فكره بسيطه قد تفيد الكثيرين ان شاء الله

[العرجاوى]

السلام عليكم ورحمة الله وبركاته

انا كان عندى فكره اردت ان اعرضها عليكم لعل الله ينفع بها اعضاء هذا المنتدى الرائع ان شاء الله

بصو يا جماعة الخير
كل من يوجد فى هذا المنتدى يعرف يعنى ايه دعم ومقاومه ويعنى ايه فيبوناتشى ويعنى ايه الترند والكلام ده كله
بس مشكلتنا ان معرفتنا دى كلها نظرى ومعظمنا لما ييجى يطبقها يطبقها بصوره خاطئه نظرا لقلة الخبره والاستعجال
وطبعا انا لسه مبتدىء فى الفوركس زيي زى كثير من من هم اعضاء فى هذا المنتدى الرائع وبصراحه عايزين نبدأ اللايف بس طبعا خايفين لاننا بنلاقى كتير اوى ان تحليلاتنا ورسمنا للادوات اللى سبق وذكرتها بيختلف عن اساتذتنا من اعضاء المنتدى
وفى رأيي ينقصنا التدريب العملى واختبار معلوماتنا بالنسبه للاعضاء الكبار فى المنتدى
وانا قريت مره مشاركه لاحد الاعضاء الذين احترمهم كثير "اعتقد انه الاستاذ نظره عقلانيه" ولكن قد يكون غيره فما اكثر من احترمهم فى هذا المنتدى الرائع والله شهيد على ما اقول ... هذا الرجل الكريم قال ما يلى : اننا نصبر 18 عاما على الدراسه لكى نعمل فى اخر الامر فى شغلانه براتب زهيد فى حين اننا لا نتعدى الاشهر فى الفوركس ونحلم بالملاينن
وكلامه صحيح 100%

معلش طولت عليكو وهقول الفكره علطول اهو بس كان لازم الكلام اللى فى الاول عشان توصل الفكره كما يجب
الفكره هى اننا نقوم ببرمجة مجموعه من البرامج التعليميه والاختبارات التى يستطيع اى مضارب ان يقيم نفسه على اساسها
فمثلا فى موضوع رسم الترندات والدعوم والمقاومات والكلام ده كله انا اقترح اننا نعمل نوع من الاسئله فى هذه البرامج التدريبيه يكون كالاتى (أنظر الرسمه المرفقه لمزيد من التوضيح):
الخبراء على المنتدى يوفرو لنا مجموعه من الشارتات مرسوم عليها هذه الخطوط والادوات بالشكل الصحيح وتكون هذه الشارتات هى نماذج الاجابه
مع كل شارت يوفره اصحاب الخبره يوفرو نفس هذا الشارت ولكن بدون رسم اى خطوط عليه
نضع هذه الشارتات فى البرنامج التعليمى ونعرض الشارت الفارغ من الادوات امام المتدرب ونوفر له الادوات اللازمه للرسم وبعد ان يرسم ما هو مطلوب فى السؤال يقوم بعرض الشارت المرسوم بطريقه صحيحه للمقارنه بين حله وحل الخبير الذى قام بتوفير هذا الشارت

طبعا ده نمط واحد بس من انماط الاسئله ومن الممكن ان يكون هناك انماط لا حصر لها وان شاء الله سوف نبذل المجهود اللازم لبرمجتها لكى ينتفع بهذه البرامج كل اعضاء هذا المنتدى الرائع

ممكن يكون فى اسئله نظريه سواء مقاليه او اختياريه لكى يختبر المتدرب معلوماته العامه فى الفوركس وطبعا ممكن كل صاحب استراتيجيه ناجحه يوفر لنا اسئله خاصه بالاستراتيجيه لكى نضيف للبرنامج التدريبى جزء خاص بهذه الاستراتيجيه وهكذا

وطبعا ممكن الناس هنا تقترح افكار لاسئله يتم وضعها فى البرنامج

طبعا فى حاجات فى البرامج قد تكون صعبة البرمجه وسوف تحتاج مجهود جامد جدا ومعرفة اشياء جديده تماما على وعلى من سيشاركنى فى التطوير لذلك لا اعد بان يتم توفير برنامج تدريبى فى غضون يوم او يومين او حتى شهر ... لان لو الفكره عجبتكو انا ان شاء الله هحاول اعمل حاجه محترمه على قد ما اقدر مش اى برنامج والسلام
وطبعا انا اتمنى من الناس اللى هنا واللى ليها خلفيه فى البرمجه زى استاذى الدكتور حازم ان يشاركونا فى اتمام هذه البرامج وممكن نعتبره مشروع كبير نقسمه على بعض ونبقى فريق متكامل لكى نخرج فى النهايه ببرامج على اعلى مستوى تفيد الناس وتديها الخبره اللازمه لدخول السوق بقلب جامد

ولو الفكره عجبتكو هحتاج مجهود الناس الخبره معايا عشان يوفرو لينا المواد التدريبيه لكى يتم اضافتها للبرنامج لاثراؤه باكبر قدر ممكن من الاسئله والمعلومات

وطبعا ان شاء الله انا والناس اللى هتشترك معايا فى هذه البرامج مش هنعمله بحيث يقتصر على الاسئله التى تم اضافتها اثناء التطوير ... هنعمله بحيث نقدر نضيف اسئله ومعلومات ليه فى اى وقت وبأقل جهد ... واذا تم ذلك تخيلو معايا ان احنا كلفنا كل شهر 10 اعضاء خبراء فقط كل منهم يضيف لينا 5 شارتات فقط فى الشهر يعنى فى الشهر البرنامج هيزيد عليه 50 شارت تدريبى يخلى الناس تعرف هى بقت كويسه ولا لأ فى رسم هذه الادوات الحيويه

أرجو ان تفيدونى بارائكم وان شاء الله الفكره تعجبكم وانا ارحب بأى نقد واى حد شايف ان الفكره مش ليها لزمه يقولى وانا مش هزعل والله بس يوضح وجهة نظره

[danger]

فكرة رائعة جدا

[temo]

فكر جديد جدا واول مرة اسمعه وبالفعل دى حاجة مش موجودة فى الكتب ومهمة جدا ارجو من الاعضاء الاهتمام وابداء الراى وشكرا للاخ كريم على الفكرة الجميلة وارجوان تظهر للنور

[العرجاوى]

فكرة رائعة جدا

فكر جديد جدا واول مرة اسمعه وبالفعل دى حاجة مش موجودة فى الكتب ومهمة جدا ارجو من الاعضاء الاهتمام وابداء الراى وشكرا للاخ كريم على الفكرة الجميلة وارجوان تظهر للنور

الف شكر يا جماعه على الاهتمام والرد وان شاء الله الناس تشاركنا بارائهم والفكره تتنفذ ان شاء الله باسلوب علمى ومنظم

[CJA]

بارك الله لك يا كريم

[وليد الحلو]

فكرة ولا اروع يا صديقى
و انا على اتم الاستعداد لعمل اللازم انا فعلا كنت بخطط لعمل افلام تعليمية كنوع من انواع تسهيل تعليم الفوركس

عجبتنى فكرتك جدا و طريقه البرنامج ... بس ده طبعا يتوقف على قدرتك البرمجية اللى انا مستبشر بيها خير

على العموم كويس انك من مصر ممكن نبقى نتقابل و نتفق

فكرة حلوة اوى و هتعمل نقله كبيرة و حصرية جدا جدا جدا

يا ريت لو تبعتلى رقم موبايلك على الخاص ... خلينا نعمل حاجة لاخواننا يدعولنا بيها


ودى و تقديرى

[العرجاوى]

فكرة ولا اروع يا صديقى
و انا على اتم الاستعداد لعمل اللازم انا فعلا كنت بخطط لعمل افلام تعليمية كنوع من انواع تسهيل تعليم الفوركس

عجبتنى فكرتك جدا و طريقه البرنامج ... بس ده طبعا يتوقف على قدرتك البرمجية اللى انا مستبشر بيها خير

على العموم كويس انك من مصر ممكن نبقى نتقابل و نتفق

فكرة حلوة اوى و هتعمل نقله كبيرة و حصرية جدا جدا جدا

يا ريت لو تبعتلى رقم موبايلك على الخاص ... خلينا نعمل حاجة لاخواننا يدعولنا بيها


ودى و تقديرى

تم الرد على الخاص وشكرا على الاهتمام

بس انا نفسى يبقى المجهود جماعى ان شاء الله والناس الخبره اللى زى حضرتك تشترك معانا

[المهندس خالد]

فكرة رائعة يا أخي ..... وفقكم الله

[العرجاوى]

بارك الله لك يا كريم

فكرة رائعة يا أخي ..... وفقكم الله

شكرا جدا على الرد والاهتمام وانا سعيد جدا ان الفكره بدأت تعجب الناس وان شاء الله تتنفذ على اعلى مستوى

[وليد الحلو]

شكرا على سرعه الرد يا صديقى
وانتظر مكالمتى غدا ان شاء الله

و خلاصه ما يمكن ان اقولك اذا اردت دعما من الاخوه الخبراء فهتلاقى كتير فهم اخواننا و حبايبنا و عمرهم ما قصروا و اى حد عايز توصله او مواد تعليمية هتكون عندك

يعنى وظيفتى هتكون طلباتك اوامر بس .... و الباقى على ربنا ثم عليك


ودى و تقديرى

[aboali]

فكرتك لازم تكون محل اهتمام لانها جميله جدا
ربنا يوفقك

[العرجاوى]

شكرا على سرعه الرد يا صديقى
وانتظر مكالمتى غدا ان شاء الله

و خلاصه ما يمكن ان اقولك اذا اردت دعما من الاخوه الخبراء فهتلاقى كتير فهم اخواننا و حبايبنا و عمرهم ما قصروا و اى حد عايز توصله او مواد تعليمية هتكون عندك

يعنى وظيفتى هتكون طلباتك اوامر بس .... و الباقى على ربنا ثم عليك


ودى و تقديرى

الف الف شكر وده يزيدنى شرف ويعطينى دفعه للامام

وان شاء الله نعمل حاجه كويسه جدا تفيد اعضاء المنتدى الكرام وانا متأكد ان الناس هنا كلها زى حضرتك كده ... الكرم وحب مساعدة الاخرين صفه مشتركه بينهم جميعا

وشكرا كمان مره استادى وليد الحلو

وزى ما حضرتك بتقول انا كمان هقول الجمله الجميله دى : ودى وتقديرى

[العرجاوى]

فكرتك لازم تكون محل اهتمام لانها جميله جدا
ربنا يوفقك

شكرا يا ابو على ويشرفنى اعجابك الفكره جدا

[مصطفى محمد صالح]

تسجيل حضور ومتابعة
ربنا يوفقك علشان خاطر اخواتك التيهين
استاذ وليد ممكن اكلمك على الخاص علشان انا محتاج مساعدتك

[نديم الذكريات]

فكرة رائعة وموضوع أروع أخوي