هدية لمحبي استخدام Moving avr.+RSI

[dawns_mist]

مؤشر لذيذ جدا .. يظهر لك خطي المتوسطات و يظهر لك سهم إذا كان التقاطع يتوافق مع نسبة أر إس أي التي تحددها .
المؤشر في المرفقات .. و هو يتعبر استراتيجية مستقلة لمن يعتمد على تقاطع متوسطين مع تخطي الأر إس أي لنسبة معينة .

المؤشر في المرفقات .. و أرجو فقط من المبرمجين تطوير شكل الأسهم لأنها صغيره جدا .

[م . فارس]

مشكور أخي الكريم على هذا المؤشر

وياريت تخبرنا اذا كنت مجربه واشاراته جيدة

فاكون ممنون منك

اما بالنسبة لحجم السهم فتستطيع تغيره وكذلك تغيير لونه من الاعدادات الاساسية للمؤشر

كما هو موضح بالصورة المرفقة :

[dawns_mist]

مشكور أخي الكريم على هذا المؤشر

وياريت تخبرنا اذا كنت مجربه واشاراته جيدة

فاكون ممنون منك

اما بالنسبة لحجم السهم فتستطيع تغيره وكذلك تغيير لونه من الاعدادات الاساسية للمؤشر

كما هو موضح بالصورة المرفقة :

شكرا فارس على المتابعه و الاهتمام
أما بالنسبة للمؤشر فأنا عملتله فيجوال باك تيست و كانت إشاراته ثابته تماما لكني لسه مالحقتش اشتغل عليه
بالنسبة لحجم الأسهم فشكرا للرد .. لكني كنت عايز حد من المبرمجين يغيريلي فيه بحيث مش كل مرة أستبه على الشارت أضطر أغير إعداداته كده .. لكن مش مهم أنا اقرد أغير إعداداته بالطريقة دي على الميتا إديتور و أسيف الملف بتاعه بعد التغير بالمرة انزل إعدادات المتوسطات اللي أنا هستخدمها و الأي إس أي
و منتظر تجربة حضرتك ليه

أخـوك / محمــود حجــاب

[Love For Ever]

تستطيع عكمل تمبليت
وبهذا لن تغير الاعدادات كل مرة

[dawns_mist]

تستطيع عكمل تمبليت
وبهذا لن تغير الاعدادات كل مرة

تسلم على التواصل
و عموما أنا خلاص غيرته من الميتاإيديتور .. بس أنا كنت عايز أغير شكل السهم نفسه و أنا ماعنديش خلفية إزاي أعمل كده من الميتاإديتور
عموما المؤشر عمللته دلوقتي باكتيست أكتر من مرة .. و هو جيد جدا .. لكن برضه لازم نستخدمه لايف و نجرب . السوق قفل دلوقتي لكن الأسبوع الجاي يكون لينا وقفه معاه لإنه هيريحنا كتير لو كان شغال بطريقة جيده

[المهند]

السلام عليكم اخي الكريم انا مستجد في المنتدى ولا اعرف كيف اشارك في المنتدى اي السؤال او المشاركات الى غير ذالك فاذا تفضلت وعلمتني كيف جزالك لله الف خير

[dawns_mist]

السلام عليكم اخي الكريم انا مستجد في المنتدى ولا اعرف كيف اشارك في المنتدى اي السؤال او المشاركات الى غير ذالك فاذا تفضلت وعلمتني كيف جزالك لله الف خير

أولا مرحبا بك مهند .. نورت المنتدى.. و بإذن الله يكون المنتدى بيتك التاني
اعتبر المنتدى بالظبط زي مكان لتلاقي أصدقاءك .. و هتلاقيه متقسم كويس الناس اللي بتتكلم في المؤشرات و الإكسبيرتات زينا بيدخلوا قاعة خاصة للمناقشات دي .. و المناقشات العامة حول الفوركس و تحليلاته في قسم تاني و هكذا .. حضرتك بتتصفح المنتدى و تدخل الموضوع اللي يعجبك و تقراه كإنك بالظبط قاعد في جلسه مناقشه بين أصدقاءك على القهوه و ترد و تتكلم و تتابع و كل حاجة بالعربي و سهله جدا زي مانت دلوقتي كلمتني كده
و لو عندك استفسار حولين حاجة معينه عايز تعملها في المنتدى و مش لاقي الطريقة أو أي استفسار تاني حولين أي حاجة مش عارف تتعامل معاها هتلاقي هنا ناس في قمة الاحترام ترد عليك و تشرحلك كل حاجة بالصور ،
و بجد شرفت المنتدى و مرحب بيك مرة تانية مهند

أخــوك / محمـــود حجــاب

[dawns_mist]

المؤشر تقيل في الباكتيست لما بغير في الإعدادات .. لكن من الفيجوال باكتيست اللي عملته على الإعدادات الأصلية المؤشر إشاراته ثابته بمعنى إن الأسهم اللي بتظهر أبدا مابتختفيش لكن النقطة اللي لازم نتأكد منها هل ممكن السهم يظهر متأخر ؟؟
لو جربت تغير إعدادات المؤشر لمتوسطات طويله زي ( 50-200 ) مثلا و غيرنا فترةالأر إس أي لفترة أطول زي ( 50-100) هنلاقي إن السهم غالبا بيظهر بدري عن تقاطع المتوسطات ، ياترى السهم ممكن يظهر فعلا متأخر بعد ظهور التقاطع و يظهر على شمعة متأخره للدرجة دي ؟؟ و مانقدرش نتأكد من السهر غير بعد ظهور التقاطع فعلا ؟؟ ولا لأ ؟
أعتقد مش هنعرف نتأكد غير من تجربة المؤشر فعليا على السوق .. ننتظر افتتاح السوق .. و ياريت تجربوا معايا علشان لو فعلا نقدر نتاكد من الأسهم بتاعت المؤشر حتى قبل ظهور التقاطع هيكون حاجة عبقرية جدا .. و لو حتى مش كده أكيد اللي بيستخدموا إستراتيجيات فيها تقاطعات متوسطات مع الأر إس أي هيستفيدوا كتير من المؤشر .

[dawns_mist]

تم الدخول شراء مع افتتاح اليوم على اليورو دولار بإعدادات المؤشر بالترتيب :
50
100
21
و الحمد لله لسه قافل الصفقة دلوقتي على ربح أكتر من 40نقطةو تم تبديل العملية بيع الآن مع الإشارة المعاكسه .
الجميل في الموضوع إن الإشارة الأولى في أول اليوم ظهرت فعلا قبل التقاطع و فعلا كانت صادقه و ماتحركتش من مكانها و برضه الإشارة التانية حتى الآن كده .. لو فعلا المؤشر ده إشاراته ثابته و ماكنش مجرد إن حظي حلو هيكون فيه كلام تاني و أرباح ممتازه .. و جرب بس تعمل باك تيست على فريم الدقيقة للإعدادات المرفقه و اراهنك لو طلعتلي يوم واحد خسران .
ادعوا يكون المؤشر فعلا بالقوه دي .. بس كده أو كده هو مؤشر يستحق الاهتمام
متابعين و هوافيكم بالأخبار مع الصفقة المفتوحه دلوقتي دي بإذن الله .

[dawns_mist]

الحمد لله الصفقة كسبانه حتى الآن 15 نقطة و مازلت مفتوحه و بالفعل ظهر تقاطع المتوسطات .. لكن السهم اختفى عند تنشيط الشارت .. الآن المتوسطات متقاطعه و بالفعل الأر إس أي تخطى و قد دخلت على الإشارة الأولى للسهم لكن الآن و فجأة السهم اختفي و الصفقة صحيحه و رابحه .
أعتقد أن هذا المؤشر بحاجة إلى التطوير لكي تثبت إشاراته ، كما أنه ثقيل على الشارت بالفعل ، و يجب تعديل شكل الأسهم .
نداء للحبايب المبرمجين تطوير هذا المؤشر و تثبيبت إشارات الأسهم

[m10000]

بصراحة أجمد مؤشر جربته جزاك الله خيرا على المؤشر

جرب الاعدادات دى على 3 عملات على فريم النص ساعة و هتشوف صفقات بأهداف غريبة

أنا بغير فى نسبة الrsi فقط و انا شايف كده أحسن حاجة

الكيبل 30
المجنون و اليورو ين 35
دخلت من الاشارة و أخرج و أدخل عكس مع الاشارة العكسية

لو يتعمل اكسبرت على المؤشر ده(مجرد بيع مع اشارة البيع و الخروج من الصفقة و الدخول شراء مع ظهور اشارة الشراء)و الله و بدون مبالغة يحقق المليون فى سنة واحدة على ال3 عملات دول و بادارة رأس مال كمان

أتمنى من خبراء الاكسبرتات المساعدة و جزاهم الله خيرا
عمل الاكسبرت على الاعدادت السابقة بحيث يمكن التحكم فى اللوت المستخدم

[m10000]

طلب من خبراء الاكسبرتات و أرجو المساعدة

الاكسبرت يعمل على هذا المؤشر
على فريم نص ساعة

العملات
الكيبل(نسبة rsi30)
المجنون و اليورو ين(نسبة rsi 35 )

يضع استوب لكل صفقة 100 نقطة (احتياط مع انه السعر مبيردتش اكتر من 50 نقطة)

1- عند ظهور اشارة بيع يدخل صفقة بيع
2- عند ظهور اشارة الشراء يغلق صفقة االبيع و يفتح صفقة شراء و هكذا

يمكن التحكم فى حجم الللوت المستخدم

يعمل طول الاسبوع

أتمنى المساعدة و جزاكم الله خيرا

[dawns_mist]

طلب من خبراء الاكسبرتات و أرجو المساعدة

الاكسبرت يعمل على هذا المؤشر
على فريم نص ساعة

العملات
الكيبل(نسبة rsi30)
المجنون و اليورو ين(نسبة rsi 35 )

يضع استوب لكل صفقة 100 نقطة (احتياط مع انه السعر مبيردتش اكتر من 50 نقطة)

1- عند ظهور اشارة بيع يدخل صفقة بيع
2- عند ظهور اشارة الشراء يغلق صفقة االبيع و يفتح صفقة شراء و هكذا

يمكن التحكم فى حجم الللوت المستخدم

يعمل طول الاسبوع

أتمنى المساعدة و جزاكم الله خيرا

تسلم يا كبير .. والله أنا نفس الفكره في دماغي .. إكسبيرت يعمل على المؤشر فقط .. لإن المؤشر ده لوحده هو مجموعه استراتيجيات في بعض حسب شغل كل واحد و احنا بنشوف كتير استراتيجيات الكل يشهد لها بالنجاح بتقوم بس على المتوسطات و الأر إس أي زي استراتيجية صبح صبح اللي كانت عامله ضجه و يارب بوحه يرجع يتابعها تاني .
عايزين مبرمجين فعلا يا جماعة يطوروا المؤشر و يعملولنا إكسبيرت قايم عليه .

[3mr 3bdeen]

الاخوة الكرام :

السلام عليكم ورحمة الله وبركاته

لدي اكسربت يعمل على مؤشرين هما الاستوش استيك والأر اس اي لكم في المرفقات انا بصراحة لم اجربة الى الأ ن
فهلا سوف نجربه معا ....

[m10000]

تسلم يا كبير .. والله أنا نفس الفكره في دماغي .. إكسبيرت يعمل على المؤشر فقط .. لإن المؤشر ده لوحده هو مجموعه استراتيجيات في بعض حسب شغل كل واحد و احنا بنشوف كتير استراتيجيات الكل يشهد لها بالنجاح بتقوم بس على المتوسطات و الأر إس أي زي استراتيجية صبح صبح اللي كانت عامله ضجه و يارب بوحه يرجع يتابعها تاني .
عايزين مبرمجين فعلا يا جماعة يطوروا المؤشر و يعملولنا إكسبيرت قايم عليه .

و الله مؤشر قوى جدا أنا جربت مؤشرات مالهاش عدد لكن اشارات المؤشر ده و الحمد لله صادقة بنسبة كبيرة جدا حتى الصفقات الخسرانة بيجيب أضعاف الخسارة فى صفقة وحدة تحقق الهدف

فكرة اضافة نسبة الrsi لتقاطع الموفنج فكرة قوية جدا

أتمنى من الجميع متابعة اشارات المؤشر ده و ربنا يجعل فيه الخير لنا جميعا
و شكرا على المؤشر مرة تانية يا باشا