الاصدار التجريبى الاول من برنامج ForexTester (وان شاء الله الاصدارات التاليه قادمه)

[العرجاوى]

السلام عليكم ورحمة الله وبركاته

كنت عرضت فكره عن برنامج تدريبى فى الموضوع https://forum.arabictrader.com/t33389.html
يوم امس

وبالفعل اتصل بى الاستاذ وليد الحلو اتناقشنا فى الموضوع وقررنا ان اعمل نسخه تجريبيه مش الغرض منها الاستخدام قد ما هو الغرض منها تقييم الفكره وطبعا عشان اوضحلكم ان انا جاد فى هذه الفكره وان شاء الله سانفذها على اكمل وجه ممكن

قعدت من الساعه 12 بليل لحد دلوقتى يعنى الساعه 10:30 اهو اشتغل فى الفكره لحد ما خلصت الحمد لله حاجات كويسه يا رب تعجبو ان شاء الله

هبدأ بشرح البرنامج حتى تستطيعو تقييم الفكره وان شاء الله لو عجبتكو نبدأ فى الموضوع جد لان انا خلاص عرفت هكون عايز ناس تعمل معايا ايه بالظبط وهطلب منها حاجات محدده ان شاء الله عشان نخلى البرنامج ده يفيد الناس كلها ومحدش هيطلع منه الا وهو ملوش حل فى النظرى والعملى وكل حاجه فى الفوركس ان شاء الله بس الناس تشاركنى عشان انا لوحدى مش هقدر اقوم غير بالبرمجه لكن تحضير الماده العلميه طبعا فى غيرى هيبقى احسن منى مليون مره فى تحضيرها بس بعد الاتفاق بينى وبينهم على كيفية تحضيرها وشكلها هيبقى عامل ازاى.

ندخل فى الموضوع علطول وهبدأ بشرح نافذه تلو الاخرى فى البرنامج ان شاء الله مع صور توضيحيه (النوافذ مرقمه بترتيب الشرح وكمان مرفوع بترتيب الشرح بس مش عارف شكلها اتلخبط ليه كده):

1 - النافذه الاولى هى النافذه الاساسيه للبرنامج وسوف تجدون فيها الاجزاء التاليه:
1.1 - مجموعه من الخيارات التى يستطيع المتدرب اختيار اى واحد منها. وهذه الخيارات هى عباره عن المواضيع المختلفه المتوافر فى البرنامج مواد للتدريب عليها. طبعا حتى الان لايوجد غير موضوع واحد وهو الشموع اليابانيه "Japanese Candle Sticks" وذلك لاننى فقط اريد هنا توضيح فكرة البرنامج وبعد ذلك نضيف العديد من المواضيع حسب اقتراحات الاعضاء الكرام ان شاء الله. انا اريد هنا التوضيح وتقييم الفكره فقط لا غير.

1.2 - بعد اختيار الموضوع الذى يريد المستخدم التدرب عليه يضغط على "Start Selected Tutorial" لكى يبدأ التدريب فى هذا الموضوع باطلاق نافذه اخرى سوف اتحدث عنها لاحقا

1.3 - الجزء الاخير فى هذه النافذه هو "Exit Application" للخروج من البرنامج وقتما يشاء.



2 - بفرض ان المستخدم اختار "Japanese Candle Sticks" سوف تظهر النافذه الثانيه (طبعا اكيد فاهمين انه فى المستقبل هيبقى فى اختيارات تانيه ان شاء الله). هذه النافذه الثانيه تتكون من الاجزاء التاليه:
2.1 - الجزء العلوى من النافذه يسمى "Training Material" وهذا الجزء يحتوى على لسته او مجموعه من الاختيارات المتسلسله تحت بعضها. هذه اللسته عباره عن مود تدريبيه يتم توفيرها مع البرنامج. فى هذه النسخه التجريبيه سوف تجدون "دراسه فى الشموع اليابانيه لوليد الحلو" ولكن يمكن بكل سهول اضافة مواد تدريبيه اخرى فى اى وقت نشاء وبأقل مجهود ان شاء الله وهذا ما حاولت مراعاته فى كل اجزاء البرنامج التى قمت بالعمل عليها حتى الان.
بمجرد اختيار المتدرب الماده العلميه التى يريد الاطلاع عليها يقوم بالضغط على "Start Selected Material" وهذا يقوم بتشغيل ملف الماده التدريبيه فى الحال.

2.2 - الجزء السفلى من النافذه ويسمى "Testing Material" وهذا الجزء يحتوى على انواع مختلفه من الاسئله التى يستطيع المتدرب الاختيار من ايها يشاء. انا هنا قمت بتنفيذ 3 انواع فقط من الاسئله سوف اقوم بشرح كل واحد على حده فى النافذه الخاصه به ولكن طبعا كما ذكرت يمكن اضافة انواع جديده بناء على اقتراحاتكم.
يختار المستخدم نوع من الانواع التلاته المتوفره الى الان وبعدها يضغط على "Start Selected Test" سوف تظهر النافذه الخاصه بنوع السؤال الذى تم اختياره

2.3 - الجزء الثالث والاخير فى هذه النافذه وهو "Go Back To The Main Form" للعوده للنافذه الاولى الرئيسيه.


3 - بفرض ان المستخدم اختار "Charts Questions" وهو النوع الاول من الاسئله فى النافذه 2 سوف تظهر النافذه الثالثه وهى تتكون من الاتى:
3.1 - الجزء العلوى المسمى "Question" سوف يحتوى على نص السؤال المطلوب الاجابه عنه.. مثلا الخطوط المطلوب رسمها على الشارت.

3.2 - تحت هذا الجزء العلوى سوف نجد جزء مسمى "Drawing Tools" أو شريط ادوات الرسم. وهى الادوات المتاحه للمستخدم لكى يرسم على الشارت. حتى الان قمت بعمل 3 ادوات فقط ويمكن الاضافه لاحقا لمزيد من الادوات (وانا الحمد لله فكرت ازاى هعمل فيبوناتشى وتقريبا الفكره جت خلاص). الادوات المتوفره حتى الان هى الخط والدائره والنقطه. طبعا النقطه والدائره قد لايكون لهم اى لزمه ولكن انا بس حبيت اجرب واحط اى ادوات تيجى على بالى وبعد كده نضيف المطلوب ونحذف اللى مش ليه لزمه.
المستخدم يقوم بالرسم باختيار الاداه من شريط الادوات وبعد ذلك يضغط على المكان المناسب فى الشارت لرسم هذه الاداه. اما بالنسبه للخط على وجه الخطوط فيتم رسمه كالاتى: يقوم المستخدم باختيار اداة "Line" ويحدد نقطة بداية الخط بالضغط على الشارت وبعد ذلك يضغط على نقطة النهايه فيتم رسم الخط اى انه لن يتم الرسم الا بعد الشغط مرتين على الشارت بالماوس مره على نقطة بداية الخط والمره الثانيه على نقطة نهاية الخط.

3.3 - على يمين شريط الادوات سوف نجد "Clear Chart" والهدف منها هو عندما يقوم المستخدم برسم شيىء خطأ على الشارت يمكنه مسح كل شىء والبدء من اول وجديد. طبعا انا فى دماغى الخطوه اللى بعد كده ان شاء الله ان المستخدم يرجع خطوه واحدهبس لورا "UnDo" يعنى مش لازم يمسح كل حاجه بس دى هتحتاج منى شغل شويه على ما اعتقد بس ان شاء الله هتتعمل.

3.4 - تحت "Clear Chart" سوف نجد "Change Default Color" ودى وظيفتها انى اغير اللون المعتاد للرسم اذا كان اللون مش عاجبنى. بالمناسبة اللون المعتاد "Default Color" يتم سؤال المستخدم عليه فى اول استخدام له لشريط الادوات للرسم على الشارت. ولكن يمكنه تغيير اللون الذى اختاره اول مره عن طريق هذا الجزء من النافذه.

3.5 - بعد ذلك نجد مربعين كبيرين كل منهم 400 * 400 . بالنسبه للمربع اللى على اليمين فده اللى فيه الشارت الذى يقوم المستخدم بالرسم عليه كما يشاء حسب ما هو مطلوب فى السؤال. فى المربع الموجود على الشمال سوف يعرض الاجابه النموذجيه للسؤال (نفس الشارت الذى يعمل عليه المستخدم ولكن بعد رسم المطلوب من السؤال وطبعا الاجابه النموذجيه هيوفرهالنا خبير من خبراء المنتدى ان شاء الله لو قررتو الفكره تكمل). فى المربع اللى على الشمال يستطيع المستخدم عرض واخفاء الاجابه النموذجيه كما يشاء كما سنذكر لاحقا.

3.6 - تحت المربع اللى على الشمال سوف نجد "Show Model Answer" دى وظيفتها عرض الاجابه النموذجيه فى المربع الموجود على الشمال كام اوضحنا سابقا. وبجانب ذلك سوف نجد "Hide Model Answer" لاخفاء الاجابه النموذجيه مره اخرى.

3.7 - تحت "Hide Model Answer" سوف نجد جزئين هامين وهما "Next Chart" و "Previous Chart" ودول زى ما هو واضح للتقليب بين الاسئلهزى ما احنا عايزين ذهابا وايابا بس طبعا هنلاقيهم غير مفعلين لان حاليا انا باعتلكو مع البرنامج شارت واحد بس بس ان شاء الله يكون الجزء ده واضح

3.8 - اخر جزء وهو "Exit This Type Of Questions" وده للعوده للنافذه الام وهى النافذه 2.


4 - بفرض ان المستخدم كان اختار فى النافذه 2 النوع التانى من الاسئله بدل الاول اى انه اختار "Japanese Candle Stick MCQ" وهى اسئلة الاختيار من متعدد سوف تظهر النافذه 4. هذه النافذه تتكون من الاتى:
4.1 - الجزء العلوى المسمى "Question" لعرض نص السؤال كما ضكرت فى النافذه السابقه.

4.2 - تحت هذا الجزء سوف نجد الجزء المسمى "Choices" وكما هو واضح يوضع فيه الاختيارت التى يختار ما بينها المتدرب.

4.3 - بعد الاختيار من متعدد يضغط اما على "Next Question" او "Previous Question" حسب الرغبه فى ذلك. ولكن يجب ملاحظة انه لن يتم الانتقال الا اذا كان الاختيار صحيحا سوف يحدث الانتقال مباشرة اما اذا كان الاختيار خطأ سوف تظهر نافذه اخرى للتعامل مع ذلك سوف اقوم بشرحها لاحقا.

4.4 - طبعا الجزء الاخير "Exit This Type Of Questions" للرجوع للنافذه الام وهى النافذه 2.


5 - بفرض ان المستخدم اختار النوع التالت من الاسئله فى النافذه 2 وهو الاسئله المقاليه او "Essay Questions" سوف تظهر نافذه 5.
الجزء الوحيد المختلف هو الجزء المسمى "Answer" وهو لكتابة نص الاجابه على السؤال المطروح. وطبعا هنا لا الزم المتدرب بنص الاجابه المسجل من قبل من اعد الماده التدريبيه ولكن لابد فقط من توافر بعض الكلمات المفتاحيه التى من دونها تختل الاجابه (سوف اقوم بشرح هذه النقطه لاحقا اذا لزم الامر ولكن لا تشغلو بالكو بيها).

6 - النافذه الاخيره حتى الان وهى النافذه التى تظهر فى حالة حدوث اجابه خاطئه لسوال معين سواء مقالى او اختيارى. فى هذه النافذه نخبر المستخدم انه اخطأ فى الاجابه ونخيره بين احد الاختيارات التاليه:
6.1 - "ٍShow The Right Answer and Continue The Tutorial" هذه يختارها المتدرب اذا اراد المتدرب ان يعرف الاجابه الصحيحه ويكمل باقى التدريب عادى جدا.

6.2 - "Show The Right Answer and Go Back" وهذه غرضها ان يعرف الاجابه الصحيحه سوف يعود لاول سؤال مره اخرى لكى يقوم باعادة الاسئله من اولها اذا اراد التأكيد على المعلومه.

6.3 - "Try Again" وهنا لا يختار استعراض الاجابه وعوضا عن 1لك يحاول مره اخرى

اسف جدا على الاطاله بس اردت ان اوضح الفكره تماما وان شاء الله تكمل وتفيد الناس جميعا

[العرجاوى]

البرنامج نفسه اهو فى المرفقات للتجربه
فكو الملف المرفق وهتلاقى "ForexTester.exe" شغلوه ومش تشغلو بالكو بالفولدرات التانيه اللى معاه دى حاجات البرنامج بيستخدمها اثناء شغله

[بنكرمان]

بارك الله فيك وجزاك الله كل الخير ان شاء الله
شكرا لك شكرا لك

[العرجاوى]

بارك الله فيك وجزاك الله كل الخير ان شاء الله
شكرا لك شكرا لك

الف شكر على الاهتمام وانا تحت امرك وامر الاعضاء وان شاء الله كلنا نفيد بعض


بالمناسبه يا جماعه كل اللى قولته ده خلص خلاص الحمد لله يعنى واقف على اضافة الاسئله بس ... يعنى مش بقول المفروض هيعمل كده فى المستقبل لا هو بيعمل كده دلوقتى الحمد لله ولو جربتو البرنامج هتلاقو الكلام ده كله متنفذ سواء الرسم على الشارت او غيره

[R@MY]

تحت التجربه
وجزاك الله كل الخير
ووضعه في ميزان حسناتك

[stop]

السلام عليكم ورحمة الله وبركاته ..
اخي العزيز مجهود كبير تشكر عليه ..
ولكن لدي همسه بسيطة :

((((بما ان صاحب الفكرة عربي .
والمصمم عربي .
والاساتذة الداعمين عرب .
والمنتدى عربي .
واسم المنتدى ايضا المتداول العربي
فلماذا لاتكون قوائم البرنامج بالعربي!!! )))))

لو قمت بتعريبه من الاساس ..
لما احتجت الى الشرح المطول في بداية الموضوع عن طريقة الاستخدام

امل تقبلها بصدر رحب .
وبالتوفيق.

[forex147]

ماشاء الله تبارك الرحمن
مجهود تشكرون عليه وجزاكم الله كل خير

[bader1980jo]

بارك الله فيك
وجعله في ميزان حسناتك

[dr_mamy2006]

بارك الله فيك
وجعله في ميزان حسناتك
بس سؤالى اه الهدف من هذا البرانامج
تحياتى

[العرجاوى]

تحت التجربه
وجزاك الله كل الخير
ووضعه في ميزان حسناتك

شكرا على الاهتمام وانا فى انتظار التقييم منك ومن جميع احبابنا فى المنتدى

السلام عليكم ورحمة الله وبركاته ..
اخي العزيز مجهود كبير تشكر عليه ..
ولكن لدي همسه بسيطة :

((((بما ان صاحب الفكرة عربي .
والمصمم عربي .
والاساتذة الداعمين عرب .
والمنتدى عربي .
واسم المنتدى ايضا المتداول العربي
فلماذا لاتكون قوائم البرنامج بالعربي!!! )))))

لو قمت بتعريبه من الاساس ..
لما احتجت الى الشرح المطول في بداية الموضوع عن طريقة الاستخدام

امل تقبلها بصدر رحب .
وبالتوفيق.

والله ما كنت هعرف اعمله عربى بسرعه كده لان انا من الاساس دراستى فى الجامعه انجليزى ومتعودين على الشغل كده والله مش فزلكه ولا حاجه بس فعلا انا اتعودت على كده والله ... عموما ان شاء الله نحوله عربى عشان خاطر عيونك منقدرش نكسرلك كلمه يا باشا

ماشاء الله تبارك الرحمن
مجهود تشكرون عليه وجزاكم الله كل خير

بارك الله فيك
وجعله في ميزان حسناتك

شكرا لكم على الدعاء وهذا اقصى ما اتمناه

[العرجاوى]

بارك الله فيك
وجعله في ميزان حسناتك
بس سؤالى اه الهدف من هذا البرانامج
تحياتى

هذه هى الفكره الاساسيه حضرتك من البرنامج من الاساس
https://forum.arabictrader.com/t33389.html
قد تكون لم تلاحظ الموضوع الاول
اذا كان هناك اى توضيح اخر انا تحت امر حضرتك

[yahya89]

جزاك الله خيرا..........
وجعله في ميزان حسناتك

[fofo]

من لم يشكر الناس لم يشكر الله
شكرا على المجهود الجميل ونور الله طريقك

[السوهاجى]

مجهود رائع جدا

[ashnou]

فكرة جميلة جدا
جزاك الله خيرا