... خبرتى ...

[ghaly]

الباوند نزل .. انا قلت حايطلع كانت سهو مني .. تقريباً نزل عشان الشمعة كسرت القناة الزرقا وقفلت برة وتقريبا ممكن ينزل لخط الرينج

[ensaf]

السلام عليكم

عندي استفسار ....انا عملت فرمته للجهاز و مو عارف انزل البرنامج ,, هل افتح حساب ديمو لتنزيل البرنامج بعدين اعمل دخول ببيانات حسابي الحقيقي ..؟؟ و هل الشغل اللي عملته على الشارتات يروح او لا ؟؟

و سامحونا على السؤال في خارج اطار الاستراتيجية

اذا كنت قد قمت برفمتت ال سى فكل شىء عليه يعتبر قد ازيل
نزل البرنامج الذى تحلل عليه الديمو (( بارى ))
واعيد تنزيل المؤشرات الخ
وموقع البرنامج ستجده فى الصفحة السابقة لهذه الصفحة
ثم نزل برنامج الشركة التى عليها حسابك من موقعهم

[الطائر الناري]

شكراً اختي الكريمة أنصاف على الرد

[احمد الداوود]

تحية طيبة
اعزائنا اصدقاء خبرتى الجدد

لمن لا يعرف طريقة عمل التمبلت الخاص به فى متاجرته
يمكن عمل التمبلت كالتالى

تفتح الشارت
ثم تلون الشموع وتزيل المربعات من عليه
تلون الشموع كالتالى : رايت كليت - بروبرتس - كلر ثم تختار ما تريد
تزيل المربعات كالتالى : رايت كليك - بروبرتس - كومون - ثم تزيل العلامة من على شو جريد
الان الشارت جاهز لوضع المؤشرات

تضع المؤشرات على الشارت
وهى خطوط الفايبو وخطوط الرينج
والقنوات الاوتوماتيك
او ترسمها انت فيما بعد عمل التمبلت

كل شىء جاهز الان لحفظ التمبلت الذى صنعته انت
تقف رايت كليك على الشارت وعليه كل المؤشرات - تمبلت - save
ثم تسمى التمبلت كما تريد - ثم save
الان انت قد حفظت التمبلت جاهز لديك

وعندما تريد وضع التمبلت على اى شارت
هذه احدى الطرق
تفتح الشارت
(1) رايت كليك - تمبلت - تختار وتضغط ليفت كليك على اسم التمبلت الذى تريده فيظهر لك على الشارت
وهكذا
(2) فى شريط التوول بار بالأعلى ستجد جروب الذى فيه العدستين الزائد والناقص ستجد فى نفس الجروب فى الآخر مربع عليه رسمة شارت صغير تفتحه ستجد كل التمبلت التى لديك فى البرنامج والتى انت قد قمت بتكوينها وحفظها فتختار منها ما تريد

والله انك انسانه غاية غاية في الروعه والجمال
الله يعطيكي خير الدنيا والاخرة
ومشكورة على هالمعلومات الرائعه
يصراحة هذا الي كان ناقصني
ويشرفني ويسعدني تعرفي بكم هنا في استرتيجية خبرتي
وان شاء الله اضيف لكم شغلة حلوة بعد ما اجربها على حسابي
بالتوفيق للجميع

[Abo Talal]

السلام عليكم ورحمة الله

أخواني فتحت حساب لي في أحد شركات الفوركس
وبعد فترة من الزمن قررت اسحب جزء من الارباح اتصلت على الوسيط لكنه لايرد ارسلت ايميلات لا يوجد رد وكررت هذا الامر عدة مرات ولمدة تجاوزت اسبوعين
.... ويبدو لي أنني تعرضت لعملية نصب من هذا الوسيط العربي

أريد النصيحة ياشباب ما العمل مع العلم أن الشركة الام لها مكاتب عدة حوال العالم ومنها بريطانيا


أرجو المساعدة


دمتم بود

[magma]

السلام عليكم ورحمة الله

أخواني فتحت حساب لي في أحد شركات الفوركس
وبعد فترة من الزمن قررت اسحب جزء من الارباح اتصلت على الوسيط لكنه لايرد ارسلت ايميلات لا يوجد رد وكررت هذا الامر عدة مرات ولمدة تجاوزت اسبوعين
.... ويبدو لي أنني تعرضت لعملية نصب من هذا الوسيط العربي

أريد النصيحة ياشباب ما العمل مع العلم أن الشركة الام لها مكاتب عدة حوال العالم ومنها بريطانيا


أرجو المساعدة


دمتم بود

تكلم مع الشركة الأم أفضل

[mohamadkonsy]

اللهم صلي على روح الرسول حتى الهم عنا يزول

[الزيرو]

سأرفق في المشاركات التالية يعض من دُرر وتوجيهات الدكتور في بدايات الموضوع ..
سأقتبس هذه الكلمات من الملخص الموجود عندي ..

[الزيرو]

انا تعودت أن أسمي كل مشاركة للدكتور وأعتبرها إجابة لسؤال انا أطرحه ..
فقط حتى أرتب أفكاري ..

[الزيرو]

كيف يتاجر الدكتور بهذه الطريقة وماذا يفعل منذ بداية اليوم ..

1. انا شخصيا باعمل ايه، وكل واحد حسب نظامه
انا باستنى لحد الساعة 12 وبانقل القنوات، وباشوف الشكل الجديد لليوم الجديد، وبناء عليه باتوقع ممكن الحركة تكون فى حدود الساعة كام
طبعا مش كله بيظبط معايا
انما تقريبا 80% من الحركة القوية بتكون فى حدود الساعة 11 الصبح (ده للباوند اللى انا مربيه من زمان) تزيد ساعة تقل ساعة فى الحدود دى
فلو انا اطمنت على السوق ونمت على الساعة 1 بالليل
عادى جدا انى اتابع تانى من 9 ونص مثلا
وال 20% الباقية فى الغالب ممكن على الساعة 3 العصر، او نادرا ما بيتحرك بقوة بالليل
ولو فيه حركة قوية بالليل مابتكونش كسر
انما بتكون ارتداد من لمس القنوات لو توافقت مع ال 4 ساعات، وده فى الغالب بيكون اول الاسبوع لو ابتدا اليوم عند الحدود للقنوات الساعة مع ال 4 ساعات
وكل ده تقريبى، ومن خلال متابعتى
اما الاهم من ده كله
انى مابادخلش صفقة من نصها
يعنى لو صحيت لقيته كسر من ساعتين مثلا ما بادخلش، حتى لو عارف انه لسه هايكمل للهدف
والسوق مش هايطير، لو الفرصة دى راحت (فى داهية) انتظر الفرصة التانية

[ahmedskysama]

السلام عليكم ورحمة الله وبركاته
بعد أذن الدكتور جمال
ممكن ترسلي إيميلك
لأني لا استطيع مراسلتك على الخاص مشاركاتي لم تتعد الـ50
وأريد أن أستشيرك في تلخيص الجزء الأول من الاستراتيجية
قبل أن نطرحه للأعضاء
مع الشكر

[الزيرو]

نواصل ..

الموضوع يحوي إستراتيجيتين :
الاستراتيجية الاولى (اللى بتمشى مع الاتجاه) مالهاش علاقة بالخطوط الحمرا والخضرا
والاستراتيجية التانية (اللى بتمشى عكس الاتجاه) بيكون الهدف تلت الرينج اليومى السابق (مش الحالى وده خطا شائع) عشان كده ثابت ومش بيتغير
ميزة الاستراتيجيات بتاعتنا انها كلها ثوابت

[الزيرو]

هو أيه أساس أو فكرة الطريقة دي ..؟؟؟

الأداة اللى معانا دى عبارة عن ايه؟
عبارة عن ترند داخلى (بداخل الشموع) وبعدين معمول خط بنفس زاويته علوى وخط تانى بنفس زاويته سفلى، يبعدا عنه بمقدار أكبر بعد لذيول الشموع عن الخط الترند الأصلى

نفهم ايه من الرغى الكتير ده؟
ان الأساسى فى الموضوع هو الخط الوسطانى لأنه هو ده الترند بتاعنا
وعشان كده كما تفضل الاستاذ جان (الجديد) بالشرح، اذا فضل السعر يلمس ويتراجع ومش قادر يكسر خط المنتصف بيعكس

خلى بالك ان الموضوع عبارة عن توليفة من الحاجات مش مجرد خرج تقوم تشترى او تبيع

فيه حاجة مهمة عاوز اقولها النهاردة
ازاى نوصل بالثقة فى الصفقة قبل الدخول حتى نصل الى 100% عشان نقدر ندخلها

مافيش حاجة اسمها 100%

أمال ايه؟ مش هاندخل ولا صفقة؟؟
لا
انما فيه حاجة اسمها الثقة المتراكمة
بمعنى
لما السعر كسر الأحمر مثلا لفوق (زى ما مصطفى والاخوان المحترمين أشاروا فى الشارت) ده بيدينا ثقة انه (احتمال) يكمل طلوع، وكمان (احتمال) يصل للحد العلوى الأزرق
بس هل تكفى كمية الاحتمالات دى عشان ادخل الصفقة؟؟ طبعا لا
امال نعمل ايه؟
مثلا الاحتمالات دى خليتنا واثقين بنسبة 30% ان الاتجاه صعود
طيب ده لسه كتير اوى فاضل 70%
ندخل على الفريم الأكبر عشان نعرف احنا فين من الخريطة (ده هايتشرح بالتفصيل فى مشاركة تانية النهاردة برضة باذن الله) فلو كان الفريم الأكبر يؤكد الصعود زادت النسبة مثلا ل60%
لسه فاضل 40 (اخلص بقى امال هاندخل امتى؟)
لما نلاقى سلوك السعر (وده أهم حاجة فى الفوركس وهو ده القائم عليه اى استراتيجيات او ملاحظات، انت اساسا بتلاحظ سلوك السعر، وكل اللى بنعمله ده ناتج عن ملاحظات لسلوك السعر، فماتخليش الملاحظات تحجب رؤيتك لسلوك السعر الأصلى)
بمعنى، لما مثلا يكون الكسر بقوة فده دليل على انه مكمل بقوة باذن الله
حتى لو عمل اعادة اختبار
انما لما يكون السعر ما بيتدلع زى الكسر اللى عمله الكيبل النهاردة مش هادخل الا لما تكون فيه اشارة تأكيدية
يعنى مثلا رجع عمل اختبار ورد بقوة شوية
نزل شوية لحد ما خبط فى دعم سابق
عمل شكل شمعة من بتوع الصعود (هامر محترمة ولا بيرسينج ولا بولش انلجلفينج ولا حاجة من دول)
المهم يكون فيه تأكيد من سلوك السعر نفسهمثلا وصلنا كده لل 90%
فاضل حاجة بسيطة ويمكن الاستغناء عنها (احنا وصلنا ل 90 بلاش طمع) ودى هايكون شرحها قداااام شوية بعد ما نتمكن من الأداة دى عشان مانتوهش، كمان ممكن نقدر نشتغل من غيرها (بس هاتتقال برضة ماهو كل شيج انكشفن وبان)

المهم
عاوزين الرزانة
عاوزين يبقوا الاخوان هاديين وراسيين فى الدخول
نقطة الدخةل لما بتكون صح بتريح المتاجر
ويقدر يقسّم على السوق براحته
انما لما بتكون غلط والعياذ بالله
بيبقى مش عارف يعمل ايه
هل يعزز؟ هل يقفل على خسارة بسيطة؟ ولا يعمل هيدج ويستنى؟ وطول ماهو قاعد يلوم نفسه ايه اللى دخلنى، ويلوم اللى عامل الموضوع (اللى هو انا) وفى الآخر يلوم الفوركس انه نصب
ادخل صح حتى لو تستنى كذا يوم من غير متاجرة (انا عارف ان ده صعب للمدمنين) انما اقرا استراتيجية المسطرة (هنا فى المنتدى اعمل بحث هاتلاقيها) قديمة شوية بس حلوة
فحاول تسيطر على شعورك وادخل من نقطة صح
واحد رد على مصطفى خالد فى موضوع سابق ليه وقاله كلمة حكمة
"انا باستنى السوق لما يتحايل عليا عشان ادخل"
فعلا كده
يوم زى امبارح
انت صحين من النوم مثلا لقيت فرصة بيع الكيبل فاتتك بس هو لسه ماوصلش للحد السفلى للأزرق
فانت عشان مايروحش اليوم من غير ماتفتح صفقة قمت بايع من النص
فلما الكيبل طلع الطلعة القوية دى انت خسرت كتير فقفلت بسرعة عشان ده تغيير اتجاه فراح مكمل نزول للهدف الحد السفلى وانت خسرت

يعنى شوف اللى حصل
انت عارف الاتجاه
وعارف رايح لحد فين
ومع لك خسرت
ليه؟ عشان دخلت غلط

تعالى نشوف اللى دخل صح
لو دخلت الفرصة من اولها هاتقسّم وتبيع وتشترى وتلعب لعب ماعملهوش ابو تريكة
لو صحيت متأخر زى أخينا الأولانى بس انت عاقل، قلت مش هادخل صفقة من النص، وبناقص النهاردة، بس بتتابع برضة، مش بناقص النهاردة وتقفل الجهاز (على الأقل تشارك معانا هنا فى الموضوع )
فلما طلع الكيبل الطلعة دى انت استغليتها وبعت (تقريبا انت بعت للراجل الأولانى اللى خاف وقفل)
ونزل بيك لحد التارجت المعروف

يبقى يا اخوانى
الدخول الصح بيريح المتاجر
أدخل بسبب (ولو عرفت تكتب السبب يبقى كويس ليك)
وكمااااااااااان
أخرج بسبب

[الزيرو]

شوية شرح زي الفل ..

هانحط يا جماعة شوية نقط نمشى عليها بالظبط بعد كده عشان من غير تفكير طالما انا دخلت التريدة يبقى اكييييييد باقى الناس تكون دخلتها (المقصود يكون التفمير واحد ومافيش تضارب فى المفهوم)

فانا هاقولك على طريقتى يا مصطفى زى مانت طلبت وانت طبعا لك مطلق الحرية فى العمل بيه او التعديل عليه فى شغلك انت الخاص

أولا
الشغل على فريم الساعة فقط
امال ال 4 ساعات ده ايه؟
ده مجرد يفهمك الاتجاه العام وللتأكيد على الاستمرار فى الصفقة (على الساعة) أو الخروج منها (على الساعة برضة)
وبيورينا التخيل العام للاسبوع (ممكن) يبقى شكله ايه (مش بالضرورة)
انما اللى بيحدد الشكل الفعلى هو فريم الساعة وتغير سلوك السعر خلاله

امال اليومى بقى؟
ده عشان نتخيل برضه شكل الشهر (احتما يبقى ازاى)
وتأكيده يكون من ال 4 ساعات
وتأكيد ال 4 ساعات من خلال الساعة

يعنى هاديلكم مثل
احنا هانبتدى شهر جديد
عملنا نظامنا على فريم اليومى عشان نتخيل الشهر
فلقينا (حاجة من الاتنين بس اللى اتشرحوا ماعندناش غيرهم الوقتى) ان الأحمر والأزرق متطابقين على بعض ونازلين لتحت
فى الحالة دى يبقى عندنا سيناريو من اتنين خلال الشهر ده

يا اما هايمشى فى ترند هابط يلمس القناة من فوق وينزل يلمسها من تحت
او هايكسرها من فوق ويطلع بهبل

طيب نعرف ازى؟
ندخل على ال 4 ساعات ونعمل نظامنا عادى
نلاقى الشكل فى الغالب هايكون شبه اليومى (عشان بقاله فترة نازل)
فيكون السيناريو هو هو احدى الحلّين

نقوم ندخل على الساعة ونعمل نفس النظام
ودى تكون محطة المراقبة بتاعتنا
ممكن نلاقى الساعة نفس الشكل (الأحمر والأزرق متطابقين برضة) فيكون نفس السيناريو
او يكون السعر مشى بالعرض شوية (بحيث تأثيره ظهر على الساعة ولكن لسه على ال 4 ساعات مش مؤثر اوى)
فيكون الشكل على الساعة ان الأزرق ماشى بالعرض شوية والأحمر باصص لتحت

الطبيعى عندنا اننا بنشتغل على الساعة مع وضع الحال العام فى الاعتبار
فلما يكسر الأحمر على الساعة لفوق يبقى هاندخل شرا (ده العادى) ولكن الاتجاه العام على اليومى وعلى ال 4 ساعات هبوط فيكون الدخول اما بلوت صغير عشان تقدر تعزز او بتارجت صغير (مش لازم يلمس الحد العلوى للأزرق)

ملحوظة هااااامة
ماتخافش ان الترند يعكس اتجاهه من بيع الى شرا وانت كنت شارى وقفلت بدرى
لا
هايرجع وينزل لك تانى لمنطقة الشراء الأصلية أو أفضل منها كمان قبل ما يبتدى رحلة الصعود
يعنى هاتركب الموجة هاتركب الموجة باذن الله تعالى
فبلاش تستعجل او تطمع وما تقفلش الصفقة عشان هايعكس الترند ويطلع
مافيش ترند بيتعكس خبط لزق، لازم فترة انتقالية الأول
والاستراتيجية بتاعتنا دى بتبين كل الفترات، الترند والانتقالى
بس انت
أدخل صحححححح

المهم
زى ما قلنا اشترينا على الساعة مع كسر الأحمر (على استحياء)
وبعدين تانى يوم مثلا هايتغير الشكل بتاعنا (عشان امبارح طلع السعر شوية)
فهايكون الأزرق ماشى بالعرض وتقريبا الأحمر ماشى باعرض برضة بس باصص لفوق

نركز هنا بقى
فيه 2 سيناريو

السيناريو الاول
لو الترند العام هايكمل هبوطه

هايبقى السعر على ال 4 ساعات مثلا لامس الحد العلوى للقناة
وعلى الساعة حبيبتنا
هايكسر الأحمر لتحت، فهاندخل بيع وبقوة (لوت عالى) ليه؟
اليومى هابط وماتكسرش
ال 4 ساعات لمس الحد العلوى وارتد وترند هابط
الساعة كسر الأحمر لتحت
عاوز ايه تانى؟

السينايو التانى
يكون الترند هايبتدى ينعكس
فالسعر على الساعة هايكسر الأحمر لفوق (لتانى يوم)
فهاندخل شرا (لسه على استحياء بس مش استحياء اوى زى امبارح ههههه)
هايطلع بينا شوية (يمكن يكون بقوة)
فى الحتة دى هايكون كسر الحدين العلويين للقناتين المتطابقتين على ال 4 ساعات
يبقى ساعتها يا فرج الله الاسبوع ده هايكون طلوع بغباوة وفيه ناس كتير هاتصفّر حساباتها (المتمسكين بالبيع) نحاول احنا نكسب بقى

ساعتها السعر هايعمل زى ما قلنا من شوية
هاينزل تانى ويمكن لسعر أفضل من اللى اشترينا على أول ما كسر
وده عشان يعمل اختبار على ال 4 ساعات قبل ما ينطلق
ويمكن على الساعة نلاقيه دخل تانى جوة الأحمر اللى لسه كاسره
(من هنا ييجى دور ال 4 ساعات فى تحديد الاتجاه وليس فى المتجرة)

طبعا احنا مش هانشترى من تحت اوى (بلاش افترا ههههه) وبلاش تخييييل (تاجر ما ترى وليس ما تظن)
الشرا وبمنتهى القوة يكون لما السعر يرجع ويطلع تانى من الأحمر على الساعة
ويكون تم التأكيد على اختبار فى ال 4 ساعات (والحاجتين دول متزامنين يعنى بيحصلوا سوا)

يعنى لما يرجع يكسر على الساعة بيكون فى الغالب عمل شمعة هامر او بولش انجلف على ال 4 ساعات مع لمس القناة المكسورة والارتداد منها

يبقى اشترى ولا حرج
والا سبوع ده هايطيييييير لفوق

هايكون عندنا الشكل كالتالى
على ال 4 ساعات القناتين باصين لتحت ومتطابقتين والسعر خرج منهما وطار (الفريم ده كده مالناش دعوة بيه تانى لآخر الاسبوع عشان الشكل ده مش هايتغير)
اما على الساعة فأول يوم لما السعر كسرهم وطار هايبقى الشكل شبه ال 4 ساعات
اما تانى يوم فهايكون الأحمر باصص لفوق ورفيع ومخترق الأزرق من شدة طلوع السعر (أكيد يعنى) والأزرق عريض وبيبتدى يبص لفوق
فلو السعر هايكمل بنفس القوة (وده فى الغالب)
ممكن يلمس الأحمر من تحت ويطلع بقوة
وممكن يكسر الأحمر لتحت (ده شكل جديد غير اللى فاتوا) خلى بالك
هايكسر الأحمر لتحت (ادينى باعيدها تانى) ويلمس طرف الأزرق من فوق ويطييييير يطير زى العصافيييير

طيب ليه لما هايكسر لتحت مش هانبيييييع؟؟
اولا احنا مش مكنة (اجهزة يعنى بس بالمصرى)
ثانيا احنا قايلين انه على ال 4 ساعات اخد فى وشه ومسافر لدرجة اننا مش هانبص عليه تانى باقى الاسبوع
يعنى كل نزول شرا
وعلى فكرة
غير موضوع ال 4 ساعات انه طالع
الشكل نفسه بتاع الساعة ما بيبقاش هو هو
يعنى الأحمر بيكون رفيع عن العادى وخارج عن الأزرق اوى (لقوة الشموع الصاعدة المرسوم عليها)

[الزيرو]

إزاي يا دكتور أعرف إن اليوم ده هيكون تذبذب مثلاً ..؟؟؟

الشكل ده بيكون الأزرق عريض اوى والأحمر كذلك عريض اوى
وبيكون الفروق بينهم مش كبيرة، وكمان افتتاح اليوم شبه فى المنتصف
فعشان يقدر السعر يمشى كل العرض دة وبعدين يكسر بيكون ضعف العزم بتاعه (موضوع العزم ده احنا لسه ماتكلمناش فيه وهو مهم)
فعشان كده باريح نفسى واقفل او اتابع من بعيد
واستنى لما يبان اتجاه محدد وبلاش طمع واخده طالع نازل
ممكن التداول خلال اليوم اللى زى ده بالعكس
يعنى على الارتداد مش الكسر
البيع من الحد العلوى، والشرا من الحد السفلى (ده اذا السوك السعرى عمل شكل ارتدادى هامر ولا شوتنج زى اللى فى الصورة)

بس ليه؟؟
انا ماباحبش اغامر
استنى احسن اتجاه وتأكيد واضح

خلى بالك من حاجة
اذا انت دخلت بيع مثلا من الحد العلوى وكسره لفوق ده معناه ايه؟؟
معناه انه هايطير لفوق زى ما شرحنا قبل كده وتبقى حضرتك اخدت الترند الصاعد بيع من اوله ما شاء الله هههههههه

انا افضّل الصفقة المتكاملة
يارب تكون الفكرة وصلت