قصدك هذه المشاركة اخي hmy ؟اقتباس:
المشاركة الأصلية كتبت بواسطة Abu Yaser
الاختلاف يا كى مش على الدخول من كسر التانية
عمرى (انا شخصيا) ماقلت حاجة زى كده من اصول الاستراتيجية
بل العكس
انا قلت ان حد القناة التانية يكون هو التارجت او 80% منه لو كانت بعيدة
الحالة الوحيييييدة اللى بندخل فيها مع كسر التانية ان القناتين يكونوا متطابقتين
فأساسا لو كسر واحدة هو كسر التانية طبيعى
وقلنا فى الحالة دى السعر بيطير
انما عرى ما قلت اننا ندخل عند كسر الاولى وناخد تارجت وبعدين ندخل عند كسر التانية
وانا مسئول فقططط عن اللى انا باقوله
نيجى بقى لموضوع الشرا اللى جنن الناس
هل نشترى ولا لا
هل الشرا من اصول الاستراتيجية
قفلت الشمعة جوة
اصلها ابتلاع ولا بتاع
فى الاخر
خلينا نقول ان الشرا مش من الاستراتيجية وكل اللى اشتروا وكسبوا غلط فى غلط
انما هل الاستراتيجية بتقول بيييييع؟؟؟؟؟؟
لو هاتنفذ الاستراتيجية بحذافيرها (مع انى ماعرفش يعنى ايه حذافير)
يبقى هاناخد مكسبنا من البيع 10 على 10
وننتظر خارج السوق الى ان تتم شروط الرينج وناخد كمان 50 نقطة زى الفل
بمجموع 50+35=85 نقطة دة لو انت دخلت مع الشمعة الطويلة مش مع شمعة الكسر وتاخد زيادة 30 ولا حتى دخلت فى كل الطلوع ده
وملتزم التزااام تاااام
فهل الناس مش عاجبها +85 نقطة فى يوم؟؟؟
احسبها اذا كده كل يوم انت ممكن تضاعف راس مالك كل شهر وانت بدون اى مخاطرة
اذا الناس تحب اكتر ممكن يلاقوا فى مواضيع تانية غير هنا
طبعا انا لو حلفت 100 يمين و300 شمال للناس اللى بيكذبوا وبيقولوا بعد الحدث ماحدش هايصدقنى
انما مش مهم :)
وصفقات امبارح تشهد
ان انا راسم الترند ده من امبارح والسعر راح لحد عنده، مش انتظرت لما السعر طار ورسمته
والله على ما اقول شهيد
زى ماعندكم فى الصورة على ال 4 ساعات
السعر كسر ترند هابط قوى وراح جاب التارجت بتاعه
فيه ايه بس؟؟؟؟
اللى يقول ده سحر واللى حظ واللى اخبار و و و
حاجة مزعجة ومشتتة
اشتغل بمزااااج
ومش لازم تعصر السوق
ولو تريدة فاتتك ماتدخلش وخلاص
كل اللى انا باقوله ده معاد
واتقال قبل كده كتيييير
ولكن....
يارب يكون فيه حد استفاد من اللى انا قلته ده
والله اعتقد انه اكثر استفادة من انى اقولك تريدة وتكسب وخلاص
ده سلوك تمشى بيه طول عمرك
اعتقد انى هانضم تانى لصفوف المتابعين
الجو كده مش حلو
مش صافى ولا رايق
معلش والله انا آسف
بس هاقرا كل المشاركات كالعادة
اشوفكم على خير
أخوكم
د/ جمال ممدوح
