... خبرتى ...

السلام عليكم

اليورو استرليني

تجاوز الرنج اليومي وسلوك السعر هبوط بتكون شمعة فولنق اوف ذا روف

والله اعلم

الملف المرفق 265546

اقتباس:

---

المشاركة الأصلية كتبت بواسطة Abu Yaser

انا قريت كل الردود اللى حصلت وانا نايم
وبجد مش عارف اقول ايه
الناس تحتاج لوقفة مع نفسها فى موضوع التسرّع ده
وياريت تستنوا للأجازة وتقروا الموضوع من أوله
انا عارف انه كتير، بس ممكن تعمل لنفسك ملخّص عشان ماتنساش النقط اللى اتكلمنا عليها

أولا اليوم ده انا قلته قبل كده
الاحمر رفيع وباصص لتحت والأزرق اقل ميلا منه
وقلنا ان السعر بعد ما بيخترق الاحمر (وبيكون اختراق ضعيف) بينزل يعمل كذا اعادة اختبار وبيكون متذبذب بين الاحمر (الحد العلوى) وبين الازرق (الحد السفلى) لحد لما الناس تيأس من الطلوع فيطلع بقوة
والله الكلام ده اتقال سابقا وراجعوا الشرح فى الموضوع

وكمان لما لقيت بالصدفة مشاركة الأخ سفاح قبل ما انام مباشرة انه هايشترى قلت له (لا) لسه شوية
دى حاجة

والحاجة التانية
انا عارف ان الحمد لله الناس ابتدت تاخد ثقة فى الطريقة تماما
ولكن مش لدرجة انها تدخل فى كذا صفقة على كذا عملة فى نفس الوقت
الا اذا كانت مراعية انها تقسم عدد العقود المبدئى على عدد الصفقات (واللى عن نفسى لا اعتقد انها بتعمل كده)
بل بتدخل بعقد لكل 2500 فى كل عملة
ده اذا دخلت بعقد لكل 2500 اساسا
فانا اعتقد ان الناس بتدخل بأكتر من ده فى العملة الواحدة وعلى كذا عملة فى نفس الوقت
وده هايخلى فيه ضغط عصبى شديد والناس هاتتصرف غلط
وكمان مش هاتقدر تعزز بحرية ومن اماكن صح

عموما انا عاوز الاجازة (اللى هى بعد بكرة) الناس تقف وقفة جدية مع نفسها
عشان كذا واحد كلمنى على الشات وعلى التليفون وقالولى انهم بيتسرعوا وانهم مش مراعين لادارة راس المال خااااالص
وكل ده تبريرهم كان (عشان الطريقة حلوة وبتكسب)
والله والله والله انا نفسى ما بادخل فيها كده
انا بادخل بمنتهى الحذر
فلو كان هناك واحد متمكن او واثق فيها فمن باب اولى يكون اللى عاملها، ومع ذلك ما ادخل ابدا الا بمراعاة راس المال وادارة صارمة
فمهما كانت الفرصة رااااااااائعة لا أدخل الا بعقد صغييييير لكل 2500
ولو دخلت بالعقد المينى كله فى عملة واحدة مش ممكن ادخل عملة تانية فى نفس الوقت ابدا

فيا ريت نستغل الاجازة ونقرا تانى حالات القنوات اللى شرحتها
ونراجع نفسنا فى التسرع
ونمسك ايدينا فى عدد العقود اللى بنفتحها
ولو دخلنا بعقود قليلة وكسبنا ما تزعلش وتقول انك لوك كنت دخلت باكتر كان الربح زاد
بل احمد ربنا على انك كسبت
ومع الوقت هايزيد راس مالك فهاتزيد عدد العقود تلقائى (مع الحفاظ على نفس نسبة الدخول)

عموما ربنا ييسر الحال والناس تلتزم وتعرف تكسب
التحكّم فى النفس اصعب بكتيييير من ايجاد طريقة ناجحة ومربحة

وانا باتكلم من كل قلبى عشان افادة الناس وربنا يشهد
ومش عاوز حد يزعل منى على الكلام ده

اخوكم
جمال ممدوح

---

رغم انى متابع من بعيد بقالى كام يوم لانى اغلب الوقت مش قادر اتابع السوق بطريقتك
بس بجد
مشاركه من دهب

ارفعلك القبعه
و مع الاسف الحاجت دى الى بتحول الدهب لتراب ( اسالنى انا )
يعنى لو معاك
طريقه عبقريه زى دى
التسرع و الطمع بيضيعو كللللللللل حاجه

و شكرا تانى يا د \ جمال
و اتنمنى الناس تاخد بالكلام ده

ربنا يبارك فيك يادكتور

انا عن نفسي لاادخل في صفقتين الا نادرا اليوم لم ادخل الملكي الا بعد ماخرجت من الباوند الصباح بمكسب ولحمدلله

وكله مراعاة للكلام اللي تعلمناه منك وهو الادارة المالية السليمه

الان ركبنا معاك رحلة الباوند وربنا يكتب اللي فيه الخير للجميع

اقتباس:

---

المشاركة الأصلية كتبت بواسطة اخوكم في الله

كلام سليم يا دكتور يجب الناس تتانى في الدخول وتلتزم بادارة راس المال مهما كانت الفرصة قوية
_________________
سؤال ايه هدفكم في الباوند دولار

---

عن نفسى حاطط هدف اول 1.6220
وربنا ييسر الحال باذن الله لما يطلع لها نبقى نشوف
انما ممكن الهدف التانى عند 1.6260
ويارب يمشى يجيب الرينج بتاع اليوم صعود كله عشان حتى الناس اللى شارياه من فوق شوية تكسب كويس ههههه

اقتباس:

---

المشاركة الأصلية كتبت بواسطة مصطفى خالد

رغم انى متابع من بعيد بقالى كام يوم لانى اغلب الوقت مش قادر اتابع السوق بطريقتك
بس بجد
مشاركه من دهب

ارفعلك القبعه
و مع الاسف الحاجت دى الى بتحول الدهب لتراب ( اسالنى انا )
يعنى لو معاك
طريقه عبقريه زى دى
التسرع و الطمع بيضيعو كللللللللل حاجه

و شكرا تانى يا د \ جمال
و اتنمنى الناس تاخد بالكلام ده

---

اقتباس:

---

المشاركة الأصلية كتبت بواسطة k-m

ربنا يبارك فيك يادكتور

انا عن نفسي لاادخل في صفقتين الا نادرا اليوم لم ادخل الملكي الا بعد ماخرجت من الباوند الصباح بمكسب ولحمدلله

وكله مراعاة للكلام اللي تعلمناه منك وهو الادارة المالية السليمه

الان ركبنا معاك رحلة الباوند وربنا يكتب اللي فيه الخير للجميع

---

طب الحمد لله ان فيه ناس ملتزمة
ويارب الناس كلها تبقى ملتزمة مع نفسها ، وعلى فكرة وعن تجربة شخصية ومن غير ماحلف
لو طبقت ده على الشارت وقدرت تمسك وتتحكم فى نفسك من عدم تسرع والتزام وصبر على المكسب
بجددددددد هاينطبع عليك ده فى حياتك اليومية وهاتلاقى ثماره فى كل حاجة مش الفوركس بس
ده عن تجربة شخصية
الحاجة اللى نفسك فيها وكنت بتجرى عليها وكنت تلهث وراها
بالصبر والحكمة هاتيجى لحد عندك (هى الدنيا كلها كده)
ومش هاتصدقوا الا لما تجربوا بنفسكم

اقتباس:

---

المشاركة الأصلية كتبت بواسطة Abu Yaser

عن نفسى حاطط هدف اول 1.6220
وربنا ييسر الحال باذن الله لما يطلع لها نبقى نشوف
انما ممكن الهدف التانى عند 1.6260
ويارب يمشى يجيب الرينج بتاع اليوم صعود كله عشان حتى الناس اللى شارياه من فوق شوية تكسب كويس ههههه

---

ان شاء الله خير
وتساهم الاخبار على الدولار في صعود الباوند

اقتباس:

---

المشاركة الأصلية كتبت بواسطة Abu Yaser

طب الحمد لله ان فيه ناس ملتزمة
ويارب الناس كلها تبقى ملتزمة مع نفسها ، وعلى فكرة وعن تجربة شخصية ومن غير ماحلف
لو طبقت ده على الشارت وقدرت تمسك وتتحكم فى نفسك من عدم تسرع والتزام وصبر على المكسب
بجددددددد هاينطبع عليك ده فى حياتك اليومية وهاتلاقى ثماره فى كل حاجة مش الفوركس بس
ده عن تجربة شخصية
الحاجة اللى نفسك فيها وكنت بتجرى عليها وكنت تلهث وراها
بالصبر والحكمة هاتيجى لحد عندك (هى الدنيا كلها كده)
ومش هاتصدقوا الا لما تجربوا بنفسكم

---

:)
اه انا عايز حقنه عدم تسرع و حبايه التزام بالطريقه
انت جبتهم من انهى صيديله يا د- جمال؟؟
العزبى و لا يوسف :P

اقتباس:

---

المشاركة الأصلية كتبت بواسطة Abu Yaser

الحاجة اللى نفسك فيها وكنت بتجرى عليها وكنت تلهث وراها
بالصبر والحكمة هاتيجى لحد عندك (هى الدنيا كلها كده)
ومش هاتصدقوا الا لما تجربوا بنفسكم

---

سيبك بقي من الفوركس و الشارتات و كل دة
الكلام دة كبير اوي اوي يا كبير :0031: , و دخل دماغي جدا

للأسف الشديد حصلت لى ظروف طارئة
مش هاعرف اتابع معاكم خالص النهاردة عشان مضطر انزل حالا
حتى ان الصفقة انا فقلتها مضطر على 1.6192 عشان مش ممكن اسيب صفقة شغالة انزل مهما كانت الظروف
عموما معلش تانى على اللخبطة دى

اقتباس:

---

المشاركة الأصلية كتبت بواسطة Abu Yaser

للأسف الشديد حصلت لى ظروف طارئة
مش هاعرف اتابع معاكم خالص النهاردة عشان مضطر انزل حالا
حتى ان الصفقة انا فقلتها مضطر على 1.6192 عشان مش ممكن اسيب صفقة شغالة انزل مهما كانت الظروف
عموما معلش تانى على اللخبطة دى

---

و لا يهمك يا ريس

بالتوفيق يادكتور ربنا يرعاك

وسيب الكيبل علينا :)

ولا يهمك يا دكتور خد راحتك
ونحن مع الكيبل

السلام عليكم و رحمة الله و بركاته

أخي جمال أنا متابع جديد معك لم أكمل بعد قراءة كل الملف و لكن أريد منك أن تقول لي هل وضع القنوات عندي صح و عندي سؤال هل يتم تغيير قيمة ال desviation لكي تشمل القناة الشموع كلها داخله أم نعمل على الاعداد الافتراضي؟؟
مرفق شارت
الملف المرفق 265551

طمنونا ياشباب الكيبل كيف وضعه
انا كنت مشغول وما قدرت اسكر الصفقة لما وصلت
6295
يتوقع له صعود اخر

السلام عليكم ورحمة الله وبركاته

فى أول مشاركة لي فى هذا المنتدي الأكثر من رائع وهذا الصرح

اولا الي الدكتور / جمال ممدوح

يسرنى أن أتقدم لك بخالص الشكر ووافر الأمتنان على ما بذلت من جهد وتحملت من مشقة جعلها الله في موازين حسناتك .. ونحن وأخواني فى هذا المنتدي العريق العارفين بفضلك المستضيئين بقدرك ونور علمك ومعرفتك العاجزين عن القيام بالشكر .. وقد حررت هذه السطور بلسان الأمكان لا بقلم التبيان ... سائلا المولى عز وجل أن يجعلنا وإياك من أهل القران .. وأن يرزقنا وإياك الفردوس الأعلى من الجنان ، وصدق الله إذ يقول

{ هل جزاء الأحسان الا الأحسان }

ولو أنني أوتيت كل بلاغة ****** وأفنيت بحر النطق في النظم والنثر

لما كنت بعد القول إلا مقصرا ***** ومعترفا بالعجز عن واجب الشكر

ثانيا / ويسعدني ويشرفني ان انضم اليكم أخواني وأكون من ضمن تلاميذ الدكتور جمال وأن اتعلم منكم يا من سبقتموني :asvc: