الزوايا السعرية والفواصل الزمنية

[HANI_XAU]

ممكن شارت اليورو كندي على أي شكل يمشي عليه شكر

الزوج يسير علي الزاويه 120 علي فريم الساعه وهوه الان عند الزاويه 480 واحتمال الهبوط وارد جداا
وعلي فريم ال 4 ساعات يسير علي الزاويه 72 /72





وننتظر الرد من صاحب الموضوع لتصحيح اي خطئ ممكن يكون في التحليل

[HANI_XAU]

وهذا شارت ال 4 ساعات تم تعديل القاع

[mhd.masalemah]

[CENTER]السلام عليكم ورحمة الله وبركاته
يعطيكم العافية جميعاً اخواني
موضوع شاهدته منذ أيام فلفت انتباهي ودخلت عليه ودرست جميع المعلومات والمعطيات بداخله فالشرح واضح والافكار متسلسلة بسرد جميل وشيق كثيراً
فما أنتهي من صفحة حتى أنتقل للأخرى
فأود أن أشكر الأخ والاستاذ ميدو أبو حبيب عالجهود الرائعة المبذولة في ايصال الفكرة والردود والملاحظات الجميلة والبنائة لأمثلة الزملاء المشاركين
وأرجو أن تتقبلو مشاركتي الأولى في هذا المنتدى الرائع الذي لا أزال أتفاجئ بحجم المعلومات والفائدة بجميع أقسامه
وأنا أيضا تلميذ جديد في عالم الفوركس ودخلت الى هذا العالم منذ شهرين فقط و بعد دراستي لجميع الأشكال المدروسة في هذه الورشة أرسلت مثالا على الشكل الرباعي ولكنه منتهي دورته وأعتقد أنه بادئ بدورة جديدة على شكل المستقيم وأسأل الله التوفيق لي ولكم وكل الشكر لادارة المنتدى والشكر الجزيل للاستاذ أبوحبيب[/CENTERالملف المرفق 475946]

السلام عليكم
تم تكرار المشاركة لأنها كانت من أولى مشاركاتي وأعتقد استاذ ميدو لم تلاحظها لأنها كانت مخفية فأحببت أن أكررها حتى أسمع رأيك بمثال الشارت الذي وضعته
ومشكور مرة أخرى ع جهودك المبذولة في ايصال الفكرة
وأسأل الله أن يكافئك بجنة عرضها السموات و الأرض
من شعب الايمان أن تحب لأخيك ما تحب لنفسك ... وهذه الصفات موجودة بداخل شخصك النبيل استاذنا ميدو

[medo93]

متابعيني الاعزاء تم بفضل الله الانتهاء من شرح الجزء الاول الخاص بالشكل الدائري ويتم العمل حاليا من بداية اليوم علي الجزء الثاني وفي خلال ساعة باذن الله سيكون بين ايديكم الشرح كاملا وبعدها سيتم الرد علي جميع الاستفسارات السابقة

[Gann]

متابعيني الاعزاء تم بفضل الله الانتهاء من شرح الجزء الاول الخاص بالشكل الدائري ويتم العمل حاليا من بداية اليوم علي الجزء الثاني وفي خلال ساعة باذن الله سيكون بين ايديكم الشرح كاملا وبعدها سيتم الرد علي جميع الاستفسارات السابقة

[Sultank]

شكرا جزيلا اخي

[medo93]

بسم الله الرحمن الرحيم

اليوم باذن الله موعدنا مع شكل جديد من الاشكال الهندسية وهو الشكل الدائري
سمعنا كثيرا جملة (الشكل الدائري هو كنز من كنوز الفوركس )
وبالفعل هو كذلك فهذا الشكل هو افضل شكل للمتاجرة في سوق التداول وذلك لما يتمتع به من درجة نجاح عالية وايضا سرعه وصول الاهداف
وسنتعرف ع حالات الشكل الدائري باذن الله

الحالة الاولي من حالات الشكل الدائري

وهي انطلاق السعر مباشرة من الزاوية 0 الي الزاوية 270 ثم الارتداد منها يعني السعر مش بيوقف ف اي زاوية قبل كدا
غير ف حالات خاصة وهنشوفها كلها باذن الله وبعد الارتداد بيكمل طريقه الي الزاوية 360 وغالبا كمان بيعديها

ممكن نقف شويه عند موضوع الارتداد منها (270) عايزين نعرف الارتداد دا بيكون لغاية فين وايه هي حدوده

اولا خلينا نتفق ان اقل ارتداد هنقبل بيه هو الارتداد من 270 الي 180 واقصي ارتداد هو الزاوية 90
الصورة اللي جايه دي انا اعتبرت ان معايا شكل دائري وارتد من 270 ال 180 وطبعا انا هدخل شراء والهدف بتاعي هو الزواية 360

ولكن انا عامل حسابي ان السعرممكن يعكس عليا ودي الحالات الوحيده ف الفوركس اللي انا بكون مبسوط والسعر بيعكس عليا لاني هاخد صفقات افضل من الاولي ومعني افضل انها بهدف اكبر واستوب اقل

والصورة اللي جاية دي انا هشوف الارتداد من الزاوية 270 الي الزاوية 90

وفي الحالة دي انا بدخل شراء من الزاوية 90 بهدف الزاوية 360
ودي احلي صفقة انا بحب ادخل فيها والسبب ان الهدف ثلاث اضعاف الاستوب ودي حاجة عادية يعني ممكن بطرق كتير اجيب صفقة فيها هدف ثلاث اضعاف الاستوب لكن اللي مش عادي ف الصفقة دي اني جبتها بالشكل الدائري يعني نسبة نجاح تتعدي ال 90% وهو دا اللي بيميز الصفقة عن غيرها

كدا احنا عرفنا حدودنا فين ودي الحدود المثالية لكن برضه في بعض الاوضاع اللي ممكن نقابلها ومنها
ان السعر ممكن يعمل ارتداد حتي الزاية 45 ودي لاحظتها ف البوندات اكتر من غيرها وع الرغم اني بعتتبر القمة او القاع اللي بدئت منه الرسم تم استلاكه لكن وجدت بعض الاشكال بتكمل وتوصل للهدف 360 وف الاخر لقيت ان دخولي ف هذه الصفقات افضل من تركها

انا عارف ان نسبة نجاح الشكل بتقل لكن في معايا نسبة ال ratio بتذيد وبقي معايا صفقة جديدة نسبة الهدف الي الستوب 350% يعني حاجة لا تذكر وخلينا نشوف الصورة بدل ما نتخيل الموقف
شايفين الحلاوة المستطيل الكبير الاخضر دا كله هو الهدف بتاعي والمتسطيل الاحمر الصغير دا هو الاستوب يعني الموضوع يتسحق المغامرة

باقي معايا زاوية مهمة جدا وهي بين الزاوية 180 والزاوية 90 وهي الزاوية 135
فاكرين لما قلنا ان الزاوية 315 هي من الزوايا العاكسة الزاوية 135 كمان تعتبر من الزوايا العاكسة
يعني سر قوة الزاوية 135 واللي يخليني اقول انها محطة للارتداد
1-انها تمثل احدي الزوايا العاكسة
2- انها تمثل مستوي تصحيح 50 % بين الزاوية 0 والزاوية 270
3-ان الزاوية دي طريق مباشر للزاوية 290 طبقا لنظرية داو والموجة البنائية لكن دي مش قصتنا حاليا
يعني ممكن الاقي الشكل الدائري زي الصورة دي

يعني كدا باختصار شديد الشكل الدائري هو الارتداد من الزاوية 270 الي الزاوية (180 -135-90-)واحيانا ف البوندات الرخمة دي بيوصل 45



خلاص احنا عرفنا نقاط الدخول بتاعتنا وعرفنا الهدف باقي معانا حاجة واحدة وهي الاستوب ودا بيكون

ضرب القمة او القاع اللي بدئت الرسم بتاعي منها

وفي الحالة دا انا بقفل كل صفقات البيع واقول الحمدلله واشوف ايه اللي هيحصل بعد كدا وغالبا مش هيطلع عن 3 اوضاع

1-السعر يفضل تذبذب وانا مليش دعوه بيه لانها بتكون عبارة عن اشكال غير مكتملة والمتاجرة عليها انا شخصيا مش بفضلها وبفضل الاشكال المكتملة

2-بعد فشل القاع الاقي السعر يصعد الي الزاوية 90 او 120 او اي شكل ويرتد الي منتصف المسافة وبالتالي اصبح عندي شكل جديد واقدر اشتغل عليه وليس هناك ما يمنع من تكوين شكل دائري جديد
وطبعا مش محتاج اقول ان الشغل هيكون من القاع الجديد وليس القاع القديم

ممكن ابدا من القمة اللي حدثت عند الزاوية 270 واشوف هل حدث ارتداد للسعر اثناء الهبوط منها ولو حدث هشوف الزاوية اللي ردته وبالتالي ممكن اشتغل ع الشكل الهابط
ونخلي بالنا ان لو اثناء هبوط السعر من الزاوية 270 الي الزاوية 0 لم يحدث له ارتداد من اي زاوية الا من الزاوية 0 نفسها اذن اصبح لدينا شكل دائري هابط وليس صاعد ولكن دي حالة صعبة لكنها ليست مستحيلة

وفي المشاركة القادمة باذن الله هنعرف بعض التفاصيل عن الشكل الدائري لان المشاركة دي خلاص فيها 10 صور ومش هتقبل اكتر من كدا

[medo93]

ومن اهم الحاجت دي
اولا: الشكل الدائري مش بيشتغل بقنوات سعرية يعني مش هينفع ابدا نلاقي الشكل دا

والسبب ان حضرتك مهما حاولت مش هتعرف تظبط الفواصل الزمنية ف الوضع دا يعني مهما غيرت وبدلت مش هتلاقيها مظبوطه معاك وهتلاقي فشل زمني ووصول مبكر ف نفس الوقت

طب حد يسال ويقول هل دا يعني ان الشكل الدائري مش مرتبط بوقت وخليه براحته لغاية ما يضرب القمة او القاع او يجيب الهدف

هقوله لا طبعا الوضع غير كدا
انا ممكن اطلب من عمو ابو حمزة يحول القنوات دي لنجمة انا مليش دعوة بالنجمة نفسها دلوقتي لكن انا هاخد منها اللي انا محتاجه للشكل الدائري فقط
وبالتالي هلاقي الصورة اصبحت بالشكل دا

طب ايه فايدة النجمة النجمة هنا؟

وازي ممكن اظبط الاعدادت بتاعتها مبدئيا انا هعمل الاعدادت
الزاوية 90 والزمن 90 وممكن الزاوية 90 والزمن 45 لكن 90-90 هي الحالة الاكثر شيوعا وكل دا علشان اوصل للخط الرئسي اللي ف منتصف النجمة اللي عامله باللون الازرق
واللي غالبا السعر ف المكان دا بيكون عمل الارتداد وخلص وجاهز للنطلاق نحو 360
وعلشان نفهم اللي انا بقوله دا اكتر يلا نشوف الصورة دي

طب حد يقولي يعني انا كدا مينفعش اشتري قبل الفاصل دا ؟
وهقول لا طبعا انا مقتلش كدا ومعني كلامي اني بختار نقاط محدده من النجمة بتخلي احتمالات الارتداد من الزوايا اللي معايا (180-135-90-45)اكبر من غيرها وبدل ما انا معايا 4 احتمالات هيبقي معايا 2 وبعد دراسة النجمة باذن الله ممكن نعرف بالظبط السعر هيرتد من فين

وفي حاجة كمان انا عايز اوضحها فاكرين الخط الازرق اللي انا كنت عامله ف الصورة اللي فاتت في كمان خط زيه بالظبط انا هجيبه ف الصورة اللي جاية

انتهاء الشكل الهندسي ودا بيكون بعد اخر فاصل زمني ف النجمة والزمن يكون 90 شمعة يعني ف المكان دا لو السعر مجابش هدف ولا استوب انه شخصيا مش بكمل معاه لان الدورة الزمنية بتاعته بتكون انتهت

طب ممكن واحد يسال ويقول ينفع ادخل بيع من الزاوية 270 والهدف 180 بيحث اني استفيد من الهبوط ؟
هقوله هي طبعا بتكون فيها مخاطرة كبير واحتمال الاستوب فيها كبير لكن انا بعملها لان الاستوب بيكون فوق الزاوية 270 مباشرة يعني لا يذكر

واخيرا انا كنت ذكرت قبل كدا ان الشكل الرباعي من مميزاته انه ممكن يقلب شكل دائري والحالة دي في منها كتير وهي
ان الشكل يبدا كشكل رباعي عادي ويرتد من الزوية 90 ل 45 وبعدها يذهب مباشرة الي الي الزاوية 270

اخر حاجة الامثلة ع الشكل الدائري

ف الورشة انا جبت مثالين للشكل الدائري قبل كدا واحد نجح والتاني ضرب القمة بتاعته وال 2 تقريبا كانو ع فريمات صغيرة وهجيب مثال تاني ومنتظر الباقي من حضراتكم

دا شارت للدهب واحد صاحبي طلبه منه ومع انها كانت اول مرة ليا احلل الدهب الا انه حظه ليقت عليه شكل دائري وكان الشكل كدا

وزي ما حضراتكم شايفين اللي كنت بقوله ف الشرح هو اللي طبقته ف التحليل حولت الشارت نجمه وانتظرت الفاصل الزمني وحددت نقطة الدخول والتبريد والهدف زي ما اتعلمنا بالظبط
ودي النتيجة بفضل الله




والذهب حتي يومنا هذا لما يصعد الي هذه المناطق لان زي ما قلت قبل كدا غالبا بيكمل طريقه بعد الزاوية 360

والي لقاء جديد مع الحالة الثانية باذن الله

[medo93]

هلا فيك


لم اجد رد الاخ اللذي تتحدث عنه....


اذا دام ان ال360° ليست مكان للبيع وللشراء

فاذا كيف يتم الدخول في الصفقات???

اخي يتم الدخول ع حسب الشكل الهندسي اللي معانا وطبقا للزوايا (المحطات بتاعته )وزي ما قلت الزاوية 360 زيها زي غيرها وانا وضحت كدا لحضرتك ف مثال اليورو ع فريم اليومي

[medo93]

الاخ اياد تفضل مشكورا وفتح موضوع مخصوص ليرد على استفسارك بشكل مطول بمجهود يشكر جدا عليه

تفضل الرابط

تعقيب على سؤال الأخ Harmonic2017

تسلم ايدك يا صديقي وربنا يخليك ليا وتفضل منور الورشة كدا ع طول

[medo93]

السلام عليكم اطلعت على ردك وعلمت ما فيه وانت الصادق وبارك الله فيك

وعليكم السلام ورحمة الله وبركاته مفيش مشكلة اخي الحبيب وزي ما قلت قبل كدا الورشة قائمة ع المتابعين واتمني لو اي حد لاحظ اي حاجة مش مظبوطة يا ريت يقولها ع طول علشان نقدر نحلها فيما هو قادم باذن الله

[medo93]

اخيرااا الدائري بانواعه ... اكتر شكل منتشر ومش مفهوم

ان الله الله الوضع هيتغير اخي الحبيب ممكن تقرا الشرح بتاع النهاردا ولو في اي حاجة مش واضحة لا تردد انك تقولي وانا مستعد اعيد الشرح كله مرة تانيه

[mohammedgaber]

تسلم ايدك يا صديقي وربنا يخليك ليا وتفضل منور الورشة كدا ع طول

حبيبي دة حاجة قليلة قصاد مجهودك المتميز

وتسلم ايدك بجد على الشرح الرائع دا والله

[medo93]

ممكن شارت اليورو كندي على أي شكل يمشي عليه شكر

مرحبا بك اخي الحبيب انا لسه شايف المشاركة لاني غالبا بكون هنا ف المنتدي طول النهار ومش بفتح كتير بالليل الا لو الكهرباء فاصلة ف النهار ساعتها بيكون مش بايدي

بالنسبة لليورو كندي

فحضرتك لم توضح اي فريم تقصد ومع ذلك انا قلت انها فكرة كويسة وممكن نعمله تحليل ونخليه معانا
اولا :بالنسبة لفريم الساعه فالزوج بيسير ع شكل خماسي وف المربع الثالث تحديد كان في حالة وصول مبكر وحددن الزاوية 324 باعتبارها المحطة اللي ممكن السعر يرتد من عندها وتم تمييز الزاوية باللون الابيض



ع الفريم الاكبر (4H) سنجد ان الشكل ايضا يسير ع شكل خماسي والزاوية 144 ايضا هي ف نفس المنطقة وتم تميزها باللون الاصفر



بالنسبة للفريم اليومي فدا انا حلتته ك نجمة علشان اشوف بالظبط موقع السعر فين من الاعراب ولقينا حاجة كويسة جدا ف المنطقة وهي الزاوية 315 وتم تميزها باللون الاحمر وانا بحب دي جدا وكدا احنا علمنا منطقة كلاستر سعري زي الفل ومتوقعين الهبوط منها



وبالتالي بقت الصفقة بتاعتنا بالشكل دا صفقة بيع ع الرغم من الفريمات صاعدين



انا عارف ان السعر اساسا هبط منها بالفعل لكن انا حبيت اوضح تحليل الصفقة دا كان ازاي وايه سبب الهبوط بناء ع هذه الطريقة منطقة كلاستر سعري

[medo93]

الزوج يسير علي الزاويه 120 علي فريم الساعه وهوه الان عند الزاويه 480 واحتمال الهبوط وارد جداا
وعلي فريم ال 4 ساعات يسير علي الزاويه 72 /72





وننتظر الرد من صاحب الموضوع لتصحيح اي خطئ ممكن يكون في التحليل

بالنسبة لفريم الساعه فالقاع اللي حضرتك رسمت منه فدا غير مظبوط لان الشكل باظ وتم تكون قاع جديد وظهر لنا شكل خماسي


وبالنسبة لفريم ال 4 ساعات فحضرتك صلحت الرسم ف المشاركة التانيه واخترت القاع المظبوط
واخيرا انا بشكرك جدا ع مساعدة غيرك ودي مبادرة جميله وجب شكرك عليها