الزوايا السعرية والفواصل الزمنية

[HANI_XAU]

صباح الفل يا شباب .....انا فعلا مع الاستاذ اللي قال نخلص كل الزمني في فترة اغلاق البورصة وبالتالي انا شخصيا بدئت في كتابة الدرس الجديد
وعلشان كدا مش عايز النس اللي ليها ردود متاخرة تزعل مني
انا اولا عندي شوية لخبطة كدا واحتمال سفرية النهاردا بالليل وعلشان كدا بحاول اكتب الدروس بحيث يبقي في دروس النهاس تذاكر منها
ومع ذلك حتي لو سافرت فانا برضه هبقي متابع وهنزل الدروس من هناك باذن الله لكن اعتقد المتابعة هتكون اقل شوية وباذن الله مش هتاخر
والحاجة التانية انا مش بعرف اعمل دروس وردود في نفس الووقت لانها غالبا بترسي علي اني اعيد الدرس مرة تانيه
وواخر درس الخاص بفشل الشكل الهندسي انا اعدته 3 مرت تقريبا
وبالتالي انا ان شاء الله هنزل الدرس الجديد النهاردا ولو عرفت اعمل درس بكرا اكيد هي مش هتردد ولو لا يبقي ان شاء الله بعد بكرا

صباح الخير يا باشا
تسافر وترجع بالسلامه وشكرا علي كل ما تقدمه

[Harmonic2017]

سلام عليكم الدرس حق الفشل الشكل الهندسي صعب ياميدو//

في مثل الحاله هذي
لر عندنا مثلا زمن وحده سعر لكل وحده زمن..1:1
ووصل الزوج للمحطه الاولي ثم انتهى الزمم ولم يصل لمحطته الثانيه??
فهل يتوجب علي تغيير الزمن وجعله مثلا1:2?

[medo93]

سلام عليكم الدرس حق الفشل الشكل الهندسي صعب ياميدو//

في مثل الحاله هذي
لر عندنا مثلا زمن وحده سعر لكل وحده زمن..1:1
ووصل الزوج للمحطه الاولي ثم انتهى الزمم ولم يصل لمحطته الثانيه??
فهل يتوجب علي تغيير الزمن وجعله مثلا1:2?

وعليكم السلام ورحمة الله وبركاته
ليه بس كدا دا حتي درس جميل وبسيط انا اساسا بحدد الزمن بتاعي من المحطة الاول
فانا نفسي اعرف ازاي الزمن هينتهي وانا اساسا لسه لم احدد الزمن
فمفيش تفسير غير اني محدد الزمن غلط
يعني انا مثلا معايا شكل ثلاثي ومحدد الزمن 60 وبعد ال60 شمعه لقيت السعر لم يصل الي الزاوية 240 وبالتالي هقول ان الشكل فشل
وكدا خلاص خلصت



لكن الحقيقة ان اشكل سليم وان انا اللي غلطان لان اساسا ازمن الضبوط للشكل هو 120 شمعه وليس 60



وبالتالي صعب جدا ان اي حد يفهم موضوع فشل الشكل الهندسي بدون ما يكون عارف ازاي يظبط الشكل الهندسي والزمن الخاص بيه
وعلشان كدا اتمني لو ترجع سريعا علي موضوع ضبط الزمن لانه هو اساس الموضوع دا وكل الممواضيع القادمة باذن الله
زهنلاحظ ان اهم حاجة في القصة دي هو استخراج الشكل الهندسي السليم
لان شكل خطا =زمن خطا =تقييم الوصول المبكر خطا =تقيم الفشل الزمني خطا = رسم مراوح خطا
وعلشان كدا انا اخدت وقت كبير في شرح الاشكال لانهم الاساس والخطا فيهم بيعمل كل المشاكل اللي حضرتك شفتها وبتكون كل حاجة مبنية علي هذا الخطا

[medo93]

صباح الخير يا باشا
تسافر وترجع بالسلامه وشكرا علي كل ما تقدمه

ربنا يبارك فيك استاذ هاني وان شاء الله هكون متابع اول باول واخيرا لا شكر علي واجب

[medo93]

تكملة للمشاركة السابقة الخاصة بفشل الشكل الهندسي
ممكن اقول اني اقدر اتنبا بموضوع الفشل دا من خلال حاجة بسيطة وهي
انا هقولها كدا ببساطة وبعدها نطبق عليها

انا مثلا هسافر بالعربية بتاعتي والمفروض ان المسافة بتاعتي هي 400 كيلو وفي حالة ان السرعه اللي انا ماشي بيها هي 100 كم\س
يقي كدا المفروض الرحلة بتاعتي تستغرق 4 ساعات
ويبقي كدا انا متوقع ااني اوصل لمنتصف المسافة بعد ساعتين وبالتالي لم انا فعلا بعد ساعتين لقيت نفسي عن الكيلو 200 يبقي انا كدا تمام جدا وفي السليم وهكمل باقي الرحلة ان شاء اله واوصل في المعاد المظبوط
ولكن لو دا محصلش وبعد ساعتين لقت نفسي لسه عند الكيلو 100 ففي الحالة دي انا امامي 3 خيارات

1-ازود السرعة بتاعتي علشان اوصل في معادي (تسارع سعري )
2-اكلم الجماعة اللي معايا واقولهم اني هتاخر شوية (تاخير زمني )
3 اني الغي المشوار بتاعي وارجع بيتي مرة تانيه (فشل الشكل الهندسي )

وبالتالي تطبيقا علي هذا المثال انا لما يكون عندي شكل هندسي وعارف الزمن المظبوط بتاعه
فمن ضمن المؤشرات المهمة اللي لازم خد بالي منها هو ان السعر يوصل منتصف المسافة قبل منتصف الوقت
يعني في الشكل اللي في الصورة القادمة

انا معايا شكل خماسي والزمن 72 وبالتالي انا عارف ان هدفه القادم 144
وبالتالي لما الاقي السعر وصل الزاوية 108 اللي هي منتصف المسافة بين الزاوية 72 والزاوية 144قبل منتصف الوقت بتاعه كدا انا بقيت مطمن ان الدنيا تمام ولشكل ماشي زي الفل

انما لما الاقي ان السعر لم يصل لي منتصف المسافة قبل منتصف الوقت يبقي كدا ابدا اعمل حساب الانعكاس وقبل حتي ما السعر يعمل فشل زمني ولا يخترق القناة والشرط اللي تكلمنا عنها المرة اللي فاتت

يعني في الصورة القادمة هنكمل رحلة الشكل الخماسي وهو الحمدلله وصل الزاوية 144 وبالتالي اصبح هدفه القاادم هو الزاوية 216
ولو نظرت للزوايا الفرعية هلاقي ان الزاوية 180 هي منتصف المسافة بين الزاوية 144 والزاوية 216
ولكن اللي حصل ان السعر لم يستطيع وصول هذه الزاوية قبل منتصف الوقت
ودي الصورة اللي بتكلم عنها

السؤال هنا :هل معني كدا ان الشكل فشل ؟

لا طبعا محدش قال كدا وانا قلت في الاحتمالات من شوية اني ممكن ازود سرعتي علشان اوصل في المعاد بتاعي
ولكن دي بتكود مجرد اشارة انا لاااازم اخد بالي منها علشان لو الشكل كمل طريقه يبقي خير وبركه ولو الشكل فعلا لم يصل الي الهدف واخترق القناة والزاوية يبقي انا كنت عامل حسابي من الاول

طب ليه يا شباب انا بقول ان السعر لو موصلش منتصف الزاوية قبل منتصف الوقت يبقي ممكن الشكل يتغير ؟

الاجابة

ان معني السعر لم يصل الي منتصف الزاوية قبل منتصف الوقت انه ماشي في نطاق عرضي (تذبذب)

طب وايه المشكلة في كدا ؟

المشكلة مش في التذبذب في حد ذاته لكن لو نظرنا للموضوع بنظرة اوسع هنلاقي ان التذبذب دا ممكن يكون عمل فشل زمني في الشكل الهابط علي الفريم الاقل يعني لو افترضنا ان الشكل الخماسي دا كان علي فريم ال 4 ساعات
وفي شكل ثلاثي هابط علي فريم الساعه هلاقي ان التذبذب اللي حصل علي فريم ال4 ساعات كان سبب في فشل الشكل الثلاثي علي فريم الساعه
ولو السعر كمل تذبذب علي فريم ال 4 ساعات برضه الشكل الخماسي هيفشل هو كمان وكدا تبقي الاشكال الهابطة فشلت زمنيا
وننتظر تكون الاشكال الجديدة

ماذا بعد فشل الشكل الهندسي ؟

سؤال مهم جدا وناس كتير بتقف بعد انتهاء الشكل الهندسي
والحقيقة الموضوع بسيط جدا
اولا وقبل اي حاجة انا هذكر حضراتكم بمعلومة انا قلتها قبل كدا ودي بالملاحظة الشخصية يعني انا مش جايبها من اي مكان وهي ان لما الشكل الهندسي ينتهي السعر غالبا بيرجع لاقل نقطة او اعلي قاع تكون قبل انتهاء الشكل الهندسي
يعني لو الشكل الخماسي اللي معانا دا فشل بالفعل
عند الزاوية216 غااااااالبا السعر بيرجع مرة تانيه لزيارة الزوية 216 ودا اللي بنسمية القاع الثنائي وممكن يصعر ويرجع مرة تانيه علشا يبقي قاع ثلاثي ونفس الكلام لقمة الثائية والثلاثية

طب هل دا قانون يعني الشكل لما يفشل لازم يرجع يزور اخر نقطة هبوط او صعود وصل ليها ؟
لا برضه مش قانون ولكن انا بقول علي الحلات اللي بقابلها في الشارت وممكن حضراتكم تعدلو عليها زي ما تحبو ولو اي حد وصل لملاحظة مهمة يا ريت يقولنا عليها
وممكن ناخد مع بعض بعض النماذج من الشارت علي الكلام اللي بنتكلم عنها

دي صوة للبوند وركزو معايا في الوان الاسهم علشان محدش يتوه
اولا انا شايف السعر كسر الحد العلوي للقناة الصاعدة وكمان كسر الزواية اللي تحتها السهم الابيض
منطقي جدا ان اي حد يفكر ان الشكل انتهي والموضوع خلاص خلص
ولكن و افتكرنا مع بعض الحاجات اللي اتكلمنا عنها
1- السعر وصل الي منتصف المسافة قبل منتصف الوقت ودي اشارة لاستكمال الطريق السهم الاصفر
2 -اساسا السعر لسه معاه وقت يصعد فيه والفاصل الزمني الخاص بالنطاق الزمن لسه مجاش السهم الاخضر
وبالتالي السعر عمل تسارع حركة وشمعتين ليموزين وصلوه قريبا من المكان بتاعه وبالفعل قدر يوصل مكانه بالضطعند السهم الاحمر
ودي الصورة اللي بنتكلم عنها

ولكن لو انا عملت نفسي ناصح ولقيت السعر كسر القناة وقلت الشكل فشل فتحت عقود بيع كنت هلاقي الشكل اخدني بعقودي وصعد بيا ولا في دماغهوطبعا محدش يقدر يقول هو غلطان وعرفنا ليه وعلشان كدا بيقولو اللي يفهم يستريح وادينا شفنا السعر ماشي زي ما بقول بالظبط والمام حضرتك بالحلات دي هي اللي هتخليك حتي يوم ما تغلط تبقي عارف فين الغلط

نشوف الصورة التانيه
اليورو دولار فريم 4 ساعات
السعر كان ماشي علي شكل ثلاثي زي الفل وعند السهم الاصفر لقيت السعر لم يصل الي منتصف المسافة قبل منتصف الوقت ودي اشارة لفشل الشكل الهندسي ولكن لسه الشكل سليم و100 %
عند السهم الاخضر لقيت السعر اخترق القناة الهابطة وقف شموع كتير فوقها
السؤال هنا هل معني كدا الشكل فشل ؟
اتوقع في حد ناصح هيقول لا لسه الشكل لم يفشل علشان لازم السعر كمان يغلق اعلي الزاوية 60
وهقوله يا ناصح حتي لو السعر اغلق اعلي الزاوية 60 برضه مش هقدر احكم غير بعد الفاصل الزمني اللي هو يوم 1 ديسمبر يعني السعر لسه معاه وقت ممكن يعمل شموع هابطة زي ما حصل مع البوند في الصورة اللي فاتت

وبالتالي عند السهم الاحمر انا تاكدت ان الشكل الهابط دا كدا انتهي والوقت خلص والقناة والزاوية تم اختراقهم ولكن الشاهد اني كنت عامل حسابي من اول السهم الاخضر وان السعر لم يستطيع الوصول الي منتصف الطريق قبل منتصف الوقت بتاعه

وكدا نقول ان الفرق بين الصورتين اليورو والبوند ان البوند السعر وصل منتصف الطريق قبل منتصف الوقت وعلشان كدا كمل طريقه
انما اليورو السعر لم يستطيع ان يصل الي منتصف الطريق قبل منتصف الوقت وعلشان كدا الشكل فشل

وندخل علي الصورة الثالثة
وهي ايضا خاصة بالبوند دولار

واكيد دلوقتي حضراتكم عارفين تحللو المشهد كويس جد
عدم القدرة علي الوصول الي منتصف المسافة قبل منتصف الوقت - اختراق الحد العلوي للقناة الصاعدة - انتهاء الزمن المتبقي
واختراق اقرب زاوية
لكن الجديد في الصورة دي ان السعر بالفعل رجع مرةة تانيه لزيارة اقل قاع عمله الشكل قبل ما ينتهي وهو عند السهم الازرق الاول والثاني
وهنلاحظ كمان ان كل المنطقة اللي داخل المستطيل الاخضر هي بدون شكل هندسي علي هذا الفريم
هي معني كدا اني هترك الزوج دا بدون اي متاجرة ؟
وطبعا هقول حضرتك معاك 3 خيارات
1- تنزل للفريمات الاقل وتحاول تستخرج الاشكال دي علي الفريمات الاقل يعني دا فريم 4 ساعات ولو حضرتك نزلت لفريم الربع ساعه هتلاقي اشكال كتير صاعدة وهابطة ونتاجر عليها عادي جدا
2 اني انزل النجمة بتاعتي علي المنطقة دي وهتعمل معايا احلي شغل لانها اساسا بتعشق التذبذب بس دا لسه لما ندرس النجمة ان شاء الله
3- ان فعلا اسيب الزوج دا وابحث عن شكل واضح واكيد هلاقي كتير ان شاء الله

كدا فشل الشكل الهندسي انتهي علي خير واعرفنا امتي بيفشل وايه الشروط بالظبط وكمان ازاي نتوقع لفشل قبل ما يحصل
وكمان ايه ممكن يحصل بعد انتهاء الشكل الهندسي
والمشاركة القادمة باذن الله هيكون فيها احترام الفواصل الزمنية وطريقة رسم المراوح

[medo93]

السلام عليكم صباح الخير
اخ محمد
ارجو منك تصحيح هذه الاشكال
للمجنون على فريم الساعة
وتوضح لنا اي منهم هو الصحيح
وتبين لنا الخطاء
بغض النظر عن القمة
او القاع صحيح او خطاء
الملف المرفق 482890
الملف المرفق 482891
الملف المرفق 482892
الملف المرفق 482893

وعليكم السلام ورحم الله وبركاته مرحبا بك اخي نزار انا عارف ان المشاركة كانت من فترة وانا بعتذر عن هذا التاخير ولكن ربنا والله اعلم بالظروف الخاصة بكل واحد فينا
وبالنسبة للمجنون انا شخصيا كنت عامل ليه التحليل دا الاسبوع الماضي وهو شكل ثلاثي ودي وصورة التحليل



ولكن الحقيقة انا شخصيا لم ادخل علي هذا التحليل لان في مشكلة اتمني لو تعرف تستخرجها من خلال الصورة اللي فاتت وتعرف انا ليه مدخلتش بيع بناء علي هذا التحليل ومش هتعرف تعمل كدا غير لو قريت اخر مشاركة وفهمتها كويس

[ابو يحيى]

جزاك الله خيرا ..اخى ابو ياسر..شرحت فاوضحت ..ربنا يكرمك

نطبق قاعدة السبيس هنا مع المؤشرات لكن ليس لدينا فاصلة عشرية (كما هو الحال في اسعار الفوركس) فبدل ان نضرب في 1000 نضرب الرقم في 0.001 لنحصل على الرقم المطلوب حسب القاعدة

فمثلا الرقم 14725 كقمة او قاع
الشارت الشهري السبيس 2 رقم فيصبح الرقم 14 (14725 * 0.001)
الشارت الاسبوعي السبيس 3 أرقام فيصبح الرقم 147 (14725 * 0.01)
الشارت اليومي السبيس 4أ رقام فيصبح الرقم 1472 (14725 * 0.1)
شارت الساعة وال30د السبيس 5 رقم فيصبح الرقم 14725 (14725 * 1)
شارت ال15د و5د السبيس 6 أرقام فيصبح الرقم 147250 (نزيد صفر الى اليمين) (14725 * 10)
شارت الدقيقة السبيس 7 أرقام فيصبح الرقم 1472500 (نزيد صفرين الى اليمين) (14725 * 100)

أما تسريع الدورة وتبطيئها فيعتمد على حركة السعر فاذا كانت سريعة بحيث يتحرك السعر الى الزاوية 360 في 10 شموع فهنا نستخدم سبيس الفاصل الاعلى لاستيعاب الحركة
والعكس في حال كانت الحركة بطيئة بحيث يصل الى الزاوية 90 في 300 شمعة مثلا فنقوم باستخدام السبيس للفاصل الاصغر حتى تتضح الحركة وهذا من المرونة المطلوبة للتعامل مع الشارت.

[ordernex1]

اين انت ياكريندايزر الدولار ين هابط

الاخ صاحب الموضوع هل بامكانك تحليل الدولار ين بهذه الطريقه التى تشرحها ؟

[medo93]

الاخ صاحب الموضوع هل بامكانك تحليل الدولار ين بهذه الطريقه التى تشرحها ؟

اكيد لا طبعا
لكن ممكن اقول انه بيسير علي شكل سداسي صاعد ووصل المحطة التانية وان الشراء طبقا لهذا التحليل محفوف ببعض المخاطر
ودا بسبب ان الشكل اساسا غير مكتمل وبالتالي فهو للصعود طالما يتداول اعلي حدود هذه القناة وهدفه التالي الزوايا 120-150واخيرا 180 عند سعر 114.14اما موضووع البيع فهو مرفوض تماما حتي انتهاء الاطار الزمني وكسر القناة الصاعدة ساعتها ممكن نفكر في الموضوع دا

[ordernex1]

اكيد لا طبعا
لكن ممكن اقول انه بيسير علي شكل سداسي صاعد ووصل المحطة التانية وان الشراء طبقا لهذا التحليل محفوف ببعض المخاطر
ودا بسبب ان الشكل اساسا غير مكتمل وبالتالي فهو للصعود طالما يتداول اعلي حدود هذه القناة وهدفه التالي الزوايا 120-150واخيرا 180 عند سعر 114.14اما موضووع البيع فهو مرفوض تماما حتي انتهاء الاطار الزمني وكسر القناة الصاعدة ساعتها ممكن نفكر في الموضوع دا

مشكور

[MOHAMEDIBRAHIM1]

السلام عليكم
ممكن رايك فى الرسمة ديه لسهم فى البورصة المصرية هل صحيح ام لا و هل ممكن يلحق السهم سعريا و زمنيا لانه متاخر
شكرا لوقتك استاذ محمد

[rezighoussam]

و الله كلمة شكر قليلة في حقك اخي ميدو مقارنة بالمجهاداتك و شرحك السلس و مفهوم قمة الروعة الله يبارك فيك و يجعله في ميزان حسناتك تحية لكامل الاعضاء على تفاعلهم انا متابع جديد معكم للموضوع سوف تكون لي مشاركات معكم في لمستقبل القريب الله يوفقك استاذ ميدو اتمنى ان احظى بالتصحيح لمشاركاتي لاني جد متحمس اكرر شكري لك و لكافة الاعضاء على تفاعلهم ......

[yshawky100]

وعليكم السلام ورحم الله وبركاته مرحبا بك اخي نزار انا عارف ان المشاركة كانت من فترة وانا بعتذر عن هذا التاخير ولكن ربنا والله اعلم بالظروف الخاصة بكل واحد فينا
وبالنسبة للمجنون انا شخصيا كنت عامل ليه التحليل دا الاسبوع الماضي وهو شكل ثلاثي ودي وصورة التحليل



ولكن الحقيقة انا شخصيا لم ادخل علي هذا التحليل لان في مشكلة اتمني لو تعرف تستخرجها من خلال الصورة اللي فاتت وتعرف انا ليه مدخلتش بيع بناء علي هذا التحليل ومش هتعرف تعمل كدا غير لو قريت اخر مشاركة وفهمتها كويس

لان الزوج لم يصل الى منتصف الزاوية فى منتصف الوقت ؟

[saadrm]

اين انت ياكريندايزر الدولار ين هابط

الاخ صاحب الموضوع هل بامكانك تحليل الدولار ين بهذه الطريقه التى تشرحها ؟

الله يكون في عونك مثلك كمثل الغرقان الذي يبحث عن طوق نجاة.. ولكن انت اخطأت مرتين اولا عندما اقسمت على نجاح صفقتك وثانيا عندما نصحتك مرتين بالخروج ولم تخرج
وبالمناسبة حتى لو عاد اليك السعر فانت خسران بكل الاحوال لان صفقتك عدى عليها اسبوعان من الانتظار وحرق الاعصاب فهذه بحد ذاتها خسارة بالنسبة للمتداول كلنا نعرف ماذا يعني ان تصبر على صفقة اسبوعان او اكثر .. الله يكون في عونك على قساوة هذا الدرس.. بالتوفيق

[داي ترايدر]

الأستاذ محمد داءما كنت أهرب من مواضيع الزوايا السعرية لأن المشاركات تطول و الشرح لا يكتمل و لكن شرحك
مختلف و مبسط و أتمنى لو يكون فيه مختصر لشرح الطريقة في الصفحة الأولى عند انتهائك من الطرح
و تقبل تحياتي جزاك الله خير