إلي كل خسران و حاسس بالضياع.......تعالي

**ahmedhaggag** · 01-10-2011, 03:45 AM

هتجنن و اعرف الكروس ازاى

**عزيزغامد** · 01-10-2011, 04:31 AM

الشعب يريد نقل الاستراتيجية للصفحة الاولى
الشعب يريد من الأخت رانيا ممارسة صلاحياتها

**abmlk** · 01-10-2011, 09:04 AM

يد الله مع الجماعة

**infinity80** · 01-10-2011, 09:53 AM

المشاركة الأصلية كتبت بواسطة ahmedhaggag

هتجنن و اعرف الكروس ازاى

يا خبر ابيض ...لا يا باشا متهونش عليا ابدا سلامتك من الجنان
صفحة 17 فيها شرح الأستراتيجية و كمان شرح الكروس بشارتات
بص عليها كده و لو لسه في التباس قولي

**infinity80** · 01-10-2011, 10:04 AM

المشاركة الأصلية كتبت بواسطة shady80

ما شاء الله
مشاركات اكثر من رائعة
انا لسه جديد على الفوركس بدرب على الديمو من حوالى شهر ونص ، لسه ما اشتغلتش بالحقيقى
وموضوعك اعتقد انه وفر عليا زمن كبير من التدريب ، خبرات جاهزة ، ونصائح غالية واكثر من رائعة
جزاء الله كل خير
وجعله في ميزان حسناتك ان شاء الله

انا لسه بس مش فاهم ايه المقصود باللونج والشورت ، كروس بيع ماكد وكروس شراء ، ارجو تدلنى على مكان شرح لهم
وشكرا

ربنا يكرمك علي كلامك الجميل ده ...احلي اصطباحة

اللونج يا باشا اللي هي عملية الشراء لزوج العملة اللي بتتداول عليها يعني BUY ORDER

الشورت اللي هي عملية البيع لزوج العملة المتداول عليه يعني بنعمل SELL ORDER

كروسات الماكد سواء بيع او شراء حتلاقي شرحها بصفحة 17 مع امثلة ....و حالا يا باشا حنرفق امثلة تانية للتوضيح

**infinity80** · 01-10-2011, 10:16 AM

المشاركة الأصلية كتبت بواسطة عزيزغامد

الشعب يريد نقل الاستراتيجية للصفحة الاولى
الشعب يريد من الأخت رانيا ممارسة صلاحياتها

شكلي انا و انت حنتشد قريب
امن المنتدي لسه بخيره موقعش زي اللي بالي بالك

**infinity80** · 01-10-2011, 10:20 AM

المشاركة الأصلية كتبت بواسطة abmlk

يد الله مع الجماعة

صدقت اخي و ما لا تراه عيناك تراه اعين من حولك

**infinity80** · 01-10-2011, 10:32 AM

اتمني من الأخوة المتابعين للأستراتيجية لو في حاجة مش واضحة يسال عليها و في نفس الوقت درب نفسك علي استخراج الفرص و ارفقها هنا نراجعها مع بعض

**infinity80** · 02-10-2011, 12:03 PM

التخطيط

استكمالا للشرح اللي قلناه بخصوص تحقيق الأهداف و كيفية الوصول ليها بصورة تخلي الضغط النفسي خفيف لا يؤثر كثيرا علي قرارات التجارة عاوزين نتفق علي حاجة مهمة جدا

الأهداف اللي بيسعي اي انسان عشان يحققها سواء هنا في التجارة سواء في اي مجال ممكن نقسمها لحاجات قصيرة المدي و متوسطة المدي و طويلة المدي

لو اتفقنا ان كل واحد مننا جاي هنا عشان يحقق ثروة تخليه يعيش حياة كريمة و تعينه علي متطلبات حياته يبقي منطقي جدا اننا نقول ان حجم الثروة دي بيختلف من شخص للتاني واللي يرضيك مش حيرضي غيرك و بالتالي طريقة الشغل لازم تكون مختلفة

عشان تعمل تبني حاجة كبيرة محتاج تبني اجزائها الصغيرة واحدة واحدة و بالتالي نقدر نقول ان العمل الضخم هو نتاج تكامل الأعمال الصغيرة موزعة علي عنصر الوقت

ماهو عدو الوقت اللدود وخصم النجاح الأشد...اللذي يمنعك دوما من تحقيق اهدافك لأنك تريد ان تراها الآن...اللي بنتكلم عليه ده هو عدم الصبر و خدعة الوقت الكبري اللي بتخليك تقول بينك و بين نفسك دايما( و هو انا لسه حستني ده كله)

واحدة من الموضوعات اللي قابلتها في المنتدي بدايته محبطة جدا لأي متاجر مبتديء بتقول ان بدايتك بمبلغ 500 $ دي محكوم عليها بالفشل و ان كده انت بتضيع وقت عشان ده مش مبلغ كافي ابدا انك تشتغل بيه

والنهاردة حنقول ان المبلغ ده و اصغر منه كمان كافي جدا لبداية توصلك للي انت عاوزه و اكتر و تعالوا نتفق.....كلنا عندنا وقت ممكن نستثمره يعني اغنياء بالوقت...لكن محدش فينا معاه فلوس يقدر كل شوية يمول بيها حسابه لما يتمرجن و يخسر

و عليه يبقي اللي كلنا مطلوب مننا نعمله اننا نتعلم ازاي نصبر للنهاية مهما كان المكسب قليل و تكامل الأجزاء الصغيرة في النهاية حيلعب لعبته و تفاجا بالنتيجة اللي كانت ولا تخطر علي بالك

تعالوا نفترض هدف كبير عاوزين نوصله و نشوف حنوصله ازاي....نفترض مثلا كبداية 50000 دولار....في اللي حيرد عليا و يقولي و هو ده برضه مبلغ كبير حقوله يا سيدي افترض كده و بعدين لو مش عاجبك ...اعتبر الهدف ده هو الجزء الصغير بتاع هدف اكبر

تعالوا نقسمه عشرات يعني محتاجين في كل مرحلة نعمل عشرة الاف دولار
والعشرة ممكن نقسمها خمسات
وكل خمسة تتقسم الوف
و كل الف يتقسم خمسميتين
و كل خمسماية قسمها ميات
وحلو اوي اوي اوي لحد كده مش عاوزين ننزل للبرايز والشلنات

لو حبينا نعمل الكلام ده مراحل يبقي احنا عندنا كده 500 مرحلة

لو سالتك اول حاجة جت في بالك ايه دلوقتي بعد ما شفت الرقم ده حتلاقي كتير بيقولك نفس الكلمة.....و انا لسه حستني كل ده....يا مين يديني عمر....يا عم انا مستعجل ....مش حقدر انتظر

طريقة الأستراتيجية اللي شغالين عليها و اهدافها الشهرية بتقول علي الورق حنعمل 500 نقطة يعني التدبيلة في 4 شهور...و علي الحقيقة بتعمل اكتر من كده يعني 4 شهور دول بالكتير اوي

بس خلينا يا سيدي معاك لحد باب الدار....التدبيلة في 4 شهور...و عد معايا كده
بدانا 500 دولار يعني اللي بعده 1000 يعني اللي بعده 2000 ...4000....8000....16000...32000...64000

يعني عاوزين 7 تدبيلات وكل واحدة 4 شهور يعني 28 شهر يعني سنتين و 4 شهور
يعني 500 مرحلة اللي قلنا عليهم يخلصوا في سنتين و 4 شهور

بالله عليك لو سالتك انت بقالك اد ايه بتخسر و بكل امانة حيكون ردك ايه؟!!!
طب لو رجعنا بالزمن لورا و اشتغلنا بالطريقة دي مع انها زي مانت شايف بطيئة بطيئة زي ما بتقول بينك و بين نفسك كان زمانك فين دلوقتي مع انك بدات بملبغ صغير

طب بلاش نرجع بالزمن خلينا دلوقتي....حتعمل ايه....حتستني الطريقة اللي تخليك بين ليلة و ضحاها فوق ولا حتصبر واحدة واحدة لحد ما توصل

اقولك علي مفاجاءة....بص كده التدبيلة التامنة حتوديك فين 128000 التاسعة 256000 العاشرة 512000 الحادي عشر........اللي طول عمره مزغلل عنيك

يعني 4 تدبيلات يعني 8 شهور يعني من وصولك لمبلغ 50000 ممكن تطلع للمليون في 8 شهور

و هو ده شغل المحطات والمراحل و توزيع الشغل علي الوقت و تكامل الأجزاء الصغيرة للوصول للهدف الأكبر

**shady80** · 02-10-2011, 02:33 PM

فيه مثل عندنا بيقول ( اللى يصبر ياما ينول )
واللى بتقوله اكبر دليل على كده ، وأفضل المشاريع التجارية بتكون
اللى مبنيه على دراسة جدوى صح ومنطقية ، ده غير فين المشروع اللى يسترجع رأس ماله في اربع شهور
انا لسه مبتدأ وبشتغل بالديمو بس ، لكن كنت حاطط لنفسى هدف انى احقق هدف شهرى لا يزيد عن 20% من راس المال
جزء منه اسحبه كأرباح وجزء زياده في راس المال
وطبعا اللى انت بتعرضه بعبقريتك بيودينا لاكتر من كده
أعتقد ان كل واحد يبص للربح المنتظر زى اى مشروع تجارى ممكن يفكر فيه
والعجلة من الشيطان

**infinity80** · 02-10-2011, 03:07 PM

المشاركة الأصلية كتبت بواسطة shady80

فيه مثل عندنا بيقول ( اللى يصبر ياما ينول )
واللى بتقوله اكبر دليل على كده ، وأفضل المشاريع التجارية بتكون
اللى مبنيه على دراسة جدوى صح ومنطقية ، ده غير فين المشروع اللى يسترجع رأس ماله في اربع شهور
انا لسه مبتدأ وبشتغل بالديمو بس ، لكن كنت حاطط لنفسى هدف انى احقق هدف شهرى لا يزيد عن 20% من راس المال
جزء منه اسحبه كأرباح وجزء زياده في راس المال
وطبعا اللى انت بتعرضه بعبقريتك بيودينا لاكتر من كده
أعتقد ان كل واحد يبص للربح المنتظر زى اى مشروع تجارى ممكن يفكر فيه
والعجلة من الشيطان

ماشاء الله عليك يا اخي...لو ده تفكيرك و دي طريقتك يبقي ان شاء الله حتبقي حد كويس في السوق

**honyamar** · 02-10-2011, 08:08 PM

المشاركة الأصلية كتبت بواسطة infinity80

ماشاء الله عليك يا اخي...لو ده تفكيرك و دي طريقتك يبقي ان شاء الله حتبقي حد كويس في السوق

تسجيل اعجاب بالموضوع وصاحبه

**digiaimano** · 02-10-2011, 08:26 PM

بعدك بعدك حتى المووووووووووووووووووووووووووت

**infinity80** · 02-10-2011, 08:57 PM

المشاركة الأصلية كتبت بواسطة honyamar

تسجيل اعجاب بالموضوع وصاحبه

اعجابك يا باشا وسام ....ربنا يعزك و يكرم ايامك

المشاركة الأصلية كتبت بواسطة digiaimano

بعدك بعدك حتى المووووووووووووووووووووووووووت

**digiaimano** · 02-10-2011, 09:10 PM

اخي انفينتي هل تتوقع اليورو يوصل كم برأيك وشكرا

الموضوع: إلي كل خسران و حاسس بالضياع.......تعالي

أدوات الموضوع

المواضيع المتشابهه

حاسس ان السوق مخنوق ؟؟

خسران احمد خسران

خسران احمد خسران

خسران يا عـــرب خسران

خسران يا عـــرب خسران

الاوسمة لهذا الموضوع

عروض شركات الفوركس