و عليكم السلام و رحمة الله و بركاته
المؤشر ده مختلف على فكرة و أنا مبحبش أجرب اكسبرت معرفش خواصه ايه يعنى اتصمم على اساس ايه
ربنا يوفقنا و نلاقى زعيم لصناعة الاكسبرتات يوافق يعملنا الاكسبرت ده و الله الكريم
بالتوفيق يا باشا
Printable View
انا كنت عامل بيع للباوند علي شارت الاربع ساعات
علي اساس الشارت ده في افتتاح السوق
http://img199.imageshack.us/img199/1677/12273910.gif
لكن صحيت الصبح ولقيت الشارت السهم فيه اتغير للشراء علي شمعة فبل افتتاح السوق
http://img35.imageshack.us/img35/5454/68232074.gif
هل من مبرر؟؟؟ ولا الاشارات تتكون في شارت الساعة في الاول :016:
يبقى كانت اشارة خاطئة
من الباك تست
أفضل اعدادت أنا ذكرتها حسب رأيى الشخصى و الفريم النص ساعة عشان تدخل الفرصة بدرى و برده تخرج بدرى
طبعا بيعطى اشارات خاطئة و لكنها قليلة وده المهم أناشغال على النص ساعة بالاعدادات المذكورة و معايا الصفقة على الباوند كسبانة 190 حتى الأن و الحمد لله و الصفقة ال قبلها كانت خسرانة 45 نقطة بس الربح غطى الخسارة بكتير و ده المهم
بالتوفيق ان شاء الله
أولا أنا أسمى محمد و احنا اخوات زى بعض يا ريت بلاش حضرتك أوك يا أمير باشا
هى ال35 كويسة للمجنون عامة بس النص ساعة أحسن تايم فريم بالنسبة للمجنون لان الاشارة بتكون بدرى أكتر من فريم الساعة
و طبعا المجنون النص ساعة تفرق 100 نقطة معاه
و أى اعدادات هلاقيها أحسن سيتم وضعها فورا عشان نستفيد كلنا ان شاء الله:0021:
الإكسبيرت ده ممتاز جدا جدا و أنا مجربه فعلا بس باك تيست و يومين تلاته ديمو و كان ممتاز جدا .. هو ده مش موضوع لمناقشه الإكسبيرت ده ، و كمان فيه موضوع قائم على الإكسبيرت ده بنفس الإسم هتلاقيه في الصفحة التانية من القسم ده .. بس بما إني ليا خبره فيه فبحاول برضه أفيدك .
الإكسبيرت لاقيت فيه مشكلتين واحده أنا حلليتها و التانيه محتاجه مبرمج برضه .. الأولى : و هي إن الاستوب لووز مفتوح .. لكن أنا عملتله باك تيست و جربته على إعدادات مختلفه ( استوب لووز 20 نقطه - توب بروفيت 5 نقاط ) و بكده يكون معقول نسبيا و الحمد لله كان معايا بعد الأوبتيمايزاشن في الباك تيست 100% صفقات كسبانه على مدار تلات شهور .. و يومين ديمو بدون خساره برضه ........ المشكلة التانية : الإكسبيرت إدارة رأس المال فيه بتكون على مزاج الإكسبيرت و احنا محتاجين بس حد من المبرمجين يظبطلنا إدارة رأس المال بس بحيث يشتغل دايما بنسبة ثابته ولتكن 10% من رأس المال مثلا ثابته ، و أنا فعلا طلبت كده في الموضوع الخاص بالإكسبيرت ده لكن ماحدش من المبرمجين لسه رد عليا .
عموما لو بحثت في الصفحيتن أولانين في قسم الإكسبيرتات في المنتدى هتلاقي موضوع بإسم الإكسبيرت ده و فيه مناقشات و باكتيست كتير و كذا إصدار كمان .. نتقابل هناك و نتناقش و نطلب مرة تانيه من المبرمجين يطوروه .
أولا أنا فرحان أوي أوي أوي إن فيه تجاوب و تجارب و تفاعل علشان كده أكيد هنستفيد و نفيد بعض كلنا .
بالنسبة لسؤالك يا أمير فلازم نفهم الأول المؤشر ده بيعمل إيه .. المؤشر ده بيرسم متوسطات حسابيه متحركه عادية جدا لكن كمان لما بيكون تقاطع المتوسطين يتوافق مع تخطي الأر إس اي لنسبة الخمسين المئوية حسب الفترة المحدده بيدي سهم
على التقاطع المحدد و ده بيكون كفلترة للتقاطع .. فيه دلوقتي عندنا مشكلة برمجيه في المؤشر و هي اللي سببت الخسارة دي لحضرتك إن السهم اللي بيشير لتخطي الأر إس أي ممكن يظهر قبل التقاطع الفعلي للمتوسط و معنى كده إننا لازم ننتظر التقاطع الفعلي للمتوسطات بحيث نأكد الإشارة .. انت دخلت صح يا أمير و فعلا الصفقة كانت هتضرب استوب .. المشكلة إن السهم ظهر بدري عن التقاطع .. و دي المشكلة اللي إحنا عايزين المبرمجين يعالحوهالنا في المؤشر .. إن السهم يكون ثابت .. يا إما يظهر بدري بأي طريقة و يكون ثابت وبكده يكون حل عبقري لكن أعتقد إنه مش ممكن .. أو إن السهم مايظهرش فعلا غير مع تأكيد التقاطع الفعلي .
عموما خلليك معانا على الخط و أكيد هنلاقي حد من المبرمجين يتابع و يظبطلنا المشكلة دي و كمان يعملنا إكسبيرت يارب يكون فيه خير .
والله انت بقى يا محمد باشا أنا مش عارف اقولك إيه ... الموضوع بالنسبة ليا إني بس بعمل اللي عليا و لما بلاقي حاجة فيها فايده بحاول أفيد بيها الجميع .. لكن انت والله باهتمامك ده خلتني أهتم أكتر و يكون عندي أمل كبير نطلع بحاجة عبقرية من الموضوع ده بإذن الله .. و تشكر بجد على التجربه و بإنك طلعتلنا إعدادات ممتازه لكل زوج .. لكن خلي بالك من النقطة اللي أنا شرحتها لأمير إن السهم مش هيتأكد غير مع التقاطع الفعلي للمتوسطات .
بجد مجهود ممتاز و تسلم و في انتظار المبرمجين يردوا علينا في تطوير المؤشر و عمل إكسبيرت .. شد حيلك معايا و أنا هحاول أدرس المؤشر أكتر برضه و نوصل لأفضل طريقة نستفيد بيها منه
و على فكره أنا أخــوك / محمــود حجــاب .. يعني ماتعملش تكليف برضه .. أصلك عجبتني في ردك على أمير لما قولتله إحنا اخوات مالهاش لزوم التكاليف .. خلليك على كده معايا برضه مالهاش لزوم التكاليف احنا اخوات فعلا .. و لو احتجت أي حاجة معاك عل الخاص بقى
ألف شكر يا محمود وان شاء الله نوصل للمطلوب تحقيقه و طريقنا واحد يا باشا
و الله المنتدى فيه ناس عندهم من العلم ال يقدرو بيه يساعدونا فى الموضوع ده بكل سهولة بس شكلهم مشغولين و لا بيصيفو مش عارف
ربنا يسهل و يرجعو قريب
عموما أنا بعذر المبرمجين لإن الطلبات هنا فعلا كتير جدا فربنا يكون في عونهم لكن إحنا بس عايزين حد يهتم لإن فعلا بإذن الله المؤشر ده لو إكسبيرت كان هيريح بالنا و يعمل أرباح مقنعه جدا لإن فكرته منطقيه جدا ( متوسطات بتأكد تغير حركة السعر - أر إس أي يأكد قوة الترند ) و مدام المنطق موجود يبقى على المدى الطويل أكيد بإذن الله الاستراتيجية دي مربحه .
عموما أنا عندي أمل أخويا الكبير ( ساق الجواء ) يساعدنا لإنه دايما بيسعفني و لو ماجابوش خلال يومين يبقى أكيد هو مشغول و هحاول أكلمه و أخليه يدخل يتابع معانا .. و برضه ( محمد هواش ) منتظر رده هنا بإذن الله .. و فيه مبرمجين كتير محترفين ... الموضوع بس إنهم لسه مالحقناش نلفت نظرهم للموضوع و الموضوع لسه جديد برضه .. أنا عندي أمل كلها بكره بعده هنلاقي المبرمجين معانا على الخط و يساعدونا بإذن الله .
طيب خد نتائج الباك تست ال وجعلى عينى لغاية ما عملته:doh:
على الكيبل و النتائج بعد خصم السبريد على انه 5 نقط
شهر6 (2655 نقطة)
شهر7(1025 نقطة)حتى الأن و الصفقة المفتوحة محققة 170 نقطة
المجنون و اليورو ين بيحققو قد النتائج دى مرة و نص
أتمنى الموضوع يشد انتباههم لأنه يستحق بذل التعب فيه
النتائج دى نتائج صفقة واحدة دايما هى المفتوحة و يقفلها و يفتح غيرها و بارتداد لم يتخطى 50-60نقطة
يعنى لو حساب ب250 دولار و على عملة الكيبل بس و شغال النقطة ب20 سنت كان دبل مرتين فى الشهر مفيش أحسن من كده و بأقل مجهود
والله انا مقدر إحساسك .. أنا كمان والله كنت عملت باك تيست على اسوأ أيام فيها تذبذبات بحيث أقيس قوة الاستراتيجية و كنت كمان بعتمد على تقاطع المتوسطات الفعلي مش على إشراة السهم بس و على فريم الدقيقة كبرت الإعدادات جدا و كانت النتايج مايصدقهاش عقل .
عموما خد وقتك في التيست .. المبرمجين موجودين و بإذن الله مش هينسونا .. بس اعتمد التيست على تقاطعات المتوسطات بعد ظهور السهم لإن كتير السهم بيظهر بدري شوية عن التقاطع بحيث تكون نتايجك أدق و برضه هتبقى نتايج مذهله جدا
لو أعتمد على التقاطع ممكن تضيع فرص كتير أهدافها ممتازة
أنا شابف الاشارة بتكون كويسة حتى لو بخرج ساعات بخسارة فده طبيعى أنا من كام شهر كنت بفكر دايما اوصل بالفكرة ال فى دماغى لدرجة عدم وجود خسائر لكن الموضوع ده مجهد جدا و فى النهاية فى خسائر بردو
المهم النسبة بينهم
على العموم هعمل باك تست تانى على موضوع التقاطع و نشوف انه أحسن و نمشى عليه:0031:
والله الكريم
باكتيست بناء على التقاطعات للتأكد من عدم تغير الإشارة أبدا من 1-7 حتى اليوم 20-7 و لكن بإعدادات أكبر لتسهيل الباكتيست :
فريم النصف ساعة يورو / دولار .... 709 نقطة غير الصفقة اللي لسه مفتوحه و كسبانه 120 نقطه حتى الآن .. بإعدادات موفينج ( 5-10 ) آر إس أي ( 100 ) .
فريم الدقيقة يورو / دولار ... 1330 نقطة .. بإعدادات موفينج ( 25-50 ) آر إس أي ( 1000 ) .
طبعا برضه أنا عيني اتمققت لحد ماخلصت الباكتيست ده دلوقتي و أظن بعد كده مافيش حاجة هعملها غير إني أطالب المبرمجين الحبايب بالإكسبيرت إللى ربنا يجعل فيه الخير بإذن الله .