الفوركس فى المترو !!!

[وليد الحلو]

لا يحضرنى تعليق مناسب الان

الصور دى صورتها من مترو الانفاق

الصور فى المرفقات حمل و اتفرج و أقرأ و اكتفى بقراءة تعليقاتكم


ودى و تقديرى

[CJA]

جمدددددددددددددددددددددددددددددددددددددددددددددددد ددا جدا

[الفقير الى الله]

انت مشكله يا وليد جبتها منين دي

[Lion]

90% ممن سيتأثر بهذا الاعلان (المخادع!) هم اللذين يبحثون عن الثراء السريع وحلم المليون الوردي .. ومعروف أن أغلبهم سيصحون على حقيقه الفشل والافلاس الأسرع ..

[جاسم 2010]

لا يحضرنى تعليق مناسب الان

الصور دى صورتها من مترو الانفاق

الصور فى المرفقات حمل و اتفرج و أقرأ و اكتفى بقراءة تعليقاتكم

ودى و تقديرى

مش هتصدق يا وليد الشخص دىاتنصب عليه من الشركه الى مشهوره فى مصر وخدت منه 2300 جنيه عشان تعلمه الباى والسل هو كمان حب يضرب ضربه وهيعلم الباى وسل فقط وهو فى المرج صح؟
نظام لبس طقيه دى لدى
حسبنى الله ونعم الوكيل

[حكيم سلماني]

يا سلام ده الدنيا ربيع والجو بديع ....فين صاحب الاعلان ده

او ياريت تقولنا يا وليد انتا ركبت من انهي محطه بالظبط عشان عايزين نقطع تذكره ب 1200 جنيه .......ونسلم علي الترماي بعد ( زا فريست مارجن كول )

مخطوفه خطف يا الحلو

تحياتي

[professional]

لو فعلا حيخلو الواحد مستواة كويس يبقي دة شيء تمام

لكن لو كدابين يبقي دة قلة ادب ونصب واحتيال انا مش عارف ازاي الواحد بيقبل علي نفسة فلوس حرام

ازاي بينام مرتاح البال وهو ناصب عالغلابة واخد لقمة عيشهم ويمكن تحويشة عمرهم

[ahmed000]

اخي العزيز وليد
فعلا موضوع رائع وجديد وجميل
ما رأيكم لو حاولنا مع بعض النظر لنصف الكوب الممتليء وليس الفارغ..
مبدئيا النصف الفارغ باختصار هو المسكين الذي سيصدق الاعلان ويتعور في 1200 جنيه
للاسف هذا الاعلان (النصب) ممكن يكون مربح جدا لصاحبه ولكن...
تعالوا نشوف النصف المليان واسمحولي بعرض تجربتي الشخصية ومنها ساحاول ايصال وجهة نظري:
اتذكر اول مرة سمعت عن الفوركس
حالة دهشة وبلاهة وحيرة بين تصديق وعدم تصديق هذا المدعو فوركس وهل هناك فعلا شيء له مثل هذه الارباح؟
مع الوقت زالت تلاشت هذه الدهشة وبمرور الوقت اصبحت انظر للموضوع انه بزنس مثل اي نوع من انواع البزنس الموجودة ولكن له قواعد واصول يجب ان تتقنها.
فتحت حساب حقيقي تجريبي ب 500 دولار وربحت ثم طبعا خسرت
لأني ببساطة شديدة لم اكن سمعت عن (ادارة رأس المال)
تخيلوا حساب ب 500 دولار كنت افتح عليه 5 او 6 صفقات في نفس الوقت (المارجن المحجوز 50 دولار لكل صفقة)
ارباح ممتازة ومزيد من الصفقات بدون تردد
باختصار كنت بلا فخر متاجر غشـــــــيـــــــــــــم وكانت ماشية بالبركة..
وطبعا مارجن كووول ظريف لطيف وصفر الحساب
في المقابل ماذا استفدت؟
انا الان في مرحلة تعلم مستمرة منذ ما يقرب من سنة ونصف
الحالة النفسية التي كانت تصيبني اثناء متابعه الصفقات المفتوحة من تنطيط امام الشاشة وعدم نوم وعدم اكل وعدم رد على التليفون ..........الخ
الان هذه الحالة هدأت كثيرا عن ما سبق ربما لم ولن تتلاشى تماما لاننا بشر ولكن انا افضل من الاول بمراااااااااااحل ...
انا الان استعد لفتح حساب حقيقي مرة اخرى وانا باذن الله واثق ان ادائي الفوركسي سيكون افضل من الاول..
ال 500 دولار التي خسرتها انا اعتبرها رسوم دورة تدريبية في السوق الحقيقي
ومعذرة لانصار التعلم على الحساب التجريبي
لا اعتقد ان احدا ممكن يتعلم بدون حساب حقيقي
فقط يراعي ان يكون المبلغ بسيط وليس كبيرا حتى يتقن المتاجرة
والان نرجع لموضوعنا
اعلان المترو
ربما يكون الموضوع بالنسبة لنا وهو ان تتعلم السل والباي وبرنامج التداول بمبلغ ال 1200 جنيه نصب...
هو فعلا نصب لأنك ممكن تتعلمها ببلاش من اي منتدى عملات ....
ولكن النصف الممتليء الذي اقصده هنا هو الاشخاص الذين لم يكونوا اصلا سمعوا عن شيء اسمه بورصة العملات !!
ربما يكون هذا الاعلان لهم هو خريطة الكنز..
هنا اجد بالنسبة لهم ان مبلغ 1200 جنيه يعتبر مبلغ رمزي بالنسبة لثمن معرفتك فقط ان هناك اصلا شيء اسمه بورصة العملات الفوركس
صحيح بعد ان يصل الشخص الذي دفع هذا المبلغ لمرحلة متقدمة في الفوركس
ساعتها قد يرى انه اتنصب عليه ولكن ربما بدون هذا الاعلان(النصب) ربما لم ولن يعرف في حياته عن الفوركس !
هي طبعا ارزاق من عند الله ومقسومة
ولا احد يعرف اين ولا متى رزقه
ربما يكون رزق صاحب الاعلان
ربما يكون رزق من يقرأ الاعلان ويشترك في الدورة ثم ينطلق في الفوركس بنجاح..
ربما رزق الاثنين!!!
وربما يكون فقط لاغير رزق صاحب المطبعة التي طبعت الاعلان !!!!
الظروف الاقتصادية الصعبة قد تجبر الشباب على التوجه لحلول جديدة وافكار جديدة
وربما يكون الفوركس احد هذه الافكار
اتمنى ان تصلكم وجهة نظري واسف للاطالة.
بالمناسبة يا وليد انا لست صاحب الاعلان ههههههه
كمان سؤال يا وليد ليه بتركب المترو؟؟ المفروض انك عملتهم من الفوركس خلاص وحاجز بي ام الشكل الجديد
تحياتي لك وللاعضاء الكرام
وياريت كل فترة يكون في مواضيع مشابهة فيها لمحة انسانية من الواقع اللي بنمر بيه..
مش على طول دعم ومقاومة..

[WebCraker]

ههههههه ,, بصراحة صورة حلوة
ولولا انكوا قلتوا انها نصب ,, لا مؤخذه يعنى واحد زيى كان هيصدق الكلام ده لأنى جديد وتقريبا جديد لانج يعنى
بس طبعا مكنتش هدفع 1200 جندى

وعجبتنى التعلقات كلها واخص المقولة دى
ال 500 دولار التي خسرتها انا اعتبرها رسوم دورة تدريبية في السوق الحقيقي

[إبراهيم الســــويفي]

وهما بقي ان شاء الله 3 محاضرات في الاسبوع مده المحاضره ساعه ونص

هيتعلمو فيهم ايه؟!!!!!!

ده بالكتير الناس تفهم ازاي تفتح حساب

واسؤال اللي بيدور في دماغ اي مبتديء
(طب ازاي همسك الفلوس في ايدي) دي لوحدها عاوزالها 6 شهور مع الموظفين عشان يفهموها

وبعدين ولاد القطه دول مخلليين الدنيا وردي كده ليه

الفوركس (6) شهور خسائر وبعد كده علي الاقل كمان 6 شهور يتعلم

وبعد ما تخلص فلوسه يكون بقي محترف هههههههههههه (للموظفين فقط)


حسبي الله ونعم الوكيل
عاوزين يمدو ايدهم في جيوب الناس ويقلبوهم (كلامي بلدي لامؤاخذه)

[السوهاجى]

صورة جامدة جدا جدا

والكلام اللى قاله ahmed00

هو دا الكلام الصح

[سمير صيام]

حلوة يا وليد طبعا
اسالك سؤال كنت بتعمل ايه عند كبار السن شكلك عجوز واحنا مش واخدين بالنا

بالنسبة للشركة فانا عارفها كويس جدا لانه نفس الرسالة تقريبا جات لى على الايميل والموبايل واكيد اكيد حكيم هيكون عارفها

[Spacer5]

لا يحضرنى تعليق مناسب الان

الصور دى صورتها من مترو الانفاق

الصور فى المرفقات حمل و اتفرج و أقرأ و اكتفى بقراءة تعليقاتكم


ودى و تقديرى

شكرا على مشاركتك الصورة معنا
صراحة انا لوشفت الصورة دى واناراكب المترو
اكيد هأضحك ... لأنها بالنسبة لى إعلان مثير للشفقة
يحسسك ان الفوركس دنيا الربيع والمكسب البديع ههههههه

[عبده المصرى]

المشكلة يا لودى انك جبت الاعلان ناقص العنوان وانا مش عارف اروح فين دلوقتى،،،

[CJA]

أنا قريت مرة فى اعلان

أبدا الان تجارة الفوركس ب 15 جنية فقط