الزوايا السعرية والفواصل الزمنية

[medo93]

بسم الله الرحمن الرحيم

اليوم ان شاء الله موعدنا مع الجزء الثاني الخاص بتحديد القمم والقيعان الصحيحة ....وزي ما عرفنا المرة اللي فاتت
ان الموضوع دا بيمر ب 3 مراحل رئيسية وهي الاختيار والفلترة والتاكيد وعرفنا المرة الي فاتت ايه المقصود بالفلترة وخلينا نفكرها مرة تانيه
وهي عمليه التخلص من القمم والقيعان المستهلكة وبدء العمل علي القمم والقيعان الحقيقية
واليوم ان شاء الله سنتعرف علي المحور الثاني من هذا الموضوع وهو

عملية الاختيار

ببساطة شديدة انا ابقدر احدد القمم والقيعان الخاصة بفريم معين من خلال طريقتين

الطريقة الاولي من خلال الفريم الكبير
الطريقة الثانية من خلال الفريم نفسه

الطريقة الاولي :وفيها بيتم استخراج قمم وقيعان الفريم الاصغر من الفريم الاكبر
وخلينا ناخد الموضوع بشكل اجمالي وبعدها ندخل في التفاصيل ودي الخطوات اللي هنتبعها

1-انا مثلا هروح للفريم الكبير ايا كان .... لان الفريم نفسه مش مهم عندي انا كل اللي عايزه هو اخر موجه منه فقط
2- هحدد بداية القمة او القاع للموجة اللي حددتها دي باي علامة يعني ممكن ارسم عليها مربع او مثلث او دائرة او اي علامة علشان لما انزل للفريم الصغير اقدر استخرج القمة او القاع دا بسهولة
3- بعد ما انزل للفريم الصغير ممكن الاقي عندي مجموعة قمم وقيعان متجاورة وغالبا بيكونو 2 او 3 وممكن اكتر وهنا هيبدا دور عملية الفلترة وبالتالي انا هفلتر القمم والقيعان دي علشان واشوف مين منهم شغال ومين مستهلك
4- بمسك اخر قمة حقيقية او قاع حقيقي وغير مستهلك وبعدها ندخل بيها علي المرحلة ال3 وهي مرحلة التاكيد ولو طلعت مظبوطة هبدا من عندها ويبقي معايا قمة او قاع سليم 100%
واخير ببدء رسم من القمة او القاع اللي اخترتها واشوف اول زاوية ردت السعر وايه الشكل اللي معايا ..الخ
دا الكلام النظري ودي الخطوات اللي هنشتغل بيها وخينا نراجعها مرة تانيه ونرفق الصورة التوضيحية معاها

1 - بختار اخر موجوة من الفريم الكبير اللي مش هشتغل عليه ودا فريم اسبوعي ودي اخر موجة صاعدة علي الفريم دا

الملف المرفق 480229

2- بحدد بداية الموجة باي طريقة تخليني اقدربسهوله اكتشفها في الفريم الصغير وانا هنا حددت بداية الموجة دي بمستطيل ازرق

الملف المرفق 480230

3 بنزل للفريم الاقل واشوف الوضع ايه

ا- لو لقيت في قاع واحد في المستطيل اللي انا حددته يبقي خير وبركة وانزل المؤشر بتاعي علي القاع دا واشوف ايه الشكل اللي عندي
وهنلاحظ ان الموجة اللي كانت علي الفريم الكبير هي موجات اصغر علي الفريم الاصغر والموجات الصغيرة دي هي اللي بشتغل عليها وهي اساسا الشكل الهندسي بتاعي واللي انا عاملها باللون الاحمر

الملف المرفق 480234

ولو لقيت في المستطيل اللي احددته من الفريم الاسبوعي اكتر من قاع ودا وراد جدا هشوف من اللي مستهلك واحذفه وابدا شغلي من اخر قاع حقيقي واكيد فاكرين موضوع الفلترة

الملف المرفق 480235

واخيرا موضوع التاكيد دا هيكون في المشاركة القادمة ان شاء الله المهم عندي ان الموضوع دا يكون مفهوم كويس انا شخصيا اول مرة اكتب الكلام دا وفي نفس الوقت لم اري احد كتبه قبل كدا لكني مجربه شخصيا وجنبني وجع دماغ كتير في موضوع اختيار القمم والقيعان

ودلوقتي ممكن ناخد مثال من الشارت ونشوف الموضوع دا بيكون ازي
وفي معلومة صغننة هقولها للي حابب ياخد بيها ....اللي يعرف يستخرج اخر موجه في الفريم بمجرد النظر فبها ونعمه وهي اساسا موضوع سهل جدا ومجرد تعود
واللي مش هيعرف ممكن يستعمل مؤشر zigzag في البداية علشان يساعده ونبدا باول مثال معانا

انا جبت مثال سهل وصريح علشان اولا اثبت الفكرة وبعدها هناخد امثلة مكلكعة شويه
دا اليورو دولار الفريم الاسبوعي وانا حاطط معاه مؤشر زجزاج وحددت كمان بداية اخر موجة

الملف المرفق 480236

اه سامعك يا عم انت ياللي بتقول اني محدد قاع وقمة يبقي فين اخر موجه دي ؟

مبدئيا خلينا في القاع الاول ونكمل بيه زي ما تعلمنا الخطوات وننزل علي الفريم اليومي ونشوف الموجة دي كان شكلها ايه علي الفريم اليومي
انا عارف ان حضراتكم متوقعين الصورة اللي جايه لانها ظهرت معانا كتير في الورشة وانا حبيت امثل بيها لتسهيل الفكرة
انا لقيت ان في 3 قيعان وكل قاع بيبوظ اللي قبله لكني اخترت اخر قاع وهو اللي مفيش قاع بعده صحح ليه باكتر من 75%
وطلع معايا شكل ثلاثي زي الفل صعود للزاوية 120 ثم الارتداد للزاوية 60

الملف المرفق 480238

طب نرجع تاني للقمة الصفرا دي وقبل ما نتكلم عليها هذكر حضراتكم بحاجة قلناها في بداية الدرس وهي
اننا ممكن نجيب القمة والقاع بطريقتين الاولي من الفريم الاكبر والتانيه من نفس الفريم
وشفنا مع بعض ازاي جبنا القاع اللي اشتغلنا منه في الفريم اليومي من الفريم الاسبوعي

طب لو رسمنا من القمة اللي في المستطيل الاصفر دا هيطلع معايا شكل رباعي ود طبعا بعد استبعاد القمم المستهلكة وبدء العمل من اخر قمة حقيقية زي ما هنشوف في الصورة اللي جاية

وهنا هيظر كل البائعين ويقولولي احنا كنا بايعين بناء عي الشكل الرباعي دا والسعر عكس علينا وضرب استوبات كتير الاسبوع اللي فات
وبكل بساطة هرد عليه واقوله لو حضرتك متابع معانا
وشفت المشاركة اللي قلنا فيها ان الزاوية 360 بتاعة الشكل الثلاثي الصاعد هي نفسها الزاوية 90 بتاعة الشكل الرباعي الهابط وان
طول ما السعر اسفل هذه المنطقة يبقي معانا شكل رباعي هابط والبيع هو سيد الموقف ولو السعر اخترق المنطقة دي هيبقي ضرب استوب البيع وفعل صفقة الشراء اللي حققت اكتر من 200 نقطة حتي الان ....وحتي الاستوب نفسه كان تقريبا 20 نقطة

وهنا هنعرف معلومة مهمة جدا
طالما انا شغال في شكل هندسي معين ايا كان صاعد او هابط لااااااازم اشوف فشل للشكل دا علشان اقدر اشتغل علي الشكل اللي بعده
انما اللي حصل اني كان عندي شكل ثلاثي صاعد والشكل دا عمل وصول مبكر وبالتالي كن لازم يصحح لانه وصل قبل معاده بكتير
وبعدها كل معظم الناس رسمت من القمة وطلع معاهم شكل رباعي واشطه يا معلم بيع ..بيع
ونسيو اساسا ان الهبوط دا تبع الشكل الثلاثي مش الشكل الرباعي ولما الشكل الثلاثي حب يكمل طريقة الناس زعلت

وهنا يجي سؤال مهم ...هل يعني كدا القمة الصفرا دي اللي انا حددتها من الفريم الاسبوعي ملهاش لازمة ؟
وانا هرد..الاجابة صحيحة وخاطئة في نفس الوقت

يعني ايه ؟

يعني اه صحيحة والقمة دي ملهاش لازمة في الفريم اليومي
لان ليها لازمة في فريم ال 4 ساعات .....يعني لو نزلنا لفريم ال 4 ساعات هنلاقي من القمة دي في شكل سداسي زس الفل

والشكل دا عمل اشارة فشل ود بياكد الصعود اللي علي الفريم اليومي لان فشل الشكل علي ال 4 ساعات دا اشارة لازم ناخد بالنا منها
ولو فعلا الشكل فشل دا هيودينا للطريقة التانيه وهي تحديد القمة والقاع من نفس الفريم

وهي دي فكرتها اني بيكون معايا شكل هندسي والشكل دا يفشل وبالتالي انا بشوف اعلي قمة عملها الشكل الصاعد قبل الفشل الزمني
او اقل قاع عمله الشكل الهابط قبل الفشل الزمني وابدا افكر في ارسم من عندها

وخلي بالكم اني قلت هفكر يعني مش اكيد ...لان برضه اللي لاحظتة ان الشكل الهندسي بيروح للنقطة دي تاني ودا اللي بيعمل ما يسمي
double top او القمة الثنائية وبيكون شكلها كدا

وممكن كمان السعر يصعد للنقطة دي مرة تالته علشان يعمل نموذج triple top او القمة الثلاثيه ...وكل اللي يهمني واللي لازم افكر فيه ان
ايه الشكل اللي هيتكون بعد كدا لاني انا نفسي لما بمسك فشل شكل هندسي بفرح بيه زي بالظبط الشكل الهندسي السليم
لان بكون عارف اني هاخد شكل هندسي من بدايته

ودي صورة القمة الثلاثية

وبرضة نخلي بالنا من معومة مهمة جدا ان ممكن بعد كدا السعر يبدا شكل صاعد جديد وتبقي القمة الثنائية والثلاثية ما هي الا تضييع وقت علي فريم اكبر ونلاقي السعر بعد ما كان ماشي علي شكل خماسي والشكل فشل هيكمل صعود علي شكل جديد لكن الفكرة اني مش باخد قرار غير لو انا عرفت راسي من رجليا والسعر بيعمل ايه لان لااااااااااااازم اكون سابق السعر مش افتح عقودي واظبط نفسي وبعدها ابدا احلل الزوج
لان صدقني لو جبته يمين شمال علي فريم كبير ولا صغير هتلاقي السعر هابط لو حضرتك كنت بايع
والعكس مهما حللت هلاقي الزوج صاعد لو كنت شاري ودا التحليل العاطفي هتلاقي نفسك بتخترع حاجات تخلي السعر يصعد او يهبط
لكن الحقيقة انك بتضحك علي نفسك وعلشان تتخلص من الموضوع دا
اولا لازم التحليل يكون قبل الدخول وليس العكس
ثانيا موضوع التوصيات برضه نفس المشكلة لو حضرتك متابع شخص معين ولقيته بايع زوج معين برضع ممكن تقع في نفس الخطا وتدور في الشارت علي حاجة تخليك تبيع علشان تبيع معاه وكان حضرتك اللي محلل الصفقة
والمضحك في الموضوع لما الصفقة تضرب استوب تاقي نفسك بدون تفكير بتقول والله كنت حاسس من الاول
انا عارف ان الجزء الاخير دا ملوش علاقة بالموضوع لكن اعتبره من باب الفضفضة وصدقوني دا اساسا كلام مهم

دي تقريبا الجزء المهم في لموضوع دا

يبقي هل معني الكلام دا اني هروح اجيب الموجه الاخيرة من الفريم الكبير وانزل للفريم الصغير علشان
اشتغل عليها واشوف ايه الشكل الهندسي اللي بيتكون ؟
هو الموضوع مش بالظبط كدا لاني منطقيا كدا لو انا انتظرت الموجة اللي علي الفريم الكبير يبقي كدا الشكل اللي علي الفريم الصغير اساساقطع شوط كبير في رحلتهل و قرب ينتهي وانا مش هلحق استفاد منه

الطريقة دي بتديني الاحداثيات بتاعه السعر هو في كل فريم بيعمل ايه ورايح فين وجاي منين والخطة بتاعتي
باخد اخر موجة وانزل اشوفها علي الفريم الصغير شكلها ايهوهنعمل مثال علي الموضوع دا لكن في المشاركة اللي جايه لان المشاركة دي وصلت 10 صورة ومش هتقبل اكتر من كدا
ولو كان الشكل محترم ولقيت في نقطة دخول بدخل عادي جدا واهدافي واستوباتي زي ما تعلمنا في الاشكال الهندسية
ولو لقيت الشكل في النهايات يبقي برضه احسن وانا في طريقي لاخذ شكل جدي من بداايته
ودي افضل طريقة تخليني غصب عني اربط الفريمات بتاعتي وهتساعدني جدا اني اطلع مناطق الكلاستروكمان هتخليني احلل الزوج علي كل الفريمات في اقل من دقيقه واحده وممكن لو ذادت وقيت قمم وقيعان مستهلكة يبقو دقيقتين

[MrYAZID]

للأسف نصف الصور لا تظهر و بعد التحري وجدت أن رابط اللينك للصور التي لا تظهر غير كاملة عكس الصور التي تظهر يمكنك أن ترى الإختلاف
ممكن تصحيح الخلل أخي ميدو و بارك الله فيك

[medo93]

دا المثال اللي قلت لحضراتكم عليه
دا البوند علي الفريم الشهري وانا حددت الموجات بزجزاج علشان يسهل الموضوع وحددت بداية القمة بمستطيل اصفر وبداية القاع بمستطيل اخضر

ودلوقتي هنزل للفريم الاسبوعي واشوف الموجات دي رايحة فين وجايه منين
وهبدء بالموجة الكبيرة الاولي وبعدها اشوف الموجة الصغيرة

ولما نزلت المؤشر بتاعي علي الموجة الكبيرة لقيت اني معايا شكل خط مستقيم زي الفل وان الشكل حقق هدفه سعريا ولكن زمنيا لسه عنده وقت
وان بسبب الوصول المبكر السعر كان لازم يصعد زي بالظبط اللي حصل مع اليورو دولار لما هبط في الفرم اليومي وعمل شكل سداسدي عي فريم ال 4 سااعات
هنا برضه نفس الفكرة وصول هبوطي مبكر في الفريم الاسبوعي ودا بينذر بصعود تصحيحي علي الفريم الاقل

وخليني افكر حضراتكم باني جبت المستطيل الاخضر دا من الفريم الشهري لكني في نفس الوقت لو رحت للفريم الاسبوعي علشان احدد اخر موجة في الاسبوعي هلاقيها هي نفسها اللي اناا حددتها في الفريم الشهري
وبالتالي انا هنزل لليومي ومعايا القاع بتاعي اللي هو المستطيل الاخضر
ولما نزلت لليومي ووضعت المؤشر بتاعي علي القاع اللي جبته من الفريم الاسبوعي واتاكد من الفريم اليومي لقيت ان معايا شكل رباعي علي الفريم اليومي

اعتقد لغاية كدا الموضوع تمام والتسلسل ماشي مظبوط والحمدلله وهنشوف اخر قاع علي الفريم اليومي وانا حددته بمستطيل احمر

ولما نزلت لفريم الساعه لقيت ان عندي قيعان كتير مستهلكة وبالبداية باخر قاع حقيقي لقيت ان السعر صاعد علي شكل رباعي

وكدا انا قدرت احدد بالظبط السعر فين وبيعمل ايه وقدرت اكون نظرة شامله عن التحركات المتوقعه وعارف لو صاعد ايه السبب ولو هبط ايه السبب والاهم من كدا هو الصعود والهبوط اخر فين
طيب نكمل انا برضه همسك اخر موجه في فريم الساعه وانزل للفريم الاقل علشان اعرف ايه الشكل الهندسي بتاعه
وانا حددت الموجه دي بمستطيل اسود

وطبعا انا برضه عارف اني اخدت 3 موجات والسبب ان الموجات دي متصلة ببعضا ولو اخدت موجة واحده هتنفع برضه لكن الافضل ال 3
لان دا شكل خاص وهو الشكل الدائري
انا فاكر ان في حد سالني عليه قبل كدا في الورشة هنا وانا قلتله شكل ممتاز وحاليا وانا بحدث الشكل لقيته وصل هدفه

وهنا ممكن ناخد معلومة مهمة جدا وهي ان الموجه الاخيرة لو صغيرة والشكل مش ظاهر علي الفريم الاقل انا باخد الموجة اللي قبلها
يعني مثلا انا هكون اكثر تحديدا وهنزل لفريم الدقيقة ومن فريم ال 15 هحدد اخر موجتين



ولما اخدت القاع لقيت انه كان ماشي علي شكل ثلاثي ومحترم زمنه وسعره جدا وكمان حقق هدفة ووصل للزاوية 360



ونلاحظ هنا انا معايا شكل ثلاثي منتهي ولو نزل لاقل نقطة كانت قبل انتهاء الشكل يبقي خير وبركه ولو منزلش يبقي هبدء من اقل نقطة
وهي نفسها والنقطة اللي حددتها من فريم ال15 دقيقة وطلع الشكل ثماني علي فريم الدقيقة

الموضوع لسه ليه تكمله لكني فصلت غاية كدا وان شاء الله هنكمل في المشاركة القادمة موضوع الاختيار وهناخد معاها اي استفسارات علي الموضوع دا واللي اتمني انه يكون واضح ومفهوم للمجميع

[medo93]

للأسف نصف الصور لا تظهر و بعد التحري وجدت أن رابط اللينك للصور التي لا تظهر غير كاملة عكس الصور التي تظهر يمكنك أن ترى الإختلاف
ممكن تصحيح الخلل أخي ميدو و بارك الله فيك

حقيقة انا مش عارف ايه الخلل لكن لو حضرتك ضغطت علي رقم الصورة بتفتح معاك لانها بتفتح معايا وانا مشاور عليهم بالاسهم

[medo93]

الله يرضى عليك يا أخ ميدو على كل هذه التوضيحات و التصحيحات القيمة. لم يضلم الذي قال نتعلم من الاأخطاء فهي فعلا ترسخ الأفكار و المفاهيم عندي.

الحمدلله ان امشاركة افادت حضرتك واضافة المعلومة اللي حابب اوصلها

[medo93]

اخ ميد من فضلك شرح للتمحور على الزاوية 360

مرحبا بك محمد انا فاكر ان حضرتك سالت السؤال دا قبل كدا وانا لسه مردتش عليه
لكن اللي عايز اوصله لحضرتك ان عملية التمحور نفسها مش مقتصرة علي الزاوية 360 او غيرها
زي بالظبط لما اقول لحضرتك اشرحلي الشكل الثلاثي علي الفريم اليومي والشكل الثلاثي علي فريم الساعه
الموضوع هو هو نفس الحكاية في عملية التمحور وزي ما شرحناها قبل كدا ان العملية دي بتكون اشارة ان السعر رايح لضعف الزاوية اللي بيتمحور عندها لكنها مش ثابتها دايما يعني ممكن نكون فاهمين الموضوع دا خطا وممكن اللي احنا بنقول عليه تمحور هو في الاساس عملية تضييع وقت او بناء قاعدة زمنية يعني في هذا المثال ممكن الاقي حد بيقول ان السعر بيعمل عملية تمحول حول الزاوية 225



وطبقا لموضوع التمحور وانا مغمض هقول لسعر صاعد للزاوية 450 (ضعف 225) وبدل ما الاقي السعر وصل للزاوية 450
الاقيه عمل الشكل دا



وحقيقة ان اللي حصل لم يكن عملية تمحور من الاساس وانما كانت عملية تذبذب تسبق تغيير الاتجاه
وعلشان اقدر احدد هو دا ولا دا ازم اشوف الفريم الكبير رايح علي فين
وساعاتها هقدر احدد اذا كان بيتمحور ولا بيضيع وقت

[medo93]

السلام عليكم و رحمة الله و بركاته.
الملف المرفق 480089
ما هو ردكم إخواني على نظرتي هذه على الباوند دولار 4 ساعات، و ما هوتعليقكم على اختيار القمة، الشكل، الفاصل الزمني و السبيس؟
كنت متردد بوضع الزاوية 144 و الزمن 288
أرجو منكم التعليق و التصحيح. و جزاكم الله خيرا.

مرحبا بك اخي الحبيب لكن حقيقة السعر من القمة كان شكل ثماني



وفي معلومة انا ذكرتا في الدرس السابق وهي ان السعر لما يفشل غالبا بيزور اخر قمة او قاع قبل الفشل ودا اللي حصل والسعر هبط اكتر من مرة للقاع اللي كان عامله في الشكل الثماني
وبعد استبعاد كل القيعان المستهلكة اصبح معنا شكل ثماني جديد لكنه صاعد هذه المرة



وهقول لحضرتك حاجة دلوقتي لكن هشرحها في وقتها المنطقة اللي انا محدها بمستطيل دي هتتعبني في الشغل عليها
وعلشان اشتغل صح يا اما هشوف الفريمات الصغيرة او اجيب النجمة بتاعتي وهي اللي هتظبط المنطقة دي
لكن بشكلها دا مش هلاقي اي شكل هندسي واكرر النجمة يا شباب بتجمي لما القنوات تكون مش شايفه الشكل ساعتها بجيب النجمة وابدا شغل مع مثلثات الحركة والفواصل الزمنية

[MrYAZID]

للاسف قمت به سابقا و لكن يوجد خلل ما و عبارة الخطا كالتالي
لقد حددت الملف المرفق خاطئ. إذا إتبعت رابط صحيح, الرجاء راسل الإدارة.

[hema007]

مرحبا بك محمد انا فاكر ان حضرتك سالت السؤال دا قبل كدا وانا لسه مردتش عليه
لكن اللي عايز اوصله لحضرتك ان عملية التمحور نفسها مش مقتصرة علي الزاوية 360 او غيرها
زي بالظبط لما اقول لحضرتك اشرحلي الشكل الثلاثي علي الفريم اليومي والشكل الثلاثي علي فريم الساعه
الموضوع هو هو نفس الحكاية في عملية التمحور وزي ما شرحناها قبل كدا ان العملية دي بتكون اشارة ان السعر رايح لضعف الزاوية اللي بيتمحور عندها لكنها مش ثابتها دايما يعني ممكن نكون فاهمين الموضوع دا خطا وممكن اللي احنا بنقول عليه تمحور هو في الاساس عملية تضييع وقت او بناء قاعدة زمنية يعني في هذا المثال ممكن الاقي حد بيقول ان السعر بيعمل عملية تمحول حول الزاوية 225



وطبقا لموضوع التمحور وانا مغمض هقول لسعر صاعد للزاوية 450 (ضعف 225) وبدل ما الاقي السعر وصل للزاوية 450
الاقيه عمل الشكل دا



وحقيقة ان اللي حصل لم يكن عملية تمحور من الاساس وانما كانت عملية تذبذب تسبق تغيير الاتجاه
وعلشان اقدر احدد هو دا ولا دا ازم اشوف الفريم الكبير رايح علي فين
وساعاتها هقدر احدد اذا كان بيتمحور ولا بيضيع وقت

أهلاً يا ميدو

التحمور اللي حصل و نتج عنه تغير في الإتجاه

هو في الأساس كانت عملية تصريف للسعر

الكلام دة كله موجود في علم وايكوف التصريف و التجميع و إعادة التصريف و إعادة التجميع

[abdalaah]

الله ينور بصراحه انت فصصت شرح اختيار القمه والقاع
انا كنت مفكر الموضوع اسهل من كدا اى قمه واى قاع الواحد يختاره
ويشتغل بيه بس
طلع اختيار القمه والقاع ليه شغل محترم عشان فعلا تختارها صح
بجد الف شكر استاذ ميدو على تعبك والله انك محترم

[amar11]

اشكرك جزيلا اخي الكريم ميدو على الورشة الرائعة

[souf1hk]

جزاك الله خيرا أخ ميدو توجد بعض الصور لا تظهر لي مباشرة تعطي الرابط و عندما أظغط عليها أجد
لقد حددت الملف المرفق خاطئ. إذا إتبعت رابط صحيح، الرجاء راسل الإدارة.

[Mohammed_Trader]

مرحبا بك محمد انا فاكر ان حضرتك سالت السؤال دا قبل كدا وانا لسه مردتش عليه
لكن اللي عايز اوصله لحضرتك ان عملية التمحور نفسها مش مقتصرة علي الزاوية 360 او غيرها
زي بالظبط لما اقول لحضرتك اشرحلي الشكل الثلاثي علي الفريم اليومي والشكل الثلاثي علي فريم الساعه
الموضوع هو هو نفس الحكاية في عملية التمحور وزي ما شرحناها قبل كدا ان العملية دي بتكون اشارة ان السعر رايح لضعف الزاوية اللي بيتمحور عندها لكنها مش ثابتها دايما يعني ممكن نكون فاهمين الموضوع دا خطا وممكن اللي احنا بنقول عليه تمحور هو في الاساس عملية تضييع وقت او بناء قاعدة زمنية يعني في هذا المثال ممكن الاقي حد بيقول ان السعر بيعمل عملية تمحول حول الزاوية 225



وطبقا لموضوع التمحور وانا مغمض هقول لسعر صاعد للزاوية 450 (ضعف 225) وبدل ما الاقي السعر وصل للزاوية 450
الاقيه عمل الشكل دا



وحقيقة ان اللي حصل لم يكن عملية تمحور من الاساس وانما كانت عملية تذبذب تسبق تغيير الاتجاه
وعلشان اقدر احدد هو دا ولا دا ازم اشوف الفريم الكبير رايح علي فين
وساعاتها هقدر احدد اذا كان بيتمحور ولا بيضيع وقت

اخ محمد جزاك الله خيرا
عدد من الردود على مشاركات الاعضاء يكون فيها معلومات غير موجودة في الدرس نفسه
فنتعلم من الردود كما نتعلم من الدروس


سالت عن التمحور على 360 على اعتبارها نهاية دور سعرية.


و سؤال من فضلك

هل يمكن الدخول عكس الاتجاه عند الزاوية السعرية 360 ؟
لانها جاذبة طاردة للسعر

[sam213]

مرحبا بك اخي الحبيب لكن حقيقة السعر من القمة كان شكل ثماني



وفي معلومة انا ذكرتا في الدرس السابق وهي ان السعر لما يفشل غالبا بيزور اخر قمة او قاع قبل الفشل ودا اللي حصل والسعر هبط اكتر من مرة للقاع اللي كان عامله في الشكل الثماني
وبعد استبعاد كل القيعان المستهلكة اصبح معنا شكل ثماني جديد لكنه صاعد هذه المرة



وهقول لحضرتك حاجة دلوقتي لكن هشرحها في وقتها المنطقة اللي انا محدها بمستطيل دي هتتعبني في الشغل عليها
وعلشان اشتغل صح يا اما هشوف الفريمات الصغيرة او اجيب النجمة بتاعتي وهي اللي هتظبط المنطقة دي
لكن بشكلها دا مش هلاقي اي شكل هندسي واكرر النجمة يا شباب بتجمي لما القنوات تكون مش شايفه الشكل ساعتها بجيب النجمة وابدا شغل مع مثلثات الحركة والفواصل الزمنية

شكرا لك استاذ ميدو على الاجابة. لكن أنا لم أختار الشكل الثماني لان حركة الزوج من القمة هذه لا أراها بطيئة أو متذبذبة، فبالعكس فهي طبيعية. فحسب ما فهمته أن الشكل الهندسي متعلق بحركة السعرَ. فإن كانت الحركة مثلا سريعة فلابد أن نفكر في الشكل الثلاثي أو المستقيم. و إن كانت حركة الزوج بطيئة مثلا فعلينا أن نجرب الاشكال المتذبذبة كالسباعي، الثماني او العشاري...
فسؤالي إذن: هل ممكن اختيار شكل هندسي متذبذب (غير مكتمل) لحركة سعر قد تكون طبيعية؟
تحياتي.

[sam213]

الله يرضى عليك يا ميدو. الموضوع هذا حول التمحور حيرني كثيرا ايضا، فها الان استوعبته أكثر بعدما فهمته بالغلط كما تفضلتم ذكره.

شكرا لك على الاجابة الواضحة و للأخ محمد لسؤاله المهم و الجيد..