كشف الأسرار , وهل ستنقطع ارزاقنا بانتهاء البورصة او الفوركس؟

[الزيرو]

هنشوف الصورة بتاعت النهاردة ، هنبدأ من تحت ونشوف الخط الاحمر الاول هل فيه حواليه علامات سودة ؟؟ ما فيش نطلع للخط الاحمر اللي بعده هنلاقي علامة فوقه علطول ، من العلامة السودا دي هنشوف انها بتاعت ال EURGBP ومدياني السعر على الشمال ما بين 81 و 83.5 ، نروح منصتنا ونشوف السعر كام .
السعر حاليا هو 0.8253 يعني متفق مع مكان العلامة السودا يعني نقول انه 82.53

طيب السعر دلوقت فوق الخط الاحمر بس يا ترى هو جاي منين ، نروح نفتح شارت الديلي هنجد انه جاي من فوق يبقى لسة ما كسرش الخط الاحمر ، لو كسره يبقى نبحث عن انه هينزل بعد كدة ، لكن ما دام ما كسروش يبقى اما انه هيرتد ويرجع يطلع لفوق او يكسره وينزل يبقى هنا لسة ما ححدناش بدقة ممكن ندخل في انهي اتجاه . يبقى ندور على علامة اوضح في عملة تانية .

نفس الحكاية في ال EUR CHF جاي من فوق ولكن لسة ما كسرش الخط الأحمر ، يبقى ممكن يرتد وممكن يخترق ، وقلنا ان الطريقة تصلح للمدى المتوسط ، يعني لو تم الاختراق مثلا لخط احمر فإنت كدة عندك ارع خمس ايام تمشي براحتك في اتجاه واحد ودي فرص ممتازة بس عاوزة متابعة وصبر لانك هتاخد الاتجاه من اوله .

نروح مع بعض على ال USD Jpy هنلاقي علامة بتقول انه تم الاختراق ولكن لم يتم تأكيده ، بس اختراق منين ؟؟؟؟

نفتح شارت العملة اليوم ونشوف كانت ماشية ازاي ، هنلاقي الباشا جاي من فوق ونازل وكسر الخط اللي لونه ازرق ، فلو تم تأكيد الكسر معناه ان السعر هيستمر في النزول لغاية ما يوصل الخط الازرق اللي بعده .

علشان نستخدم الطريقة دي على المستوى اليومي بنستخدم خط واحد ملون ونلعب عليه ، مثلا لوقلنا فيما سبق من امثلة اني قريب من خط احمر بس انا شايف انه هيرتد منه يبقى ادخل شرا واحط الستوب بتاعي تحت الاحمر علطول .

وطبعا شرحي هنا بناءا على ما سبق من أمثلة ، مش نلاقي البعض يفتكر ان كلامي بقى قانون ، الفكرة باختصار ان الصورة بتعرفك انت فين وممكن تروح لفين بس يا سعده بقى اللي يلقط خط احمر لسة مكسور وتم تأكيده كدة تفتح الصفقة وتروح تنام .

سؤال كمان :
متى هو التوقيت المناسب للنظر لهذا الجدول ..؟؟
هل مع إفتتاح اليوم .. أم يمكنني العمل عليه خلال اليوم وفي أي ساعة ..؟؟
وهل أبحث فقط عن علامات سوداء فوق أو تحت الخطوط الحمراء فقط ..؟؟

مش قلتلك محتاجين وجودك ومتابعتك للفرص لايف كام يوم ..؟؟

[الزيرو]

سؤال آخر عن توقيت موقع zet

في الصورة اللي تحت دي انا عدلت توقيت البرنامج إلى +3 غرينتش ليتوافق مع توقيت السعودية ..
الآن هل أستطيع إعتماد تواقيت العلاقات والإقترانات التي يعطيني إياها البرنامج على أنها توافق توقيت السعودية..؟؟

يعني مثلاً في الصورة المرفقة العلاقة الأولى في الجدول هي رباعية مع بلوتو الساعة 3:25 ، هل يعني ذلك أنه وبغض النظر عن المنصة المستخدمة وتوقيتها فإنني عند الساعة 3:25 بتوقيت السعودية أفتح المنصة وأتابع تأثير العلاقة أو الإقتران .؟؟؟

وكيف يمكن تحديد أثر العلاقة (سلبي أم إيجابي) ..؟؟ وكيف يمكن أن نحدد متى سيكون الأثر قبل أو بعد العلاقة كما فعلت في حديثك عن الإقترانات والعلاقات السابقة..

عارف إن أسئلتي كتيرة (ولسه عندي أسئلة كتييييييير .. خخخخخخ) بس موضوع الزمن والسعر والطريقة الفلكية كلها مواضيع تستهويني وأرغب في إستغلال وجود أمثالكم للإستزادة من هذا العلم ..

[samer1]

doctortablet ال eurjpy كسر 98.50 يوم 6/1/2012 حوالي الساعه الثانية عشرة بتوقيت غرينش . و وصل لسعر 97.26 ، فكيف هو مذكور أن الكسر لم يتجاوز 50 بب و الكسر غير مؤكد ؟

شكراً

[doctortablet]

انا والله مربع التسعة ده معقدني ومخليني حاسس إني غبي ..
ببص عليه ما بعرفش أبدأ من فين ولا أنا اساساً ببص عايز أيه ..

لو تتكرم رفع برنامج جانزيلا مرة تانية لعل وعسى أخوك يستوعب حاجة..

مش عارف ليه بديت أحس إن ربط السعر بالزمن هو من أكبر أسرار الفوركس ..

ربنا يكرمنا ونوصل لقليل من علمكم وربنا يزيدكم ..

حضرتك ارجع للمشاركة رقم 34 في موضوعنا هذا ستجد رابط برنامج ال Ganzilla

[doctortablet]

سؤال كمان :
متى هو التوقيت المناسب للنظر لهذا الجدول ..؟؟
هل مع إفتتاح اليوم .. أم يمكنني العمل عليه خلال اليوم وفي أي ساعة ..؟؟
وهل أبحث فقط عن علامات سوداء فوق أو تحت الخطوط الحمراء فقط ..؟؟

مش قلتلك محتاجين وجودك ومتابعتك للفرص لايف كام يوم ..؟؟

حضرتك احنا بنعيش مع العملات يوم بيوم ، والمفروض بندرس الشارت ونحلله فني وكل حاجة اتعلمناها وبنستخدم كل خبرتنا ومعلوماتنا ، واللي لازم نفهمه كويس هو ان الطريقة دي صالحة للمدى المتوسط والطويل يعني من اسبوع لشهر ، فكل يوم بيتم تحديث الصورة من الموقع وتعتبر خريطة للتداول ، وقلت لحضراتكم اننا بنلعب على كل الالوان وليس الاحمر فقط ، ولكن الاحمر هو الاقوى لان كسره وتأكيده هيدخلك في اتجاه طويل المدى نسبيا تتاجر فيه وانت مرتاح بإذن الله .

[doctortablet]

سؤال آخر عن توقيت موقع zet

في الصورة اللي تحت دي انا عدلت توقيت البرنامج إلى +3 غرينتش ليتوافق مع توقيت السعودية ..
الآن هل أستطيع إعتماد تواقيت العلاقات والإقترانات التي يعطيني إياها البرنامج على أنها توافق توقيت السعودية..؟؟

يعني مثلاً في الصورة المرفقة العلاقة الأولى في الجدول هي رباعية مع بلوتو الساعة 3:25 ، هل يعني ذلك أنه وبغض النظر عن المنصة المستخدمة وتوقيتها فإنني عند الساعة 3:25 بتوقيت السعودية أفتح المنصة وأتابع تأثير العلاقة أو الإقتران .؟؟؟

وكيف يمكن تحديد أثر العلاقة (سلبي أم إيجابي) ..؟؟ وكيف يمكن أن نحدد متى سيكون الأثر قبل أو بعد العلاقة كما فعلت في حديثك عن الإقترانات والعلاقات السابقة..

عارف إن أسئلتي كتيرة (ولسه عندي أسئلة كتييييييير .. خخخخخخ) بس موضوع الزمن والسعر والطريقة الفلكية كلها مواضيع تستهويني وأرغب في إستغلال وجود أمثالكم للإستزادة من هذا العلم ..

كلام كويس علشان نشرح اللي لسة مش مفهوم .

اللي حضرتك عملته ده هو الخطأ نفسه اللي كنا بنعمله لما نجيب توقيتات الاقترانات في القاهرة وواحد يجيبها في بغداد وآخر في اليمن وخلافه ، كل ده خطأ تماما ، ليه ؟؟؟؟

لازم نفهم احنا بنعمل ايه ، الخريطة الفلكية اللي بنستخدمها من النوع Geocentric
يعني إيه ؟؟؟

يعني منظر السماء وانت بتبص لها من الأرض .

بمعنى آخر حضرتك في السعودية وجبت موعد الاقتران في سماء السعودية ، لو حضرتك طلعت وبصيت للسماء وعرفت تحدد مكان الكواكب هتلاقي انها عاملة زاوية فعلا ، ولكن أين ؟؟؟

في سماء السعودية فقط .

سيادتك لو في لندن في نفس الوقت وبصيت للسماء مش هتلاقي نفس الزوايا .

طيب ليه انا باعتمد لندن ونيويورك فقط ؟؟؟

لأن البورصة والتداول يتم هناك ، فلما يحصل اقتران بيؤثر على نفسية المتداولين هناك فتتغير قراراتهم بالبيع والشرا ، فأنا لما بجيب الخريطة الفلكية في سماء لندن عاوز اشوف عندهم ايه اللي بيحصل فلكيا .

باختصار شديد شكل السما والاقترانات مش واحد لما ننظر له من الارض وبيختلف من دولة للتانية ، وانا هأقلك على حاجة انقح من كدة ، ممكن تكون السما في نيويورك عاملة اقترانات كويسة جدا هناك ، وفي نفس الوقت يحصل اقتران مش مريح في سماء السعودية يخليك متنرفز او هايج وتدخل غلط كمان على الرغم من انك شايف اللي بيحصل في سماء لندن ، بس هنا انت خضعت ووقعت تحت تأثير الاقتران اللي حصل في السعودية .

[doctortablet]

doctortablet ال eurjpy كسر 98.50 يوم 6/1/2012 حوالي الساعه الثانية عشرة بتوقيت غرينش . و وصل لسعر 97.26 ، فكيف هو مذكور أن الكسر لم يتجاوز 50 بب و الكسر غير مؤكد ؟

شكراً

كلام جميل وممتاز وملاحظة تنم إن حضرتك بتحاول تفهم وتطبق وأقدر لك ذلك ، بس تعالى نتأكد مع بعض من الملاحظة دي .

أولا يجب أن نفهم أن الكسر يتم الحساب عليه من سعر الإغلاق ، يعني حتى لو راح السعر ونتشه ورجع تاني نعتمد على سعر الإغلاق فقط .

بالنسبة ليوم 6 فالإغلاق بالضبط كان عن 97.84 وده حسب المنصة التي أستخدمها بتوقيت جرينتش .

في يوم 8 نزل السعر ووصل الإغلاق لغاية 97.54 يعني كسر الرقم بوضوح

بس نشوف هما بيقولوا ايه ، بيعتمدوا الكسر إذا تجاوز الخمسين نقطة لجلستين تداول متواليتين .

وهنلاحظ انه يوم 6 ويوم 8 ليستا جلستين متواليتين ، دي نقطة والشيء الأهم إن الناس كلامهم صح لأنهم لو كانوا قالوا انه تم تأكيد الكسر كنا هندخل بيع لكن اللي حصل إن السعر ارتد مما يزيدنا ثقة في الطريقة ، ومرفوع لحضرتك الشارت لتأكيد كلامي وتوضيحه .

[doctortablet]

بسم الله

نتابع تحليلنا للذهب واليورو والقمح وطبعا ده من وجهة نظري الشخصية .

القمح النهاردة على اليومي عامل دوجي لغاية دلوقت ، واليورو عامل دوجي كمان ، والذهب عدى حاجز ال 1625 صعودا ، يا ترى هنروح فين بعد كدة ؟؟؟؟

الدهب أمامه مقاومة قوية عند ال 1640 لو اخترقها ممكن يكمل لغاية 1666

نيجي للقمح واليورو ، ما دام عملوا دوجي يبقى مش مقررين هيروحوا فين ، وهنا هألعب فني مش فلكي ولا جان خالص ، نتصرف إزاي هنا ؟؟؟؟

فيه استراتيجية بتتعمل لما نشوف دبل دوجي بس ممكن نستخدمها على دوجي واحدة .

هنحط خط على اعلى قيمة حققها اليورو النهاردة ، وخط على اقل قيمة حققها اليورو النهاردة ، على بعد عشر نقاط من اعلى ومن اسفل هنحط امر شرا بهدف 100 نقطة وستوب 50 من الجهتين ونسيبها .

[doctortablet]

شارتات الاقترانات لهذا اليوم ومعها مؤشر ابوزياد

[allmouafa9]

الله الله على الروعة والكلام الجميل ..
كل الكلام ده فاتني لأني إمبارح بالليل كنت مشغول جداً ولم أدخل على المنتدى ..

مش عارف يا دكتور ولكن الطريقة بالنسبة لي لا زالت غامضة .. نتحدث عن مؤشر الدقيقة ثم نتعامل مع فريم ال5دقائق ثم نفكر في فريم ال4دقائق ..!!!

عارف إنك لم تكمل شرح الطريقة بس إعتبر كلامي إني بطمن نفسي إن فيه لسه كتير جاي ..

الإقترانات .. نحتاج شرح وافي لفلترتها وكيفية التعامل معها والدخول في صفقات عن طريقها ..

عموماً .. انا عندي أسئلة كتير بالذات في موضوع الإقترانات ده لأنو عجبني جداً موضوع الدكتور حمادة عنها وهي فعلاً طريقة مربحة ومفيدة للغاية لمن يجيد التعامل معها ..

اخي الزيرو طلب غلس شوية ههههههههه
تقدر تشيل وتغير الصورة الي في التوقيع لانها لما اقرأ مشاركتك ماتخليني مركز وتأثر على العينين ارجوووووووووووووووووك

[samer1]

doctortablet مشكور على جوابك في المشاركة 3112 ، سؤال أخر سيدي 1.2769 هو رقم على مربع التسعه و من المفترض أن يكون على الخط الأحمر في gann's pyramid table

على فكرة من أي شركة تأتي بسعر القمح ؟

[الزيرو]

اخي الزيرو طلب غلس شوية ههههههههه
تقدر تشيل وتغير الصورة الي في التوقيع لانها لما اقرأ مشاركتك ماتخليني مركز وتأثر على العينين ارجوووووووووووووووووك

ولا يهمك يا صديقي .. تم الحذف ..
مع إنه كان عاجبني لأنه فعلاً بيحكي الصراع اللي بيننا وبين هذا السوق .

[allmouafa9]

ولا يهمك يا صديقي .. تم الحذف ..
مع إنه كان عاجبني لأنه فعلاً بيحكي الصراع اللي بيننا وبين هذا السوق .

شكرا يالغالي وسامحني على الطلب

[doctortablet]

doctortablet مشكور على جوابك في المشاركة 3112 ، سؤال أخر سيدي 1.2769 هو رقم على مربع التسعه و من المفترض أن يكون على الخط الأحمر في gann's pyramid table

على فكرة من أي شركة تأتي بسعر القمح ؟

مرحبا بك سيدي الفاضل

هناك فرق بين مربع التسعة وجدول جان الهرمي ، فالجدول مبني على مربع التسعة ولكن تم تقسيمه بطريقة معينة لتتناسب وتعبر عن أسعار العملات المتداولة وحضرتك لما تقرأ السعر من على اليسار ستجد انه مش واخد ترتيب منتظم تماما ، وهذه نقطة في عملية تحويل الاسعار بطريقة جان وهو امر يحتاج شرحا بعض الشيء .

ولكن نكتفي هنا بالقول بأن الجدول الهرمي دمج لفكرتين هما مربع التسعة والتعامل مع الاسعار ضمن النطاق الذي تقع فيه ، وكلا الطريقتين تعودان لجان .

بالنسبة للمنصة التي أستخدمها وهي رائعة بالفعل وأيضا بأربعة أرقام فقط وفيها المحاصيل وتوقيتها هو توقيت جرينتش وقراءاتها دقيقة جدا هي منصة شركة

forex

www.forex.com

ولك تحياتي

[samer1]

doctortablet الأن عندنا 3 أزواج اعطت validation gbpusd ,jbpjpy,NUZUSD

لنأخذ مثلاً GBPUSD كسر 154 أصبح VALIDATED هل ندخل بيع هدفنا 148 ؟ هل لك عزيزي شرح ما تراه مناسباً لهذه الأزواج الثلاثه .

و لك جزيل الشكر