... خبرتى ...

[احمد الجندى ابو جومانا]

منور يا ابو ياسر
وفقكم الله الى ما يحبة ويرضاة
شكرا يا ديب على الاتصال مش تقلى يبنى انك ثورجى دحنا بيننا هنبقا اصدقاء جمدين ومتقلقشى التحرير كلة تمام
متابع معكم ومع الاستاذة انصاف

[tulkaremillar]

حياك الله اخي احمد وكان الله في عونك

[الإنترادي]

سلام عليكم اخوانى واحبائى
انا اسف ماقدرت اشارك معاكم وكنت ناوى اشارك بس ما قدرتش اقعد فى بيتنا واتفرج لما شوفت امبارح صور كلاب الامن المركزى والشرطة العسكرية فى ميدان التحرير وهما بيرموا جثث الشهداء على اكوام الزبالة وبيسحلوا المتظاهرين بكل ما اوتوا من قوة غاشمة وبيجروا الفتيات على الارض من شعرهم وكأنهم مايعرفوش ان اللى بيضربوهم وبيقتلوهم هما مصريين زيهم وهما اللى بيدفعوا مرتباتهم من قوت يومهم ..
فيه تطورات عندنا كتيرة فى اسكندرية وفى القاهرة والسويس وكل المحافظات والموضوع بيتطور ليرقى لثورة تصحيح للحالة الهباب اللى البلد فيها
وفى الاخر المجلس العسكرى ومجلس الوزراء اخيرا اصدروا مرسوم بقانون الغدر والعزل السياسى ههههههههههه
يعنى عشان نطلعو منهم بقانون واحد لازم البلد تتحرق وتقوم بثورة ويستشهد لحد الان 33 واحد ويصاب اكتر من 1300 !!!!!!!!!!!!!!!!!!!!
واللى يغيظك ان البلد بتتحرق والمجلس العسكرى وعصام شرف يتحدوا الناس ويقولو الانتخابات ستجرى فى موعدها !!!!!!! بالظبط زى نظام مبارك زمان.. البلد تولع وتدمر وده فييييين على ماينطق ولما ينطق نلاقى ان سكوته كان احسن "تمخض الجبل فولد فأرا"
لا والادهى والامر ان الحكومة اتقدمت بإستقاتها من شوية والمجلس العسكرى رفض الاستقالة !!!!! طبعا لازم يرفض لانه مش هيلاقى سكرتارية تنفذ اوامرهم اكتر من عصام شرف وزمايله..
انا بطلب من كل اخوانى المصريين ارجوكم انزلوا لميدان التحرير وكل الميادين فى محافظاتكم ارجوكم شوفوا الفيديوهات عالقنوات واليوتيوب عن القمه والارهاب اللى بيحصل .. الشرطة بتضربنا بقنابل غاز مش مسيلة للدموع ..لا دى قنابل بتعمل شلل مؤقت وبتخدر الجسم كله وغاز غريب غير اللى كانوا بيستخدموه فى ثورة يناير ومنتهية الصلاحية واقسم لكم بالله فيه قنابل مكتوب عليها باللغة اللعبرية يعنى جايه من اسرائيل عشان يقمعونا بيها.. وبيستخدموا الرصاص المطاطى والخرطوش لاستهداف الرأس والعين بالتحديد وانا شوفت ناس قدام عينى بينضربوا برصاص مصاطى فى اعينهم.. واصبحنا بنشوف مشاهد فى مصر زى اللى فى سوريا بالضبط..
يا اخواننا دول عايزين يصيبوا الشباب بعاهات مستديمة عشان مايعرفوش يقاوموهم وبينتقموا مننا عشان عملنا ثورة .. لكن والله الذى لا اله الا هو لن نعود لبيوتنا الا بتحقيق مطالبنا..
انا حاليا مع المتظاهرين مابين القائد ابراهيم وقيادة المنطقة الشمالية العسكرية ومديرية الامن عشان الشرطة القذرة والمجلس العسكرى يعرف اننا مش هينضحك علينا تانى زى ماضحكوا علينا فى يناير واوهمونا انهم بيحموا الثورة وحاليا هما اللى بيضربونا ومبارك واعوانه لن يحاكموا محاكمة حقيقية وانما هي تمثيلية عشان فى الاخر يطلع براءة.. انتوا متخيلين ان طنطاوى وغيره من قيادات المجلس العسكرى اللى مبارك هوا اللى اختارهم وسلمهم السلطة انهم هيحاكموه !!!! طيب ليه ليه جلسة شهادة طنطاوى فى المحكمة كانت سرية ؟؟؟
وفى الاعلام المصرى القذر بيصورونا اننا مخربين واننا مثيرى للشغب وبلطجية.. والله العظيم انا ماشوفت شخص من المتظاهرين واتعرفت عليه إلا ويكون دكتور او مهندس او موظف محترم او طالب جامعى او رب اسرة ومعظم الناس المتظاهرين من الطبقة اللى بيسموها بين قوسين "الطبقة الراقية"
اسف انى قاطعتكم واتكلمت فى موضوع خارج السياق بس غصب عنى انا قولت افضفض معاكم شوية واطمنكم عليا ..انا هحاول كل ماالاقى فرصة انى اتواصل معكم بس امانة عليكم اللى يقدر يشارك فى الثورة ينزل ويشارك عشان البلد دى تنضف وتكون افضل وعشان اولادكم وعشان نفسكم وماتخافوش انا بشوف شباب وبنات سنهم لا يتعدى 20 سنة واقفين قدام الشرطة بكل قوة وجرأة لدرجة ان الواحد بيتكسف من نفسه ساعات " اصل انا اول مابشوف الامن المركزى داخل علينا بعمل نفسى نايم هههههه مانتوا عارفينى بقى .. وبقولكم ماتخافوش تانى لانه " قل لن يصيبنا الا ماكتب الله لنا "
والله العظيم انا عمرى ماكنت ثورى اوناشط سياسى حتى لكن اللى بيحصل ده لا يمكن لبنى ادم عاقل انه يشوفه ويمصمصلى شفايفه من التإثر ويقلب على قناة تانية " انا قصدى على قنوات التليفزيون مش قنوات خبرتى هههه"
انزلوا التحرير واللى يقدر على حاجة يعملها سواء انه يدافع عن المعتصمين ضد هجمات الشرطة او يساعد فى نقل او اسعاف الجرحى او يتبرع بمواد طبية للمستشفيات الميدانية او يجيب للمعتصمين اكل او مياه او بطاطين او او يشارك فى اللجان الشعبية او اى شئ ان شالله يساعد بالهتاف بس..
اخيرا بسلم على كل احبائى اللى وحشونى جدا واللى بحبهم جدا الريس طولكرم والكينج ابو احمد والشيخ حمدى ورمووزة بيه وحشيش باشا وابوجمانا "معلش يا ابوجمانا وعدتك انى اكون موجود بس دى مصر بقى لازم اصحى من النوم شوية هههه" واخواتنا المحترمات استاذتنا انصاف وام يوسف و"ماتزعليش على مصر ان شاء الله هترجع احسن من الاول" وريم ونور الهدى ونسيم ..
اسيبكم بقى عشان اخد دش سخن كدا واكلى لقمة بيتى لان بطنى ورمت من اكل الشارع هههه واغير هدومى وانزل بقى اقلب رزقى فى الزحمة هههه.. ونشوفكم فى الاخرة ان شاء الله هههه
استودعكم الله الذى لا تضيع ودائعه واراكم عن قريب ان شاء الله لو لينا عمر
بالتوفيق للجميع

اللهم أصبغ النعم والاطمائنينه ع اخواننا المسلمين في مصر وأسكن روعاتهم وأفرج كربهم وألهمهم أمر رشد يعز فيه أهل طاعتك ويذل فيه أهل معصيتك وأحفظهم من فوقهم ومن تحتهم ومن أمامهم ومن خلفهم اللهم هيئ لهم أمر رشد وأحفظهم وأعراضهم ودينهم وأجمع كلمتهم اللهم آمين اللهم آمين اللهم آمين

[احمد الجندى ابو جومانا]

اخوانى صحيح مصر فيها ناس عيشة كويس
بس كمان فيها ناس كويس انها عيشة
حماكى الله يا مصر

[MeshariWM]

اظن انها فرصة للشراء عالباوند والله اعلم
عموماً تم شراء الباوند

[ahmed el deeb]

معلش يا ابو جمانا اشمعنى انت يعنى هههه انا قولت برضو بدل ما ادخل عليكم بإيدى فاضية اجيب لكم حاجة حلوة معايا
انظروا وتأملوا كيف تتعامل الشرطة والامن المركزى مع المصريين وكيف يدوسوا على كرامتنا بنعالهم القذرة وكيف يسحلون الفتيات ويجروهن على الارض من شعورهن وكيف يفضوا اعتصام لشخص مصاب فى االثورة وعاجز عن الحركة فى ميدان التحرير
وفى صورة مجموعة من المتظاهرين تحدوا القمع ويؤدون الصلاة فى عز الاشتباكات على كوبرى قصر النيل والامن المركزى يرشهم بمدافع المياه فى عز الشتاء والبرد !!! تخيلوا ؟؟؟؟
ولذلك مصر كلها فى ثورة على امثال هؤلاء وليسترد المواطن كرامته وآدميته التى انتهكت على مدار ثلاثون عاما من القمع والاذلال
انا اسف ياجماعة والله مش قصدى اضايقكم بس عايزكم تعرفوا ليه الناس فى مصر بتغلى بتغلى بتغلى وبتنفجر مرة واحدة..

[أبوفراس]

معلش يا ابو جمانا اشمعنى انت يعنى هههه انا قولت برضو بدل ما ادخل عليكم بإيدى فاضية اجيب لكم حاجة حلوة معايا
انظروا وتأملوا كيف تتعامل الشرطة والامن المركزى مع المصريين وكيف يدوسوا على كرامتنا بنعالهم القذرة وكيف يسحلون الفتيات ويجروهن على الارض من شعورهن وكيف يفضوا اعتصام لشخص مصاب فى االثورة وعاجز عن الحركة فى ميدان التحرير
وفى الصورة الاخيرة مجموعة من المتظاهرين تحدوا القمع ويؤدون الصلاة فى عز الاشتباكات على كوبرى قصر النيل والامن المركزى يرشهم بمدافع المياه فى عز الشتاء والبرد !!! تخيلوا ؟؟؟؟
ولذلك مصر كلها فى ثورة على امثال هؤلاء وليسترد المواطن كرامته وآدميته التى انتهكت على مدار ثلاثون عاما من القمع والاذلال
انا اسف ياجماعة والله مش قصدى اضايقكم بس عايزكم تعرفوا ليه الناس فى مصر بتغلى بتغلى بتغلى وبتنفجر مرة واحدة..

نسأل الله العلي القدير السلامة لشعب مصر العظيم
ونسأله أن ينصر شعبها وأهلها على الظلم والفساد

والله يا أخي أحمد لقد آلمتنا الأحداث الأخيرة التي جرت في مصر
وآلمنا أن تتوعك ثورة مصر المباركة

نسأل الله أن يحقن دماء المسلمين والعرب جميعاً
وبإذن الله منصورين

وأيضاً نسألكم الدعاء لنا في "سوريا"
فثورتكم هي منارة لنا
والله وحده يعلم ما نعانيه هنا من ظلم وطغيان وقمع
وما يصل إلى الإعلام عن أحداث سوريا ما هو إلا جزء يسير جداً من الجرائم التي تجري على الأرض

اللهم اختر ما فيه الخير للبلاد والعباد
وأنصر المظلومين والمقهورين من عبادك المسلمين

[السلاحف]

الله معاكم يا اخوتنا في مصر،

ان شاء الله تنقشع هذه الغمه في اسرع وقت.

[احمد الداوود]

الله معاكم يا اخوتنا في مصر،

ان شاء الله تنقشع هذه الغمه في اسرع وقت.

[The Legendary]

الهم أنصر الشعوب المستضعفة في مصر واليمن وسوريا والبحرين على الظلم والطغيان وانتقم لنا فيمن ظلمنا وأرنا في كل الطغاة يوماً أسوداً ليحترقوا بنار الدنيا قبل الآخرة

[قائد كتيبة]

صباحكم سكر واخضر
شخبطات قائد فقط لا غير
الكيبل حقق الاهداف البعيد في الهبوط 550ليس ببعيد لهذا اليوم او غدا وقد يكون بداية النهاية للتريند الهابط وبدايت الترند الصاعد ولكن لا توجد اي بوادر للشراء بعد

[reem123]

لا حول ولا قوة الا بالله
لا حول ولا قوة الا بالله
لا حول ولا قوة الا بالله
أخي أحمد قلوبنا معاكم وربنا ينصركم على من ظلمكم وعاداكم .. أكثروا من الدعاء لأن دعوة المظلوم مستجابة
ونحن نكثر من الدعاء لأن دعوة المسلم لأخيه المسلم في ظهر الغيب مستجابة..
اللهم خذهم أخذ عزيز مقتدر.. ربنا يشل ايديهم اللي تضرب الناس الابرياء..
ولا يهمكم اخوانا في مصر وسورية واليمن وفي كل مكان ( جولة الباطل ساعة وجولة الحق إلى قيام الساعة ) فالنصر قادم ان شاء الله وأشد ساعات الليل سوادا هي الساعة التي تسبق الفجر.

[reem123]

اخواني اشتريت الباوند من اعادة اختبار القناة الحمراء المكسورة
والله الموفق

[mohsun]

اخواني اشتريت الباوند من اعادة اختبار القناة الحمراء المكسورة
والله الموفق

السلام عليكم
ممكن تخليكى على حذر ولو كسر 5612 بنقطه اعكسى
ولك تحياتى

[reem123]

شكرا لك استاذ محسن عالتنبيه ..