=== شكرا يا أجمل منتدى ===

[dawns_mist]

أنا لسه راجع البيت دلوقتي حالا .. كنت في معرض تريند .. صحيح المعرض مش عليه الإقبال اللي كنت متوقعه من الناس ، لكن عليه إقبال قوي من كل الشركات .
سيبك انت بقى من ده كله .. المتداول يا باشا كان منور المعرض . والله كان أكبر تجمع بتلاقيه من الناس بيكون حولين الجزء الخاص بالمتداول دايما .. و إيه بقى يا سيدي ؛ بيقولك عاملين مسابقة و سحب على حسابات حقيقة بتلات آلاف دولار ، و أكيد أنا سجلت فيها مع إني عارف إني عمري ماهكسب الجايزه بس كان مجرد شيء من المشاركة .
كان معايا واحد صاحبي كمان و مع إنه مالوش أي مشاركات في المتداول بس شكر جامد اوي في الناس الموجوده و حب الموقع منهم و قالي إنه أكيد هيكون متواجد و بيشارك بعد كده على طول في المنتدى .
والله بدون مجاملة .. أنا سعيد جدا إني أخيرا شوفت الناس الحلوه دي اللي فعلا تفتح النفس لشغل الفوركس .
مستر سمير صيام الأب الروحي للمنتدى ، مستر وليد الحلو بابتسامته الجميلة و شياكته المعتادة ، مستر محمد عزب اللباقة و حماسة الشباب ، مستر محمود على القلب الطيب و الوجه البشوش ، و طبعا الدكتور هاني ممدوح و شباب تانية جميلة كتير قابلتها من المتداول ، و كنت بلف ألف في المعرض و ارجع اقعد معاهم في الآخر لإن الواحد كان حاسس إن ده مكانه فعلا والله .
بجد شكرا لكل الناس الطيبة اللي قايمه على المنتدى الجميل ده ، و شكرا للمنتدى ده نفسه لإنه عرفني بيهم ، و ربنا يوفقهم بإذن الله و يوفقنا كلنا طالما كلنا إيد واحده و بالروح الحلوه دي .

محمـود حجـاب

[توفيق12]

للاسف ابعدتنا عنكم المسافات
نحن معكم بقلوبنا

[سمير صيام]

نورتنا محمود باشا وان شاء الله نشوفك مرة اخرى وان شاء الله تكسب فى السحب

[Alnagaf]

اصبر ليوم الجمعه
هترش الملح ما ينزلش

[Unknown]

وازاي ياراجل تنسي الراس الكبيرة ابوعاصم والاستاذ عياد شكلك كدة عاوز تتوقف ولا اية .. تقريبا كدة انك جيت متأخر او بمعني ادق بعد ما مشينا لاني الحقيقة مقابلتش حد باسمك في جناح المتداول ودة من سوء حظنا وان شاء الله تتعوض قريبا

تحياتي وبالتوفيق

[mahmoudh7]

أنا لسه راجع البيت دلوقتي حالا .. كنت في معرض تريند .. صحيح المعرض مش عليه الإقبال اللي كنت متوقعه من الناس ، لكن عليه إقبال قوي من كل الشركات .

سيبك انت بقى من ده كله .. المتداول يا باشا كان منور المعرض . والله كان أكبر تجمع بتلاقيه من الناس بيكون حولين الجزء الخاص بالمتداول دايما .. و إيه بقى يا سيدي ؛ بيقولك عاملين مسابقة و سحب على حسابات حقيقة بتلات آلاف دولار ، و أكيد أنا سجلت فيها مع إني عارف إني عمري ماهكسب الجايزه بس كان مجرد شيء من المشاركة .
كان معايا واحد صاحبي كمان و مع إنه مالوش أي مشاركات في المتداول بس شكر جامد اوي في الناس الموجوده و حب الموقع منهم و قالي إنه أكيد هيكون متواجد و بيشارك بعد كده على طول في المنتدى .
والله بدون مجاملة .. أنا سعيد جدا إني أخيرا شوفت الناس الحلوه دي اللي فعلا تفتح النفس لشغل الفوركس .
مستر سمير صيام الأب الروحي للمنتدى ، مستر وليد الحلو بابتسامته الجميلة و شياكته المعتادة ، مستر محمد عزب اللباقة و حماسة الشباب ، مستر محمود على القلب الطيب و الوجه البشوش ، و طبعا الدكتور هاني ممدوح الخبير و العقل المدبر و حبيب قلبي مع إنه كان مشغول أوي لإنه كان واخد "technical maneger" في شركة "GIG Brokers" و كان عمال رايح جاي بين الشركة دي و إفكسول والمتداول و مش ملاحق على العملاء ماشاء الله أنا مش بنوؤ عليه والله يا جماعه ربنا يديله يا عم .. و شباب تانية جميلة كتير قابلتها من المتداول ، و كنت بلف ألف في المعرض و ارجع اقعد معاهم في الآخر لإن الواحد كان حاسس إن ده مكانه فعلا والله .
بجد شكرا لكل الناس الطيبة اللي قايمه على المنتدى الجميل ده ، و شكرا للمنتدى ده نفسه لإنه عرفني بيهم ، و ربنا يوفقهم بإذن الله و يوفقنا كلنا طالما كلنا إيد واحده و بالروح الحلوه دي .

محمـود حجـاب

انا اسمي مكتوب ؟

[dawns_mist]

وازاي ياراجل تنسي الراس الكبيرة ابوعاصم والاستاذ عياد شكلك كدة عاوز تتوقف ولا اية .. تقريبا كدة انك جيت متأخر او بمعني ادق بعد ما مشينا لاني الحقيقة مقابلتش حد باسمك في جناح المتداول ودة من سوء حظنا وان شاء الله تتعوض قريبا

تحياتي وبالتوفيق

معلش بقى أصلي جاي من طنطا و كان ورايا مشاغل قبلها فوصلت بعد الساعة 4 العصر .. و عموما متعورة إن شاء الله و يوم الجمعة هتلاقيني أنا اللي بفتح باب المعرض يا باشا و برش مية و بفرش الأرض فل لكل حبايبي هنا في المتداول و حضرتك أولهم .

[dawns_mist]

نورتنا محمود باشا وان شاء الله نشوفك مرة اخرى وان شاء الله تكسب فى السحب

ربنا يزيد قلبك نور يا أستاذنا يا كبير .. مع إني مش مقتنع بحكاية إني أكسب في حاجة فيها سحب لإني نحس من يومي

[dawns_mist]

انا اسمي مكتوب ؟

إيه الإحراج ده .. إحم ..... نكتبهولك والله مخصوص يا كبير .. و أكتبهولك في موضوع لوحده كمان ، بص أقابلك يوم الجمعة بقى هناك بإذن الله و هترجع تلاقي إسمك منور المنتدى أكتر ماهو كمان يا حبيبي .

[dawns_mist]

للاسف ابعدتنا عنكم المسافات
نحن معكم بقلوبنا

يعيشك برقا
طبعا كل حبايبنا اللي من بره مصر مانقدرش ننساهم و في قلوبنا يا غالي ، و قريب نجيلك إحنا مخصوص كمان مع إننا نفسنا تنورلنا مصر حضرتك الأول .

[dawns_mist]

إيه أخبار المعرض النهارده يا شباب .. زمانكم وصلتوا البيت دلوقتي .. قولولي فيه جديد ولا إيه علشان ماعرفتش أنزل النهارده .

[ريتشارد]

منتدانا الغالي من صروح المؤسسات المالية ألى الأمام أنشالله
أرجو عندما يقام معرض بسوريا و بمشاركة المتداول العربي أن أكون من الفريق المنظم حتى لو كنت من اللذين يضعون و يزيلون الكراسي تكفي جمعة الشباب الحلوة
كم كنت أتمنى أن أكون هناك و لكن
على كل حال أنشالله يقام معرض قريب بمناسبة أفتتاح البورصة السورية ونراكم هناك و لكن أري وعد من الأدارة أن أكون من الفريق
بالتوفيق لكل العاملين بهذا الصرح

[حسن]

منتدى محترم و أهله محترمين
تحيتي وإجلالي لهم
بصراحة أفضل منتدى عرفته

[femtogold4]

والله مش عارف اقول اية فعلا لسان حالى بيقول يا ريتنى كنت معاهم فعلا مجموعة جميلة والله علم وخبرة واحترام فوق الوصف فعلا انا حاسس انى محظوظ انى اول ما سجلت فى المنتديات سجلت فى المتداول العربى وكمان عمنا سمير صيام عملى اقتباسين للنص مش هنساهم ودة شرف لية

وابارك لكل الاعضاء القدامى والجدد وان شاء الله من نجاح الى نجاح

[التائب اليك]

والله انا زعلان جدااااااااااااا انى محضرتش المعرض
كان نفسى بجد اتعرف على الاخوه هنا
وخصوصا استاذ سمير صيام

بس لانه جاء فى وقت امتحانات ال mid term عندى فى الكليه ولسه مخلص النهارده واللى فى هندسه وخصوصا هندسه اسكندريه عارف الدكاتره بيعملو فينا ايه
تتعوض ان شاء الله السنه اللى جايه