@@ مناقشات و تطبيقات الورشة التعليمية لإليوت @@

[المراسل]

لا يا ريس

الموجة A + 10% منها تمثل الحد الادنى لهدف C و ليس ارتفاع C

حوضح لك اكتر

افرض ان B من الفلاتة صححت 200% من A
و كان ارتفاع A يساوى 100 نقطة

فى الحالة دى سيكون الحد الادنى للموجة C من الفلاتة الممتدة يساوى 310 نقطة و ليس 110 نقطة

تحياتى

أستاذنا الكريم تقصد الحد الأدنى للموجة C يساوي 210 نقطة ولا انا ضعيف في الحساب

[dr.ahmed.samir]

أستاذنا الكريم تقصد الحد الأدنى للموجة C يساوي 210 نقطة ولا انا ضعيف في الحساب

لا يا غالى الحسبه مظبوطة

[المراسل]

الحمد لله اخي المتيم كانت تلك خطأ كتابي غير مقصود من الاستاذ حسن

[hassan massoud]

أستاذنا الكريم تقصد الحد الأدنى للموجة C يساوي 210 نقطة ولا انا ضعيف في الحساب

السلام عليكم

لا يا ريس انت زى الفل فى الحساب و المقصود فعلا 210 نقطة

و لكن انا نسيت اكتب ان الكلام دة فى حالة ان B =A فقط

لكن لو B اقل من A فسيختلف عدد نقاط C و سيكون الحد الادنى لهدف C تحت قاع A ب 10 نقاط بغض النظر عن قيمة C بالنقاط

طبعا الكلام دة على اساس ان A تساوى 100 نقطة

تحياتى

[المراسل]

جزاك الله الف خير على التوضيح

[dr.ahmed.samir]

خطا ..

[dr.ahmed.samir]

السلام عليكم ..

هل وارد ترقيم الشارت بالشكل التالى ؟

[hassan massoud]

السلام عليكم ..

هل وارد ترقيم الشارت بالشكل التالى ؟

السلام عليكم

الجزء داخل المستطيل طبعا وارد و منطقى جدا

و لكن الحجم الزمنى لهذا الجزء يجعله اقرب الى ان يكون تصحيح لكامل الترند الصاعد و ليس للموجة الاخيرة فقط

تحياتى

[dr.ahmed.samir]

السلام عليكم

الجزء داخل المستطيل طبعا وارد و منطقى جدا

و لكن الحجم الزمنى لهذا الجزء يجعله اقرب الى ان يكون تصحيح لكامل الترند الصاعد و ليس للموجة الاخيرة فقط

تحياتى

جميل .. فكرتنا هنا هى الموجه الصاعده قبل عملية التصحيح داخل المستطيل .. ممكن نرقمها ازاى يا غالى لان انا مش قادر ارقمها 123 بسبب ان هيبقى فيه تداخل بين الرابعه ايا كانت نهايتها وبين الاولى

[hassan massoud]

جميل .. فكرتنا هنا هى الموجه الصاعده قبل عملية التصحيح داخل المستطيل .. ممكن نرقمها ازاى يا غالى لان انا مش قادر ارقمها 123 بسبب ان هيبقى فيه تداخل بين الرابعه ايا كانت نهايتها وبين الاولى

انت تقصد الموجة الصاعدة من قاع الشارت و لا بدءا من النقطة (2) ؟؟

[dr.ahmed.samir]

انت تقصد الموجة الصاعدة من قاع الشارت و لا بدءا من النقطة (2) ؟؟

من اول قاع فى الشارت

[hassan massoud]

من اول قاع فى الشارت

طيب حاول انك ترقم موجة دافعة كاملة أو موجة زجزاج بناء على هذه القنوات السعرية

[saudsaud]

الاخ حسن
ماالمقصود بـ

Wave 3 cannot be more than 7 times Wave 1 by price.


The maximum movement of Wave 5 is six times Wave 3 in both price and time.

Wave 5 has no minimum time constraint.

[hassan massoud]

الاخ حسن
ماالمقصود بـ

Wave 3 cannot be more than 7 times Wave 1 by price.


The maximum movement of Wave 5 is six times Wave 3 in both price and time.

Wave 5 has no minimum time constraint.

السلام عليكم
اولا
Wave 3 cannot be more than 7 times Wave 1 by price.
هذه الجملة المقصود بها ان ارتفاع الموجة الثالثة ( سعريا ) لا يزيد عن 7 اضعاف ارتفاع الموجة الاولى

ثانيا
The maximum movement of Wave 5 is six times Wave 3 in both price and time.
هذه الجملة المقصود بها ان الموجة الخامسة فى حالة امتدادها لا تزيد عن 6 اضعاف الموجة الثالثة سعريا و زمنيا

ثالثا
Wave 5 has no minimum time constraint.
هذه الجملة المقصود بها ان الموجة الخامسة غير مقيدة بحد ادنى للفترة الزمنية

و لكن احب ان اوضح الأتى
أولا هذه الجمل و كل ما ذكر فى الملف ارشادات و ليست قوانين يعنى غير ملزمة
ثانيا الحد الادنى و الاقصى للموجات الدافعة ترتبط بحاجتين فقط و هما
1- تطبيق قوانين اليوت الاربعة الرئيسية للموجات الدافعة
2- الالتزام بحدود الدرجات الموجية
يعنى ليس لها نسب محددة الا فى حدود البندين السابقين

و خد عندك الامثلة دى

المثال الاول
هو بيقول ان الموجة الخامسة ليس لها حد ادنى زمنى
و دة كلام مش سليم
افرض ان الدرجة الموجة لكل من الموجات 1 و 2 و 3 و 4 كانت من شهور الى سنوات
هل يجوز فى هذه الحالة ان الموجة الخامسة تتكون فى ايام او اسابيع فقط ؟؟
طبعا لا يجوز
و بالتالى اصبح عندنا حد ادنى لزمن الخامسة من شهرين الى 3 شهور

المثال التانى
هو بيقول ان الموجة الخامسة لا تزيد عن 6 اضعاف الموجة الثالثة سعريا و زمنيا
و دة برضه كلام مش سليم

من الناحية السعرية لا يوجد حدود قصوى للموجات الدافعة

من الناحية الزمنية نفس قصة الدرجة الموجية
افرض مثلا ان الدرجة الموجة للموجة الثالثة كانت من شهور الى سنوات و اكتملت فى 5 شهور
معنى كلامه ان الخامسة لا تزيد عن 30 شهر ( 6 اضعاف الثالثة )
و هذا كلام غير سليم بالمرة
لأن الخامسة يجب ان تكون من نفس الدرجة الموجة للثالثة يعنى من شهور الى سنوات
و بالتالى ممكن تتكون فى 10 سنوات يعنى اكتر من 100 شهر و ليس 30 شهر فقط

و فى النهاية خد بالك ان الملف اللى انت ذكرت منه هذه الجمل خاص بموقع اسمه CyclePro و قام بتجميع هذا الملف من مواقع مختلفة على الانترنت لذلك ستجد فيه الكثير من المعلومات الصحيحة و الكثير ايضا من الخاطئة

تحياتى

[dr.ahmed.samir]

السلام عليكم ..

ايه رايك يا بشمهندس فى السيناريو ده ؟