من مذكرات مشرف زهقان من نفسه

**ابو رغدا** · 31-01-2009, 05:48 AM

من مذكرات مشرف زهقان من نفسه
براحة وانت داخل كمان

بصوا بقي يامعلمين
انتبهولي كده وصحصحوا الساعة دلوقتي 07.05 مساء
ولسه مانامت بسببوا
هتجننوني خليتوا شعري يقع من كتر اما شديت فيه
بصوا
من النهاردة ومن الساعة دي
مفيش زفت مواضيع محدش عاد يكتب مواضيع هنا
عايزين تكتبوا حاجة اكتبوها برة مش هنا
مش طالبااااكوا بقولكوا
دا اللي ناقص كمان
اما انا مسكت الاشراف هنا ليه
ولو حد ناوي يكتب مواضيع يكتب موضوعين بكتيره اوي
وليه موضوعين خليها موضوع واحد كفاية
وليه تكتبوا اصلا متكتبوش اعملو اللي قولتلكوا عليه واكتبوا برة مش هنا
مش ناقصين والنبي
كل شوية موضوع مخالف ومتكرر وبلاوي زرقة
هصرف عليكوا من جيبي كمان واصلحلكوا ولا ايه
ارحموني
قرفتوني في عيشتي حرام عليكوا
كان يوم مليان رعد وبرق وزعابيب يوم ما مسكت الاشراف
سيبوني في حالي
انت ياللي بتزغر بعنيك انت ايوة بتبص عالموضوع بقرف كده ليه
مش عاجبك
طب اعمل حسابك بقي ان مواضيعك كلها مخالفة
هاه ومنتش معتبها تاني
يانا يانت في المنتدي
مش عارفين نربيكوا ولا ايه
تعبتوني الله يتعبكوا
وليكن في معلمكوا اللي هيعترض
هغوزه
مش هسيبه غير وهو متعور
واللي مش عاجبه ميتكلمش اساسا
يتكلم ليه
وكمان مفيش ردود علي اي مواضيع
اللي عايز يرد يدفع نص جنيه في الخزنة برة وبعدين يرد
هو ده النظام
وقايمة الاسعار هتنزل قريب
وشوفوا اما اقولكم
توقيعات ملهاش لازمة مش عايزين
يعني تخش هنا بأدبك
ومتتكلمش
ولو نكتة عجبتك متضحكش تضحك ليه اساسا مش عايزة اسمع صوتك
داخلين القسم نهزر بقي ولا ايه
وبعدين وانت بتقري الموضوع ده تربع ايدك وتنزل ايدك من عالماوس اساسا
وتبص عدل
بلاش التتنيحة دي
ولا رفعة الحاجب
لحسن انا عرفاكوا مبتجوش غير بالعين الحمرا
انا حذرت اهو
اللي مش هيلتزم باللي قولته هطلعهولكوا قتيل

**hatim111** · 31-01-2009, 05:13 PM

فكرتني بمنتدي عربي شهير لديه نظام قريب من هذا
ممنوع وضع ردود للشكر او للدعاء
عدد المشاركات المسموح به لكل عضو 7 كل اسبوع بداية من يوم الاثنين
عدد المواضيع الجديدةالمسموح به لكل عضو 1 شهريا
لا يسمح للاعضاء الجدد بالمشاركة قبل مضي شهر علي قبول اشتراكهم
ملحوظة : ارسلوا لي ايميل الاسبوع الماضي للتحذير لاني نسيت وشكرت احد الاعضاء وهددوني بحزف العضوية في حالة تكرار المشاركة غير المفيدة

**يورو2006** · 31-01-2009, 05:55 PM

المشاركة الأصلية كتبت بواسطة hatim111

فكرتني بمنتدي عربي شهير لديه نظام قريب من هذا
ممنوع وضع ردود للشكر او للدعاء
عدد المشاركات المسموح به لكل عضو 7 كل اسبوع بداية من يوم الاثنين
عدد المواضيع الجديدةالمسموح به لكل عضو 1 شهريا
لا يسمح للاعضاء الجدد بالمشاركة قبل مضي شهر علي قبول اشتراكهم
ملحوظة : ارسلوا لي ايميل الاسبوع الماضي للتحذير لاني نسيت وشكرت احد الاعضاء وهددوني بحزف العضوية في حالة تكرار المشاركة غير المفيدة

صادوه

**EZZAT2004** · 10-03-2009, 09:29 PM

انت متأكد يا ابو رغدة ان المشرف ده مش من عندنا هنا

زي ما تكون بتقرأ افكاري يا راجل يا طيب

وأعمل حسابك بدأو يخططو لعمل كدة هنا في المنتدى

الموضوع: من مذكرات مشرف زهقان من نفسه

أدوات الموضوع

من مذكرات مشرف زهقان من نفسه

رد: من مذكرات مشرف زهقان من نفسه

رد: من مذكرات مشرف زهقان من نفسه

رد: من مذكرات مشرف زهقان من نفسه

المواضيع المتشابهه

زهقان . طفشان. زعلان . ربحان . خسران . تبغا تفش خلقك تعال هنا

>>>(من مذكرات العالم الاثري زاهي حواس 2)هرم خوفو... صناعة مصرية<<<

>>>لعنة إنتي شيدو(من مذكرات العالم الاثري زاهي حواس)<<<

مذكرات لم تكتمل .. من الأدب العالمى

اليورو ... بياخد نفسه و طالع؟ ... أم اتقطع نفسه و نازل ؟

الاوسمة لهذا الموضوع

عروض شركات الفوركس