اقتباس:
المشاركة الأصلية كتبت بواسطة معلم حر
أهلا وسهلا بحضرتك ، لي الشرف بالتعرف إلى حضرتك
هو الحقيقة إن مشكلة جان الحقيقية تنبع من إحاطته بالأسطورية ، و أنا لفيت زي حضرتك كدة لما دخت على جان ، وكان اللي مزعلني إن ما حدش بيكمل لأن جان كان أساسا بيعمل على المحاصيل أكتر ، وما كانش عنده مشكلة المنصات واختلاف التوقيت و الأسعار اللي بنبني عليها حساباتنا ، كان بيستخدم ورقة وقلم و بيرسم بإيده وبياخد القراءة من المؤشر مباشرة ، وده اللي مشرد الناس في استراتيجياتهم ، لأن الحسبة بتطلع غلط لأن مدخلات المعادلة أصلا غلط ، وحاجة كمان هو إن الباحثين في جان ما بيبحثوش في نفس النقطة ، يعني تلاقي مثلا الدكتور حمادة مولع باليورودولار ، و أنا بحب اللعب على الدهب ، و الزميل الأخ الفاضل عمرو لاحظت انه مولع بالمجنون ، ودي نقطة مهمة جدا في البحث ، لأن جان مثلا كان معظم شغله على المحاصيل وخاصة القمح ، فلما أقرأ ما كتب عنه وما كتبه هو بأفهم بس لما آجي أطبق على العملات أو الدهب بنرجع نتوه تاني ، فالصح اننا كانا ندرس منطقة واحدة لغاية ما نجيب آخرها ، و الحمد لله عندنا حاليا مؤشر الدكتور حمادة وهو مؤشر عبقري ولو اشتغلت بيه على حالته دي ودون تطوير أكتر من كدة مكاسبك هتكون أكتر بكتير من الخسارة ، ويا حبذا لو تذكر لي اسم الشركة الاسترالية يمكن أعرف أجيبه ، وكلنا بنكمل بعض بإذن الله .
و أود أن لا تبخل علينا فتكتب لنا ما وجته أو ما تعلمته أو حتى ما ذكر ولم تستطع الوصول إليه .
وبالفعل أسعدني كلامك وتشرفت بمعرفتك
فينك يا دكتور حمادة ، ده كدة أنا اللي بقيت مشغل الموضوع ، فينك يا ريييييييس
