نعم العبد

**محمد العزب** · 20-06-2009, 03:32 PM

الدرس ده فيه معانى اللى هيركز فيها ... هتفرق معاه جدا فى فهم القرآن...وإزاى القرآن يبقى ليه دور حيوي فى حياتك ... لإن إحنا للأسف كتير مننا لغاية دلوقتى بيقرأوا القرآن ولسه موصلوش لدرجة إنهم يعيشوا مع القرآن ..

اللى عايز يصل إلى الله قصص القرآن هتبقى أعظم زاد ليه فى الطريق إلى الله ...لإن الانبياء أسبق الناس إلى الله ...قصص الأنبياء بتديلك الفرصة إنك تتلمذ على إيد الانبياء ... تتعلم من سيدنا موسى تعلق القلب بالله وحده...وتتعلم من سيدنا إبراهيم إن ربنا يبقى أغلى شئ عندك في حياتك ... وتتعلم من سيدنا داود إنك تسبح التسبيحة تخرج من قلبك تهز الكون معاها...وتتعلم من سيدنا يوسف الصبر والثبات..

لو عايز تتعرف على قصة الأول على البشرية فى العبادة...قصة الأول على البشرية فى القيام ... والأول على البشرية فى الصيام ... والأول على البشرية فى جلسة الضحى وتسبيح الأصال ... والقائد الرباني المنتظر اللى ربنا مكن لبنى إسرائيل على إيديه... نعم العبد ...