اريد مساعدة في تجميع جهاز PC (للمصريين)

[انسان طموح]

الى اصحاب الخبرة في الحواسب اريد تجميع قطع حاسب بمواصفات تستطيع تحمل العمل لفترات طويلة طبعا لزوم الشغل ونظام تبريد جيد, ارجو المساعدة مع ذكر الاسعار ان امكن

[كريم الاسكندرانى]

انا عندى جهاز LGA
الى بيقولوا عليه بانتيوم فايف

بروسيسور 3
رام جيجا
هارد 160
فيجا 256

والجهاز بيشتغل 24 ساعم مابيقولش حاجة
ودة كان الجهاز بالشاشة حوالى 1500 جنيه

لكن لو عايز افضل طبعا موجود

بروسيسور DUAL CORE 2
بوردة جيجا بايت

وانواع هذة البروسيسور لايقل عن 500 جنيه مصرى
الى سرعته 2.4

واختيار هذا البروسيسور لما تكون بتشتغل على تطبيقات كتير على الجهاز وطبعا الكاش بيكون فوق 2 ميجا

كل واحد حسب امكانياته

تحياتى

[انسان طموح]

لو على الامكانيات ميهمش بش شكرا ليك على المعلومات

[وليد الحلو]

للعمل فترات طويلة هات Quad Core
وللتبريد هات كيسه تبريد فريون (شفتها في أحد المولات)

على العموم احنا شغالين في الشركة على اجهزة Dual امكانياتها حلوة جداً وبستحمل الشغل



مايميزه انه 6 ميجا كاش ميموري

ودي وتقديري

[انسان طموح]

شكرا استاذ وليد وانت فعلا حلوووووووووو بس تعرف سعر القطعتين دول بكام؟
انا بتهيقلي كدة الي يصمد امام ساعات العمل والحرارة هي الماذر بورد ولا البروسيسور؟

[انسان طموح]

سؤال اخر نسيته ما الفرق بين CORE 2 DUO
DOUL CORE
ايهما الافضل؟

[brokensoul08]

Core 2 Duo
أفضل من Dual core

[محمد العزب]

البروده دي من الأخر بس تمنها يدخل في حوالي 1500 جنيه او ازيد بس دماااااااااااااار
تبريد فريون على فكره
http://www.gigabyte.com.tw/FileList/...d-overview.htm

[انسان طموح]

Core 2 Duo
أفضل من Dual core

شطرا لحضرتك على المعلومة

[انسان طموح]

البروده دي من الأخر بس تمنها يدخل في حوالي 1500 جنيه او ازيد بس دماااااااااااااار

تبريد فريون على فكره
http://www.gigabyte.com.tw/FileList/...d-overview.htm

الله يخليك شكرا على المعلومة بس تفتكر لما يخلص الغاز ازود ازاي؟ زي الثلاجة؟

[انسان طموح]

أستاذ محمد محتاج ردك

[محمد العزب]

والله انا دورت على النت مش عارف بيتملى ازاي
عامة النهارده نازل اجيب كارت شاشه
هسألك على موضوع الفريون ده
بس على فكره عامة الجهاز حسب الفلوس الى معاك
يعني انت عامل ميزانيه قد ايه للجهاز

[انسان طموح]

شكرا ليك هتعبك معايا شوية
يعني في حدود 5000

[محمد العزب]

شكرا ليك هتعبك معايا شوية
يعني في حدود 5000

5000
طيب ما تجيبهم سلف عندي ليك مشروع ولا كمبيوتر ولا بتاع الي جابو كمبيوتر عملوا ايه ياراجل

تمام ياباشا خلاص ان شاء الله النهارده وانا نازل هجيبلك مواصفات جهاز من الأخر ان شاء الله

[EL3reef]

شكرا ليك هتعبك معايا شوية
يعني في حدود 5000

علي فكرة 5000 كتير اوي

انا السنة الفاتت زي اليومين دول كده بعد نتيجة الثانوية العامة بالضبط

رحت اجمع جهاز علي اساس 4000 .... جمعت اعلي جهاز باعلي موصفات تقريبا ب 3200 وخنسرت ال 800 جنيه في جيبي
بس اتكشفت لما ولدي طلب مني الفتورة

بص اول حاجة الشاشة lcd - سمسونج - 19 بوصة (انا جبتها ب 1090 ... بس زمان سعرها نزل طبعا دلوقتي)

بلاش تجيب الشاشة ::بينك:: عشان انا جبتها لواحد قريبي والصورة بتعتها بتهتز
لكن سمسونج شغالة معايا بقلها سنة زي الفل

الرمات 2 جيجا ...رامتين مجموعهم 2 جيجا .... 1 جيجا+ 1 جيجا= 2 جيجا (بلاش تجبهم في رامة وحده) .... نوع الرمات كينج ستون (kingston) لسه نزلة السنة الفاتت بحجم صغير

البورده طبعا جيجا بيت (GB) .... جيب اخر موديل ...علي فكرة شركة جيجا بيت طورتها خالص وبقي فيها نظام توفير الطاقة وميزات تانية كتير و ممكن تركب فيها اربع رمات و اربع اماكن كبل ساتا

الهارد ديسك 250 (ساتا ) 260 او اكتر ... بلاش تجيب 120 لان الفرق في التمن بين 120 و 260 بسيط جدا ... ده كمان ممكن دلوقتي يكون لغو الهارد 120


البوسسر quad core

الكيسة جمبو (هاند)


ال دي في دي نوعه سامسونج و يكون بردو بكبل (ساتا) ....و في دي في دي نوعه ( ASUA ) , وده بيطبع علي ظهر الاسطوانة ..انا كل اسطوناتي عليها صورتي

في سمعات نوعها SBS شكلها شيك اوي و صوتها نقي خالص


نست اقولك تجيب البورده ::بيلت اوت::.. يعني من غير كرت شاشة .. جيب كرت شاشة خارجي




نصيحة مني متشتريش من اول محل تدخلو في المول .. ادخل اي محل الاول و اديلو الموصفات هيديل ورقة فيها الاسعار...خد الورقة دي ادخل محل تاني و ادهالو هيخفظالك في الاسعار وهكذا ... وبردو شوف الاسعار في مول تاني

لانهم بيرفعو الاسعار دلوقتي.. لان فترة الاجازة دي هي الموسم بتعهم . و احنا لسه في اول الاجازة ... يعني في بداية الموسم ... و بشتروا البضاعة بتاعة السنة كلها دلوقي ... لان الامتحنات خلصة و كل واحد ابنو ينجح يروح يجبلو جهاز هدية

حدد الموصفات قبل ما تروح تشتري في ورقة و متخليش حد يغيرلك في الموصفات ... لان في محلات عشان يخفضلك السعر .. يقوم يقولك انا عندي حاجة احسن و ارخص ويغيرلك في الموصفات

خلي بالك كمان في محلات بترخص في ثمن قطع و ترفع قصدها ثمن قطع تانية و يوهمك انو خفضلك في الثمن.

اسمع نصحتي انا الناس دي اتعملت معها كتير ... اصل عائلتي كلها بتجمع اجهزتها عندي

انا اعرف مولين ... مول السخاوي و مول سوق الكمبيوتر .. ودول مشهورين اوي .. هما في نفس الشارع تقريبا .. في روكسي --- شارع الخليفة المامون

طبعا هو بيجمعلك الجهاز في المحل ببلاش..

متنساش شهادة الضمان .. و اوعي ترمي كراتين القطع عشان الضمان .. كل قطعة ضمنها سنة معاد البورده ضمنها سنتين ...و في قطع ملهاش ضمان زي البور و الموس والكي بورد


انا اعرف واحد فاتح محل في مول في القاهرة ... هبقي اجبلك منو احسن الموصفات باخر الاسعار .. بس انا مستنيه يفتح الاميل



معلش طولت عليك بس انا حبيت اخدم