@@ مناقشات و تطبيقات الورشة التعليمية لإليوت @@

[amd224]

بسم الله الرحمن الرحيم

لقيت الشارت ده في الدرس رقم 14 لحضرتك


الجزء اللى معلق علية صح


نمازج الفلاتات الاقيها فين في الغالب غير الموجة الرابعة من الدافعة او نموزج x في دبل زجاج او التربل زجاج
وفي التصحيح المركب بلاقى جملة ( فلات - اى تصحيح - فلات ) يعنى اية اى تصحيح هل شكل عشوائى ولا المقصود من النمازج التصحيحة في اليوت مثلا مثلث بس المثلث بيحصل في الويفة الاخيرة فقط

[amd224]

بسم الله الرحمن الرحيم

الشارت من فديو 2


رقمت على شارتين

[amd224]

بسم الله الرحمن الرحيم

الفديو 2 من الشرح دقيقة 24 مذكور في الفلات الممدتة ان ( الحد الادنى للويفةb لا يقل عن 50 @ من a )
والويفة c الحد الاقصى لها 300 %
بالنسبة للحد الادنى بيرتشر ذاكر 90@
والاقصى 165@

الملفات اللى في المرفقات مكتوب فيهم كلام زى حضرتك
اعمل اية في الاختلافات دية
وعاوز رايك في كل ملف منهم واية الغلط فيهم او افضل ملف فيهم


تقريبا اغلب الملخصات اللى لقيتها في المواقع والخاصة باليوت من الملفات دية
مين فيهم اللى صح واعتمد على اية في كترة الاختلافات اللى بلاقيها
اخر ملف من موقع اليوت ويف

[amd224]

بسم الله الرحمن الرحيم

الشارت من فديو 2 دقيقة 22
الشارت الاول لية التحليل صحيح وكمالة للتحليل
والثانى لية مينفعش اعتبرها موجة دافعة

[dr.ahmed.samir]

السلام عليكم ورحمة الله وبركاته ..


تلميذ جديد يتشرف بالمشاركه فى هذا القسم الهادئ مع اخوانه الكرام
متمنيا من الله عز وجل التوفيق لى وللجميع ان شاء الله ..

خالص التحيه ..

د / أحمد

[dr.ahmed.samir]

اخى الكريم حسن اسعد الله اوقاتك بكل خير ..

فى اطار الدراسه بالنسبالى وكحديث عهد مع التحليل الموجى قابلتنى بعض الاسئلة وانتظر اجابتك باذن الله .واعذرنى لو بعضها بسيط جدا ..


- اتفقنا ان اى موجه خماسية او ثلاثيه ليها ما يعرف بالتركيب الداخلى او الـ inner structure وسؤالى بخصوص الانر ستركشر ده .. هل لازم كل التركيب الداخلى يبان على نفس التايم فريم ..

بفرض ان عندى تصحيح abc واتركيب الداخلى للموجه a واضح جدا على فريم الساعة( خماسى ) وكذلك الموجه b لكن لما شفت الموجه c لقيتها قطعه واحده بدون اى فواصل او وضوح للتركيب الخماسى الخاص بيها فيا ترى ده معناه ايه ؟


- بخصوص العلاقة بين الاطر الزمنيه المختلفه فرضا ان موجه على فريم الساعة تركيبها الداخلى غير واضح فنزلت مثلا على تايم فريم اقل وليكن النص ساعة عشان اشوف التركيب الداخلى بتاعها فهل ده هو الحل او الاطار الزمنى الامثل ولا ممكن اشوفها على فريم زى الربع ساعة او حتى الخمس دقايق .. بمعنى اخر هل هناك اطر زمنيه مترابطة او متناجنسه فى علاقتها مع بعض بشكل افضل من الاخرى ولا الفكرة انى انزل للتايم فريم الاقل مباشرة وخلاص ؟

- الشارت التالى عبارة عن ترقيم متواضع منى ويعتبر لسه عنيا متعودتش على انها تلقط الوضع على الشارت بشكل اسرع وحابب اشوف تعقيب حضرتك عليه ..




- الجمل التالية كلها صحيحه ؟

* الزجزاج ميجيش مرتين فى تصحيح عرضى مركب ؟
* الفلات ممكن يجى مرتين فى تصحيح عرضى مركب
* المثلث لا يبدا ابدا تصحيح مركب ولا ياتى مرتين




- فى الفيديوهات الخاصة بشروحاتك وفى اخر فيديو اللى هو المحاضرة التامنه سياق الكلام ان لسه فيه محاضرات قادمه ان شاء الله فهل فيه معاد محدد لاستكمال المحاضرات باذن الله خاصة وانها فعلا مفيده جدا من شخص محترم خلقا وعلما ..


ومعذرة للاطاله ..

[dr.ahmed.samir]

فينك يا غالى ..
عسى المانع خير يا بشمهندس


بانتظار تعقيبك ايضا هنا ان شاء الله ..

[saudsaud]

الله يحفظك اخي حسن مسعود

لدي عتب على بعض الاخوه خاصه لمن هم بمثل استاذنا العزيز حسن مسعود
لا اجد تداخلاتهم هنا في هذا الموضوع التعليمي هل المنتدى قائم على شخص واحد

بارك الله فيك اخي حسن مسعود وجعله الله في موازيين اعمالك

تقبل تحياتي

[amd224]

بسم الله الرحمن الرحيم

القيت نظرة على خواطر اليوتية والحقيقة دهشت كثيرا لن اقول لك بسبب علمك فربنا يذيدك ولكن بسبب كثرة الاشياء المتعلقة باليوت قد يسمى هذا العلم ببساطة علم العلوم الشاملة للتحليل الفنى وربما يكون له ربط بالبوينت اند فيجر ولكن لا اعلمة
استوقفتنى هذه المشاركة ( عادة ما نلجأ الى الفريم الاقل للتاكد من صحة ترقيم الفريم الاكبر لأن التركيب الداخلى للموجات احد اساسيات الموجات الدافعة

و العكس صحيح كما ذكر برختر ان الموجات الاولى و الخامسة بالذات احيانا تكون غير واضحة و بها تداخلات كثيرة على الفريمات الصغيرة و فى هذه الحالة نلجأ للفريم الاكبر لعمل عملية Smoothing أو تنعيم لللشارت فتكون الصورة افضل

اما الفريم الذى يجب ان تعتمد عليه فى اثبات الترقيم هو الفريم الذى يظهر عليه كلا من الموجتين التانية و الرابعة بوضوح
فإذا ظهرت الثانية على فريم معين و لم تظهر الرابعة على نفس الفريم يكون امامك احتمالين
الاول ان الموجة الدافعة تتكون على الفريم الاقل
الثانى ان الموجة ثلاثية و ليست دافعة )
اعتقد ان هناك بعض الاجزاء من هذا الشرح في كتب بريتشر
سؤالى لك ببساطة شديدة
ما هى الطريقة الصحيحة التى تستطيع ان تعلمنى بها لاقرأ كتاب بريتشر صحيحا وافهمة سريعا
اعتقد انه من الخطا بعض الشئ قراءة الكتاب صفحة صفحة بالتسلسل
اعتقد انه فهم المعلومات التى بالاعلى تسهل لى الكثير للغاية في التطبيق ( اتمنى لو انها موجودة في اى من كتب بريتشر )
اما السؤال ربما الاكثر تعبا لك واجهادا لك في شرحة لى وايضا الاكثر صعوبة لى
الطريق الى احتراف اليوت بدرجة اعلى من الحصول على CEWA

[hassan massoud]

بسم الله الرحمن الرحيم

الشارت حاول اكتر من مرة ارقمة معرفتش فبعتة لحضرتك مرة تانى ورقمهولى
ووضحلى فية امته مفرروض اظهر الترقيم الداخلى لموجة وامته مش مفروض اظهر ترقيمة الداخلى حتى لو ظاهر وجود بعض الموجات
يعنى مثلا زى الترقيم ده الملف المرفق 349815

ممكن توضح على الشارت ده ومعلش قوى لو حدقق معاك في التفاصيل واسائلك مثلا لية الجزء الصغير من الجزء ده مش مرقم ولو عايز ارقم الجزء الصغير ده اعمل اية
الملف المرفق 349811

السلام عليكم

اهلا بيك اخى الفاضل

اولا طالما ان جميع الموجات الصاعدة خماسية و ايضا نتحرك فوق خط الترند الصاعد يبقى لازم نضع فى اعتبارنا سيناريو الموجة الدافعة الممتدة



ثانيا و هو الاهم يجب ان نربط هذا الجزء من الشارت بالجزء السابق لأنه لو بيعمل موجة خامسة يبقى مفيش مانع انها تكون قطرية خلفية كل موجاتها من عائلة الزجزاج



و زى ما قلت لك قبل كدة اكتر من مرة لا تحلل اى جزء من الشارت الا بعد ربطه بباقى الشارت حتى تعرف ما هو المفروض ان تكون عليه طبيعة الجزء الذى تقوم بتحليله

اما التصحيحات الداخلية اذا كان مثلا عندنا موجة دافعة تتكون على فريم الساعة فيجب ان تظهر التصحيحات الخاصة بالموجتين التانية و الرابعة على نفس فريم الساعة
و لا يشترط ان تظهر التصحيحات الداخلية للموجات 1 و 3 و 5 على نفس الفريم و لكنها تظهر على الفريمات الاقل

تحياتى

[hassan massoud]

بسم الله الرحمن الرحيم

اهم معلومة توضيح صحة الترقيم هى اظهار التفاصيل الداخلية للموجة الثالثة عشان اقدر اكمل واعرف نوع التصحيح
يعنى من دلوقت اى تحليل في الموجة الدافعة بجميع انواعها لازم يظهر قدامى خمس موجات صغيرة في الموجة الثالثة
مظبوط كده ؟
وبالنسبة لكلام حضرتك
ثالثا بالنسبة للدرجة الموجية خليك معايا واحدة واحدة
اولا عاوزك تشوف الفترة الزمنية التى تكونت خلالها الموجة الدافعة بالكامل و قول لى ما هى احتمالات درجتها الموجية و بعدين اكمل معاك
هل تقصد بانى احاول ارقم الموجة كاملة
عموما ده اللى قدرت اوصلة
الملف المرفق 349864

السلام عليكم

اذا كنت تقصد بالزجزاج 5-3-5 هذا الجزء فقط فهو كلام سليم 100%



أما اذا كنت تقصد هذا الجزء فهو لا يجوز نهائيا لأن الموجة B فى الزجزاج لا تكسر بداية الموجة A أبدا



بالنسبة للدرجات الموجية مش عاوزك تشغل بالك بيها دلوقتى خالص الى ان ننتاكد تماما من اتقانك لبعض القواعد الاساسية

تحياتى

[hassan massoud]

بسم الله الرحمن الرحيم

اغلب اسئلتى اللى في بالى بتدور حولين امته اظهر الموجات الداخلية للموجة
ولا اظهار الموجات الداخلية يقتصر في الموجة الثالثة فقط في الدافعة لانها اهم جزء

السلام عليكم

التفاصيل الداخلية للموجات الداخلية عادة تظهر بوضوح على نفس الفريم فى الموجة الممتدة
اما الموجة الغير ممتدة فلا يشترط ان تظهر تفاصيلها على نفس الفريم

و فى جميع الحالات يفضل الرجوع للفريم الاقل للتاكد من طبيعة الموجة و خصوصا الموجة التالتة زى ما انت قلت

تحياتى

[hassan massoud]

بسم الله الرحمن الرحيم

طيب في الفلاتة افرض لو الموجة c اللى هية لازم خمس موجات ظاهر فقط ثلاث موجات وواضح من الشكل انها ممتدة او انها نموزج تصحيحى بس مش ظاهر تفاصيلها الداخلية بدقة هل ارقمها على انها a b c واظهر انها نموزج تصحيحى ومدورش على التفاصيل الداخلية للنموزج

السلام عليكم

الموجة (C) دايما يجب ان تكون خماسية

فإذا جاءت ثلاثية يجب ان تتحرك مع احد هذه السيناريوهات

[hassan massoud]

بسم الله الرحمن الرحيم

عدلت الشارت وبالفعل كان فية جزء مش واخد بالى منه والموجة 2 في موجة خامسة v مش موضح تكوينها الداخلى لانه مش ظاهر قدامى
الملف المرفق 349877
بس وضحت التصحيح الداخلى للموجة 4 في v واعقتد انها قلاتة ممتدة لانها عملت هاى جديد
فية حاجة عندى اسمها trader's classroom collection هما اربع اصدارات وخاصة باليوت ويف العالمية هما موجدين عندكم في المنتدى ولا ارفعهم

السلام عليكم

تمام يا ريس كدة افضل كتير

و دايما خد بالك من الموجات الدافعة التى تظهر داخل مناطق التصحيح لانها ممكن تكون C من راننج فلات و يكون الترقيم كما باللون الاصفر

و لا مانع من رفع اى مادة عليمة لديك لأن كتير من الروابط القديمة انتهت صلاحيتها و لك كل الشكر مقدما

تحياتى

[hassan massoud]

بسم الله الرحمن الرحيم
الف شكر على الموقع
بس انا لو في الامتحان حرقمة ازاى
انا مش عارف اربطة باللى قبلة او اللى بعده الملف المرفق 349878

السلام عليكم

الشكر لله اخى الفاضل

لو انت فى امتحان و الممتحن حاول انه يضحك عليك و جاب لك جزء من شارت غير واضح يجب ان يكون رد فعلك المباشر ان تضع 2 سيناريو
الاول هو افتراض ان الاتجاه العام صاعد
و الثانى يفترض ان الاتجاه العام هابط

تحياتى