يوم 26 مايو 2011
Entry = 133.36
Entry2= 132.826
TP1=133.895
TP2=134.432
SL= 132.292
الاتجاه = صعود
النتيجة = نجاح المؤشر من نقطة التبريد باتجاه نقطة الدخول
هاي اليوم = 133.76
لو اليوم = 132.6
Printable View
يوم 26 مايو 2011
Entry = 133.36
Entry2= 132.826
TP1=133.895
TP2=134.432
SL= 132.292
الاتجاه = صعود
النتيجة = نجاح المؤشر من نقطة التبريد باتجاه نقطة الدخول
هاي اليوم = 133.76
لو اليوم = 132.6
أي مؤشر أخي عملت عليه التست الأصلي أم المعدل .... ولآي فريم ؟
ملحوظه بعض الأخوان الذين إستخدموا المؤشر الأصلي لا يتعاملون مع خط الستوب كخط الخروج من الصفقه ستوب لوز ولكن يعتبرونه مستوى قوي لإعادة الدخول أو التبريد . ياريت نسمع ملاحظات من الأخوان ذوي الخبره في المؤشر الأصلي .
يوم 18 مايو كان اللو = 130.75
وهنلاحظ يوم 19 مايو إن ال TP2= 130.733
القيمتين دول قريبتين من بعض
يوم 18 مايو كان الهاي = 132.48
يوم 20 مايو كان ال Entry = 132.480
نفس الرقم
يوم 24 مايو كان الهاي = 133.1
يوم 25 مايو كان ال Entry 2 = 133.092
بالتقريب يبقى نفس الرقم
مجرد ملاحظات لها مغزى
بالطبع حجم العينة المنتقاة صغير و لو كانت اكبر ممكن نتأكد من الملاحظات دي ، وهذا شيء متوقع ومنطقي و إلا نبقى بنهرج ، لأن الهاي أو اللو المفروض انها منطقة ارتد منها السعر ، يعني عندها هنلاقي زاوية من زوايا جان وطبيعي نلاقيها مرة تانية كنقطة تبريد أو جني أرباح او ستوب لوس
علشان كلامنا يكون منطقي نوعا ما
طيب فين الاكتشاف الجديد بقى ؟؟؟؟؟؟؟؟؟؟
احنا عرفنا ان الخطوط اللي بيديها المؤشر كلها هي عبارة عن زوايا لجان ، وهي اللي بنشتغل عليها ، والمفروض ان جان كان بيستخدم الفلك ، حلو جدا ، نشوف هو قال إيه و ما حدش يعني ركز قوي فيها ، الحتة اللي اعتنى بها جان وفوتها الكثيرون هي المنطقة في الوسط بين مدار الكواكب وشدد على أهمية هذه النقطة ، وبما أن العملية كلها متداخلة بين زوايا جان ومربع التسعة ومدارات الكواكب ، فماتوصلت إليه رقميا بمتابعة سلوك السعر هو أن المنطقة المتوسطة بين الخطوط مناطق مهمة جدا وغير مرئية ومنها بيرتد السعر كثيرا وإن لم يرتد فنجد أنه يغطيها جيئة وذهابا ، هذه النظرية تأكدت منها على المجنون ولم أجربها على غيره.
فأمام حضراتكم لمن يهتم بهذه المعلومة شيئان ، أولهما ألا تأخذوا مني الكلام على إطلاقه إذ ربما أنا متحيز لفكرة معينة ، فعليكم التأكد منها بأنفسكم ، ثانيها هو أن تفكروا كيف يمكن الاستفادة من هذه المعلومة .
يبقى سؤال : هل يمكن عمل مؤشر أو تعديل ليتضمن هذه المعلومة على الشارت ؟؟
الإجابة : نعم
بس نشوف ردود أفعال حضراتكم و تقييمكم واختباراتكم لهذه المعلومة
بالفعل سيدي الفاضل أنا أيضا ممن يؤيدون عدم التعامل مع الستوب لوس على انه ستوب لقفل الصفقة لان السعر يا اما هيرتد منه و ممكن ادخل مع السعر لما يرتد بس دي خطرة لاني كدة اعتبر ماشي عكس الاتجاه اللي هو اختاره ، وممكن أخلي صفقاتي مفتوحة لانه وكما تبين ما تراه اليوم ستوب لوس بكرة ممكن يكون هو البروفت بتاعك ، بس طبعا لو الحساب يستحمل نشيل فيه كام صفقة مفتوحة لعدة ايام قادمة
في الحقيقة من يوم ما تعلمت الفوركس ورجلي اتزحلقت فيه حاولت اعلم نفسي اني استخدم ستوب لوس ، لكن بصراحة طبيعة شخصيتي ما بترتحش معاه بالمرة ، و تغلبت على الخطورة بأنه إن كان يعني لازم ولابد أؤمن الصفقة يبقى أحط أوردر عكسي فقط مكان الستوب لوس ، يعني اهدجها و بعدين يحلها لنا الكريم بقى ونشوف هنفكها إزاي ، أصل الهيدج بطريقة أو بأخرى ممكن نطلع منه لكن الستوب لوس خسارة محققة ما فيش كلام ودي طبعا وجهة نظر ليس إلا
واللله يا سيدي الفاضل أنا لما شفت الفرنك والشمعة بتاعته كان نفسي اتصور جنبها للذكرى لأنه نادرا لما تشوف حاجة بالشكل ده ، بس بفضل الله ربنا كرمني بفكرة بسيطة جدا ، تخليني أقول للسوق يروح مطرح ما يحب ولا يتهز لي شعرة بفضل الله ، ودي فرصة نطلعها لكم وأسأل الله تبارك وتعالى أن يثيبني عليها خيرا
الفكرة بسيطة جدا جدا ، وبرضوه بتعتمد على الهيدج ، بس لما تعمل هيدج في الحساب بتحس انك اتكلبشت كدة ومش مرتاح و عاوز تفك منه وتعبان ، قلت طيب ما انا ممكن أعمل هيدج بس مش في نفس الحساب ، يعني لو لي حسابين ، أفتح أوردر معاكس في الحساب التاني ، ولو حصل معايا شمعة زي بتاعت الفرنك هي ممكن تمرجن لي كدة حساب ، بس كل الفلوس كأنها تنتقل للحساب التاني ، يعني تقدر تقول كدة طريقة جديدة في تحويل الفلوس بين الحسابات هههههههههه ، وبكدة ما خسرتش حاجة و من الحساب التاني يا اقفل الصفقة او اقدر اسحب الفلوس او اوازن بين الاتنين لو الحساب الاول لسة فيه رمق