الافضل على الساعة ار سى 9
والموفينج 5 و 13
وياريت تضع موفينج 8 للخروج من الصفقة
Printable View
الافضل على الساعة ار سى 9
والموفينج 5 و 13
وياريت تضع موفينج 8 للخروج من الصفقة
لم أفهم طريقة برمجة المؤشر
[QUOTE=m10000;1267066]
أخونا طارق الحوت جاوبك على الاستفسار بتاعك يا محمد .. المشكلة إن السهم ممكن يختفي أصلا.
تمام جدا كلامك يا طارق و تسلم إيدك على المشاركه و الاهتمام و خلليك معانا لحد مانطلع بحاجة مميزه بإذن الله .
[QUOTE=amir111;1267360]اقتباس:
انا باين وقعت بين اثنين مهندسين
.....وقعت وماحدش سمي عليا :0023:
....سترك يارب :0023:
دلوقتي اللي فهمته ياباشمهندس محمود
ادخل مع ظهور السهم للموشر (موشر الموضوع ده) حتي لو اختفي بعد كده ولا ايه ....
وايه اللي يفيدني الموشر التاني اللي حضرتك ارفقته
معلش الحتة دي مش فاهمها كويس ياريت تعيدها تاني اذا سمحت ان ماكنش فيها تعب اعملنا تمبلت مع الشرح في نقاط 1-2-3
معلش استحملني .....صعيدي انا بقه ومخي..... ترلملم :rudolph:
وشكرا لك :eh_s(7):
:
ولا يهمك يا معلم .. أنا فعلا كنت تقلت عليك في الشرح لدرجة إني لما قريت كلامي مافهمتوش برضه :Emoticon1:
دلوقتي بقى حبيبنا كريم الاسكندراني أنقذنا بالتعديل الممتاز اللي هيريحنا كلنا على المؤشر ده .. ننزل كلنا المؤشر بتاع كريم لوحده و الشرح اللي جاي كله هيكون عليه ، و انسى خالص بقى الدوخه اللي أنا وقعتك فيها دي معلش
مرفق أيضا نفس المؤشر بأسهم ثابته .. يعني بنفس التعديلات اللي عملها كريم الاسكندراني لكن شكله متروشن شوية للي يحب الروشنة ... دلوقتي و بعد النظر في المؤشر و تجربة أكتر من إعدادات أعتقد إن الكل مقتنع إنه مؤشر عبقري و مربح جدا .. يبقى ماعدش ينقصنا غير الإكسبيرت علشان نقدر نختبر قوة الطريقة دي اللي بإذن الله ناجحة جدا و نشتغل بيها لايف بالإكسبيرت و نريح نفسنا .. و عموما المؤشر موجود للي بيحب الشغل اليدوي و واضح جدا إن مع تدعديلات بسيطة في الإعدادات على المدى الطويل المؤشر كسبان كسبان
دلوقتي كل واحد يجرب المؤشر على الازواج اللي هو بيحب يتعامل معاها ويوقنا على افضل إعدادات من وجهة نظره و إيه مميزات و عيوب كل طريقة منهم لحد ما حبايبنا المبرمجين يقدروا يلحقونا بالإكسبيرت
و الله يا محمود أنا متحمس بشكل غير عادى للمؤشر
ألف شكر على المؤشر يا حوده و شكرا لأبو صلاح على التعديل
هجرب و ههحاول اوصل لاعدادات أحسن على الاربع أزواج لأنى بصراحة مبحبش أشتغل غير عليهم
و ربنا يوفقنا يا جميل:0031:
العفو يا باشمهندس ، و الشكر ليك انت لإنك فعلا شجعتني إني أكون متواجد أكتر و أركز معاكم علشان نوصل للنتيجة الجميلة دي .
بالنسبة للإعدادات فدي بتفرق من شخص للتاني .. يعني ممكن اللإعدادات اللي انت تحبها ماتتناتسبش مع غيرك لإن الموضوع بيكون نفسي و شخصي .. فيه واحد مستعد يقعد طول اليوم قدام الشارتات يتابع دقيقة بدقيقة بحيث يطلع بأكبر ربح و مش بيحب يشوف صفقات خسرانه كتير .. و فيه واحد تاني بيحب يريح نفسه شوية و يشتغل لونج تيرم و مش فاضي يتابع الشارت دايما و مش بيفرق معاه يكون خسران في صفقة واحده أكتر من 50 نقطة أهم حاجة يطلع إجمالي كسبان .. فلكل استراتيجية فيه إعدادات كتير بتختلف من واحد للتاني حسب نفسية وشخصية المتاجر نفسه .. لكن يلا شد حيلك واطلعلنا بأحسن إعدادات من وجهة نظرك للأزواج الرئيسية اللي بتحب تشتغل عليهم علشان أكيد برضه هتفيدنا و أنا كمان هنزل تيمبلات لأحسن إعدادات من وجهة نظري و حسب الطريقة اللي بحب اشتغل بيها .
على فكره .. أخونا الكبير ( ساق الجواء ) ماسموش أبو صلاح .. إسمه ( الحاج أبو صالح ) و أنا بعتبره زي والدي و هو دايما مش بيتأخر عني و عن أي حد في المنتدى أبدا و بيعاملنا كلنا زي اخواته الصغيرين و بجد بنشكره كلنا على تجاوبه معانا برضه هنا و في أكتر من موضوع و اكيد الكل ملاحظ تعاونه مع الجميع
العفو يا حبيبي .. إحنا كلنا هنا للفايده و عندنا مبدأين ( حب لأخيك ماتحب لنفسك + إيد لوحدها ماتصقفش ) وكل واحد فينا بيحاول يساعد بأي مجهود يقدر يقدمه ، ومافيش داعي للشكر لإن اللي في القلب وصل خلاص والله من قبل ماتقول الكلام الجميل ده .. و يارب بس نكون عرفنا نفيدك ، و خلليك متابع معانا علشان نقدر نثبت إن الفوركس المكسب فيه موجود قدام عينينا مش عايز أكتر من عقل + التزام .. و قولنا أخبار تجاربك للمؤشر علشان نحاول نطلع بأحسن فايده لحد ماحد من المبرمجين يحولهولنا إكسبيرت .
أسف مخدش بالى و الله
ألف شكر يا حج ابو صلاح على تعاونك معانا و جزاك الله خيرا:eh_s(7):
لونج تيرم .. بس لونج أوي .. يعني في الباكتيست آخر صفقة معايا قعدت شهرين مفتوحه لكن كانت بهدف 6000 نقطة ، وده طبعا على الأزواج القوية التحرك زي المجنون الكبير و المجنون الصغير و الكيبل .. إعدادات : موفينج 5-10 .. آر إس آي : 100 ... فريم 4 ساعات
طبعا ده مجرد رأي شخصي مع باكتيست سريع على آخر سنة فاتت .
و أنا اختارت الإعدادات دي و الفريم ده علشان نتجنب أي تذبذب على قد مانقدر و نريح بالنا بدل ماكل يوم نفتح و نقفل 10 صفقات.
طبعا الإعدادات دي ممكن ماترضيش ناس كتير من اللي بيحبوا يكونوا مناشير في السوق واكلينها طالع نازل و مش بيحبوا اللونج تيرم .
بالنسبة للشورت تيرم .. فأنا عمري مابشتغل شورت تيرم غير على اليورو / دولار فقط .. لإن السبريد بتاعه أقل مايكون و ده بيمكني من فتح أكتر من صفقة في نفس اليوم بدون خوف من السبريد اللي هيضيع مني ، و كمان تذبذباته على الشورت تيرم مش كتير ، و تحركاته موزونه شوية فخسارته بتكون برضه محدودة .
الشورت تيرم اختارتلكم معايا فريم الدقيقة لكن بإعدادت غريبة حبتين على اليورو / دولار ..
موفينج ( 25-50 ) .... آر إس أي : 1000
معلش هتستغربوا كلامي شوية لحد مانزلكم الباكتيست في اللونج تريم لآخر سنة فاتت .. و الشورت تيرم لآخر 20 يوم فات + التيمبلات .
لو احنا ناويين ان شاء الله نشتغل على اكسبرت يبقى مش هتفرق من متاجر للتانى
المهم نوصل للاعدادات ال تعمل أحسن ربح و ندخلها على الاكسبرت و هو يشتغل فريم دقيقة ...نص ساعة أو ساعة مش هتفرق
أنا هجرب الاعدادات من بداية شهر ستة عشان تكون فترة معقولة
و هرفق النتائج
بالتوفيق يا شباب وعايزين أعضاء كتير يجربو معانا اعدادات جديدة
بالتوفيق:015: