... خبرتى ...

[kamelfo]

ما شاء الله
انا شايفك متابع فى كذا موضوع وحابب تتعلم
واسئلتك كلها جميلة سواء فى موضوعى او فى باقى المواضيع

بس انت كده هاتخلينى اشرح حاجة تانية غير الاستراتيجيات بتاعتى
انما هاقولها وربنا يستر ماحد يتلخبط
واللى هايلاقى نفسه ابتدى يدخل ده على ده بلاش منها وخلينا فى الحاجات الاساسية افضل

شوف
انا هاقولك على حاجة (مش سرّ والحوارات اللى الناس بتقولها) انما جميلة وفعّالة لأقصى الحدود
انا مش عارف الفوركس ده هايلاقيها منين ولا منين ههههههه والله لسه واحد بيكلمنى على الشات وبيقولى انه بقى بيبص على الشارت يعرف فورا السعر رايح فين وجاى منين ولله الحمد

المهم
اذا لقيت الشموع بقت صغيرة ولفترة كذا شمعة (وخاصة اذا عملت شكل مثلث او مستطيل صغير) يبقى فى الغالب ايه اللى هايحصل؟
صح
زى ما هو معروف (انفجار) عشان هايكسر احد الاتجاهين
ولكن
لو انت مكان السوق وعاوز تاخد شوية فلوس من الناس (السوق مش عشان يديلك هههههه) هاتعمل ايه؟؟
الغالبية العظمى من الناس بتحط امر شرا مع الكسر لفوق وامر بيع لو كسر لتحت (وده العادى والطبيعى)
فالسعر بيتحرك كالتالى
يطلع مثلا بحيث يفعل اوامر الشرا (ويطلع جامد ويقفل كمان فوق) وبعدها ينزل كل اللى طلعه وزيادة كتير
وبعدها (فى الغالب) بيرجع يطلع تانى كل اللى نزله

نشوف ايه السيناريو ده
بيطلع فى الاول عشان اوامر الشرا تتفعل
وبعدين ينزل بقوة عشان يضرب استوبات ويخوف الناس اللى شاريه بحيث تقفل على خسارة
وفى نفس الوقت تتفعل اوامر البيع
ولو كان فيه ناس من اللى اشترت وخسرت هاتبيع عشان تعوض خسارتها
فيبقى البيع قوى من كل الجهات
وبعدين يطلع تانى (فى الغالب) كل اللى نزله
يقوم يضرب تانى استوبات البيع
والناس اللى فقدت الثقة وخسرت من الشرا وباعت للتعويض خسرت تانى وقفلت البيع على خسارة اكبر
بس فى الحالة دى مش هايكون عندهم الثقة انهم يشتروا تانى بعد خسارتين متتاليتين (وكمان مكان الشرا الجديد هايكون اعلى من اللى كانوا شاريين عليه سابقا وخسروا) يعنى نفسيا مش ممكن يدخلوا تانى
وبعدها يمشى السعر عاااااااادى مع كل التحليلات للطلوع بعد ما يكون روّق الناس دى كلها
وساعتها تسمع الناس يقولوا
انا كنت شارى اصلا من تحت اوى اول ما كسر، بس نزل ضربلى استوب (او ما صبرتش) وطلع جاب الهدف اهو
السوق بيعاندنى
شركة الوساطة بتضربلى (انا بالذات) استوبات
الفوركس ده نصب

وبس

طيب نحللها من ناحية تانية
السعر مشى لفوق مثلا (او لتحت) كتير
بيبقى زى الاستك مثلا لما بترمى بيه حاجة، راح لبعيد (بقى ممطوط) وبعدين انت (اللى ماسك الطرف التانى من الاستيك) روحت وراه
فبكده انت كسبت ارض وقربت من مكان الاستيك الحالى، فبكده الاستيك مش هايرتدلك كل اللى مشيه (يارب تكونوا قادرين تتخيلوا معايا)
ساعتها الاستيك هايعمل ايه؟؟
هايتذبذب حواليك حتى يصل تقريبا للسكون
ودى هى الشموع الصغيرة اللى على شكل مثلث (من التذبذب اللى بيقل)
طيب هل السعر هايموت ولا لازم يتحرك تانى؟
اكيد هايتحرك

نيجى بقى للمهم
لو انت عاوز تحدفه تانى لبعيد هاتعمل ايييه؟ (نرجع للتخيل تانى)
لو عاوز تحدفه لبعيد اكيد هايحصل نوع من (المرجحة) الاول عشان الاستيك يكتسب قوة وعزم يمشى بيه لبعيد
وده اللى بيحصل بالظبط بعد الهدوء
مابيمشيش فى الاتجاه مرة واحدة بسرعة ومنطلق
انما بينزل عشان يطلع، او بيطلع عشان ينزل زى اىىىىىى حاجة فى الطبيعة
عشان تحدف حاجة لقدام لازم ترجع ايدك لورا، وكل ماتكون الحدفة لقدام اقوى، معناها انك هاترجع ايدك اكتر وهكذا
يارب اكون عارف اوصل المعلومة

ومن هنا ظهر عند اسماء لاشكال شموع مش هاقولهم الوقتى عشان تقروا المشاركة اللى باكتبها من ساعة دى ههههه

وده نفس اللى حصل حااااااالا مع اليورو عشان يبقى التطبيق عملى
طلوع
سكون بمثلث
نزول كسر المثلث (اللى هو الكسر للقناة)
طلوع عشان اللى باع
نزول تانى (بعد اعادة الاختبار) عشان اللى اشترى
وبعدين الطلوع الحالى

وده اللى خلانى مابعش من الكسر مباشرة (عشان دى المصيدة اللى بعد الهدوء والمثلث) وبعت من اعادة الاختبار
انما لو كانت الشموع ماشية عادى مافيش هدوء او شموع صغيييييييرة قبل الكسر كنت دخل مع الكسر مباشرة

ونرجع نربط كل اللى اتقال قبل كده سوا
حتى لو انت دخلت مع الكسر مباشرة (اللى هو صح جدا حسب الاستراتيجية) والسعر عكس
فلابد ان السوق يرجع يديلك فرصة انك تقفل على مكسب بسيط او على الاقل صفر
بس الفكرة انك تكون واثق فى الاستراتيجية عشان لما يعكس ماتقفلش
والاهم تكون داخل صححححححححح

معلش على الاطالة بس السؤال مهم
وتانى اللى لقى نفسه اتلخبط ينسى كل اللى اتقال زى ما بتنسوا المذاكرة (للطلبة) او فلوس الدروس (للى عندهم اولاد)
او زى ما بتنسوا اساسيات الاستراتيجية وبتدخلوا غلط هههههههه

اشوفكم على خير

د/ جمال ممدوح

هذا الشرح الاكثر من رائع للدكتور

[د/مصطفى]

عندي سؤال ممكن لو حد يعرف يجاوبني هو ممكن ندخل شراء خصوصا اذا أغلقت شمعة الأربع ساعات فوق حد القناة الزرقاء وعلى الساعة أرتد الى داخل القنوات والهدف الفيبو الأخضر

مش فاكر في اي صفحة بالظبط قريت الفكرة دي
بس فمرة كان السعر كسر لاسفل و بعد 3 او 4 شموع اغلق للداخل مرة اخرى فاغلقنا الصفقة على خسارة بسيطة و دخلنا مع الاتجاه الجديد و اعتبرنا السلوك ده ارتداد بس الكسر و بعده خروج السعر كان بسيط . موصلش لدرجة 50 نقطة زي النهاردة ....... على العموم انا عملت زيك و اغلقت على خسارة بسيطة و هدخل شراء من 560 و ربنا يسهل

[رائف عباس]

مشكور اخي عباس

لا شكر على واجب اخى العزيز و ده كمان شرح مفصل لسلوك الاستك و التذبذب للاستاذة انصاف صفحة 1969 https://forum.arabictrader.com/t1184...ml#post2270714

و ياريت كمان ترجع لشرح الدكتور جمال فى صفحة 159

و ده برنامج لشرح استراتيجية خبرتى فيه كل حاجة للعضو Forex00 بارك الله فيه و هو موجود فى توقيعه و الرابط " دياله" بتاعه http://www.mirrorcreator.com/files/1...e_01.rar_links

و ربنا يوفقك

[Forexsawy]

مش فاكر في اي صفحة بالظبط قريت الفكرة دي
بس فمرة كان السعر كسر لاسفل و بعد 3 او 4 شموع اغلق للداخل مرة اخرى فاغلقنا الصفقة على خسارة بسيطة و دخلنا مع الاتجاه الجديد و اعتبرنا السلوك ده ارتداد بس الكسر و بعده خروج السعر كان بسيط . موصلش لدرجة 50 نقطة زي النهاردة ....... على العموم انا عملت زيك و اغلقت على خسارة بسيطة و هدخل شراء من 560 و ربنا يسهل

ليه تغلق على خسارة كمل افضل في المضاعفات .

[Ahmedmaths]

لا لا لا لا للاغلاق على خسارة......لأن استراتيجية الدكتور جمال تعتمد على التعزيز عند عكس السعر....ويكون المكسب من التعزيز لأن عمر السعر ما يعكس على طول من غير تصحيح لا زم يحصل ارتداد فتستفيد من التعزيز

[kamelfo]

لا شكر على واجب اخى العزيز و ده كمان شرح مفصل لسلوك الاستك و التذبذب للاستاذة انصاف صفحة 1969 https://forum.arabictrader.com/t1184...ml#post2270714

و ياريت كمان ترجع لشرح الدكتور جمال فى صفحة 159

و ده برنامج لشرح استراتيجية خبرتى فيه كل حاجة للعضو Forex00 بارك الله فيه و هو موجود فى توقيعه و الرابط " دياله" بتاعه http://www.mirrorcreator.com/files/1...e_01.rar_links

و ربنا يوفقك

ربنا يوفقنا كلنا ان شاء الله مشكور مرة اخرى اخي

[د/مصطفى]

ليه تغلق على خسارة كمل افضل في المضاعفات .

بارك الله فيك اخي على النصيحة
و انا عارف ان معلمي و استاذي الدكتور جمال هو اللي قال على موضوع التعزيز و عدم الاغلاق على خسارة بس انا شايف اني اغلق على خسارة 10 او 20 بيب و ادخل مع الاتجاه الصح و اكسب 50 او 60 نقطة و بعد كده عند مناطق التعزيز . لو لقيت اشارة انعكاس للاتجاه الاول ادخل معاه و اكسب 50 او 60 بيب برضه افضل لي من ان انتظر مناطق التعزيز و اتعلق في صفقة ( انا واثق انها هترجع للنقطة الاصلية زي ما الدكتور قال ) بس هكون ضيعت شويه فرص حلوين و كمان شد اعصاب .... و كمان ده افضل ليا في حالة لو كنت دخلت اصلا بعقد كامل لان ساعتها هيكون التعزيز 1 - 2 - 4 يعني هتكون في 7 صفقات مفتوحة و المتاح 2500 نقطة لل 7 صفقات . رأيي ان دي مخاطرة و طبعا ده رأي مبتدا
و الاساس ان الكل يلتزم بما قاله الدكتور جمال لانه ادرى مني بالاستراتيجية فهو مؤسسها و اعلم واحد بها

[Forexsawy]

بارك الله فيك اخي على النصيحة
و انا عارف ان معلمي و استاذي الدكتور جمال هو اللي قال على موضوع التعزيز و عدم الاغلاق على خسارة بس انا شايف اني اغلق على خسارة 10 او 20 بيب و ادخل مع الاتجاه الصح و اكسب 50 او 60 نقطة و بعد كده عند مناطق التعزيز . لو لقيت اشارة انعكاس للاتجاه الاول ادخل معاه و اكسب 50 او 60 بيب برضه افضل لي من ان انتظر مناطق التعزيز و اتعلق في صفقة ( انا واثق انها هترجع للنقطة الاصلية زي ما الدكتور قال ) بس هكون ضيعت شويه فرص حلوين و كمان شد اعصاب .... و كمان ده افضل ليا في حالة لو كنت دخلت اصلا بعقد كامل لان ساعتها هيكون التعزيز 1 - 2 - 4 يعني هتكون في 7 صفقات مفتوحة و المتاح 2500 نقطة لل 7 صفقات . رأيي ان دي مخاطرة و طبعا ده رأي مبتدا
و الاساس ان الكل يلتزم بما قاله الدكتور جمال لانه ادرى مني بالاستراتيجية فهو مؤسسها و اعلم واحد بها

مبتدأ ايه يا ريس
انت كدة استاااذ

بالتوفيق ان شاء الله .

[Forexsawy]

انا شايف ان 5640 نقطة كويسة للتعزيز الاول ؟؟

ايه رأيكم ؟؟

[kamelfo]

نشرح الوقتى موضوع الشموع الصغيرة والمثلثات
الوقتى بعد اى تحرك سعرى كبير ومتواصل (اللى هو الاستيك مشدود على الاخر) لازم السعر ياخد نفسه
فلو السلوك السعرى عمل شكل المثلث، وده بيتكون من ان الشموع عمالة تتناقص فى الحجم مع مرور الوقت
الناس بتنتظر خروج السعر من المثلث عشان ياخدوه بيع او شرا حسب اتجاه الكسر
ولكن زى ما قلنا قبل كده، بتكون دى مصيدة للناس اللى بتخاف
فبيحصل ايه
السعر بيكون مشى كتير الاول (رقم 1 فى الصور)
وبعدين يعمل موضوع المثلث (انا راسم عليه المثلث عشان يبان اكتر)
ثم يكسر السعر المثلث ويقفل براه كمان مش يكسر ويلم، لا بيقفل برة
فطبعا الناس تدخل بيع مثلا (لو كان قفل تحت) وتحط الاستوب فوق المثلث (ويقولوا عشان لو كسر فوق تانى يبقى هايمشى فى الاتجاه الشرا فنقفل على خسارة صغيرة وندخل شرا)
فتلاقى السعر تقريبا مامشيش اى حاجة فى صالحه وارتد فورا (رقم 2 فى الصور)
وضرب استوب
فيدخل بعد الانتظار شوية عشان يتاكد من الشرا، وعلى ما يدخل يحط استوب تاااانى تحت المثلث ، ويدخل شرا من رقم 3
ولتانى مرة على التوالى يرجع السعر ويضرب استوب
وهنا تهتز ثقة المتاجر فى نفسه من كتر الخساير المتتالية وانه غير قادر على تحديد اتجاه السوق وان السوق بيعانده و وو
واخيرا يلاقى السوق مشى بيع عادى زى ما كان هو قايل من الاول بس خاف
بس بعد ما اخد منه اللى فيه النصيب
ده اذا ماكانش ضاعف عدد العقود فى المرة التانية عشان يعوض الخسارة الاولى

المهم
لو بصينا هانلاقى اييييه؟
اولا احنا راسمين القنوات
وهو كسر القناة لتحت (يعنى بيع زى ما الراجل الاول عمل) انما عشان احنا فاهمين الحركة دى هاندخل بيع بس بعقود قليلة (اليوم ده على فكرة كنا داخلين سوا هنا لايف على نفس التريدة دى لو فاكرين)
المهم، السعر عكس
احنا ماتهزناش عشان عارفين الاتجاه وعارفين انه هايعكس (امال ليه دخلنا بعقود قليلة من الاول لما عارفين انه هايعكس؟؟) عشان لو نزل فورا يبقى الصفقة ما طارتش، وانا عن نفسى كان اول دخول ليا من التعزيز (طيب عرفت منين؟؟) اكيد زى العادة انتم كمان هاتعرفوا بالتدريب (زى ما ما شاء الله بيقى اغلبكم بيعرف امتى يدخل وامتى يخرج، والاهم، امتى يستنى برة السوق)
المهم لما عمل اختبار (انت عارف بجد انه هاينزل من هنا) دخلنا بيع والحمد لله جاب تارجت كبير

يارب تكون الصور موضحة الفكرة

وهذا الشرح الثاتي صفحة 159

[kamelfo]

اعزائى متابعى خبرتى الكرام

احد الأخوة الأعزاء قد سأل عن سلوك الاستك
سلوك الاستك هو التذبذب أى ( الأرجحة )

هذا السلوك هو حركة مفصلية
مثلا اريد ان القى شىء ما بعيداً الى مسافة ما
استعد اولا (هدوء)
ثم اعود الى الخلف باقصى ما يمكننى رغم اننى مازلت مكانى
ثم القى بقوة ما بيدى الى الهدف المنشود
اذن الحركة هى تذبذب
هدوء - تراجع - ثم عودة
وهكذا من الممكن ان يكون العكس

مثال على الكيبل اليوم 8 - 12 - 2011
السعر سار فى شموع صغيرة (هدوء) على شكل مثلث او مستطيل
ثم كسر المثلث او المستطيل ( كسر القناة الى الأسفل )
ثم صعد الى الأعلى ( اعادة اختبار للحد العلوى )
ثم كرر السلوك وهبط
ثم صعد
الى ان اعطى اشارة قوية لأنتهاء التذبذب
فكان البيع
ثم نرسم الفايبو اليدوى من آخر حركة الى اعلى نقطة فى التذبذب
والهدف هو 161%

أعزائى
اننى ارى ان سلوك التذبذب قد يحير البعض
وقد لا يفهمون وجهته وقد يخطئون ويتحيرون هل بيع هل شراء الخ
سلوك الاستك هو متوافق مع تحليل القنوات العادى
اى يمكنك التغاضى عنه وتدخل حسب الكسر
ومهما خالفك السعر سيعود اليك طالما انك قد اتبعت قواعد الاستراتيجية
واذا لم يحقق الهدف فتنتظره بالتعزيز
مثلا
اليوم تم الكسر الى اسفل
اذن بيع من 5700
وعندما صعد ولمس الحد العلوى ولم يكسره
اذن يمكن البيع ايضا من 5735
ولكنه ليس تعزيز ويعتبر نقطة افضل للبيع
فاذا نظرت الى سلوك الاستك ستجد بالتقريب
ان هذه النقطة هى نقطة بيع بعد اشارة الأستك للبيع

الملف المرفق 298605

وهذا شرح ثالث للاستاذة انصاف ....ايييييييييه رايك ياعباس افندي

[fxsmartsniper]

ممكن الفيبو الملون ابو خطوط برتقالي وحمراء وخضراء وزرقاء شكرا

[abuelbanat]

اليورو الان يقف عند الخط الاوسط للقناة الزرقاء
للمراقبة للبيع
ايه رايكم
ملاحظة ليس للتشتيت الخط الاوسط متلاقي تماما مع الخط الاوسط للقناة الثالثة (ممكن يعطي نقطة قوية للبيع الان)

[noon]

هذه اول مره ارفع فيها ملف
يا رب ينجح
تفضل

all.rar

[الغدةالنخامية]

صباح الخير اخواني وان شاء الله يوم أخضر للجميع اليوم الباوند على الساعة يقوم بعملية تصحيح ونزول بسيط من الفيبو الأخضر اللي هي نقطة تعزيزنا لدخول البيع تبع امس نحاول نخرج على ربح بسيط او تعادل لأن اليوم شكله صعودي بما انه كسر الديلي القناتين للأعلى و 4 ساعات كسر حد القناة الزرقاء للأعلى وهو في مرحلة اعادة اختبار بسيطة ؟والله اعلى وأعلم