اريد مساعدة في تجميع جهاز PC (للمصريين)

[انسان طموح]

5000

طيب ما تجيبهم سلف عندي ليك مشروع ولا كمبيوتر ولا بتاع الي جابو كمبيوتر عملوا ايه ياراجل

تمام ياباشا خلاص ان شاء الله النهارده وانا نازل هجيبلك مواصفات جهاز من الأخر ان شاء الله

يا شييييييييييييييييخ ؟؟؟؟ هو فيه مشروعات الايام دي بالفكة دي؟؟؟ ايدي على ايدك انا لسة معرفش ان الفلوس لسة فيها البركة في الزمن دة هههههههههههه
بارك الله فيك وجعله في ميزان حسناتك

[محمد العزب]

بص ياباشا الجهاز ده ان شاء الله من الاخر بس يارب بس تلاقي الحاجات دي عندك عامة انت مش هتلاقيها الا عند الموزع وااهم حاجه خلي بالك من ارقام المواصفات دي
مازربورد :جيجابايت GA-EX58-EXTREME

http://ae.giga-byte.com/Products/Mot...ProductID=2983

الموزعين في مصر
http://ae.giga-byte.com/WhereToBuy/D...panyTerritory=

بروسيسور : انتل Intel Core i7-975 Extreme

كارت شاشة : Sapphire Radeon HD 4870 X2
وده الوكيل بتاعه
http://qdsegypt.com/graph9.htm

كارت الشاشة يا الكارت ده يا اما اي كارت نفس الماركه دي بس مش اقل من 512
على فكره كارت الشاشة ده أقوى كارت شاشة في العالم حاليا ضرب xfx
لو هتجيب gforce يكون ultra

رامات بقى مش اقل من 6 جيجا عشان الدغدغه الى في الجهاز
شاشة 22 سامسونج
اهم حاجه الكيسه تجيبها جيجابايت مع البورده من الوكيل بصراحه كيسه محترمه انا مجربها

الكيبورد والماوس مايكروسوفت بس الون الأبيض عشان كبيره ومريحه
الديفيدي براحتك بقى شوف نوع كويس بس asus كويس
اى اكسيسورز تانيه بقى انت وراحتك

[انسان طموح]

علي فكرة 5000 كتير اوي

انا السنة الفاتت زي اليومين دول كده بعد نتيجة الثانوية العامة بالضبط

رحت اجمع جهاز علي اساس 4000 .... جمعت اعلي جهاز باعلي موصفات تقريبا ب 3200 وخنسرت ال 800 جنيه في جيبي
بس اتكشفت لما ولدي طلب مني الفتورة

بص اول حاجة الشاشة lcd - سمسونج - 19 بوصة (انا جبتها ب 1090 ... بس زمان سعرها نزل طبعا دلوقتي)

بلاش تجيب الشاشة ::بينك:: عشان انا جبتها لواحد قريبي والصورة بتعتها بتهتز
لكن سمسونج شغالة معايا بقلها سنة زي الفل

الرمات 2 جيجا ...رامتين مجموعهم 2 جيجا .... 1 جيجا+ 1 جيجا= 2 جيجا (بلاش تجبهم في رامة وحده) .... نوع الرمات كينج ستون (kingston) لسه نزلة السنة الفاتت بحجم صغير

البورده طبعا جيجا بيت (GB) .... جيب اخر موديل ...علي فكرة شركة جيجا بيت طورتها خالص وبقي فيها نظام توفير الطاقة وميزات تانية كتير و ممكن تركب فيها اربع رمات و اربع اماكن كبل ساتا

الهارد ديسك 250 (ساتا ) 260 او اكتر ... بلاش تجيب 120 لان الفرق في التمن بين 120 و 260 بسيط جدا ... ده كمان ممكن دلوقتي يكون لغو الهارد 120


البوسسر quad core

الكيسة جمبو (هاند)


ال دي في دي نوعه سامسونج و يكون بردو بكبل (ساتا) ....و في دي في دي نوعه ( ASUA ) , وده بيطبع علي ظهر الاسطوانة ..انا كل اسطوناتي عليها صورتي

في سمعات نوعها SBS شكلها شيك اوي و صوتها نقي خالص


نست اقولك تجيب البورده ::بيلت اوت::.. يعني من غير كرت شاشة .. جيب كرت شاشة خارجي




نصيحة مني متشتريش من اول محل تدخلو في المول .. ادخل اي محل الاول و اديلو الموصفات هيديل ورقة فيها الاسعار...خد الورقة دي ادخل محل تاني و ادهالو هيخفظالك في الاسعار وهكذا ... وبردو شوف الاسعار في مول تاني

لانهم بيرفعو الاسعار دلوقتي.. لان فترة الاجازة دي هي الموسم بتعهم . و احنا لسه في اول الاجازة ... يعني في بداية الموسم ... و بشتروا البضاعة بتاعة السنة كلها دلوقي ... لان الامتحنات خلصة و كل واحد ابنو ينجح يروح يجبلو جهاز هدية

حدد الموصفات قبل ما تروح تشتري في ورقة و متخليش حد يغيرلك في الموصفات ... لان في محلات عشان يخفضلك السعر .. يقوم يقولك انا عندي حاجة احسن و ارخص ويغيرلك في الموصفات

خلي بالك كمان في محلات بترخص في ثمن قطع و ترفع قصدها ثمن قطع تانية و يوهمك انو خفضلك في الثمن.

اسمع نصحتي انا الناس دي اتعملت معها كتير ... اصل عائلتي كلها بتجمع اجهزتها عندي

انا اعرف مولين ... مول السخاوي و مول سوق الكمبيوتر .. ودول مشهورين اوي .. هما في نفس الشارع تقريبا .. في روكسي --- شارع الخليفة المامون

طبعا هو بيجمعلك الجهاز في المحل ببلاش..

متنساش شهادة الضمان .. و اوعي ترمي كراتين القطع عشان الضمان .. كل قطعة ضمنها سنة معاد البورده ضمنها سنتين ...و في قطع ملهاش ضمان زي البور و الموس والكي بورد


انا اعرف واحد فاتح محل في مول في القاهرة ... هبقي اجبلك منو احسن الموصفات باخر الاسعار .. بس انا مستنيه يفتح الاميل



معلش طولت عليك بس انا حبيت اخدم

الف الف شكر ولا طولت ولا حاجة والله انا بستمتع وانا بقرا كلامك
الحمد لله الكلام دة عارفه والي انا عملته لما اشتريت الجهاز الي انا عليه دلوقتي اشتريت كل قطعة لوحدها لان زي ما بتقول بيرخص في قطعة ويغلي في تانية
اما بالنسبة لانه غالي فطبعا الفوركس محتاج وقت طويل للمتابعة ومحتاج جهاز يستحمل الشغل وسبب ارتفاع السعر هو في قطعتين انا حاططهم في دماغي البورسيسور والبورد
البورد في حدود 1500 بس اييييييه ! روعة بتتحمل الحرارة وطبعا بوردة عالية زي دي عايزة بروسييور قوي في حدود 1250 هو دة الي عمل فرق
اخيرا بقى من رايك الاسعار بتعلى في الاجازة ولا بتنزل او بعد الاجازة بتنزل ولا تزيد؟

[انسان طموح]

كارت الشاشة انا بحب XFX
نوع قوي جدا منه 9500 GT
1 GIGA
بالنسبة للرامات كنت عامل حسابي على 5 جيجا
والكيسة بيقولوا الجاما احسن حاجة
على العموم بارك الله فيك وجعله في ميزان حسناتك

[محمد العزب]

كارت الشاشة انا بحب XFX
نوع قوي جدا منه 9500 GT
1 GIGA
بالنسبة للرامات كنت عامل حسابي على 5 جيجا
والكيسة بيقولوا الجاما احسن حاجة
على العموم بارك الله فيك وجعله في ميزان حسناتك

انا كنت امبارح نازل اجيب كارت شاشة وقعدت ادور على النت اقوى كارت ايه هو لقيت ال Sapphire
واما سألت واحد قالى فعلا الكارت ده قوي جدا واشتريته فعلا
بس عامة لو هتجيب xfx هات ultra متجيبش gt لأنه اقوى بكتير ال 9500 قوي برده

الرامات خليها 6 جيجا, 3 رامات جنب بعض
الكيسه الجيجابايت الباور بتاعها حقيقي انا جهازي amd ومحتاج باور قوي
جربت الجيجابايت ممتازه
وأي خدمه ياغالي

[انسان طموح]

شكرا جزيلا وبارك الله فيك وجعله في ميزان حسناتك كفيت ووفيت
بس لو مفيش حرج في السؤال اشتريت الكارت دة بكام وهو كام ميجا؟
انا محتاج 1 جيجا متعرفش بكام؟ متتعبش نفسك في التدوير انا بسالك بس لو كنت عرفت امبارح سعر القطعة دي لانك ممكن تكون سالت على كل رام
512- 1024