12900 نقطة خلال شهر من مؤشر Mov. Avr. + RSI -- مطلوب تحويله إكسبيرت ضروري

[dawns_mist]

بشمهندس لابد
نعمل ملخص للموضوع
لانه كترت المؤشرات والاعدادات
نشوف اخر حاجه نرسي عليها
ومكثور الخير

والله عندك حق
إن شاء الله نتناقش النهارده و نشوف أحسن حاجة ثابتة نقدر نشتغل عليها بس هنحتاج معانا آراء الجيميع و نثبتها لحد ما المبرمجين يردوا علينا في موضوع الإكسبيرت .

[dawns_mist]

متأسف على غيابي عنكم طول الفترة دي .
وبما إن مازالت نقطة عدم ثبات المؤشر مقلقة .. فهنشتغل على نفس طريقتنا ولكن بمؤشرين منفصلين ثابتين تماما .
-مؤشر لإظهار تقاطعات MOVING AVERAGES على هيئة أسهم.
-و مؤشر لإظهار اختراقات الـ RSI على هيئة أسهم .
مرفق مؤشر الباشمهندس وجدي للـRSI ، و كمان مؤشر لإظهار تقاطعات الموفينج ، و تيمبلات لكل فريم .
جربوا تعملوا باكتيست بنفس الطريقة و هتلاقوا مافيش اختلاف كبير بين النتايج .. و أظن دلوقتي ماينفعش حد يقولي النتايج مش حقيقية لإن المؤشرات بتعيد رسم نفسها .
والله أنا لو كنت متابع كنت عملت صفقات لايف و نزلتها لحضراتكم لكن والله أنا في سفريات متتالية و مش عارف خالص أقضي ولا ساعتين على الشارتات .. لكن أحب أبشركم إن بس آخر صفقة دلوقتي مفتوحة بناء على التيمبلات دي على اليورو دولار فريم الدقيقة و هي مفتوحه من يومين كسبانة لحد دلوقتي أكتر من 250 نقطة ولسه شغالة ، و صفقة تانية على اليورو ين فريم النص ساعة من امبارح و برضه كسبانه لحد دلوقتي أكتر من 250 نقطة و لسه شغالة .. و ارجع للشارت و انت هتشوف كلامي .
منتظر رأيكم .. و بالتوفيق للجميع .

[dawns_mist]

متأسف .. نسيت أنزل تيمبل فريم الأربع ساعات .. موجود الآن في المرفقات ، و الحمد لله آخر صفقة ليه على اليورو ين مفتوحه من يوم 15 - 7 و كسبانه لحد دلوقتي أكتر من 600 نقطة .

طبعا أنا منزل تلات تيمبلات لتلات فريمات علشان أقدر أتماشى مع كل الأزواج .. اللي بيحب يتابع كتير و يدخل كل يوم هيشتغل على فريم الدقيقة و هيلاقي متوسط الصفقات لعدد الأيام تقريبا صفقتين في اليوم .. و اللي بيحب يدخل تريدات بأهداف طويلة نسبيا هيشتغل على فريم النص ساعة و هيلاقي متوسط الصفقات لعدد الأيام تقريبا صفقة لكل يومين .. و اللي بيحب الرواقه و الشغل الطويل أوي هيشتغل على فريم الأربع ساعات بمتوسط صفقة كل أسبوعين لكن ماشاء الله أهدافها بتكون طويله جدا و مريحه نفسيا .
أنا كل شغلي على اليورو دولار و الباوند ين و اليورو ين .. يعني كل التيمبلات دي أنا جربتها على التلات عملات دول بس .. اللي ليه وجهة نظر أو تطوير ياريت مايتأخرش عننا علشان نطلع بأحسن إعدادات .

[ahmadj]

الله يعطيك العافيه يا مهندس محمود
الان في الوضع ده والاسهم كده كتيره
كيف نتخد قرار الشراء والبيع
لاحظ المؤشر اسهم فوق واسهم تحت وبعدين سهم فوق هو اللي ادى النتيجه
بس كده ما نعرف اي سهم نشتري او نبيع
حل المسأله ديه ايه
ومكثور الخير

[dawns_mist]

الله يعطيك العافيه يا مهندس محمود
الان في الوضع ده والاسهم كده كتيره
كيف نتخد قرار الشراء والبيع
لاحظ المؤشر اسهم فوق واسهم تحت وبعدين سهم فوق هو اللي ادى النتيجه
بس كده ما نعرف اي سهم نشتري او نبيع
حل المسأله ديه ايه
ومكثور الخير

والله حضرتك منورنا يا أحمد باشا
بالنسبة للتيمبلات دي دلوقتي فعلى فكره هي نفس فكرتي و نفس اللي أنا كان نفسي إن المؤشر أساس الموضوع يفيدنا فيه .. و هي الدخول على إشارة من الـ Moving Average لما يكون الـRSI تخطي نسبة الخمسين على Period معين .
يبقى شرةط فتح الصفقة هي ظهور سمهين متتالين في نفس الاتجاه .. يعني لما يظهر سهم أخضر و بعديه سهم لبني لفوق يبقى ندخل شراء و العكس صحيح .. و طبعا ماعندناش لا توب بروفيت ولا استوب لووز .. كله عكس صفقات يعني لما يتحقق شروط البيع اللي هي ظهور سهم أحمر + سهم لبني يشير للأسفل نقفل الشراء و ندخل بيع .. غير كده مابناخدش أي أسهم باقية في الاعتبار .
شكرا لمتابعة حضرتك و أنا موجود لأي استفسار تاني أو توضيحي . و يارب أكون عرفت أفيد حضرتك .

أخوك / محمـود حجـاب

[ahmadj]

شاكر مهندس
بس ع فكره
فيه ناس معندهمش ضمير
ببيعوا مؤشراتك بالضبط مع شويه
تغيير
بسيط بالشكل
والمضمون هو هو
ومكثور الخير

[dawns_mist]

شاكر مهندس
بس ع فكره
فيه ناس معندهمش ضمير
ببيعوا مؤشراتك بالضبط مع شويه
تغيير
بسيط بالشكل
والمضمون هو هو
ومكثور الخير

ياخبر .. و أنا أقول برضه الناس بطلت تشتغل معايا في الموضوع ليه .. يمكن راحوا يشتروا المؤشرات من الناس اللي بتبيعها .. ماهو فعلا فيه ناس مش مقتنعه إن فيه حد ممكن يفيد الناس و هو مش عايز منهم حاجة غير الدعاء بس ، و مايصدقوش غير اللي بياخد فلوس ... والله أنا لو في إيدي المصباح السحري مش هأخره عن أي حد هنا يا جماعة .
عموما شكرا ليك با حبيبي على الاهتمام و المتابعة ، و سيب اللي يبيع يبيع .. أنا مقتنع إن اللي هيكسب في الفوركس هيكسب بيا أو من غيري ، و اللي هيخسر كده كده هخسر بيا أو من غيري ، و أنا هنا مش بقول إني لاقيت التايهه ولا حاجة .. مجرد فكرة و خللونا نطورها سوى ، و أنا متأكد إننا هنطلع بحاجة ممتازه بإذن الله .

[khalid00708]

و علشان نمشي في طريقنا بسرعة .. أنا هنزل احسن إعدادات في رأيي و عايز الكل يجربها و يقولي النتايج .. و بالتلي كل واحد متابع معانا هيعمل زيي .. ينزل الإعدادات اللي هو شايف إنها هتجيب بإذن الله أفضل النتايج و ياريت باكتيست لأي مدة و لو شهر واحد عليها علشن نعرف نقرر أحسن.....

اليورو دولار :
و لإن فرق السبريد أقل مايمكن دائما فأنا بشتغل على فريم 1M
بإعدادات : ( 25 - 50 - 1000 )
الباكتيست لمدة عشرين يوم بس من الشهر الجاري عمل 1400 نقطة تقريبا بعد خصم السبريد.

اليورو ين :
إعدادات الباشمهندس محمد بصراحه لا يعلى عليها على اليورو ين من وجهة نظري
فريم 30M
إعدادات : ( 3 - 12 - 60 )
باكتيست من بداية شهر 7 الجاري حتى هذه اللحظة 1600 نقطة تقريبا بعد خصم السبريد 5 نقاط .

الباوند ين :
لإنه مجنووون و فرق السبريد عالي .. فأنا بشتغل عليه ترندات طوييييلة على فريم الأربع ساعات فقط .
بإعدادات ( 5 - 10 - 250 )
باكتيست من أول شهر 7 العام الماضي حتى بداية شهر 7 هذا العام و بعد خصم 10 نقاط اسبريد كانت المحصلة أكتر من 18000 نقطة .

طبعا كل الباكتيست دول أنا كنت بدخل بعد إشارة تقاطع الموفينج من المؤشر المساعد .
منتظر آراءكم و إضافاتكم .

اخي العزيز

السلام عليكم ورحمة الله وبركاته

تكلمت عن الباك تيست للمؤشر . فهل يقوم برنامج الميتا بعمل باك تيست للمؤشرات ؟ واذا كان ذلك ممكن فارجوا ان توضح كيفية عمل الباك تيست للمؤشرات ولك جزيل الشكر .

وكذلك عملية ظهور الاشارة في المؤشر Sidus_Bago[v.2] غير مفهومة وهي لاترتبط بخط الخمسين بالنسبة لمؤشر rsi او تقاطع المتوسطات كما ذكر سابقا فارجو ايضاح عملية ظهور الاشارة بدقة حتى اتمكن من عمل الاكسبريت . بحيث يكون الدخول والخروج مع ظهور الاشارة تماما .

ملاحظة : اذا امكنك وصف عملية ظهور الاشارة بدقة سيكون الاكسبريت جاهز بعد قراءتي للرد بنصف ساعة بالكثير .
تمنياتي لك بالتوفيق

[dawns_mist]

اخي العزيز

السلام عليكم ورحمة الله وبركاته

تكلمت عن الباك تيست للمؤشر . فهل يقوم برنامج الميتا بعمل باك تيست للمؤشرات ؟ واذا كان ذلك ممكن فارجوا ان توضح كيفية عمل الباك تيست للمؤشرات ولك جزيل الشكر .

وكذلك عملية ظهور الاشارة في المؤشر Sidus_Bago[v.2] غير مفهومة وهي لاترتبط بخط الخمسين بالنسبة لمؤشر rsi او تقاطع المتوسطات كما ذكر سابقا فارجو ايضاح عملية ظهور الاشارة بدقة حتى اتمكن من عمل الاكسبريت . بحيث يكون الدخول والخروج مع ظهور الاشارة تماما .

ملاحظة : اذا امكنك وصف عملية ظهور الاشارة بدقة سيكون الاكسبريت جاهز بعد قراءتي للرد بنصف ساعة بالكثير .
تمنياتي لك بالتوفيق

والله أنا مش عارف أشكرك إزاي على اهتمامك ده بجد .. يعني حتى لو الإكسبيرت ماطلعش فكفاية إن حضرتك اهتميت و حاولت .
بالنسبة للمؤشر sidus فأنا على قد مافهمت من الكود بتاعه لإني بحاول اقرا الكود بتاع أغلب المؤشرات اللي بشتغل بيها إنه بيعتمد على تخطي نسبة معينة من الآر إس آي أنا مش عارف هي كام بالظبط + تقارب خطي الموفينج بنسبة معينة من النقط .. ده على قد فهمي ، لكن بما إن حضرتك ليك خبرة في البرمجة فأكيد رأيك هيكون أحسن من رأيي .. و أنا كان كل همي إني آلاقي مؤشر و إكسبيرت يشتغل على نفس الطريقة اللي شرحتها و اللي أنا كاتبها في الاقتباس بتاع حضرتك لكلامي دي .. يعني حتى لو نفضنا خالص للمؤشر ده و عملناه على الطريقة الأخيره دي هيطلع ممتاز برضه .
بالنسبة للباكتيست فأكيد مافيش باكتيست دقيق للمؤشرات أبدا .. ده بيكون مجهود شخصي يدوي مني .. أنا بشغل الـ Strategy Tester بتاع الميتاترادر و أشغله فيجوال مود على أي إكسبيرت و خلاص على الفريم اللي أنا عايزه و العملة اللي أنا عايزها و أنزل التيمبل بتاعي على الشارت و آخد منها و هي ماشية كده نقط الدخول و الخروج يدوي و أحسبها و دي طريقة متعبه طبعا لكن مافيش باكتيست أوتوماتيك للمؤشرات أعتقد .
و هتلاقي موضوع بيشرح الطريقة دي بالتفصيل هنا على المنتدى لكن مش فاكر مكانه .
لو حضرتك عندك أي توضيح أنا تحت أمرك .. و بجد مشكور جدا على وقفتك معانا دي .

[m10000]

أسف على سوق المتابعة يا شباب الأيام اللى فاتت

و ان شاء الله يكون فى فرص لايف يتم وضعها بالموضوع ان شاء الله

[m10000]

ان شاء الله أنا بشتغل فريم نص ساعة

و لو فى اشارات على ال3 عملات اللى أشار عليهم البشمهندس محمود

سينم وضع الفرصة لايف ليتابع الجميع

الاشارة المعتمدة للصفقات عندما يكون السهمان على نفس الشمعة و هى أقوى اشارة
أو عندما يكون على شمعتين متتاليتين
و هنحاول الابتعاد عن السوق وقت التذبذب الشديد مثل اليوم الماضى

بالتوفيق

[ahmadj]

متابعين ومكثور الخير

[dawns_mist]

أسف على سوق المتابعة يا شباب الأيام اللى فاتت

و ان شاء الله يكون فى فرص لايف يتم وضعها بالموضوع ان شاء الله

ان شاء الله أنا بشتغل فريم نص ساعة

و لو فى اشارات على ال3 عملات اللى أشار عليهم البشمهندس محمود

سينم وضع الفرصة لايف ليتابع الجميع

الاشارة المعتمدة للصفقات عندما يكون السهمان على نفس الشمعة و هى أقوى اشارة
أو عندما يكون على شمعتين متتاليتين
و هنحاول الابتعاد عن السوق وقت التذبذب الشديد مثل اليوم الماضى

بالتوفيق

ياريت والله فعلا الناس تتابع معانا لإني مشغول أوي الأيام دي .. لكن كل يوم هتلاقوني برد على كل استفسارتكم .
وطبعا فريم النص ساعة هو أحسن حل للمتابعة لايف .. لإنه لا بيحتاج متابعة لصيقة زي الدقيقة ولا بتعمل الصفقة و تنساها شهرين زي الأربع ساعات .. ، و كمان مجدي ماديا أكتر حسب الباكتيست اللي عملته بعد التطوير ده .. كان أقل شهر على اليورو ين فريم النص ساعة عمل محصلة 850 نقطة ، و فيه شهور كانت أكتر من 2000 نقطة على مدار السنة اللي فاتت .. و طبعا ده باكتيست حقيقي لإن المؤشرات دلوقتي ثابتة تماما .
و ياريت المتابعين معانا يعملوا باكتيست حسب شروط الاستراتيجية بالإصدار الجديده بنفس إعدادات الباشمهندي محمد القديمة على فريم النص ساعة و هتلاقوا نتايج تبهركم بإذن الله .
و بالنسبة لقوة الإشارة .. فأنا الحمد لله واثق في قوة الاستراتيجية لإن حتى خسارتها لا تقارن بأرباحها .. فخلينا ناخد أي فرصة تيجي قدامكم يا جماعة حتى لو السمهين مش على نفس الشمعة و ده علشان نقدر نثق أكتر في الاستراتيجية .

متابعين ومكثور الخير

تشكر يا باشا على الاهتمام والله بتحرجني بذوقك ده

[الدولارجي]

حبيبي تسلم انا ركبت وجهزت كل حاجة وخسرت كتيير بس الحمدلله فهمت المؤشر وزبطه على مزاج العمله وبديت اشتغل فيه واليوم الحمدلله حقق معايا في الين 25 نقطة لصفتين كهدف ثابت
لاني كنت احط الهدف 100 نقطة وكان يضرب الستوب كل مرة والستوب 100 بس دلوقتي زبطه على فريم النص ساعه والبروفيت على 20 نقطة ان شاء الله والستوب 50 نقطة

أنا من زمان بجرب بقالي اسبوع ونص تقريبا بس محبيتش اضع ردود لانها بلا جدوى ان لم تكن لها هدف تفيد السكربت

وردي له هدف

شكرا يا باشا
موفقين يا رب

[rafiek]

شكر وتقدير لأخونا / داون ميست على مجهوده الرائع


وعلى حبه الواضح لمساعدة إخوانه .



وياريت أستاذ / داون ميست توضع لنا تمبلت لفريم الخمس دقائق لأنه مهم أيضا .


مع خالص ودي وتقديري ،،،،،،،،