الزوايا السعرية والفواصل الزمنية

[Nazar.mohamed]

متابعة ايضا لفرصة اليورو ين الملف المرفق 474568

متابعة ايضا لفرصة اليورو ين
استاذ ميدو هل فشل الزوج ونرسم من القمة الجديدة ولا لسة شغال الشكل الاول

[Nazar.mohamed]

الملف المرفق 474566
السلام عليكم اخ محمد وبقية الشباب
متابعة فرصة الخط المستقيم اليورو كندي فريم اليومي
الحساب تجريبي والرسم من اجل التعلم والتعود على استخراج الشكل المستقيم وكيفية المعاملة معه
ان شاء الله سوف يتم متابعة الفرصة الي ان يتحقق الهدف اول يفشل الشكل
ومعرفة الاسباب كاملة
في انتظار تصحيحك اخي محمد ونصائحك لنا
وربنا يجزاك الف خير عما تعمل
اتمني ان تستمر على نفس المنوال وان كان متعب

متابعة ايضا لفرصة اليورو كندي فريم اليومي
ما رايك اخ ميدو هل ما زال الشكل شغال

[Anas.Bkr]

السلام عليكم
شكرا لك على الموضوع .. عضو متابع

[syphax]

شكرا للجميع .ملحوظة على مؤشر الاخ الرائع ابوحمزة رغم روعة هدا المؤشر الا انه في بعض الاحيان لا يعطينا حسابات دقيقة متال على دلك eurusd القمة كانت 1209 و الشكل واضح انه سداسي متالي الزاوية 60 ردت السعر تم واصل السعر طريقه نحوالزاوية 120 درجة مباشرة التي بدورها ردت السعر الى الزاوية 60 تم اخترق السعر الزاوية 120 نحو 1575 . حسب مؤشرابو حمزة السعر 1163 هي الزاوية 120 لكن حسب برنامج gannzila السعر 1166 التي احترمه الشكل الهندسي السداسي هو الزاوية 120 .

[medo93]

بسم الله الرحمن الرحيم

اليوم ان شاء الله موعدنا مع التحليل الشامل لليورودولار الذي تم الاعلان عنه بالامس وباذن الله هنشوف اليورو عن قرب ونتعرف ازاي هو ماشي من وجهة نطر الزوايا السعرية والفواصل الزمنية
وانا طالب حاجة منكم وهي اني عايز اللي يشوف التحليل دا يكون مركز معايا ويخلي باله من كل خط ف الشارت وكل لون ف الجمل اللي بكتبها لان الالوان دي مش بس للتلوين انا في حاجات بركز عليها وبالتالي التركيزمطلوب علشان يقدر يوصل بالظبط للمكان اللي عايزه لانه لو مش مركز هيتوه مني

انا كنت قلت بعض الجمل قبل كدا والنهاردا ان شاء الله هنعرف معناها
1-ربط الفريمات هو كلمة السر في هذه الطريقة
2-لازم اعرف اتجاه الفريم الكبير علشان اعرف الفريم الصغير بيعمل ايه
3-الشكل اللي بيتكون ع الفريم الصغير ما هو الا تصحيح ع الفريم الكبير
4-يمكن بالاستعانه بالفريم الكبير في معرفة متي سينتهي العمل بالشكل المتكون ع الفريم الصغير وذلك حتي من بداية الشكل يعني مش هنستني ان الشكل يفشل علشان نقول انه فشل لا احنا اساسا هنكون عارفين ان الشكل هيفشل وهو لسه شغال

كل الكلام دا اتقال ف الورشة قبل كدا ودا الوقت اللي هنعرف فيه المعني الحقيقي لهذا الكلام

اولا: دا التحليل الخاص باليورو دولار ع الفريم الشهري : هلاقي انه من 1\7\2008 بيعمل ف شكل رباعي عادي جدا زي ما احنا عارفينه ارتداد من الزاوية 90 الي منتصف المسافة تقريبا زي ما هنشوف ف الصورة اللي جاية

وهو دا الفريم الكبير اللي صدعتكم بيه وهو دا الترس اللي كل التروس بتدور وراه بس ممكن احنا مش بنلاحظ الموضوع دا لان التروس الصغيرة بتدور معاه وعكسه في نفس الوقت لكن ف اتجاهه ......كلام ملخط انا عارف بس تعالو نفهمه واحده واحده

هنسمك الفريم الكبير الاول ونشوف جواه ايه ؟
هنلاقي جواه مجموعه من الموجات الصاعده والهابطة زي الصورة اللي جايه دي

خلينا نتفق ان اي سهم من الاسهم اللي انا رسمتها دي كان عبارة عن شكل من الاشكل الهندسية وفي منهم كان اكتر من شكل وفي منهم كان بدايتة شكل معين وبعدها حدث تغير ف الشكل وبقي شكل مختلف وعلشان الكلام دا يظهر انا هشرح ع اخر سهم وهنحل الموجه الاخيرة ونقيس عليها باقي الموجات

بس قبل دا كله لازم نكون عارفين ان الشكل الرباعي نفسه وجهته فين ولو بصينا ف الصورة هنلاقي ان المفروض طبقا لقواعد الشكل الراباعي السعر هيهبط من الزاوية 45 والهدف الاول هو الزاوية 135 والهدف الثاني هو الزاوية 180
والوقت المقدر للعملية دي هو 6 سنوات من بداية تحرك السعر وحتي وصول الهدف الثاني وانا بتكلم ع اساس اني في شهر 7 - 2014 ولسه مش عارف ايه اللي هيحصل لكن انا بقول كدا بناء ع خصائص الشكل الرباعي والصورة اللي جاية هتوضح قصدي

يبقي كدا انا عرفت لغاية دلوقتي ان في شهر 7\2020 اليورو دولار المفروض انه يكون عند الزاوية 180 ويكون سعره 90.27 وطبعا دا مش تنجيم ولا علم للغيب دا بناء ع التحليل اللي قدامي واعتقد لغاية كدا الامور تمام

طب ممكن يجي مثلا واحد زي اخي الاستاذ جان ويسالني يا ميدو فين دور ربط الفريمات ف الموضوع دا ؟
لان حتي الان مفيش ولا كلمه عنه
وهل انا مطلوب مني اني اعمل صفقة بيع ف 2014 واستني الهدف بتاعي ف 2020 ؟

وهقوله لا طبعا بالنسبة لصفقة البيع اللي بينتظر 6 ايام ع صفقته يبقي دا متاجر سوينجي محصلش فما بالك بالي هينتظر 6 سنوات يعني البنوك نفسها مش هتعمل كدا

اما بانسبة لربط الفريمات فقد حان وقت الحديث عنه

وبداية هنسك الموجة اللي هبطت دي من الزاوية 45 الي الزاوية 135 ونشوف هي اساسا هبطت ع اي شكل لان زي ما عرفنا ف تحليل المجنون ان اي موجه لازم يكون ليها شكل هندسي تمشي عليه
ودي الموجة اللي بتكلم عنها

وبالتالي انا هنزل علي الفريم الاصغر علشن اعرف تفاصيلها وخلو بالكم من الفاصل الزمني اللي انا حاطه(5\2014) لان دا هو القمة اللي هبدا منها ع الفريم علي الاسبوعي
ولما نزلت ع الفريم الاسبوعي لقيت ان الموجه اللي كنا بنتكلم عنها ف الفريم الشهري هي عبارة عن شكل دائري محترم ع الفريم الاسبوعي زي ما هنشوف ف الصورة اللي جاية



طب انا استفدت ايه من الموضوع دا ؟

اولا :الشكل الدائري اللي ع الفريم الاسبوعي اكدلي موضوع الهبوط اللي شفته علي الفريم الشهري
ثانيا :انا هدخل جوا الشكل الدائري نفسه علشان اطلع منه الشكل الخاص بالفريم اليومي لاني مش هشتغل ع الفريم الاسبوعي لانه فريم طويل الاجل ومحدش فينا بيصبر

بس قبل ما اعمل الخطوة دي تعالو مع بعض نشوف حاجة مهمة

احنا عرفنا من الفريم الشهري ان هدف الزوج طبقا للشكل الرباعي هو الزاوية 180 وعرفنا من الفريم الاسبوعي ان هدف الزوج طبقا للشكل الدائري هو الزاوية 360

طب يلا نعمل حاجة كويسة ونشوف الزاوية 180 الخاصة بالفريم الشهري موقعها فين بالظبط بالنسبة للزاوية 360 الخاصة بالفريم الاسبوعي

في الصورة دي انا حددت الزاوية 180 بالخط الاصفر السميك علشان لما انزل ع فريم الاسبوعي اشوف الخط دا مكانه فين

ولما اخدت الخط الاصفر ونزلت بيه ع الفريم الاسبوعي لقته عند الزاوية 405 تقريبا



ودا برضه بياكدا لينا حاجة احنا قلنا عليها قبل كدا

ان الشكل الدائري مش بيكتفي بالزاوية 360 وغلبا بيكمل بعدها ودلوقتي عرفنا السبب انه لما يكمل هبوط من الزاوية 360 دا مش بمزاجه دا غصب عنه لانه الفريم الاكبر وصاحب الكلمة الاقوي(الشهري ) رايح ع الزاوية 180 بتاعه

وفي حاجة كمان هي مش وقتها دلوقتي لكن انا حابب الاشارة ليها وهو

بالنسبة لزمن الوصول الي الزاوية 180 طبقا للفريم اليومي زي ما كان محدد ف الصورة وهو 7\2020 لكن لو عملنا الشكل الدائري اللي ع الفريم الاسبوعي نجمة علشان نشوف موعد انتهاء الشكل الدائري
هنلاقيه بالشكل دا



يعني في معانا 8 شهور هنجيبهم زيادة للفريم الشهري من الفريم الاسبوعي ودا اللي بيخلي الشكل احينا ميوصلش هدفه ف معاده ومع ذلك مش بنلغي الشكل وبننتظر كسر او اختراق القناة لان بيكون ف وقت اضافي احنا ممكن نشوفه ع فريم تاني ومعني الجملة دي هيوضح اكثر ان شاء الله ف الجزء الزمني

[medo93]

تيجي بقي لربط الفريم الاسبوعي بالفريم اليومي ونمسك الفريم الاسبوعي ونشوف فيه ايه
واكيد احنا فاكرين الشكل الدائري اللي كان معانا من شويه انا قسمته لموجات برضه زي ما عملنا ف الفريم الشهري وطلع بالشكل دا

واكيد مش محتاج اقول تاني ان كل موجه (سهم ) من الموجات دي كانت عبارة عن شكل صاعد او شكل هابط ف الفريمات الصغيرة فضلا عن وجود بعض مناطق التذبذب وانا برضه هاخد اخر موجة من الموجات اللي كانت علي الشكل الدائري في الفريم الاسبوعي واشوف الموجة دي كان شكلها ايه ع الفريم اليومي
وقبل دا انا عايز افكركم بحاجة مهمة
اكيد طبعا فاكرين الشكل الدائري وهو ارتداد من 270 الي 180 او 135 وممكن 90 واننا بشوف الفاصل الزمني الرئيسي ف النجمة او الفصل اللي قبله اللي شفناهم المرة اللي فاتت
يعني قبل ما نشوف اي حاجة احنا عارفين ان نهاية الصعود الخاصة بالشكل الدائري هتكون عند الفاصل الزمني اللي هو يوم 15 \10\2017 يعني من اسبوعين انا بتكلم كزمني حاليا ولسه محددتش الجانب السعري هيكون فين

وهنشوف الصورة اللي جاية

يعني بعد الفاصل دا انا مش منتظر صعود تاني وهفكر ف البيع علشان نكمل الشكل الدائري الخاص بالاسبوعي وبالمرة ادينا ماشين ع السيناريو الخاص بالشكل الرباعي الشهري

ودلوقتي ممكن نروح للجانب السعري ونشوف الموجة دي كانت ماشية ازاي ف الفريم اليومي ومبدئيا انا معايا بعض الملامح منها يعني مثلا معايا ان الزاوية دي هتنتهي عند الزوية 180 او 135 او 90 بالنسبة للفريمالاسبوعي وكمان معايا زمن انتهؤها وجبته من الفريم الاسبوعي اللي قلنا عليا يوم 15\10 -2017

ودي الموجة الاسبوعية اللي هنشوفها ف الفريم اليومي

وزي ما قلت اننا عندنا بعض المؤشرات عن الموجه دي وعن زمن ومكان انتهاؤها وكل دا والمفروض ان الموجة دي لسه مبدئتش وانا جبت المعلومات طبعا من الشكل الدائري

ولما ننزل ع الفريم اليومي ونبدا من القاع اللي معانااللي جبناه من الفريم الاسبوعي ونشوف كان ماشي ازاي
ولقيت انه كان ماشي ع شكل ثلاثي زي الفل ومحترم جدا سعريا وزمنيا

ورغم احترامه دا واللي ممكن يخليني اقول انه هيعمل 3 دورات صاعدة الا اني هحدد دورة واحده والسبب هنعرفه ف الصورة اللي جاية
وخليكم فاكرين ال3 زوايا اللي حددناهم من الفريم الاسبوعي وعايزين نشوف شكلهم ازاي ع الفريم اليومي
وزي ما هنشوف ف الصورة اللي جاية ال 3 زوايا اللي جبناهم من الشكل الدائري الهابط ع الاسبوعي هيكونو بالشكل دا ف الشكل الثلاثي الصاعد ع اليومي

واكيد طبعا لاحظتو زيي بالظبط ان الزاوية 180 ف الدائري هي تقريبا 360 ف الثلاثي ودا يديها افضليه عن غيرها بحيث اننا نقدر نقول ان الشكل الثلاثي هينتهي عندها وتبدا رحلة الهبوط ويبدا شكل جديد ع اليومي هابط ولكن دا برضه بشروط معينه اهمها فشل الشلكل الثلاثي اللي شغال ع الفريم اليومي

وان كانت قد ظهرت بعض المؤشرات التي تدعم هذا السيناريو

زي مثلا الفاصل الزمني اللي جبناه من الفريم الاسبوعي وخليكم فاكرين الفاصل دا علشان هنحتاجه تاني بعد شوية وايضا تكون شمعة انعكاس قوية ع هذا الفريم

وكمان بداية تكون شكل رباعي هابط ع الفريم اليومي ولكنه حتي الان لم يتاكد

ولكن لا يمكن ان نجزم بذلك حيث اننا لا زلنا ف نطاق الشكل الثلاثي الصاعد

[medo93]

اتمني انكم لسه صاحيين ومركزين معايا وباقي معانا حاجة بسيطه وهي ازاي نربط الفريم اليومي بال4 ساعات وهو دا اساس الشغل بتاعتنا
لو رجعنا تاني للفريم اليومي هنلاقي ان في حالة مهمة من حالات التحليل الزمني وهي حالة الوصول المبكر وان شاء الله هنشرحها بالتفصل ف الجزء الزمني
ولكن هنعرف عنها معلومات بسيطة دلوقتي

وهي

ان السعر المفروض يكون عند الزاوية 480 ف يوم 21\11\2017 لكن اللي حصل ان الزوج وصل المكان دا يوم 8\9\2017
يعني قبل معاده ب 74 يوم ودا يخلينا نقول قولا واحدا هبوط اليوور ف هذا الوقت وانا شخصيا بعت وقلت لكل اصحابي يبيعوه لانه عنده تصحيح الفترة القادمة

ودلوقتي عايزين نشوف الهبوط اللي توقعناه من فريم اليومي بسبب الوصول المبكر دا هيكون شكله ازاي ع الفريم الاصغر يعني عايزين نشوف تفاصيل الموجة اللي هتكون بالشكل دا ف الفريم اليومي

وانا بتكلم بالطريقة دي انطلاقا من ان الهبوط دا لسه لم يحدث ولكن احنا متوقعين الهبوط وعارفين السبب
ولما نزلنا ع فريم ال 4 ساعات لقيت ان السعر بييهبط ع شكل سداسي
وما زال مستمر حتي الان

وبرضه اكيد ملاحظين الفواصل الزمنية ف فريم ال 4 ساعات ودي اللي احنا اساسا جبنهاها من الفريم اليومي
يعني دا برضه مؤشر ان الشكل الثلاثي اللي شغال ع فريم ال 4 ساعات مش هيكتمل وهيكون اخره الزاوية 180 وبعدها صعود او تغيير الشكل واستكمال الهبوط

الحمدلله التحليل كدا انتهي ع خير واتمني ان اكون قد وفقت ف توصيل فكرة متكاملة عن كيفية سير اليورو دولار ومعرفه وجهات اليورو ف الفترة الماضية وايضا الفترة القادمة
وان تكون قد اكتملت الصورة ف اذهانكم عن كيفية التحليل باستخدام طريقة الزوايا السعرية والفواصل الزمنية
وان ازاي بنكون شايفين الدنيا وحركة الازواج وسبب هذه الحركات ولو في اي استفسار انا تحت امركم

[medo93]

شكرا للجميع .ملحوظة على مؤشر الاخ الرائع ابوحمزة رغم روعة هدا المؤشر الا انه في بعض الاحيان لا يعطينا حسابات دقيقة متال على دلك eurusd القمة كانت 1209 و الشكل واضح انه سداسي متالي الزاوية 60 ردت السعر تم واصل السعر طريقه نحوالزاوية 120 درجة مباشرة التي بدورها ردت السعر الى الزاوية 60 تم اخترق السعر الزاوية 120 نحو 1575 . حسب مؤشرابو حمزة السعر 1163 هي الزاوية 120 لكن حسب برنامج gannzila السعر 1166 التي احترمه الشكل الهندسي السداسي هو الزاوية 120 .

مرحبا بك اخي syphax ولكني لي وجهة نظر مختلفة وهي ان المؤشر قائم علي معادلة رياضية ومن الصعب ورود احتمال الخطا
وهذه المعادلة هي
مربع (جذر (القمة) - الفاكتور )والعكس ف حالة البدء من القاع همغير الاشار من - ل+
وبالتعويض ف المعادلة علشان اجيب الزاوية 60
القمة =1209
الفكتور =0.3333333وهو عبارة عن 60 \180



وستجد الناتج مماثل لما ف المؤشر بفارق بسيط جدا

[HANI_XAU]

شكرا جدا لحضرتك علي المجهود والشرح الوافي انا بشتغل بالزوايه بقالي اكتر من 5 سنوات بس فعلا انت وضحتلي معلومات كانت غيبه عني تماما
رجاء ان امكن ترفق مؤشر القمم والقيعان ولك خالص الشكر

[YOUCEF4787]

روعة روعة روعة يعجز اللسان عن التعبير

[syphax]

مرحبا بك اخي syphax ولكني لي وجهة نظر مختلفة وهي ان المؤشر قائم علي معادلة رياضية ومن الصعب ورود احتمال الخطا
وهذه المعادلة هي
مربع (جذر (القمة) - الفاكتور )والعكس ف حالة البدء من القاع همغير الاشار من - ل+
وبالتعويض ف المعادلة علشان اجيب الزاوية 60
القمة =1209
الفكتور =0.3333333وهو عبارة عن 60 \180



وستجد الناتج مماثل لما ف المؤشر بفارق بسيط جدا

المعدرة الاخ ميدو على تشتيت الموضوع .
نعم السعر رياضيا صحيح .الزاوية 120 بتطبيق المعادلة تساوي 1163 بفارق حوالي 35 نقطة عن السعر الدي اعطانا اياه مربع التسعة في البرنامج. 35 نقطة ليست بالفارق البسيط ما دفعني للشك في المؤشر ان الشكل الهندسي السداسي احترم سعر البرنامج gannzila و لم يحترم المؤشر . هناك خلل اما في البرنامج او في معادلة المؤشر

[medo93]

المعدرة الاخ ميدو على تشتيت الموضوع .
نعم السعر رياضيا صحيح .الزاوية 120 بتطبيق المعادلة تساوي 1163 بفارق حوالي 35 نقطة عن السعر الدي اعطانا اياه مربع التسعة في البرنامج. 35 نقطة ليست بالفارق البسيط ما دفعني للشك في المؤشر ان الشكل الهندسي السداسي احترم سعر البرنامج gannzila و لم يحترم المؤشر . هناك خلل اما في البرنامج او في معادلة المؤشر

انا حسبت ع الزاوية 60 وزي ما هو واضح ف الصورة ان الناتج فرق 4 او 5 نقاط ودا ناتج عن فرق التقريب
ومع ذلك انا لا اعتقد 1 % في خط المعادلة الرياضية

[medo93]

ممكن بعد اذنك ي غالي ترفعو لينا

تفضل اخي الحبيب
ولكن خلي بالك اني مش دايما بختار القمة او القاع اللي المؤشر بيختارها لنه مش هيعرف حاجة اسمها قمة مستهلة او قاع مستهلك هو فقط مجرد اداة مساعده وان شاء الله هنتعلم موضوع اختيار القمة والقاع قريبا باذن الله

[medo93]

شكرا جدا لحضرتك علي المجهود والشرح الوافي انا بشتغل بالزوايه بقالي اكتر من 5 سنوات بس فعلا انت وضحتلي معلومات كانت غيبه عني تماما
رجاء ان امكن ترفق مؤشر القمم والقيعان ولك خالص الشكر

الحمدلله الذي وفقني ف اضافة بعض الملعلومات لحضرتك وربنا يجعلنا جميعا سبب ف خدمة بعض
وبالنسبة للمؤشر تم ارفاقة ف الماشاركة السابقة 689

[medo93]

روعة روعة روعة يعجز اللسان عن التعبير

شكرا جزيلا اخي الحبيب علي هذه المشاركة والحمدلله ان التحليل نال اعجاب حضرتك