القناة الثالثة لاستراتيجية خبرتي

[Mo3Ty]

اليورو ين
وأرجو التصحيح أخي معطي


أشعر أخي أني لا أحدد الستوب بدقة الرجاء التصحيح و التوضيح و جزاك الله خيرا

فعلا ده مشكتلك الوحيدة فى الطريقة بس سهلة اقرا ردودي على كل دخولاتك وحتفهم قصدى ولو مفهمتش اسال براحتك معاك لغاية ما تتقنها باذن الله

بالنسبة لاوردر اليورو ين (القطر)
1- لم نعتمد رجوعه حتى الان معنا فهو بقالوا فترة كبيرة لا يحترم القنوات بسبب تدخلات المركزى وانا بتابعه بقالي اسبوعين فعلا بدا يحترم القنوات من تاني ولكن برضوا لم يرجع مثل الاول
2- طريقة دخولك فعلا كانت صح وانا بعملها بس ابعد عن القطر خليك فى 5 ازواج المعتمدين الى انا قولت عليهم

[dentist_hussein]

ايه ده وايه الجمال ده ده انت كنت نائم وهوب مرة واحدة جيت بشارتات توضح انك استاذ فى الطريقة بوقت صغير جداااااااااااااااااا

ملاحظاتي على شرحك:
1- الدخول سليم مليون فى المائة
2- الهدف سليم 2 مليون في المائة . بس ياريت بعد كدة تحط الهدف قبل خط الدعم او المقاومة ب 3 او 5 نقط لانه ساعات بيوصل قبلها ويرد وكمان متحطش الهدف عن الارقام النفسية صفر و5 مثلا متحطش هدفك عند 1.4520 لا حطه 1.4521

3- الستوب: للاسف ده بس المشكلة الوحيدة عندك وانا شرحتها كذا مرة لعبقرينو بس حشرحهالك تاني ولا يهمك من عنيا
دلوقتي عندنا 2 فيبومهمين عندنا 38 بيعي و61 شرائئ
لو السعر كسر واحد فيهم يبقا ستوبنا فوق التاني
بمعني لو السعر كسر فيبو 38 لاسفل واغلق تحته يبقا حندخل بيع وستوبنا فوق 61

وفعلا الاوردر جاب الهدف المحدد الله ينور عليك

شكرا أخي معطي على كلامك اللطيف و المشجع جدا
وشكرا على الملاحظات و أنا هتعلم منها إن شاء الله
وجزاك الله خيرا

[dentist_hussein]

فعلا ده مشكتلك الوحيدة فى الطريقة بس سهلة اقرا ردودي على كل دخولاتك وحتفهم قصدى ولو مفهمتش اسال براحتك معاك لغاية ما تتقنها باذن الله

بالنسبة لاوردر اليورو ين (القطر)
1- لم نعتمد رجوعه حتى الان معنا فهو بقالوا فترة كبيرة لا يحترم القنوات بسبب تدخلات المركزى وانا بتابعه بقالي اسبوعين فعلا بدا يحترم القنوات من تاني ولكن برضوا لم يرجع مثل الاول
2- طريقة دخولك فعلا كانت صح وانا بعملها بس ابعد عن القطر خليك فى 5 ازواج المعتمدين الى انا قولت عليهم

تمام أخي معطي
بإذن الله تم إستعاب نقطة الإستوب و أيضا لن يكون عند فايبو 38 أو 61 بالظبط و لكن أعلى أو أسفل قليلا حسب الفرصة بإذن الله
ولكن أخي أحيانا يكون مكان الفايبو 38 أو 61 بعيد فيكون الأستوب ضعف الهدف أو أكثر هل من الممكن الإعتماد أيضا على خط الصفر و ال100
وما العمل في مثل هذه الحالات ؟ هل أدخل إذا كانت مع الإتجاه ....

[foreeex]

انا حملت كتاب مختصر لشرح اشكال قنوات خبرتى
هل الكتاب ده هو شرح الدكتور جمال؟
انا عارف ان انت اللى كاتبه بس ده طبقا لطريقة الدكتور جمال بس باختصار ولا ايه؟
انا قريته و حفظته صم
لكن فين شرح القناة الثالثة طيب؟ هل يوجد كتاب ليها ؟

[Mo3Ty]

أخي العزيز معطي هذا الملف هدية بسيطة مني و لا يعتبر شئ يذكر مقابل ما تقدمه و مساعدتك لإخوانك ولا شكرا على واجب أخي

بالنسبة للنيوزلندي أخي معطي الم تكن فرصة شراء بهدف صغير بعد شمعة السلوك السعري كيل ذي سيلر التي أشرت عليها بآخر دائرة لإرتدادها من القناة الثالثة و إغلاقها فوق خط الصفر ؟

ربنا يكرمك يا حسين
وبالنسبة للنيوزلندي:
صفقة جابت هدفها فعلا لو دخلنا شراء ولكن لا تعتبر صحيحة فى رايي ولو كنت قاعد وقتها مكنتش دخلتها نهائا مع انها جابت هدفها
فليس كل اوردر جاب هدفه فهو اوردر صحيح وليس كل اوردر ضرب ستوب هو اوردر خاطئ


اولا بالنسبة لخط الصفر يعتبر النهاردة خط الهلهولة الى شرحته قبل كدة السعر مشى عليه طالع نازل فملهوش لازمة معانا النهاردة
ثانيا النيوزلندي لا يحترم الشموع اليابانية
ثالثا الكيل زى سيلر ده بتيجي بعد ترند هابط واضح اما الى كان قدامنا ده دلع شموع وتذبذب واضح

وصلت كدة يا حسين ولا ايه لو عندك اى استفسار تاني انا معاك ياقمر حتغدى بس وراجع

[Mo3Ty]

انا حملت كتاب مختصر لشرح اشكال قنوات خبرتى
هل الكتاب ده هو شرح الدكتور جمال؟
انا عارف ان انت اللى كاتبه بس ده طبقا لطريقة الدكتور جمال بس باختصار ولا ايه؟
انا قريته و حفظته صم
لكن فين شرح القناة الثالثة طيب؟ هل يوجد كتاب ليها ؟

ايوة بالظبط يا باشا الكتاب الاول للطريقة الاصلية
وبالنسبة لطريقة القناة الثالثة فحسين باشا لسة مظبطنا وعاملنا ملخص ليها
اتفضل
https://forum.arabictrader.com/attac...caee-auoi.docx

اقرا وابدا طبق وحطلنا الفرص الى بتشوفها عشان اقدر اعرف نقطة ضعفك واصحههالك

[Mo3Ty]

الحمد لله رب العالمين
بفضل الله قمت بدخول هذه الصفقة شراءا و أخذت هدفي قبل الفايبو 38 ب5 نقاط و الحمد لله
جزاك الله خيرا أخي معطي على كل ربح أحققه بسبب طريقتك المطوره

بارك الله فيك يا دكتور
والله ربنا يعلم فرحتي الان لما شوفت دعائك لى فهذ الى محاجته والله
بارك الله فيك وان شاء الله طريقك اخضر دائما

[Mo3Ty]

الحمد لله رب العالمين وان شاء الله حد دخلها واستفاد

الف مبروك يا ابو جميل تستاهل كل خير

[Mo3Ty]

اليورو
التعليق بالشارت و أرجو التصحيح


قد يتزامن إغلاق الأربع ساعات بشمعة هامر مع الساعة

الشارت ده من اهم الشارتات توضح قوة القناة الثالثة
ولذلك سيفتها عندي عشان حبقا احطها فى كتاب لاهم الطرق للقناة الثالثة
وتحليلك كان اكثر من رائع فلم ندخل مباشرة بعد كيل زى سيلر لازم كسر القناة الثالثة
وفعلا وقف السعر تحت القناة الثالثة وهبط
والصفقة المثلي كانت بعد كسر خط الصفر لاسفل

[جلال العراقي]

استراتجية جميلة بكل انواع الجمال شكلها الملون عروسة الشارت وقوتها وبساطتها

مبروك عليكم جميعا

[Mo3Ty]

شباب ايه الغلط فى فرصة الشراء ديه على الكيبل
سبب الدخول شراء: السعر اخترق الفيبو 61.8 و اغلق داخل القناه
هل هى فرصة غلط ولا فرصة وضربت استوب؟

مستنى تعليكم

اعتقد الشمعه اللي غلقت فوق الفيبو 61 هي نموذج الرجل المشنوق لو اجت بعد شموع صاعده تعكس الاتجاه وهذا رابط لنماذج الشموع

https://www.arabictrader.com/portal/ar/kb/listing/31

معوضه ان شاء الله اخي

ياعماد وياريم
السبب واضح جداااااااا
انتم للاسف واضح انكم بداتم تهتموا بالفيبو وتنسوا القنوات
ياشباب قولت مليون مرة ان الطريقة مترابطة مع بعض وان الطريق لازم يكون سالك قدام السعر
دلوقتي السعر كسر زى ما قولتم فيبو الشرائئ 61 طيب مشقدامه حد القناة الثالثة وحتى ده قافل تحتيها يبقا لازم يكسره القناة الثالثة
بالعكس ده القناة الثالثة المحترمة قالت كلمتها ان مفيش شرء لان السعر قفل تحتيها

ارجوكم اربطوا كل شئ ببعضوا ومتهتموش بمؤشر اكثر من الثاني

[Mo3Ty]

تمام أخي معطي
بإذن الله تم إستعاب نقطة الإستوب و أيضا لن يكون عند فايبو 38 أو 61 بالظبط و لكن أعلى أو أسفل قليلا حسب الفرصة بإذن الله
ولكن أخي أحيانا يكون مكان الفايبو 38 أو 61 بعيد فيكون الأستوب ضعف الهدف أو أكثر هل من الممكن الإعتماد أيضا على خط الصفر و ال100
وما العمل في مثل هذه الحالات ؟ هل أدخل إذا كانت مع الإتجاه ....

بص بالنسبة للنقطة ده مهمة جدا ياحسين
والموضوع ده حصل معايا لايف الاسبوع الى فات فى المنتدى
انا شخصيا لما بشوف اوردر قدامي بدخلوا الاول وبعدين ببدا احدد الستوب والهدف فدخلت اوردر على الاسترالي كسر خط الصفر
بس جيت احط ستوبه المفروض كان يبقا على الاقل تحت فيبو 61 لقيت ان الستوب عامل 120 نقطة وده طبعا مينفعش مع ادارة راس المال خالص
روحت قافل الاوردر تاني على +2 عشان الستوب كبير وروحت شوفت اوردر على زوج تاني وبعدها الاوردر وصل لهدفه بس لازم الالتزام وعدم الطمع حتى لو الاوردر واضح قدامنا بس ستوبه حيبقا كبير يبقا مشعايزينه وشخصيا ستوبي بيبقا بالكتير 70 نقطة اى اوردر قدامي حيبقا اكتر من كدة يبقا اوردر ملغي

[Mo3Ty]

استراتجية جميلة بكل انواع الجمال شكلها الملون عروسة الشارت وقوتها وبساطتها

مبروك عليكم جميعا

بارك الله فيك اخي المحترم جلال

[foreeex]

ايوة بالظبط يا باشا الكتاب الاول للطريقة الاصلية
وبالنسبة لطريقة القناة الثالثة فحسين باشا لسة مظبطنا وعاملنا ملخص ليها
اتفضل
https://forum.arabictrader.com/attac...caee-auoi.docx

اقرا وابدا طبق وحطلنا الفرص الى بتشوفها عشان اقدر اعرف نقطة ضعفك واصحههالك

متشكر يا باشا
تمام هقرا الشرح ده و اوك هشارككم ببعض الشارتات ان شاء الله بس اقراه كويس

[Dr_3abkarino]

ياعماد وياريم
السبب واضح جداااااااا
انتم للاسف واضح انكم بداتم تهتموا بالفيبو وتنسوا القنوات
ياشباب قولت مليون مرة ان الطريقة مترابطة مع بعض وان الطريق لازم يكون سالك قدام السعر
دلوقتي السعر كسر زى ما قولتم فيبو الشرائئ 61 طيب مشقدامه حد القناة الثالثة وحتى ده قافل تحتيها يبقا لازم يكسره القناة الثالثة
بالعكس ده القناة الثالثة المحترمة قالت كلمتها ان مفيش شرء لان السعر قفل تحتيها

ارجوكم اربطوا كل شئ ببعضوا ومتهتموش بمؤشر اكثر من الثاني

بس يا معطى ده خط الوسط للقناه الثالثة مش حد اعلى ولا اسفل
ولا احنا بنعامل الخط الاوسط فى القناه زى الخطين الاعلى والاسفل؟؟
وفعلا كمان كان نموذج رجل مشنوق زى ما ريــم قالت بس انا كالعادة متهور فى الدخول
مستنى تعليقك يا معطى

الكلية بدأت يا معطى