... خبرتى ...

**درويش الحملى** · 30-05-2011, 10:37 AM

لو حد يا جماعة شايف اى فرص النهاردة ياريت يساعدنى ويقولى عليها عشان اتاكد انى فاهم صح و يا سلام بقى لو طلع جدع وحط الشارت معاها

**ahmed5** · 30-05-2011, 10:40 AM

المشاركة الأصلية كتبت بواسطة الزيرو

كده يا أحمد تنساني ..؟؟؟ بس ماشي .. أديني لسه منتظر اللي إتفقنا عليه ..!!

انتهيت قريبا

**ahmed5** · 30-05-2011, 10:48 AM

دخلت بيع على الباوند

**afrandai** · 30-05-2011, 10:52 AM

صباح الخير يا شباب ... انا شايف فرصة على الخروف + أعادة اختبار
أبو حميد ( ملك الخروف والكيوي ) هل تشاركني الرأي ؟

**حيدر علي** · 30-05-2011, 10:55 AM

المشاركة الأصلية كتبت بواسطة درويش الحملى

لو حد يا جماعة شايف اى فرص النهاردة ياريت يساعدنى ويقولى عليها عشان اتاكد انى فاهم صح و يا سلام بقى لو طلع جدع وحط الشارت معاها

اخي درويش مرحبا ً بك ... لحد الان ما في فرصه مؤكده حركة السوق بطيئه

**ahmed5** · 30-05-2011, 10:59 AM

المشاركة الأصلية كتبت بواسطة afrandai

صباح الخير يا شباب ... انا شايف فرصة على الخروف + أعادة اختبار
أبو حميد ( ملك الخروف والكيوي ) هل تشاركني الرأي ؟

الخروف حلو مع إعادة اختبار

**afrandai** · 30-05-2011, 11:08 AM

انا اخذت بيع عقد صغير جدا ( 1 مايكرو ) من نقطة اعادة اختبار على 1.0700
للتنويه فقط ( على مسؤوليتي الشخصية )

**درويش الحملى** · 30-05-2011, 11:11 AM

المشاركة الأصلية كتبت بواسطة حيدر علي

اخي درويش مرحبا ً بك ... لحد الان ما في فرصه مؤكده حركة السوق بطيئه

انا شفت اكتر من فرصة بس مش واثق فيهم وعايز تأكيد لصحتهم اولهم بيع على يورو دولار , وبيع يورو ين , وشراء يورو فرانك

كفاية عليك دول

واختبر مدى صحتهم

**ahmed5** · 30-05-2011, 11:14 AM

المشاركة الأصلية كتبت بواسطة afrandai

انا اخذت بيع عقد صغير جدا ( 1 مايكرو ) من نقطة اعادة اختبار على 1.0700
للتنويه فقط ( على مسؤوليتي الشخصية )

اخي دخولك صح مع الإستراتجية ولا شك ولاخوف

**fagr012** · 30-05-2011, 11:19 AM

[يا ريت يا شباب حد يضع لنا لينك المشاركة اللي الدكتور شرح فيها سلوك الاستيك

**العملاتي** · 30-05-2011, 11:39 AM

المشاركة الأصلية كتبت بواسطة fagr012

[يا ريت يا شباب حد يضع لنا لينك المشاركة اللي الدكتور شرح فيها [B]سلوك الاستيك[/
B]

تفضل

المشاركة الأصلية كتبت بواسطة Abu Yaser

ما شاء الله

انا شايفك متابع فى كذا موضوع وحابب تتعلم
واسئلتك كلها جميلة سواء فى موضوعى او فى باقى المواضيع

بس انت كده هاتخلينى اشرح حاجة تانية غير الاستراتيجيات بتاعتى
انما هاقولها وربنا يستر ماحد يتلخبط
واللى هايلاقى نفسه ابتدى يدخل ده على ده بلاش منها وخلينا فى الحاجات الاساسية افضل

شوف
انا هاقولك على حاجة (مش سرّ والحوارات اللى الناس بتقولها) انما جميلة وفعّالة لأقصى الحدود
انا مش عارف الفوركس ده هايلاقيها منين ولا منين ههههههه والله لسه واحد بيكلمنى على الشات وبيقولى انه بقى بيبص على الشارت يعرف فورا السعر رايح فين وجاى منين ولله الحمد

المهم
اذا لقيت الشموع بقت صغيرة ولفترة كذا شمعة (وخاصة اذا عملت شكل مثلث او مستطيل صغير) يبقى فى الغالب ايه اللى هايحصل؟
صح
زى ما هو معروف (انفجار) عشان هايكسر احد الاتجاهين
ولكن
لو انت مكان السوق وعاوز تاخد شوية فلوس من الناس (السوق مش عشان يديلك هههههه) هاتعمل ايه؟؟
الغالبية العظمى من الناس بتحط امر شرا مع الكسر لفوق وامر بيع لو كسر لتحت (وده العادى والطبيعى)
فالسعر بيتحرك كالتالى
يطلع مثلا بحيث يفعل اوامر الشرا (ويطلع جامد ويقفل كمان فوق) وبعدها ينزل كل اللى طلعه وزيادة كتير
وبعدها (فى الغالب) بيرجع يطلع تانى كل اللى نزله

نشوف ايه السيناريو ده
بيطلع فى الاول عشان اوامر الشرا تتفعل
وبعدين ينزل بقوة عشان يضرب استوبات ويخوف الناس اللى شاريه بحيث تقفل على خسارة
وفى نفس الوقت تتفعل اوامر البيع
ولو كان فيه ناس من اللى اشترت وخسرت هاتبيع عشان تعوض خسارتها
فيبقى البيع قوى من كل الجهات
وبعدين يطلع تانى (فى الغالب) كل اللى نزله
يقوم يضرب تانى استوبات البيع
والناس اللى فقدت الثقة وخسرت من الشرا وباعت للتعويض خسرت تانى وقفلت البيع على خسارة اكبر
بس فى الحالة دى مش هايكون عندهم الثقة انهم يشتروا تانى بعد خسارتين متتاليتين (وكمان مكان الشرا الجديد هايكون اعلى من اللى كانوا شاريين عليه سابقا وخسروا) يعنى نفسيا مش ممكن يدخلوا تانى
وبعدها يمشى السعر عاااااااادى مع كل التحليلات للطلوع بعد ما يكون روّق الناس دى كلها
وساعتها تسمع الناس يقولوا
انا كنت شارى اصلا من تحت اوى اول ما كسر، بس نزل ضربلى استوب (او ما صبرتش) وطلع جاب الهدف اهو
السوق بيعاندنى
شركة الوساطة بتضربلى (انا بالذات) استوبات
الفوركس ده نصب

وبس

طيب نحللها من ناحية تانية
السعر مشى لفوق مثلا (او لتحت) كتير
بيبقى زى الاستك مثلا لما بترمى بيه حاجة، راح لبعيد (بقى ممطوط) وبعدين انت (اللى ماسك الطرف التانى من الاستيك) روحت وراه
فبكده انت كسبت ارض وقربت من مكان الاستيك الحالى، فبكده الاستيك مش هايرتدلك كل اللى مشيه (يارب تكونوا قادرين تتخيلوا معايا)
ساعتها الاستيك هايعمل ايه؟؟
هايتذبذب حواليك حتى يصل تقريبا للسكون
ودى هى الشموع الصغيرة اللى على شكل مثلث (من التذبذب اللى بيقل)
طيب هل السعر هايموت ولا لازم يتحرك تانى؟
اكيد هايتحرك

نيجى بقى للمهم
لو انت عاوز تحدفه تانى لبعيد هاتعمل ايييه؟ (نرجع للتخيل تانى)
لو عاوز تحدفه لبعيد اكيد هايحصل نوع من (المرجحة) الاول عشان الاستيك يكتسب قوة وعزم يمشى بيه لبعيد
وده اللى بيحصل بالظبط بعد الهدوء
مابيمشيش فى الاتجاه مرة واحدة بسرعة ومنطلق
انما بينزل عشان يطلع، او بيطلع عشان ينزل زى اىىىىىى حاجة فى الطبيعة
عشان تحدف حاجة لقدام لازم ترجع ايدك لورا، وكل ماتكون الحدفة لقدام اقوى، معناها انك هاترجع ايدك اكتر وهكذا
يارب اكون عارف اوصل المعلومة

ومن هنا ظهر عند اسماء لاشكال شموع مش هاقولهم الوقتى عشان تقروا المشاركة اللى باكتبها من ساعة دى ههههه

وده نفس اللى حصل حااااااالا مع اليورو عشان يبقى التطبيق عملى
طلوع
سكون بمثلث
نزول كسر المثلث (اللى هو الكسر للقناة)
طلوع عشان اللى باع
نزول تانى (بعد اعادة الاختبار) عشان اللى اشترى
وبعدين الطلوع الحالى

وده اللى خلانى مابعش من الكسر مباشرة (عشان دى المصيدة اللى بعد الهدوء والمثلث) وبعت من اعادة الاختبار
انما لو كانت الشموع ماشية عادى مافيش هدوء او شموع صغيييييييرة قبل الكسر كنت دخل مع الكسر مباشرة

ونرجع نربط كل اللى اتقال قبل كده سوا
حتى لو انت دخلت مع الكسر مباشرة (اللى هو صح جدا حسب الاستراتيجية) والسعر عكس
فلابد ان السوق يرجع يديلك فرصة انك تقفل على مكسب بسيط او على الاقل صفر
بس الفكرة انك تكون واثق فى الاستراتيجية عشان لما يعكس ماتقفلش
والاهم تكون داخل صححححححححح

معلش على الاطالة بس السؤال مهم
وتانى اللى لقى نفسه اتلخبط ينسى كل اللى اتقال زى ما بتنسوا المذاكرة (للطلبة) او فلوس الدروس (للى عندهم اولاد)
او زى ما بتنسوا اساسيات الاستراتيجية وبتدخلوا غلط هههههههه

اشوفكم على خير

د/ جمال ممدوح

**SayLar** · 30-05-2011, 11:43 AM

بعت الباوند

ربنا يسهل

**حيدر علي** · 30-05-2011, 11:51 AM

فرصة بيع جيده على دولار فرنك بس ننتظر اقفال الساعه

**الزيرو** · 30-05-2011, 11:53 AM

المشاركة الأصلية كتبت بواسطة ahmed5

انتهيت قريبا

يا سلاااااااااااام عليك . . في إنتظارك يا غالي ..!!

**SayLar** · 30-05-2011, 11:56 AM

المشاركة الأصلية كتبت بواسطة حيدر علي

فرصة بيع جيده على دولار فرنك بس ننتظر اقفال الساعه

بيع ؟ ليش بيع اخي ؟ انا اشوف انها شراء السعر كسر الحمراء وقاعد يعيد الاختبار حالياً

الموضوع: ... خبرتى ...

أدوات الموضوع

الاوسمة لهذا الموضوع

عروض شركات الفوركس