللي بتشغل الكل و بتصحصح الدماغ في حاجات مفيدة و ناجحة و فعلا الورشة دي مشرفة لكل شباب العرب المشاركين لانها بتثبت ان كلنا لما نتفق على خير و فايدة اكيد هننجح..
و على فكرة الورشة دي في المنتدي اقوي ورشة موجودة من مستوي فني للاعضاء و مستوي علمى و متابعة و ذوق احترام كمان لبعض ، انا بقالي فترة بادخل ورش على المنتدي ده و ما فييش اي واحدة وصلت للدرجة دي في المنتدي و اللي مش مصدق يجرب يقري و يشوف ...
و عموما المفروض اننا نوجه الشكر لاول واحد علمنا الهارمونيك و تعب نفسه علشان يبسط النظرية بالمنظر ده و هو الدكتور محمد ناشيئ الفوركس لانه الأساس لأي معلومة و صلنالها هنا و مازال اثابه الله مصدر علم دائم لينا كلنا
نرجع بقي للفوركس..دلوقتي يا مراد انت عايز حد يقول رايه ؟صح؟ طيب يعني ازاي بالظبط؟؟ ما انا ممكن يبقي ليا راي بس مش واثقة في صحته فاخاف اقوله لانه ممكن حد يكون صح و انا اشككه فتروح الفرصة منه او ازود من ثقته فيها و يدخلها و يطلع راينا غلط و باخاف اكتر لو حد دخل ورانا و ما قالش , فعلا باحس انها مسئولية و الله فبالتالي باخاف ارد ، يعني بابقي متابعة على طول و و ليا راي بس باخاف من مسئولية المشاركة ، و باحس ان في ناس اعلم و اقدر مني على المتابعة و الرد فما ارد و خاصة ان مستوى الرد بيكون احيانا عالي جدا و فيه نقط كمان انا ما خدتش بالي منها فاعمل ايه ؟؟ارد و اقول رائي و ممكن بالشارتات كمان و على الله ؟؟و لو حد اختلف او اتفق يقول ؟؟ و نقول ان مسئولية الدخول على صاحب القرار و لا ايه ؟؟
يا ريت حد يرد عليا بكلام و طلبات واضحة ، يعني اقول ازاي ، ارد برائي ازاي و اطرحه فنيا ازاي علشان انا اصلا يا جماعة اساس شغلي البورصة المصري من 6 سنين و المجال ده امتداد عايزة انميه و انا تقريبا متفرغة للبورصة طول اليوم و ممكن اكون عضو فعال جدا لانه اساس مجالي و ان شاء الله انا باجهز لالانضمام لجمعية المححلين الفنين المصريين و ناوية شوية كده و ادخل على امتحان السي ام تي فبالتالي الشغل ده هيعلى من مستواي العلمي و المهني بالتأكيد و اهو نبقي افدنا و استفدنا ...
انا منتظرة ردكم و رايكم و شكرا

مش ممكن كلنا نغلط فى فى نقطة واحدة لما كل واحد يقول رايه كلنا هسنتفيد الصح هيتاكد انه صح والخطأ هيتصحح له خطأءه زى ما افريج صحح لى حاجات

[ابوعبدالله المرزوقي]

انا عندى سؤال ليه ما بنستخدمش شكل AB=CD ?

اي نموذج هارمونيك تجد اي بي سي دي ضمنه

[muradkilany]

شوف الماكد على الربع ساعة يعطي اصدق الاشارات

شكرا على المعلومة افادكم الله

[abaade]

انا عندى سؤال ليه ما بنستخدمش شكل AB=CD ?

ياحلو احنا ماشين على طريقة الورشة ... ولن يتم مخالفتها .. خليك معانا احسن

[muradkilany]

بالنسبه للستوب

رجاء مراجعه المشاركه في الاسفل علشان ما يكون فيه أختلاف ( طبعا ده أخر تحديث )

https://forum.arabictrader.com/845787-4-post.html

** لو حسيت ان السعر ممكن يضرب الستوب أحيانا بأدخل من نقطه A=C ويكون عندها الستوب 30 - 40 نقطه فوق A يعني شويه مرونه يا جماعه


علي فكرة حلو النقاش و التعاون ده


موفقين ان شاء الله

جزاك الله خيرا