القناة الثالثة لاستراتيجية خبرتي

[Mo3Ty]

اهلا بيك اخى الكريم .. حاضر بأذن الله هشرحها ببساطة جدا بس فية نقطة مهمة اوى انى بستخدم التبريد واحيانا التعزيز فى الاهداف البعيدة شوية ولا استخدم الاستوب ودية مشكلة لبعض المتاجرين خصوصا الانتراداى بيفضلوا استخدامة وعشان كدة انا مبنزلش بفرص كتير منعا للتشتيت لانى ملاحظ ان معظم المتابعين فى هذا الموضوع بيفضلوا الاستوب ودة مناسب مع طريقة الرائع معطى .. على العموم هشرح اسلوبى تانى وبطريقة اسهل باذن الله واتمنى من الله الافادة ودة الهدف اصلا من الموضوع تحياتى ليك.

ربنا يخليك انت الى رائع ياكبير
ومعلش بعد اذنك اشرح طريقتك مرة اخرى حتى لو فى اجازة الاسبوع
لان زى ما انت شايف معانا ناس جديدة محترمة كثيرة وعايزين نفيدها على قد ما نقدر ونكسب ثوابهم
خاصة ان طريقتك تعزيز وانا ستوب وليس الكل يعمل بالستوب وممكن ناس كتيرة تفضل طريقتك فى التعزيز
وربنا يكرمك ياعمرو والله لانك راجل محترم جداااااااااااااااااااااااااااااااااااااااااااااااا

[Mo3Ty]

أخي عمرو
جزاك الله خيرا
أنا أريد أتعلم الطريقتين بحيث لو هناك صفقه سوف أتركها وأضع ستوب أو أتابعها وأستخدم التبريد والهدج
أنا تعجبني الطريقتين ومتابعكو منذ فتره وبارك الله فيك أنت و أخونا معطي و ربنا يكتر من أمثالكو ‏

شكرا لدعائك يادكتور
والله ده الى محتاجينوا منكم

تقبل وافر التحية,,,,,,,,,,,,,,

[Dr_3abkarino]

ربنا يخليك لينا يارب
إيه رأيك فى بكره بيكون فى دخول ولا لإ بإعتباره إغلاق شهرى ؟
وشكراا

وهل فى مستويا اخرى العب عليها كسر وارتداد غير ال38 ول61 ؟
وشكر جزيلا
آسف على كتر الاسئلة

[amr eltabei]

تمام اخى فى انتظار شرحك لطريقة التعامل مع نسب الفيبو
ربنا يوفقك يارب

ماشى يا عماد دقائق وهنزلك حالات الباوند من وجهة نظرى على فريم الديلى والاربع ساعات لتوضيح الرؤية على القنوات والفيبوناتشى فقط .. بس معلش الجهاز عندى خربان شوية شكلى اتشكيت فيرس ومغلبنى شوية بقالة فترة لكن بعون الله بكرة هفرمة كلة واعيد تظبيطة من جديد من زمان وانا عاوز اعمل الكلام دة استحملنى شوية غصب عنى والله.

[Mo3Ty]

انا عايز اعرف ايه الغلط فى الصفقة دبه
علشان النوع ده من الفرص كل ما يبان ادخل عليه ويضرب استوب
وبرده بدخل لما تظهر تانى

مستنى تعليكم على وجه السرعة

الى فهممتوا منك انك بتدخل لما السعر يكسر القناة ويبقا تحت فيبو 38 صح كدة؟
عامة لو هو ده قصدك فطبعا الاوردر سليم مليون فى المائة بس نفسي تبطل شغل بليل لانه غالبا لا يحترم التحليل وبيبقا فيه لعب
عامة لو انت دخلت بيع دلوقتي من النقطة الى قولت عليها فانا شايف ان ده اوردر فائق القوة والاحترام وهو اوردر بيع وبقوة ولو ضرب ستوبك
يبقا انت للاسف تاني كررت وضعك للاستوب بخطا
ياعماد مش انا قولت
عندنا 2 فيبو 38و 61لو دخلنا من واحد يبقا ستوب عند التاني
يعني دلوقتي انت دخلت بيع من فيبو 38 يبقا ستوبك فوق فيبو 61 مع مراعاة القنوات يعني حنلاقي عند فيبو 61 القناة الثالثة يبقا نطلع الستوب كمان شوية فوق القناة الثالثة الى فوق فيبو 61
عامة متقلقش انا حفضل وراك لغاية ما اظبطلك قصة الستوب والفيبو بس حاول متشتغلش فى الفترة الاسيوية لو سمحت

[Mo3Ty]

ربنا يخليك لينا يارب
إيه رأيك فى بكره بيكون فى دخول ولا لإ بإعتباره إغلاق شهرى ؟
وشكراا

وهل فى مستويا اخرى العب عليها كسر وارتداد غير ال38 ول61 ؟
وشكر جزيلا
آسف على كتر الاسئلة

اسال براحتك ياعماد فاسالتك بتفيد بقية الاخوة هنا ياقمر

38 و61 اهم خطين فى الكسر والارتداد
اما بقية الفيبوهات بتبقا مهمة فى حالة واحدة فقط لو مثلا السعر كسر قناة وقدامه فيبو 23 مثلا يبقا لازم هنا ننتظر كمان كسر فيبو 23 او 50 او 76

بالنسبة لعدم الدخول لان هناك اغلاق شهري انسى الكلام ده خالص ولا يفرق معانا خاصة اننا شغالين بستوب فحتى لو اتهبل السوق حيضربلنا الستوب وخلاص
وفى حوار انا فاكره كان دار بين دكتور جمال واحد الاعضاء ساله نفس سؤالك ده وكان رده عليه كالاتي كما افتكر:
دلوقتي لو قولنا ان الافتتاح الاسبوعى فيه لعب وان الاغلاق الاسبوعى فيه لعب كدة يبقا مشحندخل يومين فى الاسبوع والاسبوع فيه اصلا 5 ايام
ولو قولنا الافتتاح الشهري فيه لعب والاغلاق الشهري فيه لعب يبقا كمان مشحندخل يومين فى الشهر
ولو قولنا الافتتاح الستوي والاغلاق السنوي فيهم لعب يبقا مشحندخل كمان يومين فى السنة
ولو قولنا ان الاخبار تاثيرها قوي وفيه لعب
يبقا كدة مشحنشتغل فوركس خالص هههههههههه

ادخل عادي ياعماد بس رجاء حط ستوبك وهدفك صح وسيب الباقي على ربنا

[Dr_3abkarino]

طيب ديه فرصة موجودة مش عارف صح ولا غلط على الكيبل شراء
السبب: السعر ارتد من اسفل القناه ومن فيبو 38
بس مش عارف شايف طرف الشمعة كسر القناه لاسفل ؟؟!!

ربنا يعينك على الناس المزعجة (اللى زىى طبعا)

[amr eltabei]

الباوند

الاربع ساعات

وجهة نظرى والله تعالى اعلى واعلم

[dentist_hussein]

شكرا لدعائك يادكتور
والله ده الى محتاجينوا منكم

تقبل وافر التحية,,,,,,,,,,,,,,

والله يا أخي هذا أقل شئ لما تقدمه من علم أنت والأخ عمر أيضا
جعل الله هذا في ميزان حسناتكم وجعل علمكم صدقه جاريه متقبله بإذن الله
أنا أتابع معكم وأقرأ ماتفضلت به من روابط للشرح وبإذن الله أشارك بفرص قريبا للتصحيح
وجزاكم الله خيرا ‏

[Dr_3abkarino]

الباوند

الاربع ساعات

وجهة نظرى والله تعالى اعلى واعلم

شرح ممتاز اخى
بس انا فهمت معلومة
لو السعر اعلى buy level لا افكر الا فى الشراء
ولو السعر اسفل الsell level لا افكر الا فى البيع
صح ؟
طيب ولو السعر بينهم ؟
اشكرك جدا على الشرح الرائع

[Eng.Shady]

بسم الله ما شاء الله شرح اكثر من رائع وممتاز

جعله الله فى ميزان حسناتك يا استاذ معطى

[Mo3Ty]

طيب ديه فرصة موجودة مش عارف صح ولا غلط على الكيبل شراء
السبب: السعر ارتد من اسفل القناه ومن فيبو 38
بس مش عارف شايف طرف الشمعة كسر القناه لاسفل ؟؟!!

ربنا يعينك على الناس المزعجة (اللى زىى طبعا)

للاسف انت غلط
الكيبل للبيع وبقوة وواضح جدا يا عبقر وشخصيا دخلته بيع بهدف 5577 بس مقدرتش انزل الفرصة عشان معنديش وقت والله اتابع معاكم لايف الفرص لغاية ما ارجع من السفر حتابع لايف تاني معاكم

وشكلك كدة محتاج مقابلة لوحدك عشان اظبطلك دماغك لان انا شرحتلك نفس الكلام وبعيده كل مرة هو هو
الشراء امتى: فى حالة كسر فيبو 61 الشرائئ هل هو كسر قدامك فيبو 61 لا مكسر
البيع امتى : فى حالة فيبو 38 البيعي هل هو كسر قدامك فيبو 38 البيع اه كسروا فى تاني شمعة فى اليوم وكسر كمان القناة ودلوقتي عمل اختبار لموفنج 62 سيمبل وقفل تحته يبقا بيع رسمي نظمي فهمي

لو مشفاهم قصدي قولي تاني وحفضل معاك لغاية ما تفهم ولو كدة لما ارجع من السفر نظبط يوم نتقابل حتى فى الكلية احاول اثبتلك الدنيا شوية

[Mo3Ty]

الباوند

الاربع ساعات

وجهة نظرى والله تعالى اعلى واعلم

تمام ياكبير والله
عامة انا اخد الكيبل بيع واضح على الساعة بهدف 5577 حوالى 35 نقطة
واعتقد انه على الاقل لو حيطلع يبقا حينزل يعمل اعادة اختبار مع اني زى ما انت عارف لا اعمل على فريم 4 ساعات وديلي اعمل على الساعة فقط
وكمان واضح على شارت 4 ساعات المرفق سلوك سعري بيعي قوي جدا فلسة البيع متاح ولا يوجد شئ يدل على الشراء
وده وجهة نظري الشخصية ياكبير

[Mo3Ty]

والله يا أخي هذا أقل شئ لما تقدمه من علم أنت والأخ عمر أيضا
جعل الله هذا في ميزان حسناتكم وجعل علمكم صدقه جاريه متقبله بإذن الله
أنا أتابع معكم وأقرأ ماتفضلت به من روابط للشرح وبإذن الله أشارك بفرص قريبا للتصحيح
وجزاكم الله خيرا ‏

بارك الله فيك اخي الكريم

[Dr_3abkarino]

الصورة مشظاهرة للاسف
بس لللاسف انت غلط
الكيبل للبيع وبقوة وواضح جدا يا عبقر وشخصيا دخلته بيع بهدف 5577 بس مقدرتش انزل الفرصة عشان معنديش وقت والله اتابع معاكم لايف الفرص

وشكلك كدة محتاج مقابلة لوحدك عشان اظبطلك دماغك لان انا شرحتلك نفس الكلام وبعيده كل مرة هو هو
الشراء امتى: فى حالة كسر فيبو 61 الشرائئ هل هو كسر قدامك فيبو 61 لا مكسر
البيع امتى : فى حالة فيبو 38 البيعي هل هو كسر قدامك فيبو 38 البيع اه كسروا فى تاني شمعة فى اليوم وكسر كمان القناة ودلوقتي عمل اختبار لموفنج 62 سيمبل وقفل تحته يبقا بيع رسمي نظمي فهمي

لو مشفاهم قصدي قولي تاني وحفضل معاك لغاية ما تفهم ولو كدة لما ارجع من السفر نظبط يوم نتقابل حتى فى الكلية احاول اثبتلك الدنيا شوية

والله لو قابلتنى يوم فى الكلية تبقى عملت معايا واجب ملهوش حل فعلا
عموما ترجع بس بالسلامة الاول وانا اهو بحاول الجمع الصورة شوية عندى
ربنا يوفقك ويوفقنا جميعا