... خبرتى ...

[الزيرو]

من بيت الكلاوي زي ما بيقولو ..

فى حالة اذا ما يكون السعر فى منتصف ال 4 ساعات معناه انه مش عارف لسه الاتجاه فين
ولما يكسر على الساعة يبقى ابتدى يحدد الاتجاه فندخل مع الساعة عادى
انما اذا كان السعر فى ال 4 ساعات قريب جدا من الحد العلوى مثلا وكسر على الساعة لفوق نبدأ فى المتابعة أو الدخول بلوت صغير جدا تحسّبا للموقف على ال 4 ساعات
وطبعا للسلوك السعر دور كبير

[الزيرو]

كيف نربط بين الفريمات أثناء المتاجرة ؟؟؟

شرح السلوك السعرى باستفاضة
وكيفية ربط الشارتات ببعضها

النقطة دى من اهم النقاط ولكن من الصعوبة الوصول اليها عشان محتاجة معايشة للسعر وخبرة فى الشارت والسلوك السعرى
فاللى مش هايقدر يعمل ده مش مهم بس يحاول معاه ومايهملوش لحد لما يتمكن منه

عشان توصل للموضوع ده لازم تكون ملمّ بكل اللى اتقال قبل كده
الشارت الاكبر هو الاتجاه العام للشارت الاصغر
والشارت الاصغر هو كيفية الوصول لهذا الاتجاه العام
يعنى الاصغر مرسوم له خط سيره من الشارت الاكبر
والاكبر بيترسم فعليا من خلال الشارت الاصغر

مش فاهم، يعنى الفرخة من البيضة ولا البيضة من الفرخة
(اكيد الاتنين من بعض)

ازاى الكلام الغريب ده
نشوف مثل الكيبل النهاردة (أقرب حاجة)
الكيبل لما كسر الحد العلوى للقناتين واشترينا الصبح
الحمد لله صعد والناس عملت ربح كويس
بس لحد فين؟؟؟
وليه انا قلت فى مشاركة ان كده كفاية والناس تاخد ارباحها؟؟ مع ان فيه ناس كتير فى المنتدى قالت ان السعر لسه قدامه كتير
بل وبالعكس
انا بعت من هذه النقطة (على عكس الاستراتيجية المشروحة) بس مارضيتش اقول هنا عشان مايحصلش تشتيت
انما عشان اللى هايعترض او يقول انت بتفتى وبتشوف ايه اللى حصل الاول وبعدين تقول انت بعت ولا اشتريت (عشان ده حصل معايا قبل كده) انا ارفقت صورة من حسابى الحقيقى توضح فقط نقطة دخولى وانه بيع والتوقيت كمان

المهم
ليه انا بعت، او حتى ليه قفلنا الشرا؟
هاتلاقى ان شارت اليومى السعر قرب من الحد العلوى للأحمر (وده كده يعتبر مقاومة شهرية)
على شارت الساعة ابتدى السعر يُظهر انه مش قادر يطلع تانى (السعر على فكرة صاحبنا، وعمره ما بيخون حد، انما احنا اللى مش بنعرف لغته ولا بنسمع تنبيهاته)
السعر كان ماشى بقوة لحد الساعة 11
ولكن من الساعة 12 ابتدى يبقى ضعيف
وقفلت الساعة 12 على شكل اسمه اسبينينج توب، وده مش عاكس للاتجاه ولكن بيدل على الضعف
خلى بالك وماتنساش احنا قلنا السعر موجود فين على اليومى (عاوزين نربط كل الشارتات ببعضها)
لما تيجى الساعة 13 وتعمل شكل (فى رأيى من أفضل الاشكال العاكسة وانا عن نفسى باستخدمه كتير وقلنا عليه بسرعة سابقا) وهو اسمه فولنج اوف ذى رووف (أو السقوط من السطح) وهو ده اللى حصل بالفعل بعدها
يبقى مستنى ايه عشان تبيع؟

شرح مبسط لهذا الشكل القوى
فولنج اوف ذى رووف
هو عبارة عن شمعة تكون الهاى بتاعها اكبر من هاى الشمعة اللى قبلها ولكن تعكس وتقفل على كلوز اقل من كلوز اللى قبلها
ودى غير شوتنج ستار اللى مش لازم تكون الهاى اعلى من اللى قبلها ولا الكلوز اقل

وكلما بقى الهاى اعلى (يعنى تعمل ذيل طويل من فوق) وكلما كان الكلوز اقل (يعنى تبقى حمراء طويلة) تكون الوقعة اللى بعدها اكبر ههههه

المهم
نرجع نربط الشارتات تانى
لما السعر على الساعة عمل شكل الشمعة اللى شرحناه، بعد ما عمل اسبينينج توب مع وجود السعر على مقاومة شهرية
يبقى بيع
وفعلا السعر نزل
خلال ما السعر بينزل هنا شمعة ال 4 ساعات لسه بتتكون (اللى بيكونها هو شموع الساعة، التى بالتالى تتكون من خلال شموع الربع ساعة وهكذا)
فلما شمعة ال 4 ساعات اكتملت وقفلت نبص نلاقيها عاملة اييييييه؟؟؟
برافو عليكم
عاملة فولنج اوف ذى رووف برضة بس على ال 4 ساعات
يبقى ده استمرارية فى النزول

ومن هنا ييجى الربط بين الفريمات
الفريم الكبير بيحدد ملامح الفريم الاصغر
بينما الفريم الاصغر هو اللى بيرسم فعليا هذه الملامح

[الزيرو]

تذكير ..

كيف نتعامل في حالة كانت القناتين عريضتين والسعر في وسطهما ..؟؟

لما يكون الأحمر عريض اوى والأزرق كذلك
وده بيتكون بعد يوم زى امبارح طالع بقوة نازل بقوة وفقد القوة فى الطلوع والنزول زى ما تفضل الاخ سامو بالذكر وفتح سعر اليوم بالقرب من خطوط المنتصف
فبيكون التداول النهاردة على الفرص القوية اوى بس
يعنى بعد الكسر واعادة الاختبار مثلا
او عند الارتداد مرتين من الحدود
المقصود انه بيكون يوم من الايام البايخة ولازم له تأكيد كويس عشان ندخل

[الزيرو]

بالنسبة للسلوك السعري ..
هل نحدده حسب إغلاق شموع الساعة فقط أم ماذا ..؟؟؟؟

شوف
تحديد السلوك السعرى بيكون طبعا بعد الاغلاق مش قبل عشان ممكن يغير ولو فى آخر 5 دقايق وبذلك تتغير شكل الشمعة وتقفل على حاجة تانية
ولكن هل ده فى كل الفريمات؟
للأسف لأ
الفريمات المتوافقة هى الساعة فأقل
وانا لا اعتمد الأقل لعدم قوة تأثيره فى الحركة الأكبر
فيكون عندنا فريم الساعة هو الوحيد المتبقى الذى يُعتمد عليه من حيث التوافق والتأثير

ده كلام كبير وانا مش فاهم منه اى حاجة

تانى
كل شركة وليها البرنامج بتاعها ولو اتفقوا على الشكل ولكن الداتا بتيججى من سيرفر تانى خاص بالشركة
والشركات بتختلف اسعارها (واحنا مش فى صدد ليه الاختلاف مش كله سوق واحد، مش مشكلتنا الوقتى خلينا فى الواقع)
وكمان مش بتختلف اسعارها وبس بل وتوقيتها
فلو بصينا على شمعة ال 4 ساعات
هاتلاقى ان مثلا فيه فرق بين شركتى وشركتك ساعتين
يعنى بداية ال 4 ساعات بتاعتى هى نص شمعة ال 4 ساعات بتاعتك
وكده هاتختلف شكل الشموع تماما
والل عندى شكلها هامر مثلا عندك هاتلاقيها شبه البطاطس
وكذلك الفريم اليومى بعض الشركات بتفتح متاخرة ساعة او بدرى ساعة وساعات ساعتين
فشكل الشمعة اليومية مش هايكون شبه اللى عندى برضة

انما لما نيجى لشكل شمعة الساعة هاتلاقى ان حتى لو الشركة فتحت متاخرة فهايكون شكل الشموع من بعد ما تفتح مشابه (الى حد ما) الشكل فى الشركة التانية
وعشان كل ساعة مستقلة (مش بيجمع كل 4 سوا زى ال 4 ساعات) برضة بتكون متشابهة
فده شرح اللى فات عن التوافقية
وكذلك الفريمات الاقل من الساعة متوافقة
ولكنها غير مؤثرة فى الحركة اوى
يعنى مثلا فريم الربع ساعة ممكن يكون عامل ترند صاعد قوى، وهو كل ده بيرسم ساعتين بس (8 شمعات على الربع) يكونوا مجرد تصحيح بسيط
فالشغل على الربع بيكون للأهداف البسيطة وغير مهتم بالاتجاه العام

فالنتيجة ايه
أفضل فريم متوافق ومؤثر هو الساعة
ولكن
بما انك (انت لوحدك) هاتكون شغال على شركة واحدة، فموضوع التوافق ده مش مهم اوى (بس ده فى حالة انك جربت اشكال الشموع الأكبر زى ال 4 ساعات واليومى ولقيتهم فعلا بيعملوا نتيجة الشمعة) يعنى لم ال 4 ساعات هامر يبقى بيحصل نتيجة الهامر او بولش انجلف ويكون ليها تاثير

بكده ممكن تعتمد باقى الفريمات على الشركة دى

[الزيرو]

للتذكير ..

ص 66 يوجد مؤشر يعطي تنبيه عند وصول السعر للرينج ..
يمكن يستفيد منه أحد الإخوان ..

[الزيرو]

بماذا تنصح من يريد العمل على الرينج فقط ..؟؟

لو انت ماشى مع الاتجاه العام (من الفريم الكبير) يبقى مع لمس الخط الاخضر شرا، الاحمر بيع (وطبعا لو حبيت زيادة تاكيد يبقى من خلال سلوك السعر بالقرب من الخطوط)

لو انت هاتمشى عكس الاتجاه العام او حبيت تشتغل كده على طول (للأمان اكتر) اللى هو هاتعمل كده عالمغمّض من غير ولا فريمات اكبر ولا الهوا (زى الماكينة)
يبقى كالتالى
هاتستنى الساعة اللى كسر السعر فيها الخط (وليكن الاخضر للشرا) لما تقفل
وبعدين تدخل الساعة اللى بعدها من سعر يماثل اللو بتاع شمعة الكسر
مع مراعاة ادارة راس المال اللى اتكلمنا عليها سابقا (منتهى الاهمية)
وبعدين تقسم متوسط الرينج اليومى على 3 ويبقى دة التارجت بتاعك (للناس اللى كانت بتسال عن الهدف)
يعنى مثال
الخط الاخضر موجود عند السعر 100
والشمعة كسرته وقفلت تحته وكان اللو بتاعها 80
والرينج المتوسط 150 مثلا
فيبقى الشرا لما السعر يوصل تانى ل 80
الهدف (150 على 3 يبقى 50)
فيكون الهدف على سعر 130
وممكن تعمل كل ده فى اوردر معلق اول ما شمعة الكسر تقفل تحت الخط
اما لو انت متابع (وده الافضل) فمن الممكن انك تدخل من نقطة افضل وتخرج كمان من نقطة افضل حسب سلوك السعر

نيجى بقى للتعزيز
فى التقرير بتاع الصفقات اللى هاوريه لكم المشاركة القادمة باذن الله
ده كان اسلوبى فى التعزيز
وكل واحد حسب رؤيته، انا مجرد باقول فكرة والناس تطوّرها براحتها ولو حد وصل لأحسن منها يا ريت يقولنا عشان الكل يستفيد

التعزيز مرتين بس
اول مرة بضعف العقد الاصلى
وعلى بعد مرتين اد التارجت (لو كان التارجت على الاقل 40)
بمعنى لو كان الرينج المتوسط 150
يبقى التارجت للعقد الاول 50
والتعزيز على بُعد 100 من العقد الاول وبلوت مضاعف

ولو حصل السعر وصل للتعزيز يتم وضع الاهداف للعقود جميعا على نقطة الدخول ناقص نص التارجت

والتعزيز التالت والاخير
يكون بلوت مضاعف للوت التعزيز الاول
وعلى بُعد 5 اضعاف التارجت الأصلى من العقد الأول
واذا وصل له السعر
يتم نقل الاهداف جميعا الى ضعف التارجت الاصلى من نقطة الدخول الاخيرة

[الزيرو]

كيف نحدد الإتجاه حتى نعرف هل صفقاتنا عكس أو مع الإتجاه ..؟؟

الاتجاه يكون من ال 4 ساعات، والاتجاه الاكبر يكون من اليومى
انما خلينا فى ال 4 ساعات
الاتجاه لا يكون اتجاه شكل القناة انما اتجاه السعر بالنسبة للقناة
بمعنى لو القناة طالعة لفوق، ولكن السعر اخترقها نزولا فيكون الاتحاه هبوط
وكلما وافق هذا الاتجاه على الساعة نبيع
فلو طلع السعر على الساعة ولمس الخط الاحمر وكان الاتجاه نزول يبقى ممكن نبيع ولا ننتظر الاقفال فوق الخط الاحمر
عشان ده بيكون تصحيح للنزول
ولكن لو طلع للخط الاحمر على الساعة وكان الاتجاه صاعد على ال 4 ساعات فيبقى ده مش تصحيح وانت كده داخل عكس الاتجاه
فيلزم اغلاق الساعة وتبيع من الهاى بتاعها والتعزيز زى ماقلنا

[abo akram]

مشكور اخ الزيرو على هذا الجهد الرائع منك
واريد ان اسأل اذا كان هنالك مشاركات للدكتور جمال تشرح اشكال القنوات وحالاتها ( عريضة ، رفيعة ، داخل الزرقاء ، تخترق الزرقاء للاعلى او للاسفل .... الخ )
واشكال الكسر المتنوعة وكيفية التعامل الصحيحة مع كل حالة
ياريت الاخ الزيرو والاخوان ما يبخلوا علينا فيها

[saly22]

اقتباسات رائعه
بارك الله فيك

[الزيرو]

مشكور اخ الزيرو على هذا الجهد الرائع منك
واريد ان اسأل اذا كان هنالك مشاركات للدكتور جمال تشرح اشكال القنوات وحالاتها ( عريضة ، رفيعة ، داخل الزرقاء ، تخترق الزرقاء للاعلى او للاسفل .... الخ )
واشكال الكسر المتنوعة وكيفية التعامل الصحيحة مع كل حالة
ياريت الاخ الزيرو والاخوان ما يبخلوا علينا فيها

سأقوم بالبحث عن مثل هذه المشاركات ..
ولكن أكثر حالة تحدث عنها الدكتور هي حالة التذبذب وأن تكون القناتين عريضتين والسعر في وسطهما ..
والحالة الثانية أن تكون إحدى القناتين مائلة قليلاً والثانية حادة ورفيعة ومائلة بحدة للأعلى أو للأسفل ..

لكن أعدك بأن آتيك بكل شرح يتعلق بأشكال القنوات ..

[الزيرو]

اقتباسات رائعه
بارك الله فيك

وفيكي أختي العزيزة ..

[mohamadkonsy]

تسلم ايديك عزيزي الزيرو

مجهود جبار

[الزيرو]

تسلم ايديك عزيزي الزيرو

مجهود جبار

ولا جبار ولا حاجة ..
أصلي بديت أراجع الإستراتيجية من البداية فقلت خليني كل ما أشوف كلام مهم ارفعو لللإخوة هنا لعل وعسى يستفيد منه أحد ..

[forex00]

مشكور اخي الزيرو فعلا مجهود تشكر عليه جدا جدا جدا

[abo akram]

سأقوم بالبحث عن مثل هذه المشاركات ..
ولكن أكثر حالة تحدث عنها الدكتور هي حالة التذبذب وأن تكون القناتين عريضتين والسعر في وسطهما ..
والحالة الثانية أن تكون إحدى القناتين مائلة قليلاً والثانية حادة ورفيعة ومائلة بحدة للأعلى أو للأسفل ..

لكن أعدك بأن آتيك بكل شرح يتعلق بأشكال القنوات ..

نحن بالانتظار وجزاك الله خيرا على مجهودك الرائع