القناة الثالثة لاستراتيجية خبرتي

**Mo3Ty** · 27-09-2011, 01:51 PM

المشاركة الأصلية كتبت بواسطة الزيرو

حبيب قلبي يا معطي ..
موجود والله بس كنت مشغول شوية الفترة الماضية ..

الآن نعود للمتابعة ...

بالتوفيق للجميع .

ولا يهمك ياخالد وحمد الله على السلامة

**Mo3Ty** · 27-09-2011, 01:59 PM

المشاركة الأصلية كتبت بواسطة Lo®d

السلام عليكم

أنا كنت قرأت استراتيجية خبرتى وضاربت بيها

بس طبعا الحساب اتصفر لسببين انى ملتزمتش باداره راس المال

والسبب التانى انى كنت حاسس ان هيا غامضة من ناحية الخروج من الصفقات

فلو تكرمت تقولى اخر ما خلصتم اليه بعد اضافة القناة الثاثة وكمان أهم الأشكال وتوقعاتها

ولو عندك ملف انت مقتنع انه اهم ما فى استراتيجية خبرتى ياريت ترفقه

اسف لو تقلت عليك

منور الموضوع يا لورد والله
في رايي الشخصي طريقة خبرتي كما نزلها دكتور جمال هى ممتازة جدا لكن اذا الترمت بما قاله دكتور جمال حرفيا وهو العمل على الكيبل فقط + تعزيز
اما عن نفس الى خلاني ادور على تطويرات اني مبقدرش اشتغل بالتعزيز ومشمقتنع بالتعزيز فى الفوركس وشغلي كله بالستوب
بالنسبة لطريقة خبرتي نفسها فانا عامل كتاب صغير متهيالي 8 صفحات حتلاقي فيه ملخص اهم الحالات

بالنسبة للطريقة هنا ده اهم مشاركات حتلاقي فيها شرح للطريقة فيها

طريقة العمل
https://forum.arabictrader.com/t1255...ml#post2177422

طريقة الدخول الامن

https://forum.arabictrader.com/t1255...ml#post2158071

تحليل مهم

https://forum.arabictrader.com/t1255...ml#post2191126

طريقة العمل
https://forum.arabictrader.com/t1255...ml#post2177422

حاول تقراهم كويس واى استفسار انا معاك
وهى الطريقة محتاجة بس منك متابعة وهدوء اعصاب بقوة لاختيار افضل الفرص وده حتيجي بالخبرة ومع الوقت بس حاول تنزل اى فرصة انت شاكك فيها هنا
عشان اقدر اصلحلك الخطا فين والصح فين لغاية ما تقدر تهضم الطريقة

تقبل تحياتي

**Lo®d** · 27-09-2011, 02:00 PM

شكرا يا كبير وان شاء الله هقرأ وارجعلك

**Mo3Ty** · 27-09-2011, 02:00 PM

المشاركة الأصلية كتبت بواسطة Lo®d

اعتقد كمان لو القينا نظره على مؤشر استاذنا جمال بسيس

هيوضح كتير من الالغام الموجودة عالشارت

جربته بالفعل لاني اشتغلت بالطريقة ده لفترة ولكن لقيت المؤشر مشحيضيف جديد فخطوط الفيبو عاملة احلى واجب بالفعل
ولا اقلل من قيمة مؤشر جمال بسيس بالعكس الطريقة فعلا قوية ومميزة ولكن مشحتنفع كاضافة للطريقة

**Mo3Ty** · 27-09-2011, 02:01 PM

المشاركة الأصلية كتبت بواسطة Lo®d

____________________________

وانا اقدر مردش عليك يالورد
تم الرد عليك فى المشاركتين السابقتين
واى استفسار انا معاك ياباشا

**Mo3Ty** · 27-09-2011, 02:06 PM

المشاركة الأصلية كتبت بواسطة reem85

شكرا اخي على التوضيح بس اليوم لسه ما في اي فرصه ولو صارت فرصه ان شاء الله اذكرها بالموضوع واتمنى يكون في نقاش بالفرص حتى نستفاد اكثر

فعلا ياريم الله ينور عليك مفيش فرص واضحة النهاردة حتى الان
واكيد اهم حاجة النقاش فى الفرص عشان كلنا نزيد خبرة مع بعض
واعتقد انك كنتي سالتني على فائدة الموفنج بس انا نسيت متهيالي ارد
الموفنج 200 و100 انا شايلهم من زمان وحتلاقي كل الفرص بنزلها مفهاش موفنج خلاص لاني لاحظت انهم مشحيضيفوا جديد
انا بس فى الكيبل والاسترالي بجرب موفنج 62 سيمبل الان لاني لاحظت ان السعر بيحترمهم
ولكنه تحت التجربة لسة اول ما اتاكد منه انه حيضيفلنا جديد حقولكم عليه

**Mo3Ty** · 27-09-2011, 02:07 PM

الكيبل اجن وجرى لفوق
دخول شراء كيبل الان
التحليل المشاركة القادمة

تنبيه هذه ليست توصية وكل شخص مسؤل عن حسابه

**reem85** · 27-09-2011, 02:09 PM

الباوند غلق داخل القناة وفوق 100 فرصه للنقاش

**Mo3Ty** · 27-09-2011, 02:18 PM

السلام عليكم
توكلنا على الله الكيبل للشراء

الدخول: 1.5571 ( سلوك سعري بشمعة صاعدة قوية + الترند العام شراء+ ارتداد من فيبو 61 الشرائئ+ الشمعة السابقة اغلقت داخل القنوات+ ارتداد الشمعة الحالية من القناة الثالثة + كسر خط الصفر لاعلى)

الهدف: 1.5614 ( بين فيبو 123 وفيبو 138)

الستوب: 1.5509 ( اسفل فيبو 61 الشرائئ+ القناة الثالثة)
لو تم ضرب الستوب لقدر الله والاغلاق اسفل فيبو 61 والقناة الثالثةيتم الدخول بيع بعقد مضاعف

تنبيه هذه ليست توصية وكل شخص مسؤول عن حسابه

بالتوفيق ان شاء الله

**Mo3Ty** · 27-09-2011, 02:22 PM

المشاركة الأصلية كتبت بواسطة reem85

الباوند غلق داخل القناة وفوق 100 فرصه للنقاش

بالظبط ياريم الله ينور عليكي وده بعض اسبابي كمان للدخول

**Mo3Ty** · 27-09-2011, 02:22 PM

انا محتاج منكم ياشباب تعليقاتكم على الاوردر هل هو صحيح ولا غلط فى رايكم انتم من حيث الطريقة
وهل مكان الستوب صحيح ام لا ومكان الهدف ايضا
لان اهم شئ واصعب شئ فى الفوركس تحديد الستوب والهدف المظبوط
وبكدة واحدة واحدة حقدر اخليكم تفهموا الطريقة فى خلال اسبوع فقط
بس لازم تتعبوا وتشاركوا وتسالوا عشان المعلومات تثبت معاكم

تقبلوا تحياتي

**reem85** · 27-09-2011, 02:28 PM

في عندي استفسار على الهدف ليش بين فيبو 123 و138 انا كنت حددته لل123

**digiaimano** · 27-09-2011, 02:33 PM

هل توجد فرصة لبيع usd \cad

**Mo3Ty** · 27-09-2011, 02:36 PM

المشاركة الأصلية كتبت بواسطة reem85

في عندي استفسار على الهدف ليش بين فيبو 123 و138 انا كنت حددته لل123

هو فعلا الاضمن يكون تحت فيبو 123 ب 3 نقط
بس شخصيا انا شايف ان الاوردر قوي جدا وممكن يوصل لاعلى كمان لان اسباب الدخول قوية جدا يا ريم ومصحوب بسلوك سعري + مع اتجاه الترد السببن دول بزات بيخلوني ازود الهدف اكتر
فانا لما بلاقي اسباب الدخول قوية بزود الهدف شوية بحيث انه ممكن يضرب حتى لو بظل شمعة
وانا كنت شارح قبل كدة فى الهدف والستوب ان احنا نعمل حساب ظل الشموع انها تضرب هدفنا

وان شاء الله يحقق اهدافنا

**Mo3Ty** · 27-09-2011, 02:39 PM

المشاركة الأصلية كتبت بواسطة digiaimano

هل توجد فرصة لبيع usd \cad

اهلا بيك يا digiaimano معانا
فعلا زى ما شرحت لعبقر من شوية حنتابع الكندي لان احتمال الدخول عليه قوية باذن الله
بس الشمعة السابقة اغلقت داخل القناة فلا دخول طبعا
فلازم ننتظر اغلاق الشمعة تحت فيبو -23 ده وان شاء الله متجريش مننا ونلحقها من اولها ياباشا

الموضوع: القناة الثالثة لاستراتيجية خبرتي

أدوات الموضوع

الاوسمة لهذا الموضوع

عروض شركات الفوركس