=== شكرا يا أجمل منتدى ===

[Ahmed Hamed]

والله انا زعلان جدااااااااااااا انى محضرتش المعرض

كان نفسى بجد اتعرف على الاخوه هنا
وخصوصا استاذ سمير صيام

بس لانه جاء فى وقت امتحانات ال mid term عندى فى الكليه ولسه مخلص النهارده واللى فى هندسه وخصوصا هندسه اسكندريه عارف الدكاتره بيعملو فينا ايه
تتعوض ان شاء الله السنه اللى جايه

مالهم ياعم الدكاترة بس انت شكلك مش ناوي تعدي على العموم هعديهالك المره دي بس المره الجايه هخلي الزملاء في اسكندريه يتوصو بيك.
تحيتي و بالتوفيق و ياريتني في مصر دلوقتي كنت حضرت بس البركه في الكبار

[Unknown]

والله انا زعلان جدااااااااااااا انى محضرتش المعرض

كان نفسى بجد اتعرف على الاخوه هنا
وخصوصا استاذ سمير صيام

بس لانه جاء فى وقت امتحانات ال mid term عندى فى الكليه ولسه مخلص النهارده واللى فى هندسه وخصوصا هندسه اسكندريه عارف الدكاتره بيعملو فينا ايه
تتعوض ان شاء الله السنه اللى جايه

طيب طالما الحمدلله خلصت النهاردة يبقي تقدر تحضر عادي معاك لسة بكرة الجمعة وبعدة السبت اخر يومين تقدر تحضر براحتك من غير ما تكون زعلان لانة المعرض لازال قائم علشان تتعرف علي الاخوة الحضور من اعضاء المتداول هناك والاخوة المشرفين المحترمين

تحياتي وبالتوفيق

[محمود علي]

أنا لسه راجع البيت دلوقتي حالا .. كنت في معرض تريند .. صحيح المعرض مش عليه الإقبال اللي كنت متوقعه من الناس ، لكن عليه إقبال قوي من كل الشركات .
سيبك انت بقى من ده كله .. المتداول يا باشا كان منور المعرض . والله كان أكبر تجمع بتلاقيه من الناس بيكون حولين الجزء الخاص بالمتداول دايما .. و إيه بقى يا سيدي ؛ بيقولك عاملين مسابقة و سحب على حسابات حقيقة بتلات آلاف دولار ، و أكيد أنا سجلت فيها مع إني عارف إني عمري ماهكسب الجايزه بس كان مجرد شيء من المشاركة .
كان معايا واحد صاحبي كمان و مع إنه مالوش أي مشاركات في المتداول بس شكر جامد اوي في الناس الموجوده و حب الموقع منهم و قالي إنه أكيد هيكون متواجد و بيشارك بعد كده على طول في المنتدى .
والله بدون مجاملة .. أنا سعيد جدا إني أخيرا شوفت الناس الحلوه دي اللي فعلا تفتح النفس لشغل الفوركس .
مستر سمير صيام الأب الروحي للمنتدى ، مستر وليد الحلو بابتسامته الجميلة و شياكته المعتادة ، مستر محمد عزب اللباقة و حماسة الشباب ، مستر محمود على القلب الطيب و الوجه البشوش ، و طبعا الدكتور هاني ممدوح و شباب تانية جميلة كتير قابلتها من المتداول ، و كنت بلف ألف في المعرض و ارجع اقعد معاهم في الآخر لإن الواحد كان حاسس إن ده مكانه فعلا والله .
بجد شكرا لكل الناس الطيبة اللي قايمه على المنتدى الجميل ده ، و شكرا للمنتدى ده نفسه لإنه عرفني بيهم ، و ربنا يوفقهم بإذن الله و يوفقنا كلنا طالما كلنا إيد واحده و بالروح الحلوه دي .

محمـود حجـاب

الف شكر على زوقك محمود باشا

ورغم انى رحت يوم واحد بس انما كان روعة بكل المقاييس
واروع ما فيه ان الواحد قابل الاخوة والحبايب السكر اللي زيك وزي احبة واساتذة كبار وكتار لدرجة اني اخاف اقول واحد وانسى التاني

لك ودي ومحبتي في الله

[التائب اليك]

مالهم ياعم الدكاترة بس انت شكلك مش ناوي تعدي على العموم هعديهالك المره دي بس المره الجايه هخلي الزملاء في اسكندريه يتوصو بيك.
تحيتي و بالتوفيق و ياريتني في مصر دلوقتي كنت حضرت بس البركه في الكبار

انت دكتور عندنا فى الكليه ولا لسه مسافر بتحضر الدكتوراه

الكليه يا باشا بدات تبقى مهجوره والدكاتره الكويسين بيمشوا وبيروحو يشرحوا فى جامعات تانيه زى رجب وفاروس والاكاديميه وقاعد فى ارابيزنا الدكاتره التعبانه

[التائب اليك]

طيب طالما الحمدلله خلصت النهاردة يبقي تقدر تحضر عادي معاك لسة بكرة الجمعة وبعدة السبت اخر يومين تقدر تحضر براحتك من غير ما تكون زعلان لانة المعرض لازال قائم علشان تتعرف علي الاخوة الحضور من اعضاء المتداول هناك والاخوة المشرفين المحترمين

تحياتي وبالتوفيق

الله يخليك يا جميل والتوفيق لك ايضا
بس عندى كليه يوم السبت يعنى يدوب يوم الجمعه اانتخ فيه فى البيت والسفر متعب

تحياتى يا باشا