رد: ... خبرتى ...
الحمد لله رب العالمين
هذا من فضل الله
انا كنت عارف قبل مافتح الموضوع انه هايلاقى اقبال من ناس كتير
بس بمنتهى الصراحة انا ماكنتش متخيل كده
فات 10 ايام فقط من بداية الموضوع حتى الان واللى حصل كالاتى
عدد المشاركات حوالى 1300 مشاركة
عدد المشاهدات يفوق ال 43 الف مشاهدة
فى ال 1300 مشاركة مافيش ولا هجوم واحد (وده انا ماكنتش متخيله)
الناس فهمت الطريقة وبقت شغالة بيها وبتكسب بقالها كذا يوم (وكل ده خلال 10 ايام)
عرفت من صديق لى (من هنا فى المنتدى) انه من كتر ماهو مبسوط من الاستراتيجية دى سافر لصديقه فى الاسكندرية عشان يشرحهاله، بس لقاه قرأها وشغال بيها كمان ههههههه بس مش بيشارك معنا (وممكن يكون بيقرا المشاركة دى الوقتى وانا باحييه)
ومهندس كنت اديته كورس فى الفوركس من فترة طويلة، لقيته بيتصل بى وبيقولى هو انت اللى عامل الموضوع اللى فى المنتدى ده؟ هههههه
والله فرحت جدا بكل ده
فاذن هناك كمان ناس غير اللى بتشارك غيرت استراتيجياتها واسلوب شغلها لهذه الاستراتيجية (وده من فضل الله عز وجل)
فعاوزين يكون الموضوع يليق بهذا الكمّ الهائل من المتابعين
فتيسيرا عليهم وعلينا، وحتى لا يتوه او يضيع القارىء بين الصفحات (واحد زى مصطفى اللى هو متابع جيد للموضوع من اوله بيسأل اذا كنت شرحت الاستراتيجية التانية ولا لا، واحنا شغالين عليها بقالنا يومين) طبعا ده دليل ان الصفحات بتجرى بمنتهى السرعة
دى حاجة تفرح، بس فى نفس الوقت تشتيت للاخوان، ومضيعة للمشاركات المهمة، حتى ان استراتيجية كاملة بالشرح والمؤشرات والتعليقات تتوه فى وسط الزحام!!!
فأرجو يا اخوانى الاتى
ان اللى يشارك يبقى بسؤال غير مفهوم عن الاستراتيجية او اسلوب العمل (مع انى اظن ان كل شىء واضح جدا وسهل وخاصة بعد الكتاب بتاع الاخت دروم)
واذا امكن حتى يكون للموضوع رونقه، ان يُكتب الاستفسار او السؤال باللون الاسود، وسيكون الجواب باللون الاخضر حتى يكون واضح للقارىء ومنظّم
والشرح كما تعودنا باللون الازرق، وسيتم وضع الفرص النهائية باللون الاحمر للفت الانتباه
وعلى قدر الامكان يكون الموضوع قاصرا على الاسئلة والمشاركات الفعّالة، وعلى الشرح (مع ان مش فاضل كتير)، وعلى الورشة التى ستتفعّل قريبا وتنزيل الفرص الجيدة ليستفيد منها كل الاخوان
وطبعا ده لايمنع من بعض المشاركات اللطيفة من الاخوة
ولكن نرجو ان لا يتحول الموضوع الى شات ههههه
بمعنى واحد قال تعليق لذيذ والتانى رد عليه بتعليق ألذ، والقارىء يقلب صفحات وصفحات حتى يصل لمعلومة مفيدة
ومن الممكن ان تضيع المعلومة منه خلال التقليب، او يزهق ويسيب الموضوع بحثا عن الفائدة (اللى هى موجودة هنا) فى مكان اخر
فهل هذا ما نبغيه؟؟
واذا كان هناك من يحاول التشتيت عامدا، نحاول ايقافه بالتزامنا نحن
فأرجو الالتزام قدر الامكان، واشكر كل من التزم من امس بعد الكتابة
نيجى بقى للمهم
وده هايكون فى المشاركة القادمة
.....
