استراتيجية حضانة الفوركس .. تحتاج لإكسبيرت ضرووووري

[AYMAN_DOMAIN]

الدور عليه النهارده ياباشمهندس محمود
فى الرفع طبعا

[dawns_mist]

الدور عليه النهارده ياباشمهندس محمود
فى الرفع طبعا

اتفضل يا باشا ده الموضوع كله بتاعك أصلا .. هو أنا حد مشجعني على إني أكمل في الموضوع ده غيرك يا كبير .. منتظرين فرصة جامده النهارده إن شاء الله ....

[dawns_mist]

مؤشر آخر قوي أيضا لنعمل به على نفس هذه الاستراتيجية و هو تعديل الباشمهندس وجدي .
SSL_Channel
جربوه ..
بنفس الفكره
نفتح صفقات مثلا على فريم الأربع ساعات على إشارته .. و نغلقها من إشارة معاكسه على فريم الساعة .
أو نفتح صفقات على فريم الساعة و نغلقها من إشارة معاكسة على فريم النصف ساعة .
يجب تجنب أوقات التذبذب .. بمعنى مافيش شغل في الفترة الأسيوية ولا ايام الجمعة ولا على العملات الغلسه ... خلينا على اليورو دولار - المجنون - اليورو ين - الباوند .. و أنا واثق في استراتيجيتي .

محمـود حجـاب

[hima_tiger]

انت فينك ياعم محمود ولاسلام ولاكلام استراتيجيه قويه وانا ابراهيم السيد انت فكرنى

[Abu_marwan]

ليه مافيش متابعة للموضوع .... بجد الموضوع شيق والمؤشر جميل وشغال بيه تمام ارجو من السادة القائمين على الموضوع الاهتمام بالموضوع

[dawns_mist]

انت فينك ياعم محمود ولاسلام ولاكلام استراتيجيه قويه وانا ابراهيم السيد انت فكرنى

إزيك يا هيما .. فاكرك طبعا يا باشا هو أنا أقدر أنساك ، بس نمرتك ضايعه مني والله ياريت تكلمني على الموبيل في أقرب وقت .. و تسلم على الرد و التواصل .. و عذرا على التأخر .. فترة امتحانات انت عارف و كمان الموضوع ماكانش واخد أهميه من القراء .

[dawns_mist]

ليه مافيش متابعة للموضوع .... بجد الموضوع شيق والمؤشر جميل وشغال بيه تمام ارجو من السادة القائمين على الموضوع الاهتمام بالموضوع

شكرا جزيلا على الاهتمام و المتابعة أخي ...
بالنسبة لعدم اهتمامي بالموضوع :
- أنا مش بدخل المنتدى كتير .. و الاستراتيجية دي كانت مجرد فكره بسيطة جدا قولتها لواحد صاحبي و لما اشتغل بيها لاقاها مربحه و أصر إننا لازم ندورلها على إكسبيرت لإنها سهله جدا جدا و منطقية و اي زوج بيعمل ترندات هتجيب منه أرباح ...... لكن للأسف الطريقة مالاقيتش قبول لدى أغلب الناس و المبرمجين ماهتموش بينا و حسيت إني بضيع وقت .

و عموما أنا موجود و مستعد أتابع و أنزل هنا الجديد بالنسبة للفكرة دي و نحاول نطورها سوى .. علشان نقنع الناس إن الفوركس المكسب فيه موجود قدام الناس لكن المشكلة في الالتزام و التعامل مع السوق بمنطق ، و أنا مازلت على رأيي إني لما ربنا يكرمني بإبن طبعا ده بعد ماتجوز الأول هخلي الفوركس بالنسبة ليه لعبة بيمارسها في اوقات فراغه ...

محمـــــود حجــــاب

[code 606]

اية ياعم الحاجات الحلوة دي
جزاك الله خيرا
ومنظرين ابداعاتك

[ahmed_hassan]

السلام عليكم ..

انا شوفت الموضوع وعجبنى جداا..ان شاء الله هجربة من بكرة

بس ياريت لو الاكسبرت ..تبقلى ملهاش حل..

[dawns_mist]

اية ياعم الحاجات الحلوة دي
جزاك الله خيرا
ومنظرين ابداعاتك

تسلم يا حبيبي .. و عموما دي مجرد بداية فكره بسيطة جدا يا جماعة بثبت بيها إن مجرد الالتزام على قواعد بسيطه جدا جدا بيوصل للربح إن شاء الله .

السلام عليكم ..

انا شوفت الموضوع وعجبنى جداا..ان شاء الله هجربة من بكرة

بس ياريت لو الاكسبرت ..تبقلى ملهاش حل..

بجد مشكور على التجاوب .. و انت كده حمستني إني أتواجد أكتر مدام هتجرب .. عموما لو هتجرب الفكره دي فعلا يبقى أنصحك تجربها بالمؤشر اللي في المرفقات ده و هو مؤشر مشهور جدا و حبيبنا ابو صالح ( ساق الجواء ) عمل عليه تعديلات لذيذه .. افتح بناء على إشاراته على أي فريم و اقفل على الفريم الأقل منه على أي عملة و مخمخ كده و ادينا النتايج علشان نقرر إيه أحسن فريمات نستخدمها و أحسن عملات .
بالنسبة للإكسبيرت أنا كنت بنادي بيه بقالي كتير و لحد دلوقتي ماتعملش بالطريقة اللي أنا عايزها .. مرفق كمان إكسبيرت للباشمهندس وجدي بيفتح صفقات بناء على إشارات المؤشر من فريم انت تحدده و يقفلها على فريم مختلف انت تحدده برضه لكن مشكلته إنه مش بيعمل إعداة دخول إذا أقفل صفقة على إشاره مخالفه من فريم صغير المفروض إنه يدخل تاني لو الفريم الكبير فضلت إشارته ثابته في نفس الاتجاه و الفريم الصغير رجع تاني لنفس الاتجاه .. لكن الإكسبيرت ده مش بيعمل كده أولا .. و كمان حاولت أجربه لايف و ديمو و مافتحش ولا صفقة .. و هقولك على معلومه إنه في الباك تيست عمره ماهيعرف يقفل على إشارة فريم مختلف عن الفريم اللي انت هتعمل عليه الباك تيست .. يعني الباكتيست ليه مش بيدي نفس النتايج الحية ، و بصراحه أنا لما لاقيت مافيش إقبال طنشت .. لكن لو جربت و لاقيت إن الموضوع يستحق هتلاقي اكيد الإكسبيرت بين إيديك و أخونا الكبير ساق الجواء مش هيتأخر .

عموما أنا موجود يا جماعة لكن معلش مش فاضي أجرب و أرفق شارتات مصورة .. لكن أنا تحت أمركم في اي طلب .. و أوعدكم بقى في نفس الموضوع ده بحاجة حلوه أوي أوي أوي ( انتظروا المفاجأة قريبا ... ) .

محمــــود حجـــاب

[code 606]

مشككككككككور
م محمود
على ابداعاتك

[ahmed_hassan]

تسلم يا حبيبي .. و عموما دي مجرد بداية فكره بسيطة جدا يا جماعة بثبت بيها إن مجرد الالتزام على قواعد بسيطه جدا جدا بيوصل للربح إن شاء الله .



بجد مشكور على التجاوب .. و انت كده حمستني إني أتواجد أكتر مدام هتجرب .. عموما لو هتجرب الفكره دي فعلا يبقى أنصحك تجربها بالمؤشر اللي في المرفقات ده و هو مؤشر مشهور جدا و حبيبنا ابو صالح ( ساق الجواء ) عمل عليه تعديلات لذيذه .. افتح بناء على إشاراته على أي فريم و اقفل على الفريم الأقل منه على أي عملة و مخمخ كده و ادينا النتايج علشان نقرر إيه أحسن فريمات نستخدمها و أحسن عملات .
بالنسبة للإكسبيرت أنا كنت بنادي بيه بقالي كتير و لحد دلوقتي ماتعملش بالطريقة اللي أنا عايزها .. مرفق كمان إكسبيرت للباشمهندس وجدي بيفتح صفقات بناء على إشارات المؤشر من فريم انت تحدده و يقفلها على فريم مختلف انت تحدده برضه لكن مشكلته إنه مش بيعمل إعداة دخول إذا أقفل صفقة على إشاره مخالفه من فريم صغير المفروض إنه يدخل تاني لو الفريم الكبير فضلت إشارته ثابته في نفس الاتجاه و الفريم الصغير رجع تاني لنفس الاتجاه .. لكن الإكسبيرت ده مش بيعمل كده أولا .. و كمان حاولت أجربه لايف و ديمو و مافتحش ولا صفقة .. و هقولك على معلومه إنه في الباك تيست عمره ماهيعرف يقفل على إشارة فريم مختلف عن الفريم اللي انت هتعمل عليه الباك تيست .. يعني الباكتيست ليه مش بيدي نفس النتايج الحية ، و بصراحه أنا لما لاقيت مافيش إقبال طنشت .. لكن لو جربت و لاقيت إن الموضوع يستحق هتلاقي اكيد الإكسبيرت بين إيديك و أخونا الكبير ساق الجواء مش هيتأخر .

عموما أنا موجود يا جماعة لكن معلش مش فاضي أجرب و أرفق شارتات مصورة .. لكن أنا تحت أمركم في اي طلب .. و أوعدكم بقى في نفس الموضوع ده بحاجة حلوه أوي أوي أوي ( انتظروا المفاجأة قريبا ... ) .

محمــــود حجـــاب

الف شكر على الرد الجميل دة..
انا بصراحة فرحان جدااا. لانك رجعتلى الامل ..انا كنت محبط وهبيع القضية
اول واحد اشوفة من الغربية انا كنت بحسب انا لوحدى
انا كل اللىمعايا حساب 100$ حولتة بعبقريتى طبعا (توصيات)ل 60$
ان شاء اللة اجرب المشر دة
انا جربت اللى فات بس معرفتش اتعامل..افتح الصفقة على ال 5 واروح على 1 د الصفقة تعكس علطول كبعا على خسارة..

اجربة علىفريم ال 30 مع ال 5 ؟؟؟؟

[dawns_mist]

الف شكر على الرد الجميل دة..
انا بصراحة فرحان جدااا. لانك رجعتلى الامل ..انا كنت محبط وهبيع القضية
اول واحد اشوفة من الغربية انا كنت بحسب انا لوحدى
انا كل اللىمعايا حساب 100$ حولتة بعبقريتى طبعا (توصيات)ل 60$
ان شاء اللة اجرب المشر دة
انا جربت اللى فات بس معرفتش اتعامل..افتح الصفقة على ال 5 واروح على 1 د الصفقة تعكس علطول كبعا على خسارة..

اجربة علىفريم ال 30 مع ال 5 ؟؟؟؟

أهلا بأهل الغربية و سلام مربع مخصوص لأهل المحلة الجدعان .
أنا معاك يا باشا وقت ماتحتاج أي حاجة عموما تحت أمرك طبعا .. بس نصيحتي يا أحمد ماتشتغلش لايف دلوقتي .. معلش الفوركس ده في رأيي من اصعب المجالات اللي في الدنيا كلها و محتاج خبرة و علم و شخصية بمواصفات قياسية .. و علشان توصل لده محتاج تدريب كتير جدا و علم كتير كمان .. و باين إنك لسه جديد في التعامل مع السوق .. نصيحتي إنك تستنى شوية و تتعلم كل حاجة و تتدرب لحد ماتلاقي طريقتك و تثبت عليها و تثبتك إن شاء الله على طريق الأرباح ( العلم أهم من الفلوس ، و لو وصلت في الفوركس للطريقة اللي انت متأكد إنها مربحه على المدى الطويل يبقى اعتبر نفسك فعليا بقيت مليونير ..بمعنى : الأهم هي طريقة الشغل + شخصية المتاجر .. لوعرفت تخليهم على مستوى جيد يبقى انت فعلا حلليت سؤال المليون )
أما بالنسبة للاستراتيجية دي .. فأنا بكرر إنها مش مجربه فترة كفاية .. و دي مجرد فكره مش استراتيجية قائمة بذاتها .. فكرة بثبت بيها إن الحلول قدام عنينا لكننا مش عارفين نكون متزنين نفسيا و ملتزمين كمتاجرين .
طبعا حكاية الدخول على فريم الخمس دقايق و الإغلاق على فريم الدقيقة دي كانت للتجربة مش أكتر علشان نعرف نحكم على الطريقة بسرعة .. لكن الأصح طبعا إنك تدخل مع فريم كبير شوية زي النص ساعة و تقفل مع انعكاس الربع ساعة .. بس الأهم تظبط نفسيتك و لوت الدخول مع الفريم .. بحيث تكون حاطط رينج للخسارة اللي ممكن تحصل و تكون راضي بيها .. و طبعا مانصحكش تختار عملة فرق السبريد عليها كبير .
و عموما أنا معاك عل طول الخط .. جرب و قولنا النتايج ... بس جرب ديمو و بلاش شغل لايف دلوقتي خالص .

أخــوك : محمـــود حجـــاب

[ahmed_hassan]

الف شكر اخى محمود على الرد الجميل واهتمامك..

انا فعلا محتاج خبرتك عشان انا مشتت من كتر الواضيع والاستراجيات والكتب ..

انا بعتلك على الخاص..

شكرااا

[ahmed_hassan]

معرفتش ابعت على الخاص لازم ..المشاركات 50

كنت عاوز اعرف انت اتعلمت لوحدك ةلا مع كورس؟

وفى كورسات فى طنطا؟؟؟ ومستواها اية ؟