الفوركس فى المترو !!!

[Spacer5]

أنا قريت مرة فى اعلان

أبدا الان تجارة الفوركس ب 15 جنية فقط

ههههههه
يمكن يقصدوا ماركتيفا

[ابوعافيه المصري]

في الحقيقه يا اخوة الناس دي متعرفش الضمير وبيرسمو الحياة باللون البمبي
للناس
طب زي ما بيذكر الجانب الايجابي يعرف الناس
كاام الف سعر حراري من دم البني ادم هيتحرقو لما يضرب ستوب
ولا كام مليار سعر هيتحرقو لما يصفر الرصيد ومش المفروض يعرف الناس ان ممكن الرصيد
يصفر علشان الي بيفكر يعمل قرض ولا يستلف
دي حاجه تزعل
اما هو فتك كدا ميشتغل في الفوركس ويكسب نفسه بدل ميسرق فلوس الناس
بالطريقه الورديه دي

[وليد الحلو]

جمدددددددددددددددددددددددددددددددددددددددددددددددد ددا جدا

انت اللى أجمد

ودى و تقديرى

[وليد الحلو]

انت مشكله يا وليد جبتها منين دي

من المترو
منور يا غالى

ودى و تقديرى

[وليد الحلو]

حلوة يا وليد طبعا

اسالك سؤال كنت بتعمل ايه عند كبار السن شكلك عجوز واحنا مش واخدين بالنا

بالنسبة للشركة فانا عارفها كويس جدا لانه نفس الرسالة تقريبا جات لى على الايميل والموبايل واكيد اكيد حكيم هيكون عارفها

الصحه بقى يا ابو سمرة بلصق فى الناس يمكن حد اصعب عليه و يقعدنى

جاتلك ايميل و موبايل كمان
جايلك تحكيلى مين صاحبها

ودى و تقديرى

[وليد الحلو]

المشكلة يا لودى انك جبت الاعلان ناقص العنوان وانا مش عارف اروح فين دلوقتى،،،

المشكله يا عبده باشا انها فى الاخر مطلعتش مكتب فوركس
كل الموضوع مكتب كورسات بيدى اوفيس و انجلش و برمجه و فى اخر اللسته فوركس

شفت الجمال ..

ودى و تقديرى

[وليد الحلو]

أنا قريت مرة فى اعلان

أبدا الان تجارة الفوركس ب 15 جنية فقط

فوركس مشوى و لا مقلى ؟؟
عشان محدش يضحك علينا

ودى و تقديرى

[وليد الحلو]

يا سلام ده الدنيا ربيع والجو بديع ....فين صاحب الاعلان ده

او ياريت تقولنا يا وليد انتا ركبت من انهي محطه بالظبط عشان عايزين نقطع تذكره ب 1200 جنيه .......ونسلم علي الترماي بعد ( زا فريست مارجن كول )

مخطوفه خطف يا الحلو

تحياتي

الدنيا ربيع بس
ده انا كنت حاسس انتى هطير لما قريت الاعلان

اللى بقى محدش واخد باله منها منظرى و انا بصور الصور دى ... و أدى لخيالك العنان يا ابو ملك عشان تتخيل الموقف ده

ودى و تقديرى

[وليد الحلو]

90% ممن سيتأثر بهذا الاعلان (المخادع!) هم اللذين يبحثون عن الثراء السريع وحلم المليون الوردي .. ومعروف أن أغلبهم سيصحون على حقيقه الفشل والافلاس الأسرع ..

مش هتصدق يا وليد الشخص دىاتنصب عليه من الشركه الى مشهوره فى مصر وخدت منه 2300 جنيه عشان تعلمه الباى والسل هو كمان حب يضرب ضربه وهيعلم الباى وسل فقط وهو فى المرج صح؟
نظام لبس طقيه دى لدى
حسبنى الله ونعم الوكيل

لو فعلا حيخلو الواحد مستواة كويس يبقي دة شيء تمام

لكن لو كدابين يبقي دة قلة ادب ونصب واحتيال انا مش عارف ازاي الواحد بيقبل علي نفسة فلوس حرام

ازاي بينام مرتاح البال وهو ناصب عالغلابة واخد لقمة عيشهم ويمكن تحويشة عمرهم

اخي العزيز وليد
فعلا موضوع رائع وجديد وجميل
ما رأيكم لو حاولنا مع بعض النظر لنصف الكوب الممتليء وليس الفارغ..
مبدئيا النصف الفارغ باختصار هو المسكين الذي سيصدق الاعلان ويتعور في 1200 جنيه
للاسف هذا الاعلان (النصب) ممكن يكون مربح جدا لصاحبه ولكن...
تعالوا نشوف النصف المليان واسمحولي بعرض تجربتي الشخصية ومنها ساحاول ايصال وجهة نظري:
اتذكر اول مرة سمعت عن الفوركس
حالة دهشة وبلاهة وحيرة بين تصديق وعدم تصديق هذا المدعو فوركس وهل هناك فعلا شيء له مثل هذه الارباح؟
مع الوقت زالت تلاشت هذه الدهشة وبمرور الوقت اصبحت انظر للموضوع انه بزنس مثل اي نوع من انواع البزنس الموجودة ولكن له قواعد واصول يجب ان تتقنها.
فتحت حساب حقيقي تجريبي ب 500 دولار وربحت ثم طبعا خسرت
لأني ببساطة شديدة لم اكن سمعت عن (ادارة رأس المال)
تخيلوا حساب ب 500 دولار كنت افتح عليه 5 او 6 صفقات في نفس الوقت (المارجن المحجوز 50 دولار لكل صفقة)
ارباح ممتازة ومزيد من الصفقات بدون تردد
باختصار كنت بلا فخر متاجر غشـــــــيـــــــــــــم وكانت ماشية بالبركة..
وطبعا مارجن كووول ظريف لطيف وصفر الحساب
في المقابل ماذا استفدت؟
انا الان في مرحلة تعلم مستمرة منذ ما يقرب من سنة ونصف
الحالة النفسية التي كانت تصيبني اثناء متابعه الصفقات المفتوحة من تنطيط امام الشاشة وعدم نوم وعدم اكل وعدم رد على التليفون ..........الخ
الان هذه الحالة هدأت كثيرا عن ما سبق ربما لم ولن تتلاشى تماما لاننا بشر ولكن انا افضل من الاول بمراااااااااااحل ...
انا الان استعد لفتح حساب حقيقي مرة اخرى وانا باذن الله واثق ان ادائي الفوركسي سيكون افضل من الاول..
ال 500 دولار التي خسرتها انا اعتبرها رسوم دورة تدريبية في السوق الحقيقي
ومعذرة لانصار التعلم على الحساب التجريبي
لا اعتقد ان احدا ممكن يتعلم بدون حساب حقيقي
فقط يراعي ان يكون المبلغ بسيط وليس كبيرا حتى يتقن المتاجرة
والان نرجع لموضوعنا
اعلان المترو
ربما يكون الموضوع بالنسبة لنا وهو ان تتعلم السل والباي وبرنامج التداول بمبلغ ال 1200 جنيه نصب...
هو فعلا نصب لأنك ممكن تتعلمها ببلاش من اي منتدى عملات ....
ولكن النصف الممتليء الذي اقصده هنا هو الاشخاص الذين لم يكونوا اصلا سمعوا عن شيء اسمه بورصة العملات !!
ربما يكون هذا الاعلان لهم هو خريطة الكنز..
هنا اجد بالنسبة لهم ان مبلغ 1200 جنيه يعتبر مبلغ رمزي بالنسبة لثمن معرفتك فقط ان هناك اصلا شيء اسمه بورصة العملات الفوركس
صحيح بعد ان يصل الشخص الذي دفع هذا المبلغ لمرحلة متقدمة في الفوركس
ساعتها قد يرى انه اتنصب عليه ولكن ربما بدون هذا الاعلان(النصب) ربما لم ولن يعرف في حياته عن الفوركس !
هي طبعا ارزاق من عند الله ومقسومة
ولا احد يعرف اين ولا متى رزقه
ربما يكون رزق صاحب الاعلان
ربما يكون رزق من يقرأ الاعلان ويشترك في الدورة ثم ينطلق في الفوركس بنجاح..
ربما رزق الاثنين!!!
وربما يكون فقط لاغير رزق صاحب المطبعة التي طبعت الاعلان !!!!
الظروف الاقتصادية الصعبة قد تجبر الشباب على التوجه لحلول جديدة وافكار جديدة
وربما يكون الفوركس احد هذه الافكار
اتمنى ان تصلكم وجهة نظري واسف للاطالة.
بالمناسبة يا وليد انا لست صاحب الاعلان ههههههه
كمان سؤال يا وليد ليه بتركب المترو؟؟ المفروض انك عملتهم من الفوركس خلاص وحاجز بي ام الشكل الجديد
تحياتي لك وللاعضاء الكرام
وياريت كل فترة يكون في مواضيع مشابهة فيها لمحة انسانية من الواقع اللي بنمر بيه..
مش على طول دعم ومقاومة..

وهما بقي ان شاء الله 3 محاضرات في الاسبوع مده المحاضره ساعه ونص

هيتعلمو فيهم ايه؟!!!!!!

ده بالكتير الناس تفهم ازاي تفتح حساب

واسؤال اللي بيدور في دماغ اي مبتديء
(طب ازاي همسك الفلوس في ايدي) دي لوحدها عاوزالها 6 شهور مع الموظفين عشان يفهموها

وبعدين ولاد القطه دول مخلليين الدنيا وردي كده ليه

الفوركس (6) شهور خسائر وبعد كده علي الاقل كمان 6 شهور يتعلم

وبعد ما تخلص فلوسه يكون بقي محترف هههههههههههه (للموظفين فقط)


حسبي الله ونعم الوكيل
عاوزين يمدو ايدهم في جيوب الناس ويقلبوهم (كلامي بلدي لامؤاخذه)

صورة جامدة جدا جدا

والكلام اللى قاله ahmed00

هو دا الكلام الصح

في الحقيقه يا اخوة الناس دي متعرفش الضمير وبيرسمو الحياة باللون البمبي
للناس
طب زي ما بيذكر الجانب الايجابي يعرف الناس
كاام الف سعر حراري من دم البني ادم هيتحرقو لما يضرب ستوب
ولا كام مليار سعر هيتحرقو لما يصفر الرصيد ومش المفروض يعرف الناس ان ممكن الرصيد
يصفر علشان الي بيفكر يعمل قرض ولا يستلف
دي حاجه تزعل
اما هو فتك كدا ميشتغل في الفوركس ويكسب نفسه بدل ميسرق فلوس الناس
بالطريقه الورديه دي

شكرا على مشاركتك الصورة معنا
صراحة انا لوشفت الصورة دى واناراكب المترو
اكيد هأضحك ... لأنها بالنسبة لى إعلان مثير للشفقة
يحسسك ان الفوركس دنيا الربيع والمكسب البديع ههههههه

شكرا لكل حبايبى على المرور

فعلا واقع مؤسف لما يستهدف واحد زى ده عملاؤه او ضحاياه من المترو و بهذا الاسلوب الوردى الذى لا يلمس الواقع اساسا بل و لا يحترم العقل البشرى فى شىء

هو ده اللى المفروض نفكر فيه و لا نبحث عن حلول جانبيه و تفسيرات

انا اكبر عدو لمبدأ تعلم فى فلوسك ... لان ربنا هيحاسبك عليها و ده اهدار للمال بدون اى فائدة لانك لو احترمت اموالك بعض الشىء لن تلعب بيها او تتدرب عليها

و خصوصا نحن هذه الايام عندنا خبراء كتير فى المنتديات عندنا مواضيع تعليمية بالاطنان ... اللى عايز يجتهد و يشتغل هيلاقى

و كمان بلاش نقلل من اهميه الديمو لانه السبب الرئيسى فى تواجدك فى هذا السوق
لعبت على الديمو قلبك جمد و مستخسر فلوسك اللى بتكسبها فى الارض فرايح تفتح حقيقى

فتح حساب حقيقى قبل سنه من الدراسه والاتقان فى رأيى الطريق السريع للخسارة ولو بعد حين

بأختصار لانك مش مضارب و فى حاجات كتير متعرفهاش

و ياريتك لما هتخسر هترحمنا لا هتفتح مواضيع و تملى الدنيا سب و لعن فى الفوركس و تقول اتحدى حد يكون كسب

دائرة مفرغه من الكلام الفاضى حلها انك تبدأ صح

دى كليه التجارة بتتدرس فى 4 سنين و بتخرج تبقى محاسب كشكول
عايز تتعلم الفوركس فى شهر و التانى تبقى مضارب !!!!

عجبى



ودى و تقديرى

[وليد الحلو]

كمان سؤال يا وليد ليه بتركب المترو؟؟ المفروض انك عملتهم من الفوركس خلاص وحاجز بي ام الشكل الجديد

لا لسه معملتهمش
مش لما اخلص اقساط الماى باغ الاول



على العموم انا كنت رايح حته معرفلهاش غير المترو ... 15 مايو لو تسمع عنها
بتاع 20 محطه و ساعتين على الجمال



ودى و تقديرى

[كريم الاسكندرانى]

عقبال ماتنزل فى اتوبيسات النقل العام.....فى اسكندرية

[كريم الاسكندرانى]

فى اسكندرية حتلاقيها مكتوبة كدة

تعالى وبص الفوركس بسبعة ونص

[magedology]

تعليقي علي الموضوع
أن صانع الأعلان سيئ في عرض بضاعته و يريد أن يأخذ دورة في فن البيع

[loly]

أنا يا جماعة مختلفة معاكم تماما
أنا كنت من سنة تقريبا بدور على أي حد بيدي كورس في الفوركس
لأني ما كنتش عارفة أن الموضوع ليه منتديات و حاجات كتيره على النت
و اتدايقت جدا لما عرفت أن الكورسات اتلغت في مصر و كنت مستعده أدفع 2000 جنية و اتعلمه في أي مكان
و النت بصراحة و المنتديات كانت رائعة جدا و أتعلمت منها الأساسيات على الأقل
و لكن
في حاجة بردوا أنا شيفه أن لو الواحد أخذ كورس مهما كان بسيط و طبعا هو لسه مش عارف حاجة عن الموضوع هيكون مهم جدا لأن الواحد لما حد بشرحلوا و مباشر كدا و يقدر يسأل و يحاور غير خالص القراءة في المنتديات و تجريب كل حاجة
و إلا كان انتفى مثلا فائدة ذهاب الطلاب للمدارس و كلوا بقى تعليم عن بعد
الكورس بيسهل حاجات كتير
عكس القراءة من الصفر بتكون مجهدة و بتحفر في الصخر و مش بتعرف انت ماشي ازاي و بتعمل ايه.
أسفة ان كان رأيي مخالف ليكم
بس لو حد بيشرحلك أي حاجة أسهل بكتير أوي من أنك تقرأها من الصفر و أنت ما عندكش فكره عنها خالص

[سمير صيام]

أنا يا جماعة مختلفة معاكم تماما
أنا كنت من سنة تقريبا بدور على أي حد بيدي كورس في الفوركس
لأني ما كنتش عارفة أن الموضوع ليه منتديات و حاجات كتيره على النت
و اتدايقت جدا لما عرفت أن الكورسات اتلغت في مصر و كنت مستعده أدفع 2000 جنية و اتعلمه في أي مكان
و النت بصراحة و المنتديات كانت رائعة جدا و أتعلمت منها الأساسيات على الأقل
و لكن
في حاجة بردوا أنا شيفه أن لو الواحد أخذ كورس مهما كان بسيط و طبعا هو لسه مش عارف حاجة عن الموضوع هيكون مهم جدا لأن الواحد لما حد بشرحلوا و مباشر كدا و يقدر يسأل و يحاور غير خالص القراءة في المنتديات و تجريب كل حاجة
و إلا كان انتفى مثلا فائدة ذهاب الطلاب للمدارس و كلوا بقى تعليم عن بعد
الكورس بيسهل حاجات كتير
عكس القراءة من الصفر بتكون مجهدة و بتحفر في الصخر و مش بتعرف انت ماشي ازاي و بتعمل ايه.
أسفة ان كان رأيي مخالف ليكم
بس لو حد بيشرحلك أي حاجة أسهل بكتير أوي من أنك تقرأها من الصفر و أنت ما عندكش فكره عنها خالص

طبعا كلامك الى حد كبير سليم
لكن ساقول لك مساوئ الاعلان
قبل اعلانات emoney power فى الوسيط كان تقريبا اللى يعرفوا الفوركس فى مصر يعدوا بالعشرات وكنت اان وحسن السيد ودكتور وليد لما اتعرفنا على بعض كنا بنقول كويس لاقينا حد مصرى يعرف فوركس
الشركات دى عملت ايه اعلانات مغرية لجذب اعداد من الناس تبحث عن الرزق والمكسب وحال اغلب الناس فى مصر معروف الكل عايز يبحث عن مصدر اضافى للرزق
الشركات دى تستغل النقطة دى فى كورسات مرتفعة الثمن وتعليم الى حد كبير لا يغنى من جوع يعنى الاساسيات اللى بتقولى اتعلمتيها فى المنتدى تساوى اضعاف اللى اخدوه فى الكورس ده نتيجة ان المجال جديد فى مصر ومحدش يقدر يحكم على مدى قوة الكورس وطبعا اللى اخدوه وناس كتير منهم معانا يؤكدوا الكلام ده
يعنى انتى مستعدة تدفعى 2000 جنيه عشان تتعلمى طيب ايه احساسك لما تخرجى بعد نهاية الكورس انه راح منك 2000 جنيه هياءً ولم تستفادى بهم

انا مش ضد اعلانات دورات لكن اين ستجدى المادة العلمية التى تستحق ان تدفعى لها مبلغ من المال مقابل هذا المادة وان وجدت تسحق فعلا ولان نمانع اكيد